زوجي والزعل والكذب..

ر

رنيــ الصمت ــن

New member
إنضم
2009/08/07
المشاركات
26
السلام عليكمـ

كيفكمـ آخوآتي

كل ماضاق صدري جيت هالمنتدى الرآئع

بدخل بمشكلتي ع طول

لي أسبوع آنا وزوجي مانكلم بعض

صحيح آسوي كل وآجبآتي في البيت بس مانام معه وإذا بغيت شي آطلبه بدون حتى ماناظره

سبب الزعل

ولدي كان تعبآن بالمره قبل اسبوع ارتفاع بالحراره ويبكي على طول والحمدلله اللحين بخير

زوجي ربي يهديه كان ولين اللحين يطلع من البيت على طول يجي شوي ماتكمل حتى نص ساعه
ويطلع ويجلس لين آخر الليل

بيوم الزعل جا على الساعه 11 وجلس على الاب توب كالعاده وكلمه صاحبه على الماسنجر وقاله تعال عندي آنا لحالي فز زوجي على طول وقال بروح اجلس معه حرام جالس لحاله

وانا طبعا حز بقلبي يعني مايكفي طول اليوم برا البيت وبعد آخر اليوم تروح عند صاحبك

قلت طيب تأخر وارسلت له رساله ولدك جنني تعال ترا انا مليت

بعدها اتصل فيني ويضحك وآنا كلمته بأسلوب وحده زعلانه وقلت له يعني حرام صاحبك جالس لحاله وانا موحرام اجلس لحالي تعال شوف ولدك جنني وأنت بس همك تسلي نفسك

رجع البيت هو الزعلان مو آنا ومن بعدها مسوي نفسه زعلان وبس ينأفخ ولا حتى كلمني




طيب بالله يابنات دايم يصير كذا بنا أنا اللي ازعل منه يروح هو يزعل مني

ويطنشني أن شاء الله شهر عادي عنده وطبعا اانا اطنشه

قولولي وش آسوي معه كيف اخليه هو اللي يجي ويصالحني


مليت منه وربي ومن الحياه معه

وعنده الكذب شي عادي كل شي يكذب فيه حتى أنا بغى يروح مكان عادي والله يروح يكذب ويقول مكان ثآني

يكذب حتى بالأشياء البسيطه ليه ماادري

انتظر رآيكم والحلول




:8:
 
ههههههههههه
سمحيليه
بس انا ماعرف لش الرياييل معظمهم جذيييييييييييه
مممممممممممممم
يمكن تعود انتي تراضينه
انتي سمعتي الشاعر شو قال؟؟

الا يامرخص اسلووبك ....تداري بالجفا عيوووبك
هو اللي غلطان بس عشان يسوي عن نفسه يزعل عشان ماتعاتبينه لاتراضينه لين مايرضى واي يراضييج اورحه
 
مشكورين حبيبآتي

خيتووو علامة إستفهام وليه هو مايناقشني

لا حبيبتي آنا مستحيل آتنازل هالمرهـ

لأني دايم كنت اوضح له إني رضيت او امشي الموضوع

بس خلاص مليت من اسلوبه

إن شاء الله يطول الزعل سنه ماعلي منه

المهم آكسر رآسه
 
مرحبا ياحلوه اول شي اذكري الله
ياعمري وسعي صدرك وتاكدي ان زوجك مرده لك..لانه بالنهايه لاهله(انتي وولده).
وبعدين الهجر يقسي القلب والجفا بدايه النهايه اكتبي له ورقه فيها(و ح ش ت ن ي )لانه طفل كبير وشوفي وش بيسوي
والدنيا ماتسوى عاده بيجلس معك لين تملين بس الصبر زين مشكلنتا حساسات مره نبغى كل الاهتمام لنا
وياليته يصير بس من اللي يفهم اما ان الزوج يعتذر فبتبطين لانهم في نظرهم مايخطون ؟؟؟صح بس ياحلوه عديها والله بيفرجها وهدي من اعصابك وانبسطي وخلي نفسك هي المهمه ومن ثم هو .اذا ضاق صدرك فتذكري ان لك اخوات مستعدين نسمع ونشارك ونواسي الله المستعان وكل بيت مايخلو من مشاكل الله يسعدك ويوفقك انتظر رايك صح ولا لا:32:​
 
الله يوفقك يااختي
بس لازم تحاولي تفهمي منه ليش طول الوقت برى

انا ما ادري ليش ما نصير مثلهم ونعيش حياتنا عادي
اقصد ما نهتم بزياده ونعطي الامور حجمها الطبيعي
 
حبيبآتي ماتقصرون والله

أختي وامطرت ذات صيف

كلام صحيح وهذا اللي كنت اسويه آنا دايم إذا صار بينآ زعل وحسيت لو مجرد إحساس منه انه يبي يصالحني على طول اعطيه وجه وانا اللي اجيه واكلمه واتدلع عليه

بس الأخ شكله تعود على كذا

المشكله ياختي مو بس الزعل المشكله اهله الله يهديهم يقلبو رآسه بمواضيع كثيره تضايقني

مثل السفر او بعض اللي كل مانبي نسافر مكان يقولون ماله داعي

وآشياء كثيره وخاصه امه الله يهديها

وربي أنا مليت مليت فوق ماتتصورين ماني عارفه شلون اتعامل معهم

طبعا انا اتضايق وازعل منه لأني في بعض الأشياء احاول اقنعه فيها وهو مايقتنع تكون امه مقنعته بأشياء ثانيه

قوليلي وش آسوي

طيب آنا لو رحت له اللحين ورآضيته اسمحيلي اقوله إن كرامتي بتنهان لأني انا مازعلته ابد بالعكس هو اللي دايم يضايقني بتصرفاته والمشكله الأكير يقول ماسويت لك شي تزعلي من نفسك ترضي من نفسك

خلاص لازم يجي يوم يحس فيه

آنا ناويه اغير اسلوبي معه صحيح متضايقه من هالحياه بس بصبر يمكن يتحسن

انتي وش رآيك
 
نفس الي عندي بس ترى بعض الرجال لاطنشته زوجته ينحرررف فاهمه علي اتكلم من تجربه كنت اهجره بالثلاث ايام والحين لو اقعدسنه زعلانه تعود ع الجفا نصيحه ارسلي له رساله حلوه واذا جا استقبليه وتناقشو بهدوء ولايطول النقاش اذا حسيتيه بيعصب اسكتي وغيري الموضوع ومالنا الا الصبر عليهم والمسخر الله نتعب اعصابنا وهم ماسالو واشغلي نفسك باي هوايه والله كنت مثلك انجن اذا تاخر واذا ماجلس معي بس من المشاكل مليت وصرت اشغل نفسي واللحين والله انبسط مع الناس اكثر منه دعواتك لي
 
رنين حبيبتي بسألك سؤال جاوبي بكل صراحه
وش يعني لك زوجك ؟؟ومن خلاله تعالجين مشكلتك
تحبينه ولا عادي لوتنفصلون قولي الحقيقه؟
في اشياء تشفع له ولا لا؟
وبعدين باقولك وشلون انا ضيعت حياتي ؟ لا تسوين مثلي ودائما اذكري الله انتظرك؟
ماراح اخليك كذا
لاننا نتشابه كلنا ؟,,​
 
يعطيك العافيه أختي غربة إنسانه

الله يعين عليهم الرجال وآسلوبهم اللي يقهر

أختي وامطرت

بجآوبك وبكل صرآحه

كنت أحبك زوجي ومااتخيل استغني عنه بس من فتره ومن كثر ماصار يجرحني ويكذب علي

أحس حبه بقلبي قل صحيح هو زوجي وابو ولدي بس هذا مايمنع إني احافظ على كرامتي

افكر كثير بالإنفصال عنه بس أفكر بولدي أكثر ومابيه يعيش اللي أنا عشته بين ام واب منفصلين

وبعدين مين بيتحملني ابوي وزوجته لا امي وزوجهآ

انا صريحه مع نفسي وابي اعالج مشاكلي مع زوجي معالجه صحيحه

مابي اطنش واعدي وآنا اللي اتعب بالأخير كافي تعب يآختي

آنا تزوجت عشآن ارتاح مو عشان اتعب زيآده

مابي انكر اللي يسويه لي حتى لو قليل

وإنتي وش قصتك
 
حلو الله يكملك بالعقل ويعطيك على قد نيتك
انا تطلقت من زوجي احبه يارنين بشكل كبير
لكن من كثر مشاكلي وتدخلات اهلي مل ولما جبت له الولد
كثر تدخلات امه وخواته باسم الولد بشكل البيت لدرجه
يدخلون بيتي وانا غير موجوده وهو موقفه سلبي من هالناحيه
واشياء كثيره ووووووو بالنهايه صارت مشكله بينه وبين اهلي وانا الضحيه
الله يذكره بالخير فعلا افتقده الان الكل يسب فيه وانا احترق بس ساكته لانه
انهى المواضيع بسرعه اهله ماخلوني بحالي واهلي ماخلوه بحاله الله يسامحهم..
(فاعذريه مهما كان زوجك حبيبك ابو ولدك لاتتركينه الايام كفيله بتغيره..)​
 
الازواج الله يعطينا خيرهم ويكافيناشرهم امييييييييييييين
 
امين ويوفق الجميع فيا رنين انتبهي على بيتك وزوجك وخلي بينك وبين زوجة ابوك اميال واميال واميال وارضي وتذكري الايام الحلوه الله يثبتك ويسعدك امين انتي زي اختي فلاتهدين حياتك طيب وش رايك الحين بترضين عليه ولا لا؟؟ردي انتظرك​
 
سبحان الله نفس ازمتي هاليومين لكني مصره علي موقفي والله يعيني وينصرني علي من ظلمني
ان شاء الله انتظر شهر او اكثر لن ابدا تاااني ابدا واضيع حقي كالعاده
 
يا أختي أكثري من الاستغفار بنية ان زوجج يلين قلبه لج و الله راح تشوفين العجايب من الاستغفار و لا تنسين دعاء الكرب و الهم (( لا إله إلا أنت سبحانك إني كنت من الظالمين )) خليه دايم على لسانج و لازم يكون عندج يقين و حطي على كلمة يقين مليون خط ان زوجج راح يتغير للأحسن .
 
مساء الخير

معليه أمس طلعت بسرعه جاني ضيوف

امس مع الضيوف مافضيت له ولا كلمته وبعدين هو نام

واليوم عادي تغدينا ضحكت شوي

بس ماني قادره قلبي زعلان عليه

وآنا بآقي على قراري ماراح اكلمه لين هو يكلمني او اطلب طلب يراضيني فيه

شو رآيكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل