زوجي والسفر

  • بادئ الموضوع بادئ الموضوع كربوش
  • تاريخ البدء تاريخ البدء
ك

كربوش

New member
إنضم
2009/05/10
المشاركات
21
مشكلتي بكل بساطه حب زوجي للسفر مع اصدقائه كل سنه في اجازة الصيف يسافر مع ربعه لمدة اسبوعين او اقل ولما ازعل منه يقول هذولا ربعي الخاصين وانا احب السفر معاهم ليش تتضايقين انا مو رايح اخربط انا اروح ارفه عن نفسي لاتسوينها مشكلة انا تعبت معاه زعلت وعصبت وساعات يروح وما اسلم عليه ولا اجهز شنطته حتى لما يوصل ما ارد على مكالماته ولا مسجاته وهم ماجاب معاه نتيجه مع العلم اني سافرت معاه اكثر من مرة بس انا ما ابيه يسافر بروحه او مع ربعه
شالحل
 
وينكم يا بلقيسيات 28 وحده ادخلت بس رد واحد مو الهقوه والله
 
الله يهديكم يا بنات ليش ماتخلون الزوج يسافر مع اصدقائه .. اذا كانو اصدقائه ثقه ومايسافرون لديار فيها خرابيط .. والشي الثاني يكون سفره معقول مو كثير ..
يعني يسافر مرتين مع اصدقائه .. بالمقابل لازم يسافر معك مرتين ..
اللي يزعل بموضوع سفر الزوج مع اصداقائه سفرهم لبلاد فيها الخربطه والحرام سهل وميسر ..

الله يسخر لنا أزواجنا ..
 
كربوش كم لك متزوجه ..
انا أول ماتزوجت كنت مررره ازعل واسوي مشكله مع زوجي .. صح هو يسافر مع صديقه يزوزون اقرباء لهم خارج المملكه ..بأحد دول الخليج .. لكن يرفض رفض تام اني اطلع جواز سفر واسافر معه لهالدوله .. هو ماقصر كل مكان بالمملكه زرته ودايم اسافر انا وياه .. داخل المملكه ..

لكن ضريبة سفري معه اول مانرجع ابدأ اجهز شنطته حتى يسافر مع اصدقائه ..

قال لصلاره قلت ميخالف مافيها حريم يطلون بوجهه..

لكن يسافر لدول الشام .. شي يقهر .. ومع مين مع واحد له اصدقاء بالشام يروحون له بالبيت ويتغدون عنده .. الله أعلم كم بنت شافه .. وسلمت عليهم .. لأني فهمت من بعض كلامه انه عادي عندهم يطلعون بناتهم ويخلونهن يسلمن على الضيوف ..
يموتون على الخليجيين علشان الفلوس يحسبون ببيوتنا بترول ..

والله مقهوره من هالنقطه مع انه ماراح الا مرتين وزعلت لكن خايفه من الثالثه لأن ثلاث من زملائه أخذو من هالدوله ..

ماأمنعه ابدا انه يسافر مع ربعه رحلات صيد .. ورحلات عمل .. لكن ابي اوقفه مايروح لخارج المملكه ..
 
انا صار لي خمس سنوات وكل سنه سفرة له واحيانا مرتين بالسنه يعني بعد مانلرجع يسافر مع ربعه انا اعرف انه عفيف ومايقرب لهالشغلات حتى ربعه فيهم دين بس يا حبيبتي انا من الكويت ولما يسافر يروح تايلاند حتى ربعه مستغربين منه شالحب لهالبلد
والحين تقولين لي الله يهديكم ليش ما تخلونهم يسافرون لا تلوموني حدي مقهورة
 
والله سفر الزوج لوحده خارج حدود الوطن المحافظ بلوه ومشكله كبيره الله يكفينا شرها ويطعمنا من خيرها مهما كانت الدوافع والمبررات لها مردود سلبي علي حساب العلاقة مع الزوج واحتياجات وحقوق الزوجة والأولاد ولكن الشكوي لله شتسوي الزوجة اللي يباها الزوج ماتروح معاه وتجلس تحفظ له بيته وعياله ونفسها وهو يستمتع لوحده بكل انانية
اعرف وحده منذ زوجها وطبيعة عمل الزوج تتطلب سفره للخارج بين8الى 10مرات بالسنة لمدة تتراوح بين 7 الي 14يوم بالسنة وحجته انه بشغل ومعه زوملاه وماعنده فلوس يسفرها معه واقول مو معقول انه لما يسافر 24 ساعة شغل حتى لوبيشوف الحريم المتبرجات واللى تعرض نغسها والي تعطيه ريق حلووابتسامه وتدلع وتلعب عليه موخليجي وسعودي بتلاحقه علشان تنيسط ويدللها بفلوسه ويكب عليها بالمطارات والشوارع والفناادق واماكن العمال و بالاجتماعات ويشوف البلاوى والمنكرات كاالخموروفد يشرب وووالخ خاصة اذا ماعنده خوف من الله ووازع ديني واحترام للرباط المقدس والزوجه بالله اش افضل طريقة للتعامل مع هذا الوضع المتعب لنفسبة الزوجةالجنوبية الحساسة المنهكة بالاعباء هل تصرخ بوجهه و تواجهه وتتصادم معه مع انه يغلب عليه الطبع الشمالي المحافظ معها والمتحرر بره بالسفرام تسكت وتؤثر السلامة وتطنشه اوتمثل امامه حالة الرضي والسعادة وتدعوا له ولايهمه ام تحسن النية وتبعد عن سو الظن وماريك مستشارة والاخوات ارجوا التفاعل والرد
اختي اذا كان الزوج يسافر سفرات داخلية قليلة اومع اصحابه الاخيار نقول خير هذا قد يجدد شوقه لك وكان صالح بدينه وصلاته واخلاقه لكن الحذر واخذ الحيطة واجب بكل الاحوال
الله يسخرهم يحفظهم لنا ويطمس و يعمي عيونهم ويكرهم بالحريم الاجنبيات ويزينا بعيونهم ووجدانهم استودعيهم الله الذي لا تضيع ودائعه
وشكرا
 
هااااااايوو بناااااات:shiny:
انا زوجي تقريبا بالسنه يخيموون مرتين
مره بالبر ومره في بوقميص
البحر الي بين قطرو السعوديه
طبعا هوشغله يطلب منه تقريبا كل 6 اشهر السفر الى دبي
اذاكان بيروح مع الشباب الي بالشغل ماروح معاه
بس ايذا كان لحاله هو يطلب مني اجي معاه بحجة انه يفيخ لحاله:blush-anim-cl:
حتى واناحامل ياخذني معااه:blush-anim-cl:
بس قبل سنه تقريبا فجاه قال بيرووح مصر:santa_1:
طبعا صارة بني وبينه مطباة:showoff: قووويه
وخلاف
ويوم كان زوج اختي جااي:harhar1:
وقاموا يقولون اي والله قوي وجدع بتروح مصر حظك ويتضحكون يبون ينرفزوني ومن عرض الكلام بيروح شرم الشيخ:tears:
طبعا انا قمت اخذ واعطي معاهم بالكلام
وشوي اشي صار الصراااخ
بصراحه زوجي انصدم مني
ماتوقع طبعا انا كان عندي بنتي ترضع مني ولاتاخذ رضاعه اخذتها ولحتها عليه
وقلت له اخذها مابيها ولا ابيك:essen:
وهني زوج اختي اتوهق ماتوقع انه بيصير شذي خخخخخخخ:bleh:
وقلت لزوج اختي انا الحين رايحه معاك بيت اهلي ابيك توديني
وقلت لزوجي هذي بنت واغراضك الي تشتريهم لي ماباخذ شي حتى الجوال هاك اخذه ولحته
على الارض
ههههههههه:bigsmile::shiny:
وطلعت على السلم وفجاء قالي زوج اختي لا ماباخذج تعالي دخلي لاتخلين الجيران يسمعون
قلتله ليش خل يسمعوون:icon31:
المهم ان زوجي جاو مسكني من ايدي وقلت له اتركني ولا بزلزل العماره عليك
خخخخخخ:busted_red:\
طبعا هو خاف وقالي خلاص خلينا نتفاااااااهم
قلت له اخاف ارجع وتحبسني اوتمد يدك علي مابي اتفاهم:tears:
هههههه
بعدين قلت لزوج اختي ماتتركني وتطلع لازم تتم معانا لين اشووف شنو بيصير
المهم دخلت وقالي شوفي الي انا بسافر معاهم لاراعين سوالف ولا خرابيط
وبعدين انا ابي اغير جو من ضغط العمل رديت عليه وانا معاك:busted_red:
قالي لاااا انا ابي اروح مع شباب السفر مع المره شي والشباب شي
وثالثا هذا انا توني مسفرج لارووبى وبعدين تتوقعين لو بسافر مع ناس موب عدله شان
ابوج خلاني اكيد هو اول واحد بيمسك الجواز مع :santa_1:ابووي
وهني حسيت انه صج يبي يسافر ينزه عن نفسه
وختمها قال انا متحدي مع الشباب الرجال يروح والي يخاف من مرته بيطلع مركوب على قولتهم وبيقعدون اسبوعين:sadwalk:
وراح بعد شهر من القصه
والله يبنات تم 3ايام ورجع انا استغربت واتفاجات
قلت له ها ماامدى رحت قال تبين الصج مصر ماتصلح:showoff: لغير العوايل
واللي يبوون البنات والبارات وهالسوالف يعني لنا ماتصلح:shiny:
وبعدها ماقال بسافر:icon30:
 
اهلين بنات
وانا اضم صوتي لصوتكم
ايش الحل مع الزوج اللي دايم يسافر بحجه العمل والنجاره وللان ماشفنا شي
مرة الصين والحين يبي كوريا واليابانوقبل فترة طلع الجبل الاسود ودي اعرف ايش في تجارة الجبل الاسود
والمصيبه ان حاط روحه روسيا براسه هالصيف
قولولي شو الحل معاه جربت كل شي حتى اني تركت عياله بالبيت ورحت لاهلي راح وخلاهم ووصى ولد عمهم يبات عندهم
انا بعدها رجعت بيتي بضغط اخوي
يقولي اذا هو مستهتر انتي تصيري زيه وتسيبي عيالك امانه برقبتك خلك منه وسوي باصلك وشي يسألك عنه ربي يوم الحساب وقتها رجعت وهو فرح واعتذر لمن جاه من السفر بطريقته الخاصه
ادري طلعت من الموضوع بس زوجي حاط بباله اني مستحيل اتحكم فيه وماخليه يسافر
نبي حل جذري
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل