زوجي مدخن

[محتاجة استشارة2]

:35:السلام عليكم ورحمة الله وربركاته
سمعت كثير عن مملكة بلقيس من صديقاتي ومن رسايل جوال
اتمنى الالقي بعد الله عندكم حل
زوجي مدخن وماعرفت هذا الشي الا بعد الزواج
واتمنى تساعدوني في مشكلتي علشان يوقف الدخان
ومين صار منكم صار لها مشكله مثل مشكلتي وحلتها تفيدني الله الله يجزاها الجنه

 

[محتاجة استشارة2]

افيدوني الله يجزاكم خير
كيف اخليه يترك التدخين
الله يسعدكم يارب

 

[الخبرة]

يعني بالله هذي مشكلة

روحي خذي لفة في هذا القسم وشوفي المشاكل اللي تشيب الراس

لو جات على التدخين فقط روحي احمدي ربك وصلي ركعتين شكر

وما لك الا انك تكلميه عن اضرار التدخين على صحته
وفي البداية حاولي انه يخفف منه مو يمتنع بالكامل
وبالتدريج لين ربنا يبعده عنه
​

 

[جنون حلم]

انا معك من اكثر الامور المنفره للمراه من الرجل تدخينه

فيه اساليب كثيره مثلا لو كان نمطه سمعي احكي له عن اضرار التدخين ولوكان بصري وريه صور للمدخنين وماادري اذا موجود في اليوتيوب مقاطع عن اللي سوو استئصال للحنجره بسبب التدخين .. عافانا الله واياكم ,, ولو كان حسي استخدمي معاه اسلوب العواطف اكثر
مثل انت تبغى تحرمني منك لو مو مفكر بنفسك فكر فيني وهيك

وخليه يكثر من شرب اللبن والمكسرات ,, لان لها دور في تغيير طعم الدخان عنده وكرهه له

واستعيني بالدعاء ,, موفقه

 

[ام نــوف]

خوذلك فره بالمنتدى وشوفي المصايب احمدي ربك وتكلمي معاه عن اضرار التدخين

 

[fl0o0ry]

مهما حاولتي ماراح يتركه الا هو بنفسه وبقناعته
يعني انصحيه بس ولاتجلسي كل شوي ع راسه تقوليله يتركه
ومشكلتلك مو مشكله لانهاااا ماتأثر ع حياتك الزوجيه وتخليكي تعيسه..
خليه لين ربي يهديه .

 

[لااارا]

حبيبتي المدخن يكررره الي يزن عليه بخصوووص دخانه بس بيني له انك متضايقه من هاذا الشي

 

[ايمومي]

يالخبرة ماأحس هاذا أسلوب راقي للرد
ومن قال هاذي مو مشكلة
مشكلة ومشكله قويه

شوفي حبيبتي محتاجه استشارة هو ماراح يتركه الا بإقتناع
يعني العلاح قناعه مع إصرار
بس يمكن طريقه الاقناع تختلف في حاله انه يدخن قدامك أو يحسب ماتعرفين ​

 

[ام نــوف]

ايموومي هاذا من وسائل التخفيف عن مصيبتها السهله التدخين له حل بس الخيانه والغدر والحشيش والمخدرات وزواج السر واموور كثيره حبيبتي لاتبعدين عن زوجك وهو وقتها ينفر منك ويدور مكان علشان يدخن فيه وهو مبسوط وشي يجر شي لا كلميه بلطف واضرا التدخين والتشجيع من غير انقراف علشان ماينقلب على راسك

 

[^_^الشامخه^_^]

الله يتوب عليه وعلى كل مبتلى​

 

[النجمه البنفسجي]

و الله مشكلة التدخين حتى لو هانت على مشاكل ثانيه بس تعتبر مشكله و الزوجه هي الضحيه
و لو قلتوا و رديتوا مو مشكله التدخين ((غلطانيين )) لأن مشكلة التدخين تجر وراها أشياء ثانيه و منها الصحه
يعني مثلاً لو صار تأخر في الإنجاب و عقم من جهة الزوج أساسه التدخين و إله دور كبير جدااا


الله يعين يا أختي و يهدي أزواجنا إلي يدخنوا ....

 

[مزايا انسانه]

الحال من بعضه
الله يعينك ويعيننا

 

[انت الروح]

<>الله لايرزقني بمدخن يارب....والله ان التدخين اخس شي في حياتي تعرفي لاتبينيله انك مرة مرة كارهه التدخين بس وسوسي في راسه قوليله شفايفك صارو مسودين الظاهر من التدخين.ولما تطلعو من درج قوليله اش فيك تلاقط انفاسك ماكانك شاب .ولا اقولك خليه يشترك في جيم قوليله مره شكلك حلو بيكون لما عضلاتك تبرز اكثر واذا قدرتي تقنعيه بالنادي راح هوه من نفسه يحس انه مايبغاه ,بس طبعا ضروري تبدي اعجابك كل اسبوع بالتغيرات اللي في جسمه عشان يتشجع اكثر واكثر .ترى الرجال مثل الطفل حاولي فيه بالسياسة

 

[احلام يقظة]

مشكلة التدخين الي مايعرفها بعض الاباء انها تؤثر على الاطفال الي بيجوا فاكثر الاطفال المصابين بالربو ابوهم او امهم مدخنين ,,,

 

[أم جهاد*]

الله يعينك ويفرج همي وهمك

إذا حسيتي انه مرتاح وحيتقبل كلامك قولي له بكل جديه وحزم ووجه صارم اسمع يا فلان

رجاء لا تدخن في وجودي وهذا من أبسط حقوقي عليك لأنه أولا معصية ولازم تستتر وانت تعملها وما تجاهر بها ولأني أقرف من ريحتها وتغثني ولازم يشتري أي شيء يغير ريحة فمه

ثانيا قولي له قدامك مهلة ( كذا شهر ) في انك تخفف منها وفي الآخير تقطعها

 

[ما لقيت لي نك]

ما شاء الله عليكم الحين التدخيييييييين محرم شرعا مثل اي شي حرام ما في شي حرام صغير وحرام كبير الله يهديكم
فليقل خيرااا او ليصمت
اسلوبكم يبغاله تحسين شوي الله يهديكم وكيف تبون ازواجكم يكونو زينين وانتو تحسدو خلق الله انهم ما عندهم مشكلة اكبر الله يعين بس
كل واحد يشوف بوجهة نظره ويييييين مشكلته وبعدين ايييييييه التدخيييييين مشكلة كبيرة انا عيالي عندهم ربوووو مزمن اموت باليوم الف مرة وهذا مخرب موازيني كلها وش الرد ؟؟؟؟؟؟
احمدي ربج ان زوجج مدخن ولا يخونج ........ اي منطق في هذا الرد
اخيتي تواصلي معي على الخاص وبفيدج وبعديييييين هي قالت بتطلق قالت ابي زوجي يترك التدخييييين وما خاب من استشار ........