زوجي والتتدخين..

[روحي أنت]

السلام عليكم
كيفكم يابلقيسيات
..
بقول لكم قصتي من البدايه
انا متزوجه صار لي سنتين .. وعندي ولد مثل القمر:blush-anim-cl: الله يخليه لي
مشكلتي زوجي يدخن من قبل الخطوبه ولما جا وخطبني ماحد قالي عن هالنقطه وهو قريب لي
وخواته علاقتي بهم حييل قويه ولا في يوم قالوا لي انه يدخن .. تمت الملكه .. بعد فتره قالي اخوي ترى زوجك يدخن .. انا انصدمت :sadwalk: قلت هو يحبني اذا قلت له يتركه راح يتركه .. وفتحت معآآآه الموضوع قال لي اتركه بس بشرط انك تقربين مني اكثر وتكسرين حاجز الخجل اللي عندك(لأني كنت خجوله حيييل ولا اقبل حتى يمسك يديني او يضمني ..في فترة الملكه طبعا) قلت له واذا سويت اللي ابيه راح تتركه قالي وعد اني اتركه .. مضت الايام وفعلا تركه واسأل اخوي يقول مايشوفه يدخن .. تزوجت وحياتنا حلووه الله يدومها علينا ..
بس اكتشفت من فتره انه رجع يدخن ..
السالفه انه كان طالع مع اهله استراحه وانا كان ولدي تعبان فما حبيت اروح معاهم وقلت له روح لوحدك واستانس مع اهلك..
ولما كانوا بالاستراحه اتصلت بي اخته (علاقتي بها قويه حيل ) وقال لي زوجك رجع يدخن انا
انصدمت :icon28: وانقهرت .. قالت لي انا بصوره لك فديو ..
وصورته لي وارسلت لي الفديو وهو يدخن
..
انا موعارفه كيف افتح معآآه الموضوع .. واعالجه
ليه يرجع لهالسم .. مع انه واعدني انه يتركه:schmoll:
ارجووكم ساعدوني

 

[sweetbrand]

خليه يسمع محاضرة ( طعنة سيجارة) للشيخ خالد الجبير راااااائعة وناس كثير سمعوها وكانت سبب بعد الله في تركهم للتدخين ومتوفرة في محلات الاشرطة الاسلامية ... الله يهديه ويصلحه

 

[ام الملاكين]

ناقشيه في الموضوع وراويه الفيديو

 

[norahmed]

خليه براحته وادعي له وان شاءلله كل شي بيكون تمام لأن رجال اليوم انتي الا بتتعبي نفسك ماراح يسمع منك كلام

ربي يهديه لك يارب

 

[أم ايلانه]

اتفاهمي معاه باللين واقنعيه انك تخافين عليه من الامراض

 

[s0s0]

الله يهدي الجميع 00 وادعي له وانشاء الله ربي يهديه ويهدي شبابنا من هذي البلوى

 

[sweetbrand]

ناقشيه في الموضوع وراويه الفيديو

لا لا لا لا تورينه كذا بتسوين مشكلة بالعائلة وماراح تستفدين شي ويمكن زوجك يتغير عليك ويدخن قدامك لاتحسسينه انك تدرين خليها رسايل غير مباشرة احيانا جهلك بشي قدام زوجك مع علمك فيه افضل...

 

[روحي أنت]

خليه يسمع محاضرة ( طعنة سيجارة) للشيخ خالد الجبير راااااائعة وناس كثير سمعوها وكانت سبب بعد الله في تركهم للتدخين ومتوفرة في محلات الاشرطة الاسلامية ... الله يهديه ويصلحه

ياما ارسلت له تقارير وفديوهات ولا فاد .. وهو عنده اشرطه ومحاضراات لكنه يسمع ولا ينفذ:busted_red:
مشكورة خيتوو عالرد

 

[فاتنة القلوب1]

الله يهديه يارب

 

[روحي أنت]

مشكورات حبيباتي عالنصايح
وانا بحاول اكلمه بهدوء واشوف النتيجه ..