زوجي والتحليل

[ام-ابيها]

السلام عليكم بنااات ..


هاذي اول مشاركه لي .. وهي اعتبرها مشكله نوعاً ما ..

السالفه ومافي اني صارلي سنه متزوجه .. وليلحين ماحملت

عملت تحاليل والحمدالله كلشي سليم ..

لكن الدكتوره طلبت ان زوجي يسوي التحاليل ..


لكنه رافض .. مع انه بالبدايه شجعني وقالي اذا طلبوا مني تحاليل بسويها لكن انتي ابتدي وخلصي تحاليلج وانا وراج ..

عقب ماسويت تحاليلي وخلصت الحين اشوه يتهرب ويقول ماله داعي كلشي من الله ..


ونعم بالله .. لكن رب العالمين طلب منا السعي ..

وريلي مايسعى بالموضوع ..


وانا مابي اظغط عليه بهالموضوع عشان يحس اني ابيه بكل الاحوال بس هم بخاطري اتطمن وانه يسوي التحليل ..

مادري اهو خايف انه يصندم من نتايج التحاليل او ماله خلق ..

مادري ..


شسوي معاه ساعدوني ..

 

[ميمو*]

الله يرزقكم بالذريه الصالحه​

 

[تفــآصيلـ]

اممم~

حليــله ريلج.. أكيــــــــد خــإأآيف لو كانت التحاليل سلبيه لا سمح اللهـ
..
.
أعتقد أن سنه وضع جدا طبيعي أنج ما تييبين عيال.. حنا عندنا بالعاايله بنات خالاتي كلهم ما يابو عيال إلا بعد سنه ونص وسنتيــن
فالوضع اللي إنتو فيه طبيعي ان شالله
..
داومي على الاستغفار بنيه الحمل بالذريه الصالحهـ
و لا تحاتين ما بعد الضيق إلا الفرج
ولا تشغلين باالج بالموضوع.. عشان نفسيتج لا تتأثر

الله يرزقج بالذريه الصالحه عاجلا غير آجل

 

[ام لنووو]

الله يررررررزقكم الذريه الصاااااااالحه اوبين فتره اوفتره قوليله ذكريه اذا شفتيه ررررررررايق بسسسسسسلوب حلو ==============

 

[وردة الحنون]

انتي لا تأمرينة أمر
لا تحايلي عليه
والا شجعية وقولي
كل شي بأمر الله
ربي يرزقك الذرية الصالحة الطيبة المعافاه في القريب العاجل​

 

[ام-ابيها]

مشكورين بنات والحمدالله انا نفسيا ما احاتي موضوع الحمل كله من عند الله وزوجي مايحن بعد وهم يقول اذ الله كاتب بيرزقنا واذا الله مو كاتب فله حكمه ..

بس انا سويت تحاليل وتعبت وراجعت ودفعت فلوس مابي تعبي يروح ابلاش ..

عشان جذي ابيه يحلل ..

 

[perfume]

تفاهمي مع زوجج وقولي له مهما صار راح نظل لبعض وماراح نتخلى عن بعض
حتى لو طلعت المشكلة فيني او فيك ماحد راح يتخلى عن الثاني
الله يوفقكم ويسعدكم ويرزقكم الذرية الصالحة

 

[حزينه حد الجنون]

اصبري عليه لاتضغطين وخله على راحته وهو من نفسه بيشتاق للعيال ويروح يحلل حتى من غير ماتدرين انتي والله يرزقك الذريه الصالحه ويسعدك

 

[ردية الحظ]

اللة يزقك الذرية الصالحة امين اللة يزقنا انا بعد زيك سويت تحاليل كلها سليمة زوجي كل مقولة سوي مايرد على اللة يرزقناالذرية انشاللة

 

[عدوة بلاك بييري]

الله يرزقك بالذريه الصالحه ياقلبي بس مثل ماقالت تفاصيل الموضوع طبيعي جدا

 

[**نار الشوق]

وعليكم السلام
يا ائلبي عااااادي
بعد السنتين لو ما صار حم لا سامح الله
تراجعي دكتوره
أخي بعد زواجه بسنه راح ع الدكتور يشوف ليه تاخر الحمل عند زوجته
الدكتور ما طلب تحليل حتى
قال له كمل سنتين لو ما صار وقتهااا تعال عندي
يعني وظعك جدا طبيعي تؤبريني
ربي يرزقك الخلف الصااااااالح

 

[@@الجوهره@@]

انا قبل ماحمل زوجي سوى تحليل معي انا كان عندي ضعف وزوجي كان عنده التهاب بسيط واخذ علاج شهر وتحسن
ماعتقد فيها شي لو حلل بس اظن هو خايف يكوون فيه شي قوووي عشان كذا متررد
ان من رايي خلاص مادام انتي سليمه ولافيك شي ادعي ربي يرزقك وتصدقي وان شاء الله ربي يرزقك
بعدين سنه شويه انا جلسة سنتين بعد زواجي بعدين حملت
الله يرزقك بالذريه الصالحه وكل من يتمناها يارررب

 

[حلاوة ايماني]

الله يرزقج ويرزقني بالذرية الصالحة

مثل ما قالوا الاخوات يمكن هو خايف من النتيجة ...مع ان بس تحليل واحد مو مثل الحريم ...الله يرزقكم في القريب العاجل

واتمنى انج انتي وريلج تقرون سورة البقرة يوميا والاستغفار واحسنوا الظن بالله.....والله خير الرازقين

دعواتك لي بالذرية الصالحة بكمل ست سنوات واقول الحمدالله ع كل حال



تقبلي مروري

 

[امونته]

الله يرزقني ويرزقكك يااااااااااااااااارب

 

[رمقة وفا]

انتي قولي يمكن مشكله بسيطه تحتاج مقويات وحنا ماندري والعلم تقدم وخله يحس انك متطمنه. الله يرزقك الذريهالصالحه ياااارب.

 

[رهوة]

ربي يفرجها عليكي و يرزقكم الذرية الصالحة

 

[بنت لقرووم]

الله يوفقكم ..وييسر اموركم.. ويرزقكم الذرية الصالحة ..​

 

[فراشه الامل]

نفس الشي صار مع زوجي بس بعدين حلل وطلع كل شي سليم والحمد لله

 

[كفاية هم]

ان شاء الله بتحملين بس الصبر وتاخر سنة عادي عليك بالرقية قبل العلاج وسورة البقرة قراتة بركة وتركها حسرة وان شاء الله بتدعلي حتى لوصار رجلك معة ضعف بيتقون ان شاء الله من القران

 

[سكن قلبه]

يارب ترزقنا وترزقكم الذريه الصالحه