زوجي كان يمثل علي قصة زواجه

ا

الأمورة الحلوة

New member
إنضم
2009/11/14
المشاركات
142
مرحبا بنات

زوجي تعرف على مديرته في الدوام ومثل علي قصة انه متزوجنها وطلعت من البيت وسويت حشرة وضرابة بس اكتشفت ان هذا كله تمثيل عشان بس يهيء لي الجو
ويبت الخبر من بنته الصغيرة واعترفت لي بكل شي
بس لين الحين مافي شي بس يزورها في البيت وينام عندها وكل شي
ماعرف شو اسوي عشان ابعده عن هاي الحرمة
واللي عرفته انه اخوانها يبون يطرشون اوراق من السعودية وطالبين منه يجهز اوراق
مادري شو قصتهم وخاطري اعرف لان قبل كان يقول لي انت في فترة اختبار وبعدني بختبرج
وانا الحين رديت البيت عشان خاطر بنتي وهو مايتكلم معاي ولايفطر معاي ابدا كله يا في بيت اهله يا عندها يفطر

عطوني حل كيف اخليه يصرف النظر عنها
 
شوفي كيفية التعامل مع الزوج الخائن..للأستاذة ناعمة

الله يفرج همك
 
الله يفرج هم كل المهمومين ..... أختي قربي من الله واستعيني به ولن يخذلك ابدا.... نحن في ليالي عظيمة الشأن فاستغليها.
 
يعني وشولن ينام عندها!!! زناا يعني والعياذ بالله؟؟!!

ماني فاهمة بس لو هو مو متزوجها وينام عندها والله لابلغ عليه الشرطه واللي يصير يصير
 
حرام عليك لا تقولين ينام عندها وانتي ماتاكدتي يمكن يكون تزوجها وانتي تعلمين الغيب ؟؟

ترى هذا يسمى قذف
 
الله يفرج همك يارب بحق هذه الايام الفضيلة ..
عليك بالدعاء اخيتي والله الله بالصبر ..
الله يسخر لك زوجك يارب آمين ..
 
اذا قصدك ينام عندها ومابينهم عقد شرعي ومتأكدة ميه بالميه انه زاني هذا ماعنده خوف من الله اتركيه وابعدي عنه والطلاق راحه لك هذا اذا متاكدة وش تبين بواحد ماخاف الله لافي نفسه ولا في اعراض الناس ولا راح يخاف عليك ولا على بنتك.
 
شوفي قلبي اذا متاكدة انا يزني معاها فبرأيي اطلبي الطلاق وعيشي لبنتج ولنفسج وربج بيعوضج خير

اما اذا كان متزوجها فلازم تخضعين للأمر وتكيفين نفسج على الحياة الجديدة واهم شي ما تتنازلين عن حقوقج الزوجية ابدا

الحين اهم شي تواجهينه بالموضوع وتعرفين منه كل شي وتجزمين الموضوع لاتسكتين وهو في صوب وانتي في صوب هذا مو حل !!​
 
هاي هي اللي يقولون عنهم عشيقات يارب تنتقم منهم انتقام عزيز جبار متكبر هو يتمنى يتزوجها وحكالك انو متزوجها علشان امنيته كذا لكن والله العليم انه هي رافضة الزواج والاقتران به لكن شو الاسباب الله اعلم ما في تفكيرها الله يارب يبعدها عنكم ويلهيها في حالها ويهديهم جميعا اللهم امين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل