زوجي . والتهاباتي والقرحه ..ومشاكل اخرى.

ز

زوجه متفائله.

New member
إنضم
2008/07/20
المشاركات
47
السلام عليكم خواتي..

سبق وكتبت لكم مشكلتي ..

عل هذا الرابط http://www.niswh.com/vb/showthread.php?t=266640

المهم اني تناقشت معه وقلت له كلام كثير .. اول شي رد علي على طول ..

قال من حقي اتزوج .. وانا ودي اتزوج يعني مو شرط انك اذا جبتي عيال منب متزوج ..ومن هالكلام اللي يقهر ..

قلت له انك اسلوبك صاير زي البزران ..
المهم راح ينام .. وبعدين نادا علي .. وقال باسلوب ثاني ويبدو انه استعاد هدوئه ..
وجمع له كم كلمه ..

قال وقسم بالله اني مااستأجرت ولا شي بس انتي تشوفين حالت متضايق
ونفسيتي زفت وكم مره قلت لك لا تتكلمين معي ولا تردين علي اذا شفتين معصب ومتضايق ..
(والله انا اذا شفته متضايق منب اتكلم معه ولا اسأله ليش )
لكن ذاك اليوم قال اني مستأجر ومن هالكلام لازم ارد لأن انا نفسيتي بعد كانت زفت
وكنت متضايقه ابي احد يواسين ..مو يهزئني ويحطم نفسيتي زياده ..

المهم كل واحد قال اللي عنده .. وقام يفتح صفحات من الماضي وانا بالمقابل قلت له
نفس الشي .. مع اني ماأئيد مناقشة مشاكل قديمه انتهت و..مالها دخل .بالموضوع الحالي لكن
تراكمت مع مر السنوات ..
وانتهينا من الموضوع او بالاصح قفلنا عليه .. بدون نتيجه واضحه
وسافرنا لمكه ..والحمدلله لكن تجيكم المشكله الثانيه ..

مشكلتي الثانيه ..الشهر الماضي قالت الدكتوره عندك حبه صغيره داخل ...
لأن ينزل مني لون وردي بعد الجماع ..
وقلت للدكتوره أعطيني علاج قالت لا لازم كوي الشهر الجاي بعد الدوره على
طول اسوي لك كوي .. لكن صرت بمكه بعد الدوره على طول ..
ومالاحظت ان عندي اي التهابات او افرازات وكان الوضع طبيعي الى ان
سألني زوجي ..: انتي متأكده ان الرحم سليم مافيك شي يوم تسوي سونار
قلت :ان الدكتوره تقول وضعك سليم والرحم ممتاز
قال : انه لك ريحه مش طبيعيه ..ملاحظها من الشهر الماضي .. قلت: ليش ماقلت
لي من اول هالكلام انا مالاحظت اي افرازات او روائح غير ان الدكتوره قالت انو فيه حبه محتاجه كوي .. بس يوم شفت ان الوضع مستقر وانو مافيه اي اعراض التهابات مارحت اكوي ..
وقلت :ليش .ليش انت كذا مافيه وضوح ولا عندك صراحه (مافيه احلى من الصراحه بين الزوجين )
قال : متى اقولك بعد (الجماع )؟؟.وانا لمحت لك بس انتي ماتفهمين (وشو لمح لي قال انتي متأكده من كلام الدكتوره ان رحمك سليم يوم تسوي سونارهذا التلميح اللي يقصده )

قلت :عندك مئة فرصه تقول لي الموضوع مايحتاج صبر او احراجات مايحتاج تلمح ليش ماتكون صريح
.الغريب انا مالاحظت على نفسي ..
يعني مستغربه ممكن يكون فيني التهابات ماأشعر بها ومافيه افرازات ..؟؟
من ناحية النظافه انا جدا حريصه بنظافة ملابسي الداخليه والمنطقه يعني اهتم مره بنفسي من هالناحيه ..
والله يعافيكم هل فيه وحده عالجت القرحه بدون كوي .. وايش نوعية التحاميل اللي استخدمتها .. ابي اقول لدكتورتي عنها ..
او اغير الدكتوره واروح مستشفى ثاني ..

مشكورين على انصاتكم .. وانتظر تعليقاتكم ..
 
مساء الخير اختي اولا الله يكون بعونك الرجال كلهم قرف بالنسبه للالتهبات اختي كان عندها قرحه وسوت كوي واللحين هي تمام سويها وتوكلي على الله وخلي عندك ثقه بنفسك والله يستر عليك ويسخر لك زوجك يارب
 
تراني مبسوطه اني اول وحده ردت عليك:24:

لاني قريت موضوعك الاول سابقا الله يعينك ويهدي سركم انشاء الله


انااقول انك لازم من ترجعين تعالجين نفسك وترى الكوي حل سريع اولا وثانيا مافيه اي الم

لاني جربته


لان كان عندي التهابات قويه فبداية زواجي وبلاخير قالت لازم كي

بس انااقول غيري الدكتوره يمكن تلقالك حل اسرع افضل من انك تنتظرين الدوره تجيلك

والله يسخرلك زوجك انشاء الله

لا تنسيني من دعواتك واتمنى اكون افدتك
 
اختي موشرط تحسين بالالتهابات انا اظن نفسي سليمه وحسيت بالم بالظهرورحت طلع معي فطرات والتهاب شديد ونقط بيضاء بس موقرحه المهم اخذت المضادات والتحاميل ورحت دكتوره ثانيه نفس الكلام ثقي بالدكتوره اذا هي شاطرة ومجربه والقرحه احسن تكوينها وترتاحين كثير معاهم قرحه وكوها وتعافوا الله يحفظك والصراحه ضروريه للزوجين
 
خخخخخخخخخخخخخخخخ,,,,,,,,,,,,,ياشين طيحت الوجه



لمادخلت الموضوع ماكتن فيه ردود

بس عادي ,,,,,,,,,,,,,,ههههههههه
 
مشكورات خواتي ..

وعادي يا عناقيد الوفا تعتبرين اول وحده مع فرق دقيقتين ..

وبالنسبه للقرحه كان عندي قرحه من فتره وكويتها واللحين تقول الدكتوره هذي حبه بيضاء مو مثل القرحه
وكمان القرحه الاولي كانت يمين وهذي الحبه يسار .. تقول ابسوي لك كوي ,,لرأس الحبه عشان تنفتح وماتتطور وتكون قرحه وبنفس الوقت ابشي شوي على القرحه القديمه ..

لكن انا ابي تحاميل حاليا لأنه راح وقت الكوي .. يمكن ربي يكتب لي الشفاء بالتحاميل ..
 
تحاميل المره وملح القصيم الثلاث ايام الاخيره من الدوره رائعه ومسك الطهاره كل ما طهرتي من الدوره..بكذا تكونين ناشفه ونظيفه وترتاحين من الالتهابات
 
اكوي واتكلي على الله
يمكن هي سبب تاخير الحمل
لاني اذكر اختي اول ماتزوجت تاخرت بالحمل وبعدين سوت كي وحملت
والحين ماشاء الله عندها خير الله يحغظهم
 
وهذا زوجج واقف لج على كل شي الله يعينج عليه أختي روحي اكوي وتوكلي على الله
 
تراه بسيط الكي بس بالاول تعطيك علاج للالتهابات بعدين تسوي لك الكي بعد الدوره مباشره يعني مايصير جماع لاتخافي ترى شي بسيييييط ولا تحسي فيه اهم شي الدكتوره ممتازه مو اي وحده تروحي لها ولازم بعد الكي تجلسي شهر بدون جماع يعني بعد الدوره اللي بعدها يصير الوضع عادي وانتي استمري بمراجعاتك لحد ماتروح وفعلا ترى لها ريحه علشان كذا اعمليها قبل ماتكبر وتتأزمي
 
غير مشكله القرحه و الكوي ,,

من حوارك مع زوجك واضح انك عصبيه هدي شوي ,, بعد ما قالك عن مشكله الريحه بديتي تهاجميه و تعتبي و .. و ... كانه غلطته ميه في الميه ,,
 
شوفي ياقلبي جربي تحاميل البوثاييل مرة رهيبة للالتهابات والقرحة وتخليك ناشفة كتبتها الدكتورة لماكان عندي بداية قرحة مع غسول سيباميد والحمدلله شفيت
 
يااختي اكوي الأمر سهل جددداواوصيك اشربي زمزم بنية الرزق بالأبناء واقري على نفسك ودهني بزيت زيتون مقري فيه واكثري من الأستغفار الله يرزقك الذرية الصالحة
 
مشكوريين يا أخواتي وجزاكم الله خير ..
ويا أختي سكر حلاه زايد
انتي صادقه انا عصبييه ومايتكلم معي احد او يناقشني بشيئ الا ارد له الكلمه كلمتين وانا قش باستماته لإثبات صحة كلامي ..
هذي مشكله ثانيه الله يعينن على نفسي ..
 
السلام عليكم ورحمة الله وبركاته


يبدو أنك تفتقدين لفنون الحوار الزوجي .....

إن أردت دوره في فنون الحوار فراسليني

أختك @ مروضة الشمالي @
 
حبيبتي الله يعينج اكوي وتوكلي على الله ولا تخلين لزوجج حجه عليج الله ييسر امرج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل