زوجي والصلاة.....

[ko0od]

السلام عليكم...


حبيت اكتب شي مو مريحني ابددددد بالبيت ...حبيباتي تكفوووووون ابي نصايح ابي اسلوب حلــو ويجيب نتيجه ...
ايش اسوي مع زوجي هوه طيب بس مايهتم بالصلاة والله هذا الموضوع مررررة متعبني والله اني ادعيلة كثير بس برضة مو عارفة ايش اسوي قولولي طريقة انصح فيها زوجي كيف احببة واخلية يهتم بالصلاة الله يسعدكم ويحققلكم اللي تبغوة بس افيدوني بطرق حلوة واسلوب اقدر اتكلم معاه وجزاكم الله خيرا


(ماكان كذا الا من سنه او اقل انتقلنا لمدينه وسكنا بشقه بعيده عن المسجد وماكان يروح المسجد...
يصلي بالبيت ...
بعذر انه مايسمع الاذان والحين يسمع او مايسمع كله واحـد مايصلي الا بالبيت واحيانا ياخرها ...)
وانا ماابي اربي ولدي حبيبي على كذا تكفووون افيدووني...
انتظر ردوودكم ياااخوات....
اعذروني والله مستعجله وانا اكتب احس اسلوبي مخربط...


الله يوفق كل من ترد ولو بدعوه...

 

[عنقود عنب]

عزيزتي لا تكبري الموضوع

اهم شي انه يصلي

و هو رجل و ليس بطفل ....يعرف الصح من الخطأ

اعي له بالهداية

 

[ko0od]

لكن ياحبيبتي مو مكبره السالفه بس مابي يصلي بالبيت ابيه احس باهتمامه بالصلاة
اتمنى لو كان بايده شغله واقام للصلاة يهدها ويركض يصلي
انا ابي اشوفه يهتم بالصلاة ابي اربي ولدي على حب الصلاة ...

 

[fofo***]

الله بعينك اختي والله اني حاسة فيك لاني نفس مشكلتك وخصوصا صلاة الفجر ما عمره راح المسجد ما لنا الا الدعاء الله يهديهم ويهدينا
المشكلة اذا شفته تهاون في صلاة احس اني متضايقة اليوم كله غصب عني ومالي نفس اكلمه
بس انتي اختي حاولي تخلين احد يكلمة من اهل الصلاح اللى يعرفهم بطريقة غير مباشرة

(اللهم يارب الارباب ويا مسبب الاسباب ويا خالق الناس من تراب اهدنا ومن نحب وجميع المسلمين الى الطريق المستقيم وهب لنا من انفسنا رشدا واحسن خاتمتنا جميعا انك على كل شئ قدير)

 

[الجواااان]

الله يهديهم ياااارب

 

[نبراس الشرق]

احمدي ربك واشكريه انه يصلي ان شاء الله فتره ويرجع مثل الاول واكثر انا زوجي عمره 58 سنه وتمر الايام وما يصلي ابد مالنا الا الدعاء والله خير مجيب

 

[بينكـْ دريمـْ]

نفس المشكـله =(

لكن ! الله يصلحهمـ .. انا الاحظ شي اذا ماقلت له روح صل .. قام من نفسه وصلى .. جربي تسوين كذا واذا اذن روحي انتي وتوضي .. وصلي .. لاتجلسين معاه عشان مايتكاسل عن الصلاة .. والله يعيييييييييين .. يارب .

 

[ورررردة]

الله يهديه

 

[ko0od]

مشكوووريــــــن حبايبي عالردود والدعوااات..
بعد ابي حلــــــــــول للي عنده فديتكم...

 

[Morning Glory]

انتي تحافظين على صلاتك بوقتها ؟ ولا عمرك نسيتيها أو أخرتيها ؟

عزيزتي ..

هذا حال كثير من الشباب , وهالأمر غير مقلق اذا كان محافظ على الصلاه وماهجرها

بالعكس احمدي الله تعالى وادعي له بإخلاص في ظهر الغيب

لاتدعين له عشان أبناءك بكره ماتأثرون منه ..؟

ياما أبناء أئمة مساجد وشيوخ ولا يصلون .. مو شرط يعني

والعكس صحيح

الهدايه من رب العالمين يا اختي

ادعي له بأخلاص لأجله هو ولأنك تحبين له الخير هو

بغض النظر عن أبناءك أو لرغبتك انتي فقط لأن يصلي

اتمنى تكونين فهمتي مقصدي

والتذكير بطيب ولين ينفع المؤمنين


اسأل الله لك الخير والسعاده في الدارين ..​

 

[ko0od]

طيب..
مو مشكله اعتبروها مشكله بسيطه ابي اسلوب اخليه يصلي بالمسجد...


بصرراحه كنت متوقعه اني القى احلى الحلوول...مع انكم ماقصرتو يكفي دعواتكم..

مشكووووورين((ابي حل))

 

[شذى الإيمان]

الله يعطيج على كد نياتج ويهديلج زوجج وأزواج جميع المسلمات ياااااااااااااااااارب

 

[شذى الإيمان]

خلي سلاحج يكون الدعاء والاستغفار
يارييييييييييييييييييييييييييت أكدر أفيدج أكثر

 

[امواج هادية]

حلومنك اهتمامك بصلاتة فى المسجد, ولاتتنازلين عن صلاة المسجد....
ذكرية باهميته وفضلة وقديش اجرا لاصلاه فى المسجد , والله الموفق

 

[كبوره]

هلا بك أختي فاهمة عليك ..
اسمعي وقت ماهو مروووووق ..
افتحي معه هالموضوع !
قولي له في شي مرررره مضايقني ..
ولأني أحبك بخبرك ..
.
.
هو بيتحمس ان شاء الله !
بيسألك قولي وش فيك..؟
قولي حبيبي,,
صلاة الجماعة أفضل من صلاة الفرد بسبع وعشرين درجة، !
وأنا ابي تكون درجاتك عاااااالية ..
وصدقني اي احد مانصحك على هالشي والله مايحبك..

أنا احبك واحب لك الخير ,,
وصلاة الجماعة ياحبيبي مو سنة وإلافرض كفاية ..واااااااااجبة !

يعني راح تُسأل عنها بعدين... وش راح يكون عذرك؟؟؟
المسجد بعيد !!!!
والله مو عذر تقوله لربي...

دقاااايق ماراح تاخذ من وقتك كثيييير يعني كل صلاه ربع ساعه يعني الخمس صلوات بالخمس كلها ماراح تاخذ ساعة وشوي من اصلا 24 ساعه ..

شايفها كثيييييره !!!!

وذكريه بالحديث (( أثقل الصلاة على المنافقين صلاة العشاء وصلاة الفجر، ولو يعلمون ما فيهما؛ لأتوهما ولو حبواً، ولقد هممت أن آمر بالصلاة فتقام، ثم آمر رجلاً فيصلي بالناس، ثم أنطلق معي برجال معهم حزم من حطب، إلى قوم لايشهدون الصلاة، فأحرق عليهم بيوتهم بالنار )) .

قولي حبيبي بالحديث وصفهم الرسول اللي يتخلفون عن الجماعة بالمنافقين..
يرضيك تكون فيك صفة من صفات المنافقين !!!
لا انت ترضى ولا أنا برضى ..علشان كذا كلمتك بالموضوع ...
وان شاء الله انك قدها.. ولا راح تترك الصلاة جماعه بالمسجد !

.
,
موفقة حبوبة ..

دعواتك لي

 

[ko0od]

مشكوراااااااات حبايبي...
مشكووره كبوراه...

 

[عطشان ذوق]

الله يكون فعونك حبيبتي بصراحه السالفهمو صغيره اساسا عشان تتكبر
تاخير الصلاة وترك صلاة الجماعه من كثر ماانتشر بشباب هالوقت صاروا الناس يشوفونه شي عادي
انا كنت مثلك بس جلست سنتين من بداية زواجي وانا احط المنبه قبل صلاة الفجر بربع ساعه واجلس اصحي رجلي وكل الصلوات نفس الشي واذا ماراح يتغير شعوري وغصب علي يضيق صدري ومرات ازعل
اللهم لك الحمد ربي ماخيب تعبي والحين رجلي امام المسجد00
بس اختي دايم تذكري حديث الرسول صلى الله عليه وسلم (فيما معناه )((من ارضى الله واسخط الناس رضى الله عنه وارضى الناس ؛ومن ارضى الناس واسخط الله سخط الله عليه واسخط الناس))وبما انك تاخذين بخاطرك على رجلك عشان شي لله بيرضيه الله لك(000000000

 

[small princess]

اذا بجد هالشي يتعبك ادعي له ..

ارسلي ولدك لابوة وخليه يقوله يالله يابابا ودي نروح نصلي بالمسجد اليوم

ومن هالحركات البسيطه وانتي وشطارتك

بس لاتزنين عليه بقوة عشان مايكرة الصلاة بالمرة ..

اقري سورة البقرة كل يوم كامله او شغليها بالبيت

خلي الجو الايماني يعم بالبيت بحيث ان اللي بالبيت يتأثرون من نفسهم بهالأجواء

وكل واحد راح يقوم بواجباته الدينيه بنفس مفتوحه

​

 

[كاتياباسل]

يــــا الله من جد قلبي يعورني لما أشوف زوج مايصلي
بس الحمد لله أنو زوجك مايعتبر تارك للصلاة
وهذا موتقليل من شان الصلاة بس أهون من غيره
وأنتي ظلك وراه بالنصيحه الحلوة والصبرعليه وتذكيره بفضل الجماعه وفضل الصلاة بوقتها
وأنو تأخيرها له عقاب بالبرزخ قبل قيام الساعه هذا غيييير العقاب بالأخره
حبيبتي لا يدخلك اليأس شوفي نبينا عليه الصلاة والسلام كم جلس يدعوا قومه بكللل صبر وحلم
وهم مو مهملين للصلاة وبس كانوا كفاااااار
*****************************************
وأنا عنــــــــــــــــــدي طريقه لما يصير زوجي نايم ومايصحي للصلاة
أذاصحى من النوم
مابتكلم معاه نهائي وأزعل من جد
وبيندم ويحس بذنبه وأهماله ومايصير يكررها
يعني صعبه ينام ويهمل بالصلاة ولما يشبع نوم يلقاني أضحك وأهلي وأرحب لاااااا لازم يحس بالغلط ولايتمادى وتصير عاده
*****************************************
أختي أكثري من الدعاء لزوجك ربي يصلح حاله ويهديه

 

[hug me]

أولا ,,,حبيت اعلق على كلام بعض الاخوات سبحان الله منذ متى أصبحت ترك الصلاة في المسجد مشكله صغيره؟؟؟؟؟؟؟؟؟؟؟؟
وثانيا ,,, أختي اشجع فيك هذه الهمه واسأل الله أن يرضى عنك
قال تعالى((وكان يأمر أهله بالصلوة والزكوة وكان عند ربه مرضيا))55/مريم

أول شي أكثري من دعوة الخليل ابراهيم عليه السلام
((رب اجعلني مقيم الصلوة ومن ذريتي ربنا وتقبل دعاء )) ف هناك قصص كثيره هدى الله أزواجهم وأولادهم بهذه الدعوة

ذكريه ب قصة الاعمى وهو رجل أعمى يقول: "جئت إلى رسول الله –صلى الله عليه وسلم- فقلت: يا رسول الله: كنت ضريراً شاسع الدار، ولي قائد لا يلائمني، فهل تجد لي رخصة أن أصلي في بيتي؟ قال: أتسمع النداء؟ قلت: نعم، قال: ما أجد لك رخصة" رواه أحمد (15490)، والنسائي (851)، وغيرهما، فهذا أعمى بعيد الدار عن المسجد، ليس له قائد يناسبه، ومع ذلك لم يفرق النبي –صلى الله عليه وسلم- بينه وبين البصير!!!!!!

واذكر هذه الفتوى ل ابن عثيمين رحمه الله
يقول السؤال: ما حكم من فاتته صلاة الفجر جماعه مع المسلمين بسبب ايقاظ أبنائه ؟ وبماذا تنصحه؟
الجواب: أنصحه بأن يوقظ أبناءه قبل الاذان حتى يتمكن من صلاة الجماعه ولا يحل له أن يدع صلاة الجماعه من أجل ايقاظ أبنائه وعلاج ذلك أن يتقدم بإيقاظهم في وقت يتمكن من إيقاظهم وإدراك الجماعه .

وأيضا ذكريه بحديث الرسول صلى الله عليه وسلم(( لقد هممت أن آمر بالصلاة فتقام ثم آمر رجلا فيصلي بالناس ثم أنطلق معي برجال معهم حزم من حطب إلى قوم لا يشهدون الصلاة فأحرق عليهم بيوتهم بالنار))
طرشيله بشكل مسجاات وكتبيله شوف يا حياتي خطورة التهاون في صلاة الجماعة
وبعد ممكن اطرشيله يوميا مسجات اتشجعينه فيها مثل ,,,
*دخل وقت الصلاة ياحبي
*حافظ على نور قلبك ووجهك بالصلاة ياقلبي
*لا تنسى الصلاة في جماعة عسى الله يجمعني بك في الجنة
*من أقوى أسباب حبي لك أنك تحافظ على صلاة الجماعة

وآخيرا أحب أذكرك بقوله تعالى ((ياأيها الذين ءامنوا اصبروا وصابروا ورابطوا واتقوا الله لعلكم تفلحون))
فاصبري على مايلاقيك ويمسك من الشدائد والمكاره في تعويد زوجك على الصلاة في جماعة وأتمنى ان لايصيبك خور او ملل وتعلمي صعود السلم درجة ..درجة يوصلك الى الاعلى فتعلم الصعود وتحاشي القفز لئلا تقعي وتوقعي زوجك معك)