مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

زوجي قال:اني خيرتك فاختاري

إنضم
2 يوليو 2011
المشاركات
228
السلام عليكم ورحمة الله وبركاته
بنات مشكلتي هالمره غير
هالمره زوجي اتصل بي وطلب مني اختار بين ثلاث
لكم اللي صار بالتفصيل وانتم احكموا
خواته جابوا لي ملابسهم القديمه عشان البسها بالشتويه
حسيت باهانه قويه
خير ماني بنت فقر للدرجه هذيانا زوجة اخوهم
شالحركه هذي
زوجة اخوي الهدايا تكون من افخم شي حتى لو بيننا مشاكل مانسوي حركه سخيفه مثل ذي
ارسلت له وانا ابكي ابي مصرف بشتري لبس شتوي ذبحني البرد بغيابك
اتصل مرتين وثلاث وانا ابكي وماقدرت ارد عليه
بس هديت ارسلت له اني كنت اتحمم ولايظن اني طنشته عمدا
اتصل وكان معصب كالعاده
وقال انتي طلباتك كثيره وتصرفين فلوسك بكل مكان وعلى كل احد
زعلت وسكتت لان مو عدله اقوله اني اعطي امي وابوي من مصرفي لو شي بسيط
اتبرع به لعمال الشوارع عن روح جدي الله يرحمه
واسكت وماارد
قال انااضحي بكثير لاجلك واتغاضى عن كثيروانتي وش تنازلتي عنه؟
بايش ضحيتي؟
قلت شي يخصني
قال لاقولي
قلت ماينفعك بشي لو عرفته
قال اقولك بعرفه
قلت بتزعل وتعصب
قال اوعدك لاازعل ولااعصب
قلت طيب مابي اقول لاني ادري بس اتكلم بيصير كل شي ضدي وتطلعني اني الغلطانه
قال قولي
قلت في ذاكره بلاك بيري عندك بها صور بنت فاضحه ومقاطع اباحيه صدمتني لما شفتهن وماتوقعت القى هالشي عندك وانت الدين المصلي
بصراحه طحت من عيني
قال وانتي من سمح لك تفتشين باغراضي وخصوصياتي؟ ومن متى مفتشه بهن؟وليش؟
قلت ببيتي وبغرفة نومي اكيد بعرف وش اللي عندي واطمن قلبي واحمي بيتي
قال ماعاد لي ثقه بك
قلت ادري انت من الاول ماتثق بي اساسا انا عارفه نظرتك لي اني ماافهم ولااحترم ولااقدر ولااضحي
وماافكر بغيري ابدا وماابي الامصلحة نفسي وبس ادور المشاكل
قال اللي مايثق بوحده مايعيش معها
قلت انا مااثق بك
قال تدرين ليش ماتثقين بي؟والا اقول خلاص
فمت عليه وكان يقصد اني كنت كذا
قلت وش تقصد؟تقصد اني كنت كذا صح؟
قال انتي تعرفين شلون عرفنا اننا نقرب لبعض صح؟
تتوقعين اهلي لو دروا اننا عرفنا بعض قبل الزواج وش نظرتهم لك؟
عصبت بس سكتت قلت بس تدري انا كل اهلي كانوا يدرون بالرساله اللي جت جوالي ورديت عليها
وهم اللي عرفوا صلة القرابه بيننا وهم اللي وافقوا عليك بوقت انا رفضتك
واذا مومصدق اسال كل اهلي وماني مستحيه والجوال لليوم موجود
قلب الطاوله ففوق راسي وقال انا ماافتش باغراضك ولا جوالك ولا لابتوبك
قلت لاني تاركه كل شي قدامك وماني مستحيه من شي
وواثقه بنفسي
وانت تقلب الموضوع ضدي ؟انا لو ابي مشاكل قلت لك من الاول عن اللي شفته قال بحريقه
اساسا كان كل شي قبل الزواج وذكريات
طيب انا ماسالتك ليش كل فتره تغيرين رقمك ؟ قلت قلت لك كل رقم ليش اغيره
بس انت بلاك بيري كان معك ايام الملكه ؟قال صور منسوخه.. قلت والمحادثات المحفوظه بعد؟
قال من سمحلك في اشياء ابيها وهذي خصوصيات
قلت لاتخاف انا مامسحت الا الحرام بس
واذا عالخصوصيات هذاني سكتت وانا اشوفك تصرفت باشياء تخصني وماقلت شي قلت زوجي ويمون وحقي حقه
واللي خلاني افتش اغراضك خوفي على بيتي واني زوجتك وشريكتك بكل شي
عصب وقفل بوجهي
بعدها بدقيقه اتصل وكان هادي ورديت بهدوء ولاكان شي صاير ولاكأن وطيس المعركه حامي قبل شوي بيننا
قال هناء؟
قلت عيونها..
قال انسي انك زوجتي بكلمك كصديقه
قلت ابشر
(قال كلام انصدمت ماتوقعت بيوم اسمعه منه
كنت ساكته طول ماهو يتكلم ابيه يفضفض وانا دايم مستمعه جيده للي حولي
بس ماعندي اسلوب للنقاش وجها لوجه لو على تلفون عادي او رسايل يمكن
بس وجها لوجه ماافيده بغير السكوت)
شوفوا وش قال بالحرف الواحد
واحكموا
قال:
((تصدقين وبدون ماتزعلين وتتحسسين انا انسان مو مرتاح معك موتقصير منك لا مني انا
دايم احاول استفزك ابيك تتمشكلين ابيك تكرهيني ابيك تعصبين وتكبرين المشكله
بس عبس
اقولك بتزوج عليك وتظلين ساكته اقولك واقارنك بشغاله تبقين ساكته
امنعك من اهلك وديرتك وصديقاتك وساكته اطردك وسكتي وطلعتي
سكوتك يقهرني يحسسني اني اظلمك اكثر
تصدقين يوم رحتي لاهلك اني ارتحت نفسيا وصرت اروح واجي واضحك
رجعت القديم اللي الكل يشوفه
صار الكل يقول اخيرا شفناك تضحك
والله مو منك بس كله من شي بداخلي مدري ايش لاشفتك ودي اضربك واصد عنك اغصب حالي على اني اقولك كلام حلو على اني انام معك
اني اقولك كلمه تجبر خاطرك
انا يابنت عمي ماابي اظلمك معي ولاابي اظلم الولد اللي جاي بالطريق
ولاابي اظلم نفسي
اللي مربطني بس ان مافي سبب عشان يصير اللي صار كله
احبك وابيك وماليه عين اللي ماتمتلي عينه
بس مااقدر اضغط على نفسي اكثر
وش اسوي؟
قلت لو بطلقك بتفرق العايله بعد مااجتمعت عقب القطيعه
ولو تزوجت عليك اهلي مايسكتون باللي سويته ولااهلك
ولاعمامي بعد
لانك خليتي الكل يحبك وانتي ماتدرين عن شي كلهم زعلوا مني
ولو وصلك كلام غير الكلام تراه مو من قلبهم
امي دعت علي يوم رحتي لاهلك واختي تركت البيت وسافرت لبيت اخوي الكبير لين ترجعين
واللي رفضت تملك لين تحضرين زواجها
وربي استشرت كثير وقالوا لي تحمل واصبر
ولاتقول لها شي لانها بتكرهك عقب كل اللي صار وقلت
بس والله والله والله وهذا المؤذن يأذن اني ماارتحت الا لما قلت لك اللي بقلبي
بس شوفي اني بخيرك
وانتي اختاري وابشري اللي تقولين عليه والله اسويه
اتزوج عليك؟واحس اني اظلمك وانتي توك عروس وحامل يمكن اللي فيني يروح وتتعدل الامور
والا اطلقك ويرتاح كل منا ؟بس ترى ادري انك بتقولين ظلمتني وادري ماراح ارتاح
وصعبه انطقها وتطلع مني
والا نعيش مع بعض وكل منا جابر نفسه عالثاني؟
انتي بعد اللي سمعتيه بتربطين اي مشكله تصير بعدين باللي سمعتيه اليوم وانا عارف هالشي
نتقرب لبعض ونعطي نفوسنا فرصه تصفى والقلوب ترتاح؟؟)))

قلت انا مااقدر ارد عليك الحين فكري مشوش وافكاري متلخبطه
انت روح صل واستخير والخيره فيما اختاره الله وثق تماما ان اللي تسويه من رب العباد
لو كتب نفترق بنفترق غصب عني وعنك
وانا راضيه وهذا نصيبي ماي معك خلص
قال انا بسوي اللي تقولينه بس ابي الرد منك
معك من اليوم لين تختارين وتقولين رايك


بنات هذا اللي صار بالتفصيل
وش تشوفون امانه لاتطنشون اللي تدخل لو بــدعــوه
ياحكيمات
 
إنضم
2 يوليو 2011
المشاركات
228
وقلت له لو قلت لي طالق الحين وسكرت الخط ودخلت من الابا بقوم واضمك
سكت وتافف
وكمل كلامه كثير بس اخذت المهم منه
 

حيرتونا

New member
إنضم
23 نوفمبر 2011
المشاركات
207
حبيبتي والله حسيت انك بنت طيبعه ومسكينه بس موضوع انك تعطي اهلك من فلوس مصروفك من غير زوجك لا يدري هذا حرام وما يجو ز

ابصراحة شكله زوجك يحبك اما انصحك انك تتطلقين منه خليه يعرس لو يبغى مسيرة بيرجعلك

بس احتمال انه مش مرتاح معك بسبب شخصيتك الضعيفه حاولي تقوي شخصيتك شوي يمكن ينبسط ويرتاح
 
إنضم
6 مايو 2011
المشاركات
841
حبيبتيالله يكون في عونك وبما اني اول من يرد عليك حقولك
اولا انت تحبينه ومتعلقة فيه او لا
ثانيا كويس انك ما رديتي عليه وقلتي استخير وصلي وانو انتي بتفكرين
وكويس انو استمعتي وما ابديتي اي انفعال وكمان انا اشوف انك تختاري انكم تكملو مع بعض وتعطو بعض فرصه
يمكن يجي البيبي ويتغير الوضع كله سبحان الله قادر على ان يولف بين قلوبكم ...
 
إنضم
6 مايو 2011
المشاركات
841
حبيبتي كمان لاحظت انو شخصيتك جدا سلبيه معاه لا بد يكون لك راي وشخصيه مستقله ...
 
إنضم
6 مارس 2010
المشاركات
362
والله مشكلتك مشكلة .. يبيلها حكمة وتروي ... وانا سهرانة مو مركزة مررة ..

راح ارجع لك اكيد واكتب رد ..
الحين اقول لك انتي الزمي الاستغفار والصلاة ..
بس مشكلتك ابسط من ان توصل للطلاق ..
 
إنضم
2 يوليو 2011
المشاركات
228
انا احبه بس ماابين له
وهو يدري بالشي هذا وعارف وسكوته وتاففه مني لما قلت حتى لو توك ناطق بطلاقي وانت داخل علي لحظتها بضمك عارف وش كثر احبه
وهو يقهرني كثير وسكوتي عليه دايم لاني افضفض هنا وبدفتر مذكراتي
اذبحه واضربه واعذبه كله بقلم
بس مااقول له شي بوجهه
لاني مااحب اجادل وهذا اسلوبي لاجدال مع الرجال

فكرت اذا ظليت معه وهو مو مرتاح بكون انانيه
واذا رضيت انه يتزوج بظلم نفسي وكذا كذا بيصير مشاكل لاني اغار عليه
محتاره والله تعبت من البكي
 

حيرتونا

New member
إنضم
23 نوفمبر 2011
المشاركات
207
انا احبه بس ماابين له
وهو يدري بالشي هذا وعارف وسكوته وتاففه مني لما قلت حتى لو توك ناطق بطلاقي وانت داخل علي لحظتها بضمك عارف وش كثر احبه
وهو يقهرني كثير وسكوتي عليه دايم لاني افضفض هنا وبدفتر مذكراتي
اذبحه واضربه واعذبه كله بقلم
بس مااقول له شي بوجهه
لاني مااحب اجادل وهذا اسلوبي لاجدال مع الرجال

فكرت اذا ظليت معه وهو مو مرتاح بكون انانيه
واذا رضيت انه يتزوج بظلم نفسي وكذا كذا بيصير مشاكل لاني اغار عليه
محتاره والله تعبت من البكي

ومن قالك قوة الشخصية بالكلام قوة الشخصية بالمواقف لازم يكون لك تفكيرك الخاص .واذا ما رة ثانية قاللك ابغي ازوج عليك قولي له ما راح اسمح لغيري تاخذك مني .انت حبيبي انا مش لغيري
يمكن الله يهديه
انتي زي اختي شخصيتها ضعيفة جدا عند زوجها لدرجة ما تقدر تقوله شي حتى لما ازوج عليه ما قالت له شي ام زوجها هزءت ولدها واختي ما تكلمت
في ازوا ج يحبون المراة القوية
طبعا ما اقولك تمردي على زوجك بس حسسيه انك عندك شخصية مستقله
 
إنضم
2 يوليو 2011
المشاركات
228
هوفاهم وانا متاكده انه ماراح يتزوج
لانه مايقدر ماليا مديون حييييل
ومحد من جماعته يعطيه لاننا كلنا عمام
وعندهم مايصير ياخذ بنات العم
عشان كذا
بس
وش اسوي؟

هو يقول مو مرتاح داخليا معي
انا مو مقصره معه هو يسوي مشاكل معي ويستفزني
وانا مااعطيته اللي يبيه الا اليوم تمشكلت معه وعليت صوتي عليه من قهري كلما اتذكر الصور
بس اقول موضوع وراح
بس هو لقاها حجه واستغلها وفتح الموضوع معي يبي يحصل مواقفه الطلاق عشان ماينلام من احد واقول انا اللي ماابيه
والله لو هالشي يريحه اسويه
بس عارفه انه ماراح يرتاح
لان بيظل حاس بظلمه
 

لااارا

New member
إنضم
17 يناير 2011
المشاركات
432
اسمحي لي انتي غلطانه تعطين اهلك وتتصدقين وتقصرين على نفسك مب ذنب الرجال هو يعطيك بس انتي ماتصرفين على نفسك ..ثاني شي احس وضعك مب طبيعي في البدايه قلت شكلها ماحبها وبعدين فهمت منك انه يقولك انه يحبك مدري وش ارد عليك صراحه بس الله يكتب لك الي فيه الخير
 

حيرتونا

New member
إنضم
23 نوفمبر 2011
المشاركات
207
هوفاهم وانا متاكده انه ماراح يتزوج
لانه مايقدر ماليا مديون حييييل
ومحد من جماعته يعطيه لاننا كلنا عمام
وعندهم مايصير ياخذ بنات العم
عشان كذا
بس
وش اسوي؟

هو يقول مو مرتاح داخليا معي
انا مو مقصره معه هو يسوي مشاكل معي ويستفزني
وانا مااعطيته اللي يبيه الا اليوم تمشكلت معه وعليت صوتي عليه من قهري كلما اتذكر الصور
بس اقول موضوع وراح
بس هو لقاها حجه واستغلها وفتح الموضوع معي يبي يحصل مواقفه الطلاق عشان ماينلام من احد واقول انا اللي ماابيه
والله لو هالشي يريحه اسويه
بس عارفه انه ماراح يرتاح
لان بيظل حاس بظلمه
بصراحة احتارت حيرتونا في موضوعك اوكلي امرك لله والله ان شاء الله بيعملك مخرج
اكثري من قول حسبي الله لا اله الا هو عليه توكلت وهو رب العرش العظيم
 
إنضم
2 يوليو 2011
المشاركات
228
اللي تقول انه غلط ااعطي امي وابوي
هم صرفوا علي لين خلوني راعية بيت
يعني قليل لو اعطيهم روحي انا اهلي من رجعت لزوجي ماشفتهم حتى باب الشارع ماشفته لانه رافض
ومصروفي كان يغطي لان لي مكافئه من الجامعه بس هو ماصار يعطيني بعد ماتخرجت صار ياخذني مثل الاطفال ويشتري اغراضي بنفسه ويرفض اخذ شي بذوقي
او نفسي به
كله ذوقه اخذه بس ماالبسه عشان يفهم انه مو ذوقي اللي يختاره
ويفهم بس يعاند
وهالمره بالذات مامد ليا ريال وطبعا مستحيل اطلب من اهله يصرفون علي بغياب ولدهم
حتى لو قاصرني بطلب منه هو
 

لين0

New member
إنضم
14 نوفمبر 2011
المشاركات
424
اسلوبك بسرد مشكلتك مشتت .. بصراحه شتتي تركيزي .. تفرعتي بكدا شي .. لكن باحاول اقول اللي عندي واللي بافتكرو باقلك اياه بعدين ..
اول شي بداية المشكله بالملابس الشتويه اللي ارسلوها اخواته .. وين اللي يهين بالموضوع؟!! ... فهميني .. ماتتخيلي قديش الموضوع استفزني!! .. عارفه ليش لانها حصلت عندنا .. اخواتي ارسلو لمرت اخويا ملابس شتويه لبناتها طبعا بعد ماصغرت على اطفالهم .. وعادة اخواتي كدا اننا ندي ملابس بعض .. اخواااااااااااااااااااااااااااااااااااااات!! .. لانهم عدوكي اختهم ارسلولك .. زي ماعدينا مرت اخونا اخت وارسلنالها .. تعرفي اش سوت؟؟ .. قومت الدنيا ورمت الملابس وحرشت اخونا علينا!! ..وانتي بعضمة لسانك قلتي انهم يحبوكي ووامهم زعلت لما رحتي بيت اهلك وانتي للاسف تفكري فيهم التفكير السلبي دا .. شفتي نيتك السيئه وين ودتك .. والله لو تزوجت وكانو اخوات زوجي كدا وامو لاحطهم فوق راسي وامشي فيهم .. انما الاعمال بالنياااات وانما لكل امرئ مانوى! ..

بخصوص زوجك .. فتحتي موضوع انتي مقرره من البدايه انك تنسيه .. سبب فتحك ليه ايش بالزبط؟ .. حسيت انو كرتك الوحيد اللي تكسري بيه عين زوجك بعد مااتضايق من تصرفك صح؟! .. مادريتي ان الوقت حرقو لكي .. وتحاسبيه على متى على ايام الملكه؟! .. وانتي تزوجتي وحامل كمان؟.. يعني كل الفتره اللي قضيتها ديك تنافقي عليه؟؟ .. انا اعرف ان اللي مجروح من خيانه مايتحمل يطل بوجه اللي خاينه .. انتي تزوجتي وعشتي وحملتي كمان منه .. باخر كلامك قلتي انك ماتبيني حبك له .. حبيبتي بداخل كل رجل قلب طفل محتاج لحنان ورعايه واهتمام .. واذا مالقي دا الشي منك طبيعي بيروح يدوره عند غيرك عشان يشبع عاطفته .. برايك ليه كل مين فينا يعشق امه لحد الجنون ومستعد يفديها بعمره؟؟!! .. لاننا كنا نلاقي منها كل اهتمام ورعايه وحنان .. شي مانلاقيه من غيرها ..

سامحيني لو قسيت عليكي بكلامي بس لمصلحتك .. وانا مادخلت دا المنتدى عشان اجامل .. دخلت افيد واستفيد ..
 
إنضم
2 يوليو 2011
المشاركات
228
لامازعلت ولاشي بس ياقلبي انا قلت ان الملابس اللي ارسلوها كانت قديمه وهم مشترين جديد
وعارفين اني مااشتريت وانتظر اخوهم يجي
ولاقلت الموضوع له لليوم لاني ماابي اسوي مشكله
لمااهدي شي اهديه جديد واذا ماعندي جديد
واضطر اني اقدم اللي عندي اقدمه باسلوب
مو مثل اخته اللي بعمري تقول لي خوذي هذا لبس العام حق الشتويه انا توني اشتريت وهذولي مااحتاجهم وش بتكون ردة فعلي؟
ماهزات ولاتكلمت لاني سكووووووووت ابتسمت وقلت لابس يجي زوجي بشتري ارسليهم لشغالة جيرانا
ودخلت شقتي ابكي
لاني وهم يدرون اني حساسه حيل


موضوع الصور هو استفزني لما يقول اني مااضحي ولاتنازل ولاافكر الا بنفسي
موضوع صار قبل حملي وانا الحين بالخامس ورفضت اقوله لكن اصر
وقلته
ابيه يعرف اني كنت اسكت على زلاته واخطائه
مخطوبه سنتين وماكلمني الا شهرين بس وكل عيد يمر علي يسوي لي مشكله
كل هذا اتناساه ومااقوله له
ولااشكي الا هنا وهو يدري اني اكتم ويقولها لاتكتمين لو يبي اتكلم بنفجر فيه بس قل خيرا او لتصمت
هو كان يكتم ولما تكلم قال انه ظلمني وانه مو مرتاح بحياته

انا نيتي صافيه معه ومع اهله اقري اي موضوع كتبته وشوفي حياتي من زواجي لين اليوم وتعرفين شاقصد
 

لين0

New member
إنضم
14 نوفمبر 2011
المشاركات
424
حساسيتك .. وغموضك .. اشياء فيكي لازوجك ولا اهله ولا العالم مجبورين انهم يتحملوها .. برغم ذلك حبوكي ..
انتي اللي تتحملي انك حساسه مره .. انتي عارفه انها نقطة ضعف فيكي ليش ما حاولتي تقويها؟ .. غموضك وكتمانك حيسبب انفجار .. ليش ماحاولتي تتخلصي حتى لو بالكتابه على اوراق كطريقه بدائيه للانفتاح؟ .. المشكله مابدأت منهم اختي بكرا احلى ..

المشكله جذورها انتي .. وهما الفروع ..
 
إنضم
2 يوليو 2011
المشاركات
228
انا احبه بس ماابين له
وهو يدري بالشي هذا وعارف وسكوته وتاففه مني لما قلت حتى لو توك ناطق بطلاقي وانت داخل علي لحظتها بضمك عارف وش كثر احبه
وهو يقهرني كثير وسكوتي عليه دايم لاني افضفض هنا وبدفتر مذكراتي
اذبحه واضربه واعذبه كله بقلم
بس مااقول له شي بوجهه
لاني مااحب اجادل وهذا اسلوبي لاجدال مع الرجال



يعني تشوفي الحركه هذي عاديه؟
هم حبوني وانا بعد ولافكرت اتصرف تصرف يسيء لاحد
لااجرح احد ولاشي بس كيف اقابل؟
هو يقول حبوني
وانا اشوف هالشي بس مو حيل مثل مايقول
لاني مهما كان غريبه


انا ماعلي من اهله علي منه هو
كان غامض واليوم اعترف بسر غموضه
يبي اتكلم يبي اشتكي منه عشان يقول منتي مرتاحه منتي مجبوره تعيشي معي
حاسه اللي به نفس او عين
بس هو من النوع الللي مايؤمن بالاشياء هذي
حاولت اخته الكبيره معه حيل
ورفض
لو مازعلوا منه مثل ماقال ماكان رجعلي من شهر

حاولت به اناكمان ورفض وعصب وطلع للبر اسبوع وماشفته ولااتصل ولاردعلي
 

لوحدي وفيت

New member
إنضم
21 سبتمبر 2011
المشاركات
291
حبيبتي الله يكوووون في عونك والله يصلحك ويصلحلك ويسخركم لبعض الحل انك تتكلمي معه اذا هو موعندك ياقلبي واذا موجود تكلمي معه بلحسنى وقولي له يحدد فتره زمنيه لكم مثلا شهر في ها الفتره يحاول يغير من الاسبوع الي يستفزه بيك ويبعد عن المشحانه بينكم هذا الكلام على انه يحبك وانت يتغير في هالشهر من شخصيه ومظهر وكل شي وتثقفي ونهايه الشهر حدود مصيركم وانتي قوالي له كذا حدودا هاليووم والا شفتي مايبي خليه يتزوج وان كنتي قووويه لاطلاق اشوف افضل لحاله مثلكم ولاحظي هو اخر حلولي يعني لاتطالعي فيه وخصوصا انه ابغض الحلال ياقلبي الجي الى بك هو اكمنا والطف بيكي عزيزتي
 

رازيا

~◦ღ( مميزة في قسم الإستشارات الزوجية )ღ◦
إنضم
5 أغسطس 2010
المشاركات
11,180
بكرا احلى اللهم صلي على محمد كل هذا الحديث المطول صار على التلفون والله نفسك طويل على الرجال ههههههه
لي عودة باذن الله
طالعة افطر الاولاد
انتظريني
 
أعلى