زوجي والشقة

[القطرية2]

[RIGHT"]أخواتي وأخواني عندي مشكلة وأبغاكم تحلونها من بعد الله....أنا وزوجي أمس متشاجرين عشان موضوع نقله للدوحة فترة مؤقتة بحكم إنه من سكان المناطق البعيدة عشان عنده دورة تدريبية في الدوحة لمدة 6 شهور في البداية اقتنع بعد إلحاح شديد نقله لشقة مؤقتة يجمعنا أنا وبنتي الصغيرة والشغالة وإني أدفع المبلغ أنا وياه النص بنص وافق وقال يصير خير المهم الرجال طلع مني وفجأة تغير علي وخبرني إنه فكر مايقدر يخليني في بيت بروحي لطلع وتدرب 12 ساعة ....وأنا فهمته أني طول النهار في الشغل ولين مأوصل استوى العصر وراجع البيت محصل له غدى وثياب نظاف وأنا وبنتي شوفه عيونه.....المهم صار جدال في التلفون و سب وشتائم لين ماسكرنا التلفون مع بعض والحين ماشي رد ولامسجات ولا اتصال .....خواتي وأخواني انا مب عارفه شو اسوي وياه عطوني الحل بارك الله فيكم وفي ميزان حسناتكم؟[/SIZE]​

وتقبلوا تحياتي[/RIGHT]

 

[مساء الحب]

حبيبتي
خذيه بالاسلوب الهادئ والحزم وخليك قريبه منه يعني انتقلوا معه

بصراحه هلايام ماتأمنين على زوجك وهو نايم عندك بالليل

شلون اذا بيبعد عنك شهور؟

اسال الله العظيم ان يسعدك ويسهل لك امرك يارب

 

[القطرية2]

اشكرج على مرورج وردج علي بس حبيت اوضح شغله الغرفة اللي هو فيها كلها خرابه وغبره يعني غرفة وحمام يعني شو اسوي به وبنفسه اعترف لي المكان مايصلح بس رقدته للشغل لكن انا حاليا في بيت اهلي يعني مااشوفه لا بغاني فديتج عاد شوفتي شلون؟

 

[الدكتورة نبضة قلب]

الغاليه

اللي فهمته انكم ساكنين بعيد عن العاصمه
وان زوجج عنده دوره بالعاصمه مدة 6 شهور
وانتي تبغين تكونين معاه؟
صح؟


خذيها بالسياسه والهدوء

عطيه من الكلام اللي يذوب

انه انتي وبنتج ما تستغنون عنه
وانه انا ما اعرف انام الا وانت معي
وغيره

لا تاخذينها بلهجة عناد وتحدي

وبعدين شو مبرراته للموضوع يمكن يكون معاه الحق؟​

 

[nonoura]

يام امنة بالرجال متل المى بالغربال انتبهى ليطير من ايدك

 

[dream-land]

الغالية
اعتقد ان اي جهة لما تعطي موظفينها دورات خارجية لازم تعطيهم بدل سكن ومواصلات هذا الي اعرفه، خلا يستأجر شقة لو غرفة وحدة بس تقدرين تعيشين فيها، اخذي الخدامة معاج ونظفوا الشقة عدل ورتبوها، عقب ردي الخدام بيت اهلج، وبنتج حطيها بحضانة لما تردين من دوامج تمرين تاخذينها، والطبيخ حاولي تنظمين امورج وتعيدين ترتيب حياتج لهذا الظرف الطارئ ، يعني حاولي تطبخين الغداء وتجهزينه بالليل ولما تردين تسخنينه والايام الي تكونين تعبانه فيها طلبي من المطعم بس مو دوم عشان ما ياخذها عليج. هذا اذا كانت اوضاعكم المادية زينه ، حاولي تغييرون في طريقة صرف الفلوس وترتبون وضعكم المادي بشكل يساعدكم تحلون مشكلتكم.
فديتج الغالية نفس هالظروف تحتاج تيلسون (انتي وريلج) يلسه هادية تيبون ورقة وقلم تكتبون افكاركم الي تساعد في حل المشكلة ذي، كل فكرة تيجي في بالكم تكتبونها بهدوء بدون طنازة ولا عصبية، بعدين تشوفون وين الاقتراح الانسب لحل المشكلة " انتبي انتوا ما في مباراة من يفرض راية ومن الى فكرته بتطبق، الهدف مركب حياتكم الزوجية يمشي بيسر ويتجاوز الصخور "
حاولي تاخذين منه موعد في وقت محدد تيلسون تتفاهمون تحلون الاشكال ( وانه الجلسة ما يكون فيها عصبية، نفس جلسات الطلاب لما يذاكرون مادة يلسون مجابلين نعض ومعاهم دفتر وقلم وقدامهم شاي ولا عصير ويتكلمون بجد وهدوء وكل واحد يسمع لثاني)
الله يوفقج يالغالية ،،، كوني عون لريلج ع الزمان ولا تكونين وانت والظروف عليه،،، ونفس الوقت لا تتنازلين عن كل شي من حقج تسكنين في مكان قابل للسكن ومو لازم يكون بمستوى رافاهية عالي (اذا كنت هاي هاي خخخخ، يعني مو مشكلة اذا كان بنفس مستوى عامة الشعب) لانه الوضع طارئ

ان شاء نسمع انه مشكلتج انحللت وامورج تسهلت

 

[القطرية2]

شكرا على مروركم يااخواتي بس في شغلة ابغي اقولج اياها وهو قال لي ان سبب رفضه هو مايبغاني اربطه في العاصمة للأبد ولا يبغاني اربطه في البيت حيل هذا هو سبب اقتناعه ...... والله المستعان