زوجي مانعني اتعرف على الناس

[كرت احمر]

السلام عليكم بنات بغيت اخذ رايكم في موضوع يخصني ويخص زوجي
ادري بتقولون انة تافة بس احس انة مهم بنسبة لي

امنيتي اتعرف على بنات متزوجات نفس حالتي مايعرفون احد في المنطقة الي هم عايشين
فيها
انا لي فوق 7سنوات ماعرف احد وسبب زوجي يقول لاتتعرفين على احد يمكن تطلع بنت حرام
او او او كرهني بالناس وصرت اتجنبهم بسبتة على فكرة هو مش خوف علي لاشك هو حتى انة يشك فيني اني اعرف احد من النت يقصد شباب ودايم يردد انا دخلت الشيطان بيتي والله يستر
اقولكم السبب
كنت عروس وجاب كمبيوتر للبيت وانا ماعمري شفتة رحت استكشف الامور الي فية دخل علي مرة وانا جالسة على الشات واشوفهم مبهورة وكاني جاية من العصر الحجري هو انصدم صار يتلفظ علي بكلمات جارحة انتي خاينة انتي جرحتيني انتي انتي كلااااام كثير
مع انه هو صاحب سوابق ماعمري طريت لة او قلت انت كذا وصاحب صور وافلام وغيررررة وهو
لاشافني داخلة منتدى نسائي جاني وشالي يضمن انهم نساء يمكن رجال ويضحكون عليكم قلت صف نيتك ياشيخ
طبعا انا طفشت ومليت لاجارة اتونسني ولاصديقة افضفض لها مليتتتتتتتتتتتتتتتتتت
الحين فية كذا وحدة ومااقولكم اني اعرفهم معرفة شخصية لا بس من النت وحابين نشوف بعض واتفقو كلهم باقي انا اعطيهم الموافقة واعرف انة مش موافق
جبت مرة طاري الموضوع سواها قصة وسالفة
على فكرة زوجي يشرب ويدخن ويتعرف على ناس في اماكن مشبوه مثل النايت كلوب وغيرها وماعمري قلت ليش اوليش وهو جنوبي غربي متطرف استاذن الحن لانة وصل
ومش عارفة اجيب لة الموضوع

 

[دنيا صغيره]

الله يكون في عونك

اختي اعذريه لأنه شافك في الشات وهذي بحد ذاته صدمه حتى لو مادردشتي معهم

وسالفة البنات اللي تعرفتي عليهم عن طريق النات وراح تقولين له انا اقول شيليها من بالك ماتدرين

وش راح يسوي فيك وخصوصا انه يشرب (الله يكون في عونك )

وفهميه بطريقه انك بس تبين تعرفين السبب مو لأنك تبين تطلعين

انا كنت زيك وصار اللحين يقولي تبين اوديك فلانه او فلانه او يقول روحي فلانه غيري جو

بس علاقات عن طرق النت والله مستحيل مره زعل علي وبغى يكسر الكمبيوتر لأني اضفت وحده

في ايميلي وقال يا أنا يا هي وصراحه انا متأكده انها بنت بس عشان ما أطيح من عينه ما كلمتها وحذفتها من ايميلي

لأنو ضد طريقة التعرف عن طريق النت (بعذره من كثر مايشوف بلاوي هالنت ) الله يستر علينا

وصراحه اريح لك من الناس وكلامها فلانه قالت وحطت ويقلون كلام انتي ماقلتيه وتروحين حديث الساعه وهذا بالتمام حصل لي انا نفسيا الله يسامحهم هالناس (انا اشوف انك تجلسين في بيتك وتخلين الناس عنك ) وخليك على هالنت تعلمي كل يوم يجيبون شي جديد

وآسفه على الأطاله

وهذي مجرد وجهة نظر

تابعي البنات يمكن يفيدونك

 

[غيرهم كلهم]

طيب اتعرفي على جارة متزوج وخليه هو يتعرف على زوجها

او قوليلوا يعرفك على زوجات اصحابه

 

[تفاؤل11]

والله حاله حتى انا متزوجه وبعيدة عن اهلي ما يخليني اتعرف على احد اعرف جيران اهله عشان انهم يجون عند امه وكلهم عجايز بس يتشكون الله يشفيهم ودرست فتر في مدرسة اهليه تعرف على وحدة وطلت انه نزور بعض هي زارتني بس لما قلت اني بزورها رفض يقول هو ما يحب التعارف طيب انا وش دخلني يقول مو لازم يكفي اهلة واخوالي وغيرهم لا و الف لا ذا بحتني الوحدة وما عدت اطيق اهلة ولا اتونس عند اخوتالي

 

[نوريتا]

الله يعينك

 

[حياتى بلا حنانك]

انا حالتى مثل حالتك مالى الا النت وعيالى لا لى اهل ولا صديقات ولا حتى جيران بيوم كان بيذبحنى علشان تعرفت على جارتى ومن بعدها سلام عليكم عليكم السلام
وترى الناس والله ما فيها الا وجع راس حتى الاهل تجينا منهم مشاكل وحنا بعيد فلانه قالت انك قلتى وفلانه قالت انتى ما قلتى خليك لبيتك ورجلك وعيالك بس وتصفحى النت وتعلمى

 

[كرت احمر]

جزاكم الله كل خير خلاااااص شلت الفكرة من راسي
والله يعني على الوحدة حتى الواحد صار ماعاد يعرف يتكلم في المجالس
من كثرة السكوووووت