زوجي مافيه شي بس العيب مني انا تعبت

[اجتماعيه وحلوه]

السلام عليكم بنات

انا مشكلتي مشكله مستحيه وانا اكتبها لكم والله مستحيه بس بطلع لكم فضاايحي بس

ساعدوووني

ساعدوووني ارجوووووكم

قرات موضووع سله فواكه عن لطيفه بعد ان تزوج زوجها عليها

خفت خفت خفت

حسيتها تتكلم عني عن حياتي انا وزوجي عن بيتي عن نظافتي

بل وسااختي وعن طبخي الي ماطبخت ولا مره في حياتي ماعرف ا

اصلا تصدقووون حتى الشاهي والقهوه ماعرف اسويها بس اعرف

اسوي تونه وبعد زوجي هو الي علمني عليها ماعرف اسوي شي

احس انه مالي داعي في الحيااة

انا متزوووووووجه من 3 سنيييين وعندي بنتييين

كله على الخدااااامه هي الي تسبهن هي الي تاكلهن هي الي

تنظفهن هي الي تمشطهن

خلااااص تعودت صرت ماحب اسوي شي كله معتمده عليييها

والحيين بعد العيييد بتسااافر

وش اسويي انا كييف بهتم في بيتي راح بضيييع من بعدهاا

زوجي نفسه اطبخ له اتفنن له اسويله خفايف اسويله اكلات حق الرجييم مااعرف

غرفت نومي هي الي ترتبها الخدااامه

مراات تجيني حالات اقوول برتب الكبت افتحه احتاااااااااااااااااااس

ماعرف ابدا في ويش ولا في ويش احس مااشي مكااااان الكبت

صغيييير وملابسي وملابس زوجي وبناتي كله فييه ماايكفي واذا

بشتري كبت مااشي مكاااان وين احطه اقوول لو عندي غرفت

ملاابس لو عند بنااتي غرفت نووم خااصه فيه كاااان زيين

بس انا عندي غرفه نوم وحماام وصاله بسسس حتى مطبخ تحضيري ماعندي

وانا عاايشه فيت بيت اهلي

تقولون ليش مااطبخ خدامت امي هي الي تطبخ وااكل معااهم

مراات زوجي ياكل معنا مراات في بيت ابووه لانه جمب بيتنا

عندي ملحق في بيت ابووي انا شرطت عليه من البدايه السكن في بيت ابوي ولا ماشي زوااج

عشاان كذي ماتحمس اطبخ لانه الخداامه تسوي كل شي بس

لييين متى نفسي اكوون طبااخه مااهره نفسي اتعلم الحلويااات ا

احس في نفسي ابغي بس يوم ارووح المطبخ اشووف الخداماات

اتكااسل اقوول خلاص هن بتسون كل شي وارجع

مرات اقوول يارب ترووح الخداامه وماترجع عشاان احس بالمسؤليه واتحمل شغل البيت واطبخ غصبن عني

بس خلااص تعودت وانا بنت مااسوي شي

تعبــت
تعبــت
تعبــت

من هذي العيييييييييييشه ملل وطفش وضييق اربعه وعشرين ساعه ماعندي شغله

حتى الشغل مابغي اشتغل تعودت على النووم زوجي يقوول ا

اشتغلي سااعديني النااس تتساعد انا مابغي اقوول اذا اشتغلت

بيعتمد علي بعدين في كل شي ومعد بيصرف علي وبيتعود خلييه

هو يتحمل مصااريف كل شي معنه حاالتنا الماديه صعبه صعبه

نفسي في اشياااء نفسي اشتري وافصل وغير من غرفتني بس

مااااااااااشي فلووووس

وفووق هذا كله مااريد اشتغل معني محتااجه الشغل انا اكثر منه
بس ماعرف كييف انا كيف مافهمت نفسي

زوجي يحبني يهتم فيه بسسس احسه مل طفش يقووم الصبح للدواام وانا نايمه ماياكل شي يطلع

ويشتريله من برع مراات اقوم معه ومراات لا حسب المزاااج

وتقولون ياليت ارااعي مشااعره يجي البيت وانا اعرف انه ماعنده

شي بس اقوله ابغي وابغي ونفسي اتشري ونفسي اسافر وانت
ماتعطيني وانت ماتفكر فيني وشوف فلان وشووف علانه

ليييييييييييين يكررره نفسه دايما احسسه بالنقص

ودي اصيح

اهئ اهئ اهئ


هليـــــــــــــب مي

 

[انثى تعشق رجل]

انت كتبتي عيوبك
ارجعي اقريها مره ثانية
واكتبي الحل لكل مشكلة على ورقة
واتوقع كل اللي كتبتيه سهل تغيرينه بنفسك
المهم يصير عندك اصرار وعزيمة وصدقيني مافيها شي لو الوحدة ساعدت زوجها ماديا
في حدود المعقول
مادام حالتكم المادية صعبة مافيها شي تخففي عنه شوي مو شرط تصيري انت الرجال وتتولي الامور
بس شي احسن من شي
وعيوبك الثانية لازم تبدي فيها من الحين بكره اذا راحت الخدامة وتركتك
بتحوسي الدنيا لو ماتعودتي
حطي لنفسك نظام وامشي عليه
وبصراحة في بالي سؤال
هل انت تهتمي بنفسك؟؟
يعني اوك زوجك شايف لا شغلة ولا مشغلة
لكن على الاقل هل يرجع من الدوام يلاقي زوجة تفتح النفس
اتوقع هذي اقل مافيها ​

 

[مدمنة صبر]

زين انك حسيتي لمشكلتك واهتميتي فيها قبل الضياع

3 سنوات !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! احمدي ربك ما طلقك ويمكن تزعلين من كلمتي بس جماعتنا لو مثلك طلقها من يومها ولا بعد راح يشهروون فيها الحمدالله على كل حال وبعدين ما شاء الله ماعندك عيال كثير بعدين وش تسوووين وملحق بعد مو بيت !!


شوفي النظااااااااااافه من ايمانك وتطرد الشيطان لانهم يحبون الوصاخه اكرمكم الله واهتمامك بدينك ويمكن تصيري موسوسه نظافه مثلي ههه وتنظفين بيت امك بعد:17: الحمدالله والشغل والله سهل والشغاله انتبهي منها اغلبهم يتعاملوون بالسحر !! وما ابي اظلمها انتي لا تصيرين اتكاليه مره ولا تقولين تعودت على الشغالات والله حتى انا تعودت على الشغاله من صغري وخلاص احنا اللي نشتغل وانا متعوده لاحظي !!

واهم شي غرفة الجلوس والمطبخ والحمامات وغرفة النوم هذا طبعا بشكلي يومي وتبخرين البيت يومي وماعندك لامجلس ولا قسم رجال ولا ملحق !! يعني شغلك سهل وبسيط ومره وحده ترتبين ولا ياخذ من وقتك ساعه ويمكن يقعد اسبوع وهو مرتب وما يحتاج الا بخوور او شوي عود (بس هذا يوم الجمعه ههه وخصصي وقت لك كل شي

اما زوجك يداوم وما يفطر!! ما شاف ابوي الله يطول بعمره حتى القهوه ما يداوم الا وهو متقهوي ما شاء الله عليه
انتي سوي له سندوتشات جبن او بيض او زعتر كوب شاهي او عصير برتقال طازج والشاهي بس مويه دافيه وم سكر ولبتوون ههههههه بشرح لك كل شي تحملين وبصدقك في ذي !!

الغداء ممكن مع اهلك او سوي على الاقل سلطات او حلا !! ساعديهم مو كل شي على اهلك فرحي امك اكيد ودها تطبخين
يعني ساعه بيتك وساعه جمالك وساعات دينك !! ما خسرتي شي وشغلي لك شريط قران او استمعي لمحاظره واشتغلي ولاتنسين تقولين عند النوم سبحان الله والحمدالله والله اكبر 33 ولااله الا الله مره واحد هذا وصية الرسول صلى الله عليه وسلم لبنته فاطمه يوم طلبت خادمه !! ولا تنسيت تدعين ربي يعينك على نظاااااااااااااااافة بيتك وتخلصين النيه العمل لله ولا ارضاء زوجك وشمري عن ساعديك من الحين ابدي :15:

واسفه اذا طولت:5:

 

[دلع قلبه]

لاحول ولاقوة الا بالله
مالك اي قيمة او هدف في الحياة على اي اساس عايشه!!

لو انك عندي قتلتك

بداية عرضك للمشكله واقرارك باانك في مشكله رائع ودليل ان مخك نظيف وقرب يشتغل الحمدلله
اول شي تسوينه امسكي قلم وورقه ضروري ضروري
صفحه اكتبي فيها اهدافك على المدى البعيد
مثلا ابغى بعد 10 سنوات اصير فنانة طبخ
ابغى بعد 5 سنوات اصير مثقفه وعندي كمية معلومات كبيره
ابغى بعد 3 سنوات اصير شخص يعتمد عليه وله قيمته في المجتمع وعند نفسه قبل كل شي!!
وهكذا طبعا هذي امثله وانتي ادرى برغباتك
الصفحه اللي بعدها اكتبي اهدافك على المدى القريب
مثلا بيتي نظيف وريحته دائما حلوه
بناتي اخلاق ومؤدبات من حسن تربيتي لهم وجلوسي معهم
زوجي مبسوط ومرتاح لانه يجد جنته في بيتي ومعي
جسمي نشيط ومتناسق ولبسي مهندم وانيق وريحتي دائما حلوه
اقرأ كتاب خلال اسبوعين واتثقف
وهكذا....

الحين سوي جدول بالشهر اللي انتي فيه
وحطي الايام والتاريخ وجنبها المهمات اللي بتنجزينها في هذا اليوم
وجنبها مكان فارغ اذا انجزتي لو شي بسيط اكتبي لنفسك عبارات تشجيعيه
واذا ماانجزتي شي اكتبي عقاب لك احرمي نفسك من شي تحبينه ونفذي العقاب حتى تتبرمجين على الانجاز في حياتك!!

استخدمي هالطريقة وبكل جديه وبتلاقين نفسك تلقائي بدون جداول صرتي نشيطه وعندك همه وتحبين تنجزين

دائما كل ماتكسلتي وصابك خمول اسألي نفسك!!
لو لاقدر الله متي وكلنا بنموت وش بتخسر الدنيا بموتك!!
وش بيخسرون اطفالك بموتك!!
وش بيخسر زوجك لو متي!!

 

[اجتماعيه وحلوه]

مدمنه صبر
احبببببج احبببببببج والله احببببج

ريحني كلااااامج شجعتيني كثييير احس اني متحمسسه نفسي اكوون والله لو جزء بسييط مثلج ماشاء الله عليييج الله يسعدج ويخلي لكم ابووج والله يكسر خااطري زووجي مسكيين احسه في بيت اهله مرتااح اكثر تزوج وابتلش
وامي الله يطول في عمرها نفسها تشوفني داخله عليها بحلا اكون انا مسويته ولا نسكفيه ولا كابتشينو تفرح شوي حتى هي مش عاجبها وضعي احسها تحسفت انها خلتني اسكن عندها بدال مااساعدها زودت عليهم
اصلا العييب مني انا كله مني اي شي بيستوي بيكوون مني انا السبب
تصدقيين مره قالي زوجي ((وش رايج ماتزوج وحده طبااخه تسوي اكلات بس حقت الاكل )) اهئ اهئ
والله حسيييت بالغصه مالوومه لين متى وهو سااكته الله يعيني
يااارب سااعدني اتغييييييييييير واكوون ام مثااليه يظرب في المثلل يارب ياكريم

 

[hadifa]

أنت انسانة اتكالية على الغير لو كنت أخذت بالأسباب واتكلت على الله لما اشتكيت بما أنت فيه

والغلط من أمك ما علمتك كيف تكونين مسؤولة على أسرتك وزوجك بعد مسالم

لا تقولي صعب ما أقدر لازم تكون عندك ارادة قوية ابدأي تعلمي تطبخين الوجبات السهلة

وادخلي منتدى الطبخ سوف تستفيدين ان شاء الله ​

 

[مدمنة صبر]

تسلمين يالغلا امين الله يعينك على شغل البيت

تصدقيين مره قالي زوجي ((وش رايج ماتزوج وحده طبااخه تسوي اكلات بس حقت الاكل )) <بداية الغيث قطره انتبهي منه يمكن يصير هالشي بداية مشاكلكم :4:

 

[اجتماعيه وحلوه]

انثى تعشق رجل

قراتها مره ومرتيين وثلاااث ما اصدق هذي انا والله اني ابكي كرت نفسي بقوووه انا اتكاليه بدرجه فضيييعه احس اني اعااقب نفسي اعااقب اهلي ليش ماعلمووني يتحملووون واخر شي انا الخسراانه
وعلى سؤالج احب اهتم في نفسي احب اكوون مرتبه يجي يشوفني لابسه وكاشخه حق نفسي ماقصر ادلع روحي بس حق الغييير لااااا مايهمووني حتى زوجي حبيبي مايهمني بس تعبت مسكين هو ماله ذنب
خلااااااص انا ليييين هني وستوووووووووووووب
رااااح وقت الكسل راااااح وقت النوووم راااح وقت الاهماال
محد بيثبت وجوودي غييري رااح تكووون لي بصمه باذن الله في حياااتي وحياات زوجي وبنااااتي
والله اني فرحت بكلامج وشتجييعج لي احبج والله احبج الله يسعدج يوفقج ويفتح لج ابوااااب رزقه

 

[اجتماعيه وحلوه]

دلع قلبه

حبيبتي والله مالومج لو بتقتليني انتي الي ماتعرفيني قلتي كذا والي مقاببلني كل يووم ايش بيكوون في خاطره الله يستر و انا استاااهل كل الي بيجيني انا عااااله على المجتع وعلى زوجي واهلي وكل الناااس كرهت نفسي وحياتي مالها طعم اليوم نفس امس امس نفس بكره بكره نفس بعد بكره هذي حيااتي تصدقيين نفسي اكوون مثلكن اتمنى اكوون انثى بكل ماتحتويه من معنى نفسي اكووون امراه لها كياااانها الخااص لهاا سحرهاا الخااااص
عجبتني فكرتج وبطبقها من اليووووم وبحاااول ابدا في الطبخ لانه زوجي بيجي يووم الخمييس ودي افااجأه بطبخه وحلا من ايدي
ابغييه يشووف ابداعااتي المدفوووونه
مشكووووووووووره الله يسعدج ويريح بااالج

 

[اجتماعيه وحلوه]

رقم المشاركة : [6] hadifa

رقم المشاركة : [6] hadifa

hadifa

خلااص انا تعبت من نفسي محد بينفعني اذا تركني زوجي وادري الغلط مني انا
الارااده عندي انشاء الله بس ياارب ماضعف وامل ورد نفس حاالتي
ادري انكم كرهتوني بس ماالووومكم الله يعين
ومشكووره على النصيييحه عزيزتي

 

[اجتماعيه وحلوه]

هذا الي خاااايفه منه يمل ويطفش ويدور غييري بس الله لا يقوووله ان سواها لا اذبحه واذبح الطبااخه فوقه خلااص انا بعتدل

 

[لغتي سرهويتي]

الله يوفقج عزيزتي

اجلسي مع ذاااتكــــــــــ وحدثيهاااااااااااا

حددي نقاط التغير التي تريدها أن تتغير بحياتك

عليك بالاصرار والعزيزيمة والتوكل على الله

وباذن الله أمورك بتكووووون تماااااااااااااام

 

[مشاعر جنوني]

ولييش تلومي اهلك لانهم ماعلموكِ طيب اغلب البنات ماتعلموا في بيوت اهاليهم لا نظافه ولا طبخ

ولاغسيل ولا كوايه بس لمن تزوجوا خلاص وصاروا في بيوت ازواجهم حسوا بالمسؤوليه

وحده من صحباتي تزوجت قبل شهرين وهي ماشاءالله بنت نعمة ماتعرف لاطبيخ ولا نظافه ولمن تزوجت

ماشاءالله عليها اشترت كتب طبخ وصارت تطبخ وتنظف تصدقي احيانا تسألني كيف تنظف الحمام وانا

اشرح لها بس والله انها شطوره تقوم تسوي كل شي مع انه في اهلها ماتسوي ولا شي

وفوق هذا هي كمان موظفه شايفه كيف اللي يبغى حياته تستمر يقدر ييتغير

يعني كل شي بيدك

بالنسبه للطبخ قومي مع امك والشغاله شوفي كيف يطبخوا تعلمي منهم وجيبي لك دفتر اكتبي المقادير

والطريقه واليوم التاني انتِ طبقيها وخلي امك او الشغاله بس يشرفوا عليكِ واليوم اللي بعده جربي

تسويها لحالك .. واشتري كتب طبخ واتعلمي مافي شي صعب ومحد طلع من بطن امه متعلم

وبالنسبه للنظافه بيتك صغير ومايحتاج تدخل الشغاله وتنظفه شوفي الشغاله كيف ترتب سوي زيها كيف

ترتب الاغراض كيف تكنس تمسح سوي زيها يعني الشغله ماتحتاج اختراع

في الصباح لمن زوجك يروح الدوام قومي معاه يعني اصحي الصباح جهزي له ملابسه لمن يدخل الحمام

اعطيله منشفته نشفي زوجك ودلليه سوي له سندوتش جبنه اوبيض وكاسه شاهي ولاعصير

والوظيفه دوري لك مافيها شي اذا ساعدتي زوجك ببعض المصاريف مو كل شي ..من راتبك تقدري تغيري

بعض الاثاث وتقدري تشتري لنفسك الاشياء اللي بنفسك فيها

النوم والكسل ماراح ينفعك بس راح تخسري زوجك وذيك الساعه ماينفع الندم قومي من اليوم وخليكِ

نشيطه قومي ببيتك وزوجك واولادك خلي زوجك ينبسط فيكِ ترا الرجال مهما صبر وحس انك ماتغيرتي راح

يشوف غيرك

اتوكلي على الله وادعي انه ربي يعينك وكثري من الاستغفار وتعوذي بالله من الشيطان الرجيم

 

[يـاآلـبـيـه]

الله يكوون بعوونك

 

[اجتماعيه وحلوه]

لغتي سرهويتي

والله النقااط الي ابغي اغيرها في حياااتي كثييره بس الله يعييين ويساااعدني
توكلت على الله خلاااص قررت ابداا حياااه ثاانيه عكسي حيااتي الاوليه انشاء الله عزيزتي ماتقصرييين طول عمرج

 

[اولادي كل حياتي]

[/ماشاالله الاستشاريات والحكيمات ماقصروا في كلمهم وانا معاهم لو انتي جنبي كان ذبحتك كمان )
ـ شوفي انا بنت عز كنت عند اهلي ماشاالله ووحيدتهم وطباخة وشغالات وسواق وحتى كانوا يشيلوا لي الشنط والله العظيم تبعت الجامعة وكاسة المويه تيجي لحد غرفتي فوق ومدلعة مررررة بس لما تزوجت ماجبت اول حياتي خدامة علشان اخذ راحتي والبس اللي ابي في بيتي وماجات الخدامة الا بعد سنين بس كنت اطبخ وانظف واتعلمت مع انه والله مااتعلمت كيف انظف ولاااهلي علموني وهذا صحيح غلط تعبت اول حياتي وزوجي الصراحة علمني اشياء ونبهني على كيفية التنظيف بالبيت وكان الصراحة يساعدني اول الزواج ومن بعدها اتعلمت من الشغالة كيفية التنظيف وصرت اطبخ من حالي لحد ماصرت فنانة ماشاالله في الطبيخ وصرت افهم في شغل البيت طبعاً هذا الكلام استغرق من تعليم طبخ وتنظيف وشطارة بالبيت 5سنوات لحد ماصرت ماشاالله بروفيشنال
ـ لاني كنت ابي اتعلم وتركت الدلع وصرت الحمدلله ست بيت SI
حبيت أحكي لك قصتي لاني ابغى احس اني انسانة لي شأن في بيتي وامام زوجي مو واحدة مدلعة مالها قيمة عند زوجها
ـ لان الصراحة انتي الحين بحياتك هذه مالك اي اعتبار او قيمة عند زوجك لاتزعلي من كلامي بس هذا غلط وشي يقهر انتي ماتحبي تكوني في عين زوجك احلى واحدة ماتبغيه يشوفك احسن زوجة بالعالم ماتبغي بناتك يكون افضل بنات بالعائلة
ـ وبيتك احسن بيت وحتى لو غرفة وصالة
ـ وكويس انه زوجك مسايرك وساكت للان تعرفي لو خانك ولا تزوج عليكي ماتلوميه لانك عارفة الغلط وساكتة عليه وماتحاولي تغيري من نفسك
ـ انتي حاسة انه لو زوجك وبناتك لو لاسمح الله فقدوكي ماراح يحسوا بيقمتك لانك مالك اي دور بحياتهم صح???
ـ كلامي يمكن يكون قاسي بس لازم تفوقي لحياتك لانك لو استمريتي انتي اللي بتضيعيها
ـ اول شي الحين قومي اتوضي وصلي ركعتين وادعي ربك يغيرك للافضل واقراي سورة البقرة وربي راح تشوفي النشاط والتغيير بحياتك لاحسن حال
ـ والله معاكيZE]

 

[fl0o0ry]

انتي بس نظمي وقتك ونومك وقومي الصباح نشيطه ورتبي البيت غرفه غرفه وغسيل الملابس مرتين بالاسبوع والحمامات والمطبخ والدواليب وغرفتك غيري الشراشف ومسحيها ورتبيها وعطريها وبيتك
انتي توكلي ع الله كمان اشتري كتب تعلمك الطبخ وهنا بالنت تقدري تحوسي فيه تدوري اكلات مع الوقت بتتعلمي مو كل شي يجي بسهوله بس لازم تكون عندك اراده قويه ع التغييير مو يوم ولايومين اتركي الكسل زوجك تزوج عشان يرتاح ولايزيد هموم ...الله يساعدك لحقي ع نفسك وزوجك قبل لايطير منك

 

[حوراء الشرق]

حبيبتي حاولي تساعدي نفسك وسويلك نظام معين اتبعيه بشكل يومي ، من اول الصبح لآخر الليل
لا تتكلين ع الشغالة ف كل شيء ، واحمدي ربك انه زوجك صابر لان مو كل الازواج كذيه ، والله يخليه لك ومايغير عليكم يارب

وبالنسبة للطبخ أدخلي النت وشوفي مواقع الطبخ وابدأي بالاشياء السهلة وحاولي تطبقيها ولو كميات بسيطة لحد ما تتعودي عليه وتظبطيها زين ... وان شاء الله مع العزيمة والاصرار بتتعودي على الشغل وبتتغير حياتك وبيحس زوجك ان الروتين خلاص تغير وانك ربة بيت ممتازة وحتى امك حاولي تساعديه بقدر المستطاع لان هي اكيد بتفرح مثل ما جلتي

والله يوفقك يارب بس شدي الهمة وخلي الكسل ع جانب

 

[مجنونه زعلاته]

اسأل سؤال والا بلاشي




















نفسي اسألك سؤال











بس اوعديني ماتزعلين ...!!











انتظر ردك ..............

 

[رازيا]

غريبة معقول فيه رجال بيصبر على هيك عيشة يمكن لو انك عند زوجي ما كملتي عنده ساعة
ربك لطف وستر
البنات ما قصروا اسمعي كلامهم
النية
الاصرار
والارادة
واكتبي الاهداف