زوجي واستراليا؟؟؟؟

&

&ام الحلوووين&

New member
إنضم
2009/05/31
المشاركات
113
مسى الخير لكل البلقيسيات عندي مشكلة مادري انا احسها مشكلة والا مكبره السالفة:sad_1: السالفة يا اخواتي ان زوجي مسافر بعثة لاستراليا مدة 3سنوات وطلع قبلي يجهز سكن وبيسكن عندعايلة عشان ياخذ لغه مع كل هذا رضيت وجالسه عند اهلي وعندي طفلين وتعرفون انواع الاحراجات:tears:المشكلة اذا كلمته ما احسه مشتاق مره يسأل كيفكم وكيف الاولاد ويسكر وله مسافر شهرين ارسل رسايل جرئية ولايهتم واذا بدأت بالكلام الحلو يغير السالفة الله يخليكم ريحوني بحل مع انه ايام الملكة واول سنة في زواجنا كان مغرقني بلسانه والحين خلف الله علي:sadwalk:
 
الله يكون بعونك مالك الدعاء
انتي ماتقدرين تكلمينه بالمسن قولي له اطلبيه يفتح مسنجره وبالفديو كمان وقولي له انا محتاجة اشوفك ومن هالكلام
 
فيه رجاجيل ما يحبون الكلام على التلفون
ولا تقارنين ايام الملكه بالحين
ايام الملكه كنت جديده والحين يحس انه صار عارفك وفاهمك
لما تكلمينه قوليله متى راح تاخذا معك
واستعجل الله يخليك انا والاولاد مره مشتاقين لك
واذا على اللغه ترا بيتعامل مع هالناس ثالث سنين وراح تتحسن لغته سواء كان عايش مع عايله والامعاكم
بس معاكم احلى لانهكم ناس يعرفهم

لا تتضايقين

هذا اكيد طبعه

ويمكن هو يستحي من الكلام المباشر
ويحب اللي تستحي وما تتطول في الكلام


الله يعينك
 
الا كذا مرة نتكلم عالماسن بس مايحاول يطول لان وقتنا غير وقته الله يكون في العون
 
مشكورات حبايبي بس اذا قلت تعال مشتاقين يقول لا تزعجيني خليني اركز في الدراسة وانا اتضايق تعرفون الاحراج عند الاهل كيف
 
وربي مالك الا الدعاء ادعي لي معاك الحال من بعضه
 
الله يسخرهم لنا ويحنن قلوبهم علينا بس اذا احد عنده حل ينقذني مليت انا حساسه مرررره واحب الكلام الرومانسي حيل وهو عكسي جااااااف مره
 
قلوبهم جافيه وقاسيه اعوذ بالله من ابليس
الله يكون بعونا
 
اختي ام الحلوين ممكن ايميلك انا مره ارتحت لك صدقيني احنا اخوات
وشكرا ادارفضتي او قبلتي
 
والله هالدنيا ماتسوى زعلي وزعلك والرجال مايملى عينهم غير تررررررررررررراب
 
والله وانا ارتحتلك ارسليلي ايميلك عالخاص لاني ماعرف واكتبي سنادس عشان اعرفك
 
لا تتضايقين .. وضعج عاااااااادي جداً .. لكن في شي انتي ما انتبهتي له ..
أدري أول فترة تحترقييييين من الشوق .. >> مجربة
لكن خليه على راحته ولا تتصلين عليه ولا تسألين .. اشغلي نفسج بأي شي غيره
زوجج شكله هلكتيه من كثر الاتصالات .. اكيد طول الشهرين انتي اللي تتصلين و هو ما يتصل ..
عطيه مجال يشتاق لج يا بنت الحلال ..
ترى الرجل يحب المرأة اللي هو يركض وراها مش هي اللي تركض وراه ..
انتي خليه لحد ما يشتاق من نفسه و شوفي شو بيصير .. بعدين هو اللي بيرجع و بيشيلج انتي و العيال معاه ..
الحين اللي عليج لا تتصلين ... خليه هو اللي يتصل .. و اذا اتصل لا تطولين معاه .. قوليله مشغولة بروح الصالون .. وفعلاً روحي الصالون و سوي منكير بدكير .. دلعي نفسج شوي ..

و الله ترا انا مجربة كان زوجي مسافر فترة طويلة و كنت كل فترة أتصل .. و هو يقول بتصل فيج بعدين .. و يكمل اسبوع و ما يتصل .. آخر شي قلت ما يسوى علي .. أخليه في حاله أحسن لحد ما يتذكر ان عنده زوجة .. بعدين صار يتصل و يقول غريبة ما اتصلتي !!
انا الحين مع زوجي في أمريكا .. حياة الغربة صعبة في البداية بس الواحد يتعود مع الوقت ..
 
سناااااااااادس ياعسل ايميلك ماعرفت له هو صفر والا حرف O بس انا باخلي اختي ترسل لك ايملي
 
سمو الأميرة قال:
لا تتضايقين .. وضعج عاااااااادي جداً .. لكن في شي انتي ما انتبهتي له ..
أدري أول فترة تحترقييييين من الشوق .. >> مجربة
لكن خليه على راحته ولا تتصلين عليه ولا تسألين .. اشغلي نفسج بأي شي غيره
زوجج شكله هلكتيه من كثر الاتصالات .. اكيد طول الشهرين انتي اللي تتصلين و هو ما يتصل ..
عطيه مجال يشتاق لج يا بنت الحلال ..
ترى الرجل يحب المرأة اللي هو يركض وراها مش هي اللي تركض وراه ..
انتي خليه لحد ما يشتاق من نفسه و شوفي شو بيصير .. بعدين هو اللي بيرجع و بيشيلج انتي و العيال معاه ..
الحين اللي عليج لا تتصلين ... خليه هو اللي يتصل .. و اذا اتصل لا تطولين معاه .. قوليله مشغولة بروح الصالون .. وفعلاً روحي الصالون و سوي منكير بدكير .. دلعي نفسج شوي ..

و الله ترا انا مجربة كان زوجي مسافر فترة طويلة و كنت كل فترة أتصل .. و هو يقول بتصل فيج بعدين .. و يكمل اسبوع و ما يتصل .. آخر شي قلت ما يسوى علي .. أخليه في حاله أحسن لحد ما يتذكر ان عنده زوجة .. بعدين صار يتصل و يقول غريبة ما اتصلتي !!
انا الحين مع زوجي في أمريكا .. حياة الغربة صعبة في البداية بس الواحد يتعود مع الوقت ..
أنقر للتوسيع...
ياعمري ماقصرتي بس والله ماادق هو اللي يدق بس يقعد اذا طول مره عشر دقايق بس مشي حالك اناعند اهلي والطلعه بالحسرة
 
&ام الحلوووين& قال:
ياعمري ماقصرتي بس والله ماادق هو اللي يدق بس يقعد اذا طول مره عشر دقايق بس مشي حالك اناعند اهلي والطلعه بالحسرة
أنقر للتوسيع...

خخخخ يعني كنت فاهمة الموضوع غلط !!
عاد هذي مسألة معروفة .. اذا هو اللي اتصل و ما طول معاج يا إما خايف على فاتورة التليفون .. أو فعلاً مشغول .. اعذريه و خلاص انسي الموضوع ..
وممكن و انتي تكلمينه تقولين له .. أنا متضايقة انك ما تطول معايه في المكالمات .. أو انا قاعدة بروحي و ملانة اريد اسولف معاك زيادة ..
و اسأليه شخبارك و شو سويت اليوم و شو أحلى أماكن في استراليا و كيف الدراسة معاك ان شاء الله أمورك تمام مع الانجليش .. خليه هو اللي يتكلم و يطلع كل اللي عنده .. لا تتكلمين انتي و لا تعطينه أخبارج .. اذا سأل قولي له أخبارنا تعرفها ما عندنا شي جديد .. اختصري جداً في الكلام معاه عشان تعطينه مجال يسولف أكثر ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل