تحية طيبة وبعد
أعاني من زوج متأثر سمعيا بكلمة اهله وهو جنوبي شرقي وأنا شمالية حاولت معاه انه يكون في صفي ، كان معي فترات اوكي بس رجع على طير يلي .... المشكلة ياأخواتي معاه على 3سنوات وأنا احاول اقنعه بأنه ننزل العاصمة من دوام وبيت مستقل لكن رفض رفضا قطعيا طبعا بتأثير أهله وبذات أمه وأخواته وخاله وجدته لما ينبني الأرض اللي بالعاصمة لكن طبيعة شغلي في العاصمة وهو في المنطقة البعيدة مع إنه نزل عندي بالعاصمة فترة مؤقتة عشان تدريب عمله وكان حده مبسوط:clap: وحاولت وفهمته أننا نأجرلنا بيت مؤقت لما ينبني الارض قال لي اوكي بس يوم سار لاهله إنقلب :no:.
عزيزاتي انا مااشوف زوجي إلا مرتين بالاسبوع وهو دوم يحن لبنته ولي لكن مسألة البعد والفراق مسبب لي نوع من الجفا :tears: والله العظيم يااخواتي انا حاولت إني انقل وظيفتي للمنطقة البعيدة لكن مافي وظايف سنعة حتى أخته مأخذه دكتوارة وقاعدة في البيت.....حتى هو بينه وبين نفسه وده يعيش معاي وينزل العاصمة لكن سيطرة أهله وقوتهم في عقله ........... حاولت حاولت حاولت من 3 سنوات بشتى الطرق عشان اقنعه لكن مافي فايدة:sad_1:.
أخواتي انصوحوني برأي أو فكرة أو شي أقدر أنقذ حياتي من هالجفا والقسوة اللي نمر فيها أنا وزوجي.
