زوجي والحنين إلى الوطن

[القلب المفتوح]

السلام عليكم ورحمة الله وبركاته
أخواتي حكايتي وما فيها إني من الرياض وأصولي من قرية تبعد عن الرياض 5 ساعات وعايشة حياتي كلها في الرياض وما لي في القرية إلا بعض الأقارب اللي مريحينا لأنهم يجون للرياض كثير
أما زوجي وهو من نفس قريتي عايش حياته كلها في القرية لكن بعد تخرجه جا للرياض وتوظف وتزوج واستقر
وأنا ما وافقت إلا يوم فهمت من كلامه أنه يبغا يعيش في الرياض بقية حياته
لكن بعد 5 سنوات من زواجنا بدأت أناقشه في بيت المستقبل وكان دايم يقول لي بدري
وبعد 5 سنوات أخرى بديت ألح عليه وش ناوي ووش بتاخذ بيت واللا تبني .. فقال لي أنا راح أرجع بعد سنتين للقرية ونعيش هناك
انصدمت من كلامه وبديت أبكييييييييي .. فقال وش الفرق بين أنه نروح الحين وللا بعد 30 سنة
وما جاوبته لأني محتارة وما أدري أيهم أصعب إني أفارق أهلي الحين والا أفارق عيالي بالمستقبل لأني أخاف يكبرون ويتزوجون من الرياض وأروح وأخليهم
شوروا علي يا بنات
هل أبين لزوجي إن ما عندي مانع نسكن فالقرية خلال هالسنتين ولو أن قلبي بيتقطع لكن عشان عيالي يتعودون ولا يتعرضون لنفس صدمتي
واللا أسكت وأتركها على الله مع أن زوجي راعي مفاجآآت​

 

[أريج الذكريات]

عزيزتي :
استخيري الله عزوجل واطلبي من زوجك أيضا ان يستخير
في أمر انتقاله للقرية , ولا تكرهي شيئا فقد يكون فيه الخير كلة , ولا تجادلي زوجك في هذا الموضوع للأنه قد يكون يختبرك وليس في نيته أن يعيش في القرية ,لأن من يعش في المدن لا يتحمل العودةالى القرى.

 

[تووب سكرت]

ارجعي وتناقشي مع زوجك بكل هدوء وموده فكري براحتك انتي وزوجك اولادك كل منهم بيلتهي بحياته مع زوجك ويبي يعيش حياته الخاصه مع زوجتك يعنى ما بينعفك غير زوجك الله يصله لك والرياض وقريتكم بينهم 5 ساعات ما تفرق يعني مو مره بعيده يقدرون عيالك لو يبون يزورونك يجونك كل خميس وجمعه والعكس تقدرون تسافرين انتى وابو العيال لهم فكري بنفسك وراحتك وزوجك اختى

 

[نبع الحنين]

الله يهديه ويسخره لك بالهداوة تقنعينه ان شا الله.

 

[القلب المفتوح]

عزيزتي :
استخيري الله عزوجل واطلبي من زوجك أيضا ان يستخير
في أمر انتقاله للقرية , ولا تكرهي شيئا فقد يكون فيه الخير كلة , ولا تجادلي زوجك في هذا الموضوع للأنه قد يكون يختبرك وليس في نيته أن يعيش في القرية ,لأن من يعش في المدن لا يتحمل العودةالى القرى.

جزاك الله خير فعلا الاستخارة مع الاستشارة يكتملان
الله ييسر اللي فيه الخيرة​

 

[القلب المفتوح]

ارجعي وتناقشي مع زوجك بكل هدوء وموده فكري براحتك انتي وزوجك اولادك كل منهم بيلتهي بحياته مع زوجك ويبي يعيش حياته الخاصه مع زوجتك يعنى ما بينعفك غير زوجك الله يصله لك والرياض وقريتكم بينهم 5 ساعات ما تفرق يعني مو مره بعيده يقدرون عيالك لو يبون يزورونك يجونك كل خميس وجمعه والعكس تقدرون تسافرين انتى وابو العيال لهم فكري بنفسك وراحتك وزوجك اختى

الله يجزاك خير نبهتيني للمهم والأهم وهو الزوج
حقيقي الأبناء إذا ما بعدنا عنهم بالأول راح نبعد بالآخر والله أعلم​

 

[القلب المفتوح]

الله يهديه ويسخره لك بالهداوة تقنعينه ان شا الله.

اللهم آمين
طيبتوا خاطري ووسعتوا صدري والمقدر مكتوب​