زوجي كسر فيني :((

[بزه المرتزه]

السلام عليكم
يمكن مشكلتي سخيفه وبسيطه بالنسبه لكم بس والله اي وحده فيكم لو مكاني جان عصبت وتضايقت حييييييييييييييييل
زوجي كان مواعدني من قبل رمضان ان نسافر وبعدها صارتلنا ظروف لما جينا بنطلع الفيزا وقال خيره وان شاءالله اسفرج بعد رمضان مع ان عشمني حييييييل وقتها ووايد كان خاطري بالسفر، قلت صح كلامه يمكن خيره وان شاءالله بيعوضني
لما جيت باخذ اجازه من الدوام مارضو وصارت سالفه ظويييييله وبعدها وافقو على الاجازه الحمدالله وقلت حق اختي تجي معنا وفعلا قالت حق زوجها ووافق ووايد فرحنا لانو اول سفره لي معها وقلنا بنتجمع ونستانس
رد زوجي قبل السفر بيومين وقالي انو مشغول مابيقدر يسافر!!!!!!!!
تخيلو ايش شعوري وقتها!!
والله اني احتريت وبكيت حيييل بس بدون مايعرف ناقشته قتله كلمهم واعتذر قالي مابقدر هذا رزقي!!
الي حز بخاطري انو انا لما كنت مكانه حاولت وحاولت لما وافق مديري لان فعلا كان خاطري بالسفر حييييييييييل وخصوصا لان مع اختي
بس اهو ماحاول ابد واستسلم ورد قالي خيره!!!
ونعم بالله بس الله قال اسعى ياعبد وانا اسعى معك! انت ماسعيت ولا كلمت مديرك ولا قلت شي! واهو يدري شكثر خاااطري بالسفر بس ماحاول!
انا وايد تضايقت من هالشغله
واهو حس بتانيب الضمير وقالي بعوضج بعدها قتله انا خاطري بهالسفره الجماعيه والا انا وياك لاحقين على السفر لوجدنا!
وبعدها قالي بتروحين روحي معهم!! يعني شنو!!! قتله انا ما اقدر اروح بروحي واضايقهم ما احب!!
ومن اليوم وانا ابكي وقلبي محترق وهو لاهي بالشغل وليلحين ماشفته!
ما راح اشوفه الا بالليل
قولولي يا بلقيسيات شسوي
اكلمه عادي ؟ والا احسسه ان غلط؟ والا اناقشه بالموضوع؟
مع العلم ان زوجي شمال شرقي
فيدوني جزاكم الله خير

 

[كلي شموووخ]

الله يعيينك مره ثانيه لا تبين شغفك خلي الوضع عاادي يحبوون ينكدوون اذا شافوكي شفقانه الله يعييينك طنشي

 

[بزه المرتزه]

الله!!!
شدعوه ولا رد الا واحد
شكرا اختي ماقصرتي

 

[مدام كوري]

يا عمري عليك ... معليش
صراحة ماعندي حاجة اقولها لك بس زوجك جد ماله داعي ..

 

[صمت البراءه}--]

والله ما ادري شنو أقولك
مشكله شمالي الشرقي عنييييد جداً ويحب اولوياته كثير
يفكر الحين انك مو مهتمه في شغله وماهمك الا وناستك
وهو جداً يقدس الوقت

مشكله انك بينتي له ماهمك سفرتك معه همك وناستك معهم
زوجك بياخذ السالفة عناد قوليله مره اخيره بس وضع يكون مروق وهادي
ولاتكثري الطلب بنهايه تنقلب السالفة لا سفره ولا زوج راضي