زوجي هاجرني في ... وش تعتقدون السبب

[منااااير99]

صباح الخير
بلقيسات ببدأ من حيث اظن انه سبب لمشكلتي
تزوجني زوجي لاني موظفه بنفسه قالي بس كان يعدد لي اسباب زواجه مني واني مو من قرابته
ودائما اخواته يلمحن لي بان الموظفات يتزوجن بسرعه عشان ياخذون فلوسهن اهل زوجي عائله ماديه
ليسنتين وهذي السالفه تتكرر
وكانت خالته عارضه على زوجي قبل يتزوجني انه ياخذ بنتها وبمهر جدا بسيط وبشروط ميسرة لابعدحد
وبعدماخطبني ما خلته هزئته وهو من البدايه كان رافض يتزوجها وبعد الملكه عيال خالته يحاولون يثنونه عني وانهم عائله قصيره(طولنا مربوع لاحنا بقصار ولا طويلين بزيادة)
وكل اخبارنا تصل لخالته اول باول
وزوجي قد كتبت عن مشكلتي معه واهماله ورجعتي لغرفة النوم معه بعد ما كان ينام فيه 7شهور بلحاله
وكانت العلاقه من مره الى مرتين بالكثير ولا اذا كان راتبي نازل اخر الشهر
وهو متمسك بوظيفتي اكثر مني لان راتبي اعلى منه
المهم العلاقه بيننا قلت الى درجة لنا اكثر من شهر ما صار شي ولا حتى مداعبه
سافرت لاهلي اسبوعين وكان يشتاق لي بالجوال وفي يوم العيد
بحكم ان الساعات الاولى دائما تكون للحبايب والغوالي اتصالات ومباركات زوجي ما اتصل
كنت اشوف اللي حولي وازواجهم بعيدين يتصلون الا انا ما دق علي
امي وجدتي وابوي واللي حولي يسألون زوجك ما اتصل كانت فيني غصه لان اللي يحب ومشتاق بتلهف يدق على زوجته الا هو .دق بس ما كان وقت الغوالي
بعد العيد صبغت وقصيت وشريت ملابس جديده
لما رجعنا للبيت من السفر ولما دخلت البيت ونزلت الاغراض وقبل انزل عبايتي قال بنام تعبان واللي اعرفه اللي يبعد يرجع مشتاق قلت معليش اكيد تعبان
واليوم الثاني واللي بعده والرجال يا نايم يا الاستراحه
لبست كشخت ماحولي احد اكيد فاهمين قصدي
ودي اعرف ليش هو كذا معي وش صار بيننا عشان يكون فريييييييييزر معي
نفسي اخذ اجازةوارجع ارتاح من اسلوبه في الحياة بس ما يرضى تدرون ليش لان الاجازة يعني ما في راتب!!
ملللليت منه ونفسيتي في البيت زفتواخلاقي والله الشاهد ما عمره سمع مني كلمه مو زينه والا ناقرته بشي
ما اقدر اصارحه ابي حل مليت ورب الكعبه مليت
ماكأني متزوجه زوج مهمل
ما ادري ليش كتبت المقدمه بس يمكن يكون لها دور؟!

 

[ريناد العواضي]

عزيزتي لا أخفي عليكي الرجل الذي يبعتد عن زوجته جسديا" وروحيا" وعاطفيا" مشغول بحب آخر ..
أختي امرأة مثقفة وجميلة وزوجها دكتور .. شاطر

اللي حصل انو تعرف على وحدة ..فكان بعيد كل البعد عن اختي ..سواء في الفراش او بالرومنسية ..
كان ما يقرب لها الا بالشهر او بالاسبوع مرة

لدرجة انها كان تزور اهلي سنويا" وتجلس شهر كاامل وتجي وهو مشعوول عنها ..ولا كانها كانت بعيدة ..

قدتكون قصتك مختلفة عن اختي بسس ..الرجل لما مشاعره تقسى من كل شئ ..اكيد في شئ

.حاولي تتناقشي وياه ..اعتبريها جلسه صراحة معاه ...

قولي له على اللي مضايقك ..يمكن ساعتها يقول ..او حتى يتكلم ..​

 

[حلااميرة الزوق]

حبيبتى هونى عليك اولاانتى ليش غادرتى لبيت اهلك ايام العيد وثانى استمرى فى الاهتمام بنفسك ولاتشغلى بالك صدقينى لو طنشتى بيرجع زاحف اكيد فى شى شاغل بالة سو كان فى العمل او فى اسرتة اوزهابك لبيت اهلك اكيد انصحك الدعاء واهتمى بنفسك وطنشى ولاتغادرى غرفة نومك اياك ولاتظهرى لة انك فاقدة شى وبكرة بيرجع صدقينى

 

[رورو2]

لا ياعمري لايضيق صدرك ولاشى ترى الرجال تجيه فتره يطفش من البيت ويحب يغير روتين حياته فانتي حاولي تغيرين روتينك علشان يحب الجلسه معك

 

[مجرووووووووحه]

ممكن عنده مشاكل او يفكر ومهموم او مديون ويفكر كيف يسدد دينه
والاحتمال الاكبر يكون مريض بالعجز او مرض يؤثر على قدرته كالسكر مثلاً
كان الله في عونك واصبري وادعي واحتسبي الأجر عند الله**

 

[ياقلبي كفاية]

البنات ماقصرو. طيب ليش ماتصارحينه

 

[يالوردي]

ناقشيه بها الموضوع وعلميه انك متضايقه من تصرفاته اذا هو مريض يتعالج اذا شافك ساكته يحسبك راضيه

 

[سكر22]

الحوار ثم الحوار ثم الحوار هذه نصيحتي..

 

[ميعاد عواد]

طيب راتبك وين يروح لك والا له
انت اكبرمنه او اصغر
اذا استلمت الراتب وين تصرفينه
جاوبي وان شاء الله نلقى حل لمشكلتك

 

[دعسوقة123]

صح راتبج وين عزي عمرج وفلوسج بحبج اما انتي بنك وتعطين في كل الحالات يعني من دون مقابل اكيد بطنش لاتعطيه ولا بيفتح بيت ثاني بافلوسه هو وفلوسج لبيتج والله يوفقج

 

[معلمة متألمة]

عمر الحب ماينشرى بالفلوووووووس....

حبيبتي ما ابي اضايقج انا معااااج....

بس لاتعطينه فلووووووسج...... يعني يبيج عشان الفلوووووس!!!!!

والله زمن الرجااال رااااح الا من رحم ربــــي....

استعيني بالصلااااااااه.....

الجأي ل ربي وحده وبتنفرج عليج....

وهو طنشيه مثل مايطنشج واهتمي بعمرج وكشختج مو لانه مطنش تهملين عمرج!! واعرفي وشو نمطه وعلاقته بربي شلووون (ماقصد اذا مطوع او لا..) اقصد صلاته شلونها؟؟؟؟؟

الصلاه اذا صلحت كل شي يصلـــح...!!

الله يفرج همج يااااارب وماعليج منه ولاتهتز ثقتج بعمرج اهتمي بعمرج ومكانج وريحتج وفلووووسج ماتعطينه اياها........
اكره الرجال اللي ياخذ لوووس زوجته بالمره يفصخ الغتره ويلبسها اياها...
فيه حريم يتساعدون مع ازواجهم وفيه حريم شايلين بيوتهم واهلهم وازواجهم ما اقول شي لان كل واحد له ظروفه واصلا بدون ظروف وغيره الزوجه اذا حبت الرجال وهو يستاااااهل ما راح تستغلي عليه اي شي.....
بس هالنوعيه من الازواج بصراحه ماينفع معاهم هالشي كلــــش...

الزمي قرب ربي اللزوم من المداومة..يعني لو نداوم على القرب من ربي يعني نكون طول وقتنا بـمعيــّة الله سبحانه بتنفرج كل همومنا..... الزمي القرب من ربي وغيري وضعج معاه مع الدعاء والصلاه لازم ناخذ بالاسباب والله يصلح حالج معاااااه ياااااارب وطمنينا عليج....

ربي معاااااااج يارب​

 

[منااااير99]

هو يحبني يمكن عشان الفلوس مدري وانا اصغر منه ب8 سنين
جمالي متوسط
ولله الحمد ما اهملت بنفسي انا احب البس واغير حتى قبل اتزوج
صلاته ما يصليها في وقتها
هو ما في مشاكل عنده عمل زوجي توقيع فقط وفي احسن الاحوال ساعتين بالكثير
راتبي للاسف بعد ما كنت اساعده في الضروريات صرت اعطيه حتى على عزايم الاستراحه اللي اخذت كل وقته
لدرجة انه قاط معهم في فريزر عشان المعسل وهو ما يشيش!!! يحب يهايط ولو بفلوس غيره
عنده قرض وبعد قرارات الملك الاخيره زاد راتبه واعفي من قرض لكنه ما يعرف يستغل الوضع ويحوش
لمحت له قبل يومين بانه صرفنا 10 الاف في 20 يوم!! والمشكله باستمرار يطلب مني احول له كل يومين ولافيه التزامات لانه ما يطلعني لا يمين ولايسار من البيت للدوام
طلبت منه الفترة الاخيرة يدور لي عن بيت اشتريه عن طريق البنك حتى ما احرجه وانا مو ذيك الجرأة يعني ما اقدر اقوله ابي بيت باسمي (هو كان يقول اذا ما تثقين فيني بسجل البيت اللي بنشتريه باسمك) بس ما اثق في الرجال خايفه وللزمن ما ابي احد يشاركني وعيالي

 

[منااااير99]

بلقيسات الله يوفقكن
قولو اي شي لا تجاملون وربي اني ما اتضايق بس علموني ارشدوني
لان منتداكم هو الوحيد اللي اعرفه ممكن يساعدني بهالمشكله

 

[بيرو العمودي]

شئ طبيعي يعاملك كده
قاعده تصرفي عليه
وتحولي له فلوس كل يوم والتاني
مو حاسس انه الي قدامه انثى
لانه زي ما نعرف الرجال يحب اللي يصرف عليها
ويحس بانوثتها ويحس برجولته وقوامته عليها

​

 

[مدمنة صبر]

يالغلا ليه تضايقين ولك رب يسمع شكواك واذا تضايقتي يفرج همك واذا دعيتيه يستجيب لك

ادعي الله ان يؤلف بين قلبك وقلبه فالله هو مؤلف القلوب ولا احد يستيطع ان يعطيك وصفه سحريه للحب والمودة الا الله سبحانه ما اعظمه ربي الف بين قلبها وقلب زوجها وازرع الحب في قلبه انك القادر على ذلك

 

[منااااير99]

بيرو صادقه والله
بس المشكله لو رفضت بيزعل وبيقلب البيت على راسي وما راح يجلس بالبيت هذا كلامه لي مع ان ما في فرق بين زعله ورضاه
ماهو الحل برأيكم بانسحب من دور الرجل اللي اخذته لكن ما ادري كيف ابدأ
انا اتوقع ان كلامك هو السبب ولو اني ما شفت اثره انه متأخر

مدمنه صبر
نتعلم منك كيف نتقبل المشكله ونصبر عليها
الله يسخر لك خلقه يارب

 

[saniaend]

الحوار الصريح والاهتمام والمناقشه الهادئه وتقربي منه ولا تنتظري فقط قربه هو انتي بعد حاولي والله معك ويساعدك اختي

 

[بيرو العمودي]

يزعل ويقلب الدنيا
ويسيب البيت مشكلته هو
والمفروض ما تشيلي همه
لانه شئ راجع ليه
لو قعدي تفكري بزعله وتركه البيت
ما راح تستعيدي مكانتك
وهتكوني الرجال على طول
والجانب الاضعف

اتعلمي منه برودة الاعصاب وعدم الاهتمام لمشاعرك
وحطي مصلحتك قدام عينك زي ما هو يعمل

صدقيني الموضوع هياخد شهرين ثلاثه بالكثير
ثلاثه شهور ما يشوف منك ريال
وتتجاهلي زعله وتهديداته
وهتكوني انتي المسيطره
وهيغير اسلوبه معاكي ويحاول
يلين وياخدك بالمسايسه
في الحاله هذي لا تضعفي وتبدي تعطيه
وترجعي لنقطة البدايه


​

 

[الكايده ماتلين]

بصراحه مالومه اذا سوى كذا فيك تصرفين عليه وعلى بيته وماتبينه يوسع صدره ويهجرك والله العظيم ان وحده من صديقاتي معلمه وتصرف على زوجها ويوم عيد زواجهم اهدته سياره جيب لكزس من هبالتها وتدرين وش سوى بعيد زواجهم الثاني اهداها عروس تزوج عليها وغثها انتبهي لاتصرفين عليه منتى مجبوره انتي تصرفين وهو يجمع لاصحابه واهله والله يعينك انتبهي ؟؟؟؟؟؟؟ انتبهي

 

[saniaend]

اسمحيلي اختي من ناحيه موضوع الصرف هذا غلطك انتي مو هو انتي لازم اختي تعرفين حقوقك ولا تشتري اهتمامه ورضاه بالمال فهذا خطا كبير هو يجب عليه الصرف والإنفاق حتي بالكماليات وليست هذه وظيفتك ولو كان راتبك عشره أضعاف راتبه تصرفي كانثي واتركي له واجباته عندها سيعاملك كانثي هو المسؤول عنها ودمتي بخير