زوجي مايحبني

[بزه المرتزه]

السلام عليكم
انا من قبل فتره بسيطه كنت كاتبه موضوع ان زوجي مسافر مع والدته للعلاج
الحين ان شاءالله بعد يومين بيرجع
اهو من سافر واحس ان موفاقدني!! مايقولي ان ولهان او يدزلي كلمه تريحني
انا مقدره ان تعبان مع والدته وخصوصا ان اليوم عمليتها بس هم انا زوجته ولي حق
انا وايد فاقدته والحين لما فربت رجعته صدمني! يقولي ماودي ارجع! ودي اقعد انطر نتايج امي تطلع وماودي اخليها! مع العلم ان اخوه سافرلهم امس يعني والدته بتكون موجوده مع اخوه مو بروحها! بدال لايفكر اني ولهانه وضايعه بدونه وكان ودي اسمع منه كلمه وله وشوق قالي هالكلام!!
والله احتريت بس مابينتله شي! وقتله اذا ماودك ترجع لاترجع جان يقول لا ماقدر دوامي!
يعني حتى ماقال عشانج! مع العلم ان قبل سفرته مع امه كان مسافر شغل اسبوعين ورد قعد معاي اسبوع وعقبها رد سافر مع امه!!
انا ويني من كل هذا؟! ليش موعادلي حساب! انا ماقلت شي هذي ظروف وكلها يت بوقت واحد بس ودي ان يبين بعينه ودي ان يقولي انه مقصر واهملني او على الاقل يحسسني ان ولهان!
ماكو ولاشي !!
والله انا تعبانه ومقهوره وخصوصا لما قال ان ماوده يرجع
مع العلم ان زوجي شمالي شرقي

 

[زوجة الناظر]

الله يسخره لك

 

[انين الخريف]

لاتهتمين
ترا الشمالي عموما اذا جاه ظرف خلاص مايجمع يعني

زوجي جنوبي مهما حصل معه اذا شافني يتغير موده وانا والله اغبطه لانه يقدر يتغير ويحسن من نفسيته عكسي

اذا حصل مشكله عند اهلي انطوي وخلاص اصير بعيده عنه وما اقدر اتفاعل معه ودايماااااااااااااااا ولاحظي دايما

احس انه لازم يحس فيني ويقدر معاناتي ومايطالبني بمشاعر عكس مشاعري لين تتحسن نفسيتي بس للاسف زوجي يبغاني زيه اذا شفته انسى كل شي ورا ظهري


لاتلومينه والله يحبك بس يحتاج او بمعنى اصح يلزمك بالتفهم وصدقيني اذا تحسنت امه وتعدلت ظروفه بيرجع زي اول واحسن لانه ماراح ينسى وقفتك معه

 

[دانة الشام]

صدقيني هذه وساوس من الشيطان,, ياأختي تفائلي وعيشي اللحظة ولاتنتظري أن يعبّر لك عن شوقه,,بعض الرجال لايعبّرون ,, وحين يكون بالهم وفكرهم مشغول في أمر ما أو هناك مايقلقهم ينسون زوجاتهم ,, ولكن حين تهدأ أمورهم ويرتاح بالهم يعودون لممارسة حياتهم طبيعية مع الزوجة من اهتمام ومحبة,, الحياة الزوجية قد تمر بظروف يتبعها فتور,, لاتدققي كثيرا وتنكدي حياتك وتحرقي أعصابك,, حين يعود استقبليه أنت بشوق وحب واهتمام ,, عبّري له عن شوقك إن كنت حقا مشتاقة له واسأليه بدلع وأنوثة ألم تشتاق لي؟؟ وافرحي بإجابته ,, إن شاء الله يرجعلك بسلامة وربي يختار لك الخير.

 

[الماسة المجروحة]

الله يسخرلك زوجك بس لاتشيلي هم وتزعلي اكيد هو مشغول باامه اعذرية الشمالي لما ينشغل بموضوع يكون كل تفكيروا انت بيني انك مشتاقة له ومشغول بالك بامه عشين ينبسط واستقبلية بشوق والله يوفقك ياقلبي

 

[كوب نسكافه]

لااااااااااااااااااا تلوميه ابدا
لانه مشغول على امه00حتى لو اخوه موجود
هذا غير انه الشمالي اصلا مايعرف يعبر عن اللي في داخله
اذا جاء استقبليه وافرحي برجعته
ولا تخلي الوساوس تسيطر عليك وتخرب فرحتك برجعت زوجك

 

[ام ريناف]

الله يسخرة لك ازمة وتعدي

 

[هوى الشمال]

الله يهديك بس نكدتي على نفسك..
تصرف زوجك جدا طبيعي وكلامه صدقيني عادي لأنه خايف على أمه ويفكر فيها وأنتي وايد حساسه
المفروض يوم قال ماودي أرجع كان قلتي من حقك وهذي امك بس مااشتقتلي أنا أشتقتلك وودي أشوفك ومن هالكلام
مو تنتظرين منه الكلام لأنه صدقيني متأثر بتعب أمه ونتايج تحاليلها
وأكيد مشتاقلك بس هو في وضع مايسمح يقول فيه عن مشاعره....

 

[كلي لضناي]

اصعب رجل الشمالي الشرقي ولكن اغلب الرجال لايتقننون فن الاهتمام لكن ثقي ثقة تامة انة ماراح ينسى وقفتك معة ابد ابد حتى بينة وبين نفسة بيقول ماءشاءالله ونعم الزوجة بس مسكين مايعرف يعبر ابد ابد من جد اقولك لاتحسبيني اواسيك انا زوجي يسافر تبع شغلة ماقد قال اشتقت لك اسلوب شين مر مرة
المهم انتي اعطية وانبسطي ولاتنتظرين رد الجميل بتتعبين ههههههههههههههههههههه الله يسعدك ياقلبي ويسعد جميع النساء المظلومات

 

[بزه المرتزه]

ياحياتي انتو مشكورين على ردودكم طمنتوني
ويمكن انا حساسه وايد صح