زوجي لايحب......................................

[جوري التركي]

محتاجه مساعدتكم لاني جد مو عارفه ايش اسوي:dunno:زوجي شخص يكره المكياج بشكل لايطاق يعني حتى كريم الاساس مع شوي بلشر وكحل خفيف مايبي اهلي مستغربين وابوي يقولي يابنتي حطي كحل بعينك وامي تقول يابنتي تزيني ومحد مقتنع ان زوجي مايبي المكياج واذا حطيت مكياج يجلس يعلق مره ولعت شموع حمراء ونثرت ورد احمر على السرير ولبست فستان احمر وحطيت مكياج خفيف ماكثرت وحطيت روج احمر يعني سويت ليله حمراء المكان كان مره حلو بس يوم جا قاعد ينتقد الروج ويقول اولا ماله داعي المكياج والروج الي حاطته احمر هبله مين يحط هالون روحي امسحي وجهك بعدين تعالي اجلسي عندي..حتى شعري يضحك علي لاجعدته يقولي وراك ناكشه شعرك انا احبه ناعم على طبيعته ماله داعي تجعدين وترفعين وتنزلين حتى اللبس يبي شي هادي بالمره ذوق اجنبي لوشاف لمعه صغيره على طول مايعجبه اللبس.. الي اقصده من كلامي اني مااقدر اجدد في حياتي وشكلي واحد ماهو راضي بالتغيير احترت معه ساعدوني..
(مع العلم اني شاطره في المكياج والتسريحات)

 

[كاكاواا]

الله يعينج صراحه.. ريل اختي نفس ؤيلج تقريبا بس هو أرحم يخلي اختي تتعدل في البيت وفي غرفة النوم بس لكن برع وحتى لما تسير لأهلها ما يرضالها تعبت منه... الله يعينكم واحنا رياييلنا ذابحينا كل مره يقولون سيروا تعلموا تحطون مكياج.. الله المستعان.. ارضي ذوقه والبسي كل شي بسيط في السوق لريلج... والميك أب سوي شي خفيف ما يبين؟؟ اعتقد في ميك أب طبيعي والريال ما بيعرف انج حاطه شي.. وعند اهلج خذي شنطة الميك آب معاج واتعدلي عندهم..

 

[همس الليل 2007]

الله يعينك

والله زوجي يحب المكياج الخفيف

لكن حطي روج لونه فاتح مثل زهر والا اورنج فاتح


وحطي كحل خفيف بسس

وحطي كريم اولاي فقط

جربي شوفي وش يقوول

زوجك شخصيته شمالي؟

ترى الشمالي يحب الانتقااااااااااااد بشكل ماتتصورينه

اخو زوجي شمالي ودايم الانتقاد

حتى ينتقدني مع اني اتغطى قداامه

طوووووولت حكي

 

[نور مملكه بلقيس]

انا اقول يااختي سوي اللي يحب بس بشرط سويها عنده بس اما اذا حبيتي تطلعين عاد هذا شئ ثاني انتي قولي له انا الي تريده بسويه عندك واما شكلي قدام الناس انا الي اريده بسويها يعني ارضيه وارضي نفسك في نفس الوقت ....... صح

 

[محتاج احبك]

عادي ياقلبي فيه رجال كثير كذا
بنت خالتي ما شاء الله عليها حلوة وبشرتها تجنن
وزوجها حتى الكحل الاسود مايحبه
وتقول زوجي مايرضى احط اي شيء على وجهي لاروج ولا بلاشر ولا
بودر
يبيها ربي كما خلقتني
وما شاء الله عليها ماخذه الوضع فرررري
ماكبرت الموضوع
مريحه نفسها وزوجها

انتي حطي كحله والمكياج الكامل اذا جيتي خارجه من البيت
حطيه في الزيارات
الخارجية


موووووووووفقة

 

[جوري التركي]

مشكورين على ردودكم ....
المكياج بر البيت عادي عنده مع انه ينتقده وبالنسبه للمكياج الخفيف
حطيت وجربت بس كل هذا مانفع يكشفني وبس يمسح في وجهي
طول الوقت وانا سلمت للامر بس مستغربه رجل مايحب المكياج

 

[love4life]

لي عودة يا اختي

 

[عطرالخزامى]

معليش سايريه بس لاتهملين نفسك اهتمي ببشرتك من خلطات وترطيب اهم من المكياج وكل اسبوعين صلحي مكياج خفيف وقولي انك مشتهيه تحطين وهكذا

 

[زهور النور]

أختى ، بعض الرجال ارتبط المكياج فى أذهانهم بالنساء المتبرجات ، لذا فهو يكره أن يرى زوجته بنفس الصورة ، و كلما رآها بالمكياج ذكرته بتلك النساء فيطلب منها ألا تضعه . هذا ما أعرفه و اعانك الله

 

[nla]

يا سبحان الله

هو اصلا الوحدة تحط المكياج لمين ؟؟؟؟ الاساس انه لزوجها

واذا زوجها ما بده مكياج ،،، بمعني اخر يشوفها حلوة بدونه ،،، لي تعاند وتكابر وتصر على المكياج

في عدد لا بأس فيه من الرجال ما يحب المكياج ،،،، وانا مش شايفه فيها مشكلة

كل ما عليكي تحافظي على نظافتك وريحتك الطيبة واناقتك ،،،، هذا بالنسبة لهذا النوع من الرجال افضل من 100 مكياج

واصلا حبيبتي لو زوجك ما هو مقتنع فيكي بدون مكياج ما كان طلب منك ما تحطيه

وكلي امرك لله ولبي الي زوجك بده اياه

 

[~ princess ~]

الرجال يقول لا تسوين لا تسوين بعدين يشوف الزين في مكان ثاني ويقول مرتي ما تتزين لي ولا شي

انتي قولي بالعكس حلوو علي طالعه قمررر خليك واثقه

الله يعينكـ

 

[ماسة وحساسة]

اللة يعينك حبيبتي خليك علي المكياج الخفيف شوي شوي يتعواد انا سلفتي زوجها يقولها زوجها نفس الكلام وعيونة تبي تطلع علي الحريم في التلفزيوان مايدري انهم بي المكياج علي بالة طبيعي

 

[غربة الأشواق]

بالعكس .. هالشئ يريح لان ما راح تتعبين ولا شئ
وانه زوجي بعد ما يحب المكياج .. ويقول لي بان طبيعتي أحلى من المكياج ..
طبعا بصفتي انثى أحب أحط مكياج ... الخ ..
وعلشان زوجي ما أحط الا بالمناسبات واحط خفيف وناعم مثل ما أحب المكياج يكون ناعم جدا ..
يمكن علشان ياخذون رحتهم بعدين في التبوس والتقبيل :blushing:

 

[أماني الهاشم]

الله يعينك ايش التحكم دا

لا حول ولا قوة ال بالله

اعملي برغبته ولا تهملي نفسك

اذا خرجتي اكشخي وخليه يشوف وكوني واثقه من نفسك قدامه

ولا جلستي بالبيت سوي الشي اللي يريحه

اتوقع انه نمطه جنوبي شرقي

لان زوج اختي وصديقتي نفس الشي

 

[بسمة أمـل]

سيم سيم زوجي
ونفس الحركه حقت الليلة الحمراء صارت معي >>تحطمت وربي
وانا احب المكياج الخفيف احط بس لما اطلع
وعنده بدون واحيانا احط كريم اولاي وكحل وروج وردي فاتح

 

[رقة المشاعر]

الله يعينك طيب سوو ياللي يبيه زوجك لاتحطين مياج في البيت وخليك بطبيعتك والبسي اللي يبي وبكذا رضيتيه بس لاطلعتي برى عادي حطي اللي تبينه برضاه الله يوفقك يالغلا

 

[رب احفظ من أحب]

اسمعيها مني
و حطيها حلق في أذنك ...

والله أعرف وحدة زوجها زيك ما يعجبه شي من اللي تسويه
تحط روج أحمر يقول لها قرف دم
تحط له عطر ... ما يعلق بس يقول لها لو سمحتي لا تحطيه
تلبس و تكشخ ... ما يعلق

و زوجها اكتشفت تالي علاقات ,,, خيانات
مكالمات
التلفزيون ما يحط إلا على الأغاني و الكليبات و يناظر
و ينتقد المكياج و يقترح المكياج

تالي قالت أنا أكبر مغفلة ,,, اللي طاوعته و هو عودني على ذه الشي


تقول أنا هبلة
هو حركها بزاوية ,,, أنا ما أحب ,,, أنا أبي كذه
ما أبي كذه

علشان يبرر لنفسه تالي أي شي يسويه
,,, و إنها ما اهتمت بنفسها من ذي الناحية

قولي له أنا أحب ,,, أنا بنت و أحب أهتم بنفسي
و هذي شغلات بنات
و لما أكبر يصير خير

والله تتحسفي على عمرك اللي ضاع و لا اهتميتي بالمكياج و العطور و التساريح

سوي يوم إيه ... و يوم لا
عوديه

زوجك و ما عودتيه
و ابنك و ما ربيتيه
مو كذب والله

 

[يليانى]

قوليلة انك انتي انثى ولازم تحطين هالاشياء ومافي بنت بالدنيا الا وميولها هالشي واذا انا تنازلت عن الميك اب ماراح يكون فرق بيني وبينك بكون مثل الرجال و مافي شي راح يميزني باني انثى

 

[روز..]

كل الرجاااااااااااال كذا اووووووووووووووف منهم حتى المجامله مايعرفون انا كذا يحب الانتقاد حتى في الزززززززززين والله العظيم سرررررررت اطنشه واسوي الئ ابي

 

[ذبول انثى]

حبيبتي شئ طبيعي فيه رجال كذا

لاتشغلي نفسك زيااااااادة

ويازينك ايش حلاتك وانت على طبيعتك