زوجي وأنـــــــــــــــــا

[قمرية المدينه]

• :sadwalk:السلام عليكم كل عام وانتم بخيرررر الله يجعل ايامكم كلها اعياد

انا متابعه لكم من زماااان وحابه تشاركوني بأرائكم ​

حابه افي البدايه اقولكم اني متخرجه من الجامعه قسم رياضيات ودارسه لغه في امريكا وعندي دورات كثيرررره مشكلتي في زوجي انه مايبغااااني اتوظف او اكمل ماجستير وانا احب العلم ومااااحب اكون في البيت الحمدلله عندي طفلين وزوجي مو عايش معايا في نفس البلد بسبب ظروف عمله ومايجي الا في الويك اند ​

الحمدلله مو مقصر معايا في شي الله لايغير علينا بس طفششششش مهما حاولت اشغل وقت فراغي احب الانضباط ويكون عندي وظيفه ونفسي احقق ذااااتي ​

كل ماافتح معاه سيرة الوظيفه يزعل ويعصب ويقول مو ناقصك شي وليه تدوري الذل في نظره الوظيفه تذل يابنااات الله يوفقكم هذا الموضوع متعبني نفسيااااا هو شمالي شرقي وانا نفس الشي كيف اقدر اقنعه يعني اكون صارمه واكلمه بقوه واقول بتوظف رضيت ولا كيفك ولا استخدم معاه اسلوب الحنان واحزنه وابكي انصحوووني الله يوفقكم ​

مع العلم لي 5 سنووووات احاااول دون فائده بس احس هاليومين بمووووت ماانام ولااكل بس افكر في الوظيفه والله الفراغ يقتل ولو ماانشغلت بشي يفيدني بنشغل بالي يضرني وعلى فكره مو مقصره مع عيالي ولله الحمد ولافي بيتي وكل الناس تشهدلي بس احس عندي طاااقه وودي استفيد منها ​

عندي مشكله في الجهاز معلللق مو راضي يكبر الخط

 

[قمرية المدينه]

مااحد بيرد عليا

 

[قطـــــريه]

<P>اختي من رايي توضحي له ان رغبتج بالشغل مو عشان قاصرج شي .. هاي حلم ورغبه وطاقه عندج .. ووضحي له ان شغلج ماراح يأثر على بيتج .. ولا تربيتج لعيالج .. ومتى ما كان لها تأثير فالأولويه للبيت .. وبصراحه مو حلوة ما يكون بالبيت الا بالويكند

 

[قطـــــريه]

اختي من رايي توضحي له ان رغبتج بالشغل مو عشان قاصرج شي .. هاي حلم ورغبه وطاقه عندج .. ووضحي له ان شغلج ماراح يأثر على بيتج .. ولا تربيتج لعيالج .. ومتى ما كان لها تأثير فالأولويه للبيت .. وبصراحه مو حلوة ما يكون بالبيت الا بالويكند ويحرمج من الشغل .. بس خذيه بالسياسه .. واللين مع شوي حزم .. مو تقولين له يا اتوظف يا اخلي البيت .. مانبي هالوظيفه الي بتخرب البيت .. بس حاولي تدخلين حد كبير يحبه ويحترم رايه يوضح له وجهة نظرج مو كأنج مشتكيه .. خليها كأنج قلتي شي بخاطرج ويضايقج ,,

 

[قمرية المدينه]

اختي من رايي توضحي له ان رغبتج بالشغل مو عشان قاصرج شي .. هاي حلم ورغبه وطاقه عندج .. ووضحي له ان شغلج ماراح يأثر على بيتج .. ولا تربيتج لعيالج .. ومتى ما كان لها تأثير فالأولويه للبيت .. وبصراحه مو حلوة ما يكون بالبيت الا بالويكند ويحرمج من الشغل .. بس خذيه بالسياسه .. واللين مع شوي حزم .. مو تقولين له يا اتوظف يا اخلي البيت .. مانبي هالوظيفه الي بتخرب البيت .. بس حاولي تدخلين حد كبير يحبه ويحترم رايه يوضح له وجهة نظرج مو كأنج مشتكيه .. خليها كأنج قلتي شي بخاطرج ويضايقج ,,

تسلميلي عالرد

وانا حااااولت اكثر من مررره افتح معاه الموضوع بس ماافي فايده ولما اقول للوالد يقول اهم شي رضى زوجك بالرغم من ان الوالد وده اتوظف لان العلم بنظره مهم يااارب ادعولي اليوم بكلمه في الموضوع وان شاااء الله يوافق وبيني وبينك اخاااف ادخل احد في الموضوع يزيد عناده واتورط :crazy:

 

[قمرية المدينه]

بنات ساااعدوني احد يرد علي وربي نفسيتي تعباااانه يمكن ماتعتبروها مشكله بس بالنسبه لي الفراااااااااااااغ قاااتل

 

[رحالة ومليت]

طيب ياقمريه مو ممكن تتوظفي وأنت ببيتك عن طريق
الكمبيوتر ترى فيه أعتقد وظايف وأنت تديريها وأنت ببيتك دوري وأنت تلاقين إن شاء الله ..
والله يوفقك يارب.....
بس أهم شئ زوجك دامه ماقصر عليكم لاتخلينها نكد له كل شوي فاتحة السيرة......

 

[ياخوفي عليك]

ممممممم برد عاللي فهمته منك واذا في شي صححي لي

اولا انسي موضوع الشغل بهالفتره

انا حاليا متخرجه وانطر وظيفه وحدي دااايخه ومتضايقه وانا مافضيت الا بس 3 اشهر

ومييييييييييييييته ابي اشتغل ابي التزم ابي اسوي شي مفيد

يومي احسه يمر من غير معنى وانتي 5 سنين الله يعينج

شوفي ركزززززي عالدراسه


قووولي ابي اكمل دراستي وشوفيلج بنفس البلد اللي اهو فيها

علشان تتقربين منه اكثر وعشان يحس فيج اكثرر


كملي دراستج كثر ماتقدرين وقولي هذي بدال الوظيفه

مابي اشتغل


ابي الهي نفسي بالدراسه ممكن؟؟؟؟ وحاولي تقنعينه

قولي بس بدرس عشان الهي نفسي وبعدين بحط الشهاده الدرج ولاني سائله عن الوظيفه

 

[وصية رسول الله]

على قول اختي )) ياخوفي عليك (( انسي الشغل بس بها الفترة
وانا اقول اشغلي نفسك في مهارات وااايد بتبدعين فيها غير الدوام والوظيفة ..
فنون الفوتشوب
دروس برامج في الكمبيوتر
دروس فلاش
النقش على الزجاج
الشك التجميلي للملابس
استغلال الأغراض الزايدة في بيتك واستخدامها بفن في تحقيق فائدة
ومع واحد من هذه الاشغال احفظي كل يوم نص وجه من القرآن منها تحفظين تحفظين كتاب الله ومنها ترجين البركة وحل المشاكل ..
وادعي ربك دووووووووم في هذه الفترة ((فترة طلب الموافقة من زوجك ))


ويعد مدة ..
افتحي الموضوع بأسلوب .. وبالطريقة اللي تعرفينها لزوجك ..

يالتوفيق

 

[قمرية المدينه]

اليوم كلمت زوجي في الوظيفه وقال مستحيــــــــــــــــــل تتوظفي واختاري يالوظيفه ولا انا احس الدنيا اتقفلت بوجهي ومايبغاني اكمل ماجستير يقول لو تبغي دوري لك مشروع وانا اسااااعدك والله يابنات اليوم كان اسوء يووووم لانه حط نهايتي من حقي اتوظف زي اي وحده انصحووووني اشوف لي مشروع وايش نوع المشروع انا دارسه اعمال فنيه وعندي خلفيه في الديكور واعرف اسوي ابحاااث وعندي خلفيه عن توزيعات الزواجات والمواليد ( سبع صنايع والبخت ضااايع)

الحمدلله على كل حااااااااال بس ودي اشووف نصايحكم الحلوه الله يوفق الي ردووو والي بيردووو

 

[بنوته كلها حزن]

انا من رايي حبوبه انج تسألينه اهو شنو تدشين او يقولج جم شي وانتي اختاري اللي يعجبج