زوجي والكذب

[وحيدة بصمتي]

بنات ماني عارفة كيف اتصرف مع كذب زوجي علي دائما يقولي كلام ويطلع كذاب

اخر مره كان بيسافر وقال انه بيسافر لمصر وهذا الكلام قبل الاحداث وسافر للمغرب
وكشفته بجواز السفر تهاوشنا وتزاعلنا ورجعنا لبعض
وسافرايضا قبل تقريبا 5شهور للمغرب ايضا بس ماكذب علي لكن معه عطور مخلطه من الماجد بس قسم بالله اني شاكه بالامر بس يقولي ان رحلته بتروح الى جده وبيعطيها اخوه لانه موصيه
بالله جده مافيها الماجد للعطور!!!
وبعد شفت جايب ساعتين نسائيه مخبيها بدولاب ملابسه يوم شفتها قام جسمي يرتجف ويتصبب عرق من القهر وعارفه لو سالته بيقول واحد موصيني
وطبعي اي شي يجيبه او احس انه مخبي شي افتشه واشوف وش جايب

ودايم اذا سافر يوديني لاهلي وهو اللي يضبط شنطته !!

بالله مو شي يقهر كيف اتصرف معه ومع هالسفر اللي طايح فيه خاااااصة المغرب ( ومايروح الا لها وقول عندي دوره)

طيب معليش كثرت عليكم بس تحملوني ربي يسعدكم اللي زوجها يسافر للمغرب ياخذ معه هدايا !!!
خاصه ان الشقق اللي ياخذونها هناك يطلبون فيها خدامه عشان تخدمهم من طبخ وغسيل هذا الكلام يقوله لي تتوقعون الهدايا هذي لهم

يارب الطف وانت اعلم بحالي​

 

[الزلفى]

الله يصبرك اختي
بصرااحة انا ما اعرف انصح

هذا زوجك الظاهر يلعب بالنااار
واللي يتأذى هو انتي بس

​

 

[Al.M]

الله يعينك ..

 

[نجـــــاح]

ادعي ربكك يهديه


الدعااااء سلااااح المؤمن ..


لأنك في الوقت الراهن لايمكنك فعل شي ؟؟


فهو مشدود لهذا الاتجااااه بقوة ..


فقط ادعي له بالهداية لأجله هو لا لأجلك فقط ..!!


وفي شغلة ثانية مهمة جداااا ...




قراءة سورة البقرة بنية :

الثواب من الله + طرد الشياطين + ارجاع زوجك لك وللبيت




وبإذن الله رااااااح يتغيّـــر وضعكـ كثيــــــــــــــرررر ......




الله يوفقك ويربط ع قلبك ويلهمك رشدك ياااكريــــــــم .



​

 

[طفولة بريئه]

رددي هذا الدعاء دائما
ربي استودعتك زوجي فاحفظه من كل سوء
انشاء الله يبطل السفر
السفر ماوراه الا البلاوي

 

[ايمومي]

قولي بروح معاك
ولاتتركيه على كيفه كذا

 

[ام دهوم]

الله يكون بعونك اختي

 

[حور الأثرية]

الله يهديه

 

[ورقه منسيه]

شوفي اختي وحيده واضح من وضع زوجك
ان وراه سالفه بس عندك امرين ياتصارحينه
وبكذا يمكن يعترف لك ويبدا مايهمه يقولها لك صراحه ..
ياانك انتي تسكتين وتبدين تغيرين بنفسك وتهتمين في نفسك
اكثر وتسفهينه وا1ذا سافر مره ثانيه حاولي
انك تسافرين مع اهلك وتبسطين عمرك
ومع الدعاء والصدقه ان شاء الله ربي يصلح
امرك ...

 

[ابتسامة بريئه]

واضحه إقرأي عن المغرب وأنتي تفهمي وخصوصي ملفات الدع...
ذكريه في الأخره وانه الواحد يبعث على ماهو علي

 

[خلآص...!]

كل وصفك واضح ان وراه سالفه او سوالف ..
انتي اذا رحتي بيت اهلك ورجع من سفرتة وبغى ياخذك قوليله تفاهم مع اهلي وبعدين يصير خير
اما اذا كل شهر واثنين بيسافر وانتي تاكلين بنفسك ويمكن يجيبلك امراض من الزنا والعياذ بالله
يعني بتنطريه يجيبلك امراض > خاصه هالزمن الواحد كافي خيره شره والامراض تجيه وشلون اللي يلعب !!
الله يوفقك ويعينك بس لازم توقفين بوجهه وتقولين له يانسافر جميع او تترك السفر
وبعدين لما شفتي الساعات ليش ماوقفتي بوجهه وقلتيله لمن هالساعات ؟
واذا كذب عليك لاتسكتين اطلعي من باب وادخلي من ثانيه خليه يحوووس مايعرف يجاوبك ولاعاد يعيدها
ماشكيتي انتي ليش مايبيك تضبطي شنطته ؟ !!! وش يحط فيها !!
بصراحه اسمحيلي انتي سلبيه كثير معه تحاولين تبتعدين عن المشاكل وماتحاولين تحليها
اوقفي بوجهه وصارحيه خليه يعرف انه يجي منك اكثر واكثر خليه يعمل لك حساب ..
بصراحه قهررررر الله المعين .

 

[وحيدة بصمتي]

الشكر لجميع من افادني ونصحني ودعا لي بالصبر والثبات وربي يوفقكم

بالنسبه للاخت الي تقول اهتمي بنفسك قسم بالله ماخليت شي وماسويته بالنسبه من ناحيتي او من ناحيته
واللي تقول سافري معه هذا الشي مستحيل لانه راااافض بتاتا لييه ما ادري!!!!!!!

واختي كلمه من ناحيه ان انا سلبيه ابدا ماني سلبيه اواجهه بكل كبيره وصغيره لكن عارفه وش راح يرد علي بيقول موصي عليهن مثل العطورات

كيف اتعامل معه واصدقه هل الزعل والذهاب لبيت اهلي ينفع ؟؟

ولكم مني خالص الدعاء​

 

[حلا الشمري]

حبيتي انا زوجي مثلك كل سنه يسافر الاردن وبلعنيه اجازته في عز الدوام الرسمي فرصه وانا ضايعه فيها وكل دائما اتمشكل معاه وتوصل للطلاق لكن مابليد حيله


وانا اقول مافي حل الا نلجا لله عزوجل ان يهديهم وان الله يطمس على قلوبهم وسمعهم وبصرهم ان لايرو نساء في الدنيا غيرنا ونكثر من الاستغفار والصدقه وقيام الليل والدعاء
وانشاء الله مايردنا خائبين

 

[زحل..]

الله يهديه يارب عليك بالدعاء
لاتسكتين اختي بكرة بيجيب لك مرض لاقدر الله من هالي مايخافون ربهم
اذا ماوقف عند حدة دخلي اهلك بالموضوع او قولي له سو فحص طبي بعد كل مرة ترجع فيها من السفر انا اخاف على نفسي وذكريه بالله دايم

 

[رندا كووول]

استودعيه الله الذي لاتضيع ودائعه
وعليك بالاسغفار والدعاء له بالهدايه

 

[shaymma]

سؤال جرئيامتزوجه

يامتزوجه تفضلي زوجك يتزوج عليك سعوديه او اجنبية يعنى من الجنسيات الاخر
واذا زوجك بلمفتوح بيخطب وجال لك اختاري السعودية او الاجنبية انا اختارة الاجنبية
وانتى ايش تختارين قصدى اجنبية من الجنسيات العربية اوروسية answer please:27::14:

 

[ملكة زوجي وبنتي]

الله يصبرك اختي ويهدي زوجك

الله يعينك
​