زوجي قالي انتي ميتة القلب والاحساس وماعندك عقل عشان اشترى لي همبرجر بـ7 ريال

[وحيده في دنياي]

قبل شوي الساعه 10 ونص تسوقنا على كم محل بس
والساعه 11ونص رحنا مطعم طلب له بروستد روبيان
وقالي وانتي ايش تبغين ؟ قلت له :
همبرجر صغير لاني مالي نفس كثير
قال طيب طلب بجواله ويوم راح اخذ الطلب ركب السياره
قالي انا جبت الطلب قلت له طيب خلاص
قال مافيه يعطيك العافيه
الله يعافيك يابو فلان (( يقصد نفسه ))
المهم انا عشان اكف الشر مارديت قال انتي اصلا ميتة القلب
وماعندك احساس وطاير منك العقل
قلت له ليه ماعندي عقل عشان همبرجر خلاص ماابيه
بس لاتقول ماعندي عقل

قال اصلا انتي ماتحبيني وتكرهين اهلي
طبعا امه حسبي الله عليها ونعم الوكيل
كل يوم تحن عليه وتملي راسه علي
( لا اله الا انت سبحانك اني كنت من الظالمين )
اللهم اكفنيها بما شئت اللهم رد كيدها في نحرها يارب

المهم قال ليه تكرهين اهلي واسم بنتي سميتها وانتهت السالفه
قلت له انا مااكرهم
قال اجل ليه ماتزورينهم
قلت له : بس انا مااجبرك تزور اهلي غصب
قال انتي نفس البيت ... قلت له :
واهلي عشر دقايق وانت واصل لهم

قام ومـــد بوزه :27: ولايبي يكلمني وانا تركته
والله تعبت من اهله ومنه
حسبي الله على امه دنيا واخره اللي منكده علي

اذا انا مخليتها في حالي هي وش علي مني
ولدها المفروض هو اللي يبر بها مو انا انا ياما شفت وذقت
منها الويل وش باقي بعد ؟؟:38:

عيال ولدها واخليها تشوفهم ويظلون عندها باليوم الكامل:28:
ماحرمتها منهم :6: والله تعبت ونفسيتي زفت

اللي ماعندها حل دعوه لي وان الله ينصرني على ام زوجي
ترى في ملك يقول ولك كذلك

 

[وحيده في دنياي]

على فكره انا كارهه اني ازورها غصب ان كلامها مشى علي
وجيتها لان ولدها جابني بالقوه لانها تحب تكون المنتصره بالاخير
مثل الشيطان اعوذ بالله

 

[حزن الجراح]

الله يفرج همك وكربك
بس يوم قال مافيه الله يعطيك العافية ‏
كان قلتي الا
الله يعطيك العافية

 

[وحيده في دنياي]

انا دايم اقوله يعني لو انسى يستفزني
شنو حياتي كلها رسميات وبيت اهله مشاكل
الله لايشغلنا الا في طاعته ان شاء الله

 

[غيرهم كلهم]

طنشي طنشي طنيشي

خلاص يا حبيبتي طنيشي عشان تعيشي

لما قالك ما في يعطيك العافية كان قوليلوا يعطيك العافية وريحي راسك

زوري امه كل فترة وطنيشي خليها تحكي شو ما بدها و لا كانك سامعة

بالعكس بدال ما تبيني انك الي مش منيحة وما بتزرويها وتطلع هي المظلومة

زوريها واتكلمي معها رسمي خليكي ساكتة طول الجلسة عشان ما تقول قالت وسوت

سالتك شي ردي بمختصر لا تاخدي وتعطي معها بالكلام

وازا هي حكت شي اعملي حالك مو سامعتيها

اكسبي زوجك لا تنكدي على نفسك عشان امه

الله يعينك ويصبرك ويبعد عن شرها​

 

[البياض]

اكسبي علاقتك بزوجك ..
شوفي وش الشي اللي يخليه يحسن تعامله معاك .. اذا كان رضا امه .. من بكره روحي اشتري لها هديه بسيطه وانزلي لها وحبي راسها وقولي لها اي شي اخترعي سالفه كذبي كذبه بيضا قولي لها شفت حلم مو حلو فيك والصراحه ضاق صدري عليك وخفت عليك وقدمي لها الهديه قولي الدنيا ماتسوى اتخيل الحياه بدونك مررره مالها طعم .. عيشي هالدور نص ساعه وشوفي شلون تصير خالتك خاتم باصبعك ..وقولي لها اذا حسيتي بتعب ولا تبين شي لاتقولين الا يافلانه تلاقيني عندك وخليها توصل هالكلام لولدها والولد نفس الشي مشي معاه القصه وشوفي كيف بينقلبون معاك ..انا اخترت لك هالمدخل عشان تعرفين تبدين من الصفر وتضبطين الوضع ويصير زوجك احسن من اول معك .. وخالتك ترجع لك شوي شوي وكل يومين دقي على زوجك او وصيه من برى يجي يتقهوى معكم على اساس انك مسويه حلى وقهوه ونازله تتقهوين مع امه وعطيها من هالسوالف ولما يدخل عليك رحبي فيه وانفخيه واذا جيتي بتطلعين قولي لعيالك حبو راس جدتكم ومثلي هالدور اسبوع صدقيني بتحبك وبترتاحين وبتكسبينها وبتصير تستحي تقول لولدها فيك ربع كلمه لانه قدام عيونه يشوفك كيف كويسه معاها ... اتمنى ان نصيحتي تساعدك لان صدقيني عمر الكره مايجيب الا الكره والرجال مهما سويتي له باتفه شي بيذكر لك حركات مع امه او شكوى منها عليك ويحقد والرجال ماينسى ويظل ييشيل بقلبه عليك بس اذا عدلتي العلاقه وشافك احسن من اول ولو سالك قولي له والله شفت فيها حلم ماعجبني وخفت عليها وعدت نفسي اني اصير لها زي بنتها مهما كان هذي امك وجدة عيالي وغلاتها من غلاوتك انت يازوجي ... ترى سهل نزعل ونغلط وندعي ونسب .. بس الصعب هو اننا نصير حكيمات وعقلانيات وذكيااات ..ونسيطر على ردات افعالنا ..جربتي السهل وتعبتك نتيجته .. جربي الصعب وشوفي الراحه ...ام زوجك حرمه .. والحرمه تحب تسمع واسهل شي عليك هو الكلام الحلو .. قوليه وعبي عيونها بافعالك وخليها تستحي منك وتصير بدل ماتعبي ولدها عليك ترجع تقول تغيرت وتدعي لك ...
الله يسخر لك زوجك وامه ويهديكم لبعض ويبعد عنكم ابليس

 

[ام تركي 23]

الله يهديكم حق بعض اختي بس انا حاسة كانكم فحرب انتي وامه لا تنسين هي حسبت امك وحتى لو تغلط فيك تبوسين راسها وتتحملين حاولي تكسبي زوجك وتخلي حياتك سعيدة ولا تزعلين زوجك منك واجب عليك تزورين اهله وتبرين فيهم بكرة اولادك يتزوجون وتصيرين انتي بعد ام الزوج حاولي حبيبتي تعدلي امورك معاها والحمد لله انتي مو ساكنة معاها كلها ساعة تشوفينها وخلاص ترى هي جحسبة امك والزوج مافي عنده اغلى من امه

 

[رويمه]

ياشينهم اهل الرجل لاطلعو تسسسذا .. وش عليكم ياخي جيت ولا ماجيت بحريقه ..!!
انتي ماعليتس منهم وكان ودتس يعني تكسبين اجر حاولي تحسنين علاقتس .. مع امه حاولي يعني
والزم ماعليتس رجلتس راضيه وتسذا وفهمييه وقولي له دام امه كابه عشاكم عنده ..
ميب زينه بعد يأخذ عنتس فكره انتس انتي القشرى خليه بوجه المدفع وكل شي يعررفه .. احسسن .

 

[سماي الامل]

يا قلبي خلي لسانك حلو على زوجك

وحاولي انك تبيني له انك ما تكرهي اهله وزيريهم ولو مرة كل اسبوعين على قولهم في سنه حسنه


والله ييسر امرك ويهدي زوجك امين

 

[ثقتي بصمتي]

حبي اهله عشانتكسبي قلبه فقطدامه يحب اهله ويزعل من شأنهم

 

[دعاء العمر]

ياربى من امهات الزوج زهقت والله يا ستى اغلب الازواج كده انا جوزى نفس الوضع واكتر عارفه انها ما بتخبنيش وبيخلينى ايات عندها انتى ارحم منى بكتيييييييييير روحيلها مره بالاسبوع وتعالى على نفسك اشترى راحه بالك بدل ما كل شويه ينكد عليكى بسبب الموضوع ده اللى بجد بجد صدقينى مش هيشيله من راسه ابدا ابدا وادينى بقولك اهوه والله كل مشكله هيصدر امه فى الموضوع والله الشيوخ نفسهم قالوا ان الزوجه مش مطالبه بزياره ام زوجها خالص مش صله رحم واجبه ولا حاجة بس هانعمل ايه عشان الامور تمشى وافتكرى حال غيرك اللى بتتغصب تنام وتعيش معاها ​

 

[رقيقة قلب]

كان قلت لزوجك يعطيك العافيه والله يجزاك خير
واهله لاتقطعيهم زوريهم حتى لو مرة بالشهر
مها هذي امه ويحب يشوفك مهتمه فيها

 

[حجازيه ذوق]

اختي البياض مايجوز الكذب بالحلم لانو سمعت انو يقولو ان هذا الفعل كأنك تكذب على الله

وكاتبة السؤال ام زوجك حرمه كبيره وهم كذا الحريم الكبار يدفشووو بالحكي بس انتي شكلك حساسه بزياده
ولاتحاولي تزيدي من خصامك معاها زوريها وسولفي معاها وخلي زوجك يجلس معاكم سولفي واضحكي بيني انك تحبيها وانك مو كارهتها زوريهم جيبي لهم حلا وقهوه اجلسي معاهم ترا مهما كان هاي امه وحرمه كبيره وشكلها تغار على ولدها منك

 

[pink star]

الله يعينك اختي ويفرج لك
انا بغيت ارد على اختي البياض وانبهها ان الكذب في الحلم لا يجوز وفيه عقوبة مشددة الله يفتح علينا
:37:

 

[كلي درر]

~

انا معاها

 

[كلي درر]

اقصد البياض بس من غير الحلم

 

[حلى قهوة]

الله يعينك ويعين على اهل الزوج

والله كل في همه ليش مازرتي امي ليش ماكلمتي امي

ماكن في ذا الدنيا غير امهات الزوج الله يشغلهم بانفسهم

 

[سراب الوله]

أنا أشوف لو انك رديني برد حلو وبنفس كان ما زعل كذا. والمفروض مهما جاك من ام زوجك ماتدعين عليها اول شي لانها بمقام انك وثاني شي لان الدنيا دواره::7::7::7:

 

[دانة الشام]

من المؤكد أنك لم تقطعيهم إلا لما رأيتيه منهم من سوء المعاملة والأذية ,, ولكن لاتنسي أن بعض الأزواج يعتبرون أن قطع زوجاتهم لزيارة أهلهم وعدم التواصل معهم هو إهانة لهم شخصيا ومحاولة من الزوجة لاظهار زوجها بمظهر الضعيف الذي لايستطيع فرض كلمته على زوجته.. إن كنت تريدين الراحة لرأسك والاستقرار لحياتك اضغطي على نفسك والزمي الاستغفار وزوريهم ولو مرة في الأسبوع ,, ودّيهم من أجل زوجك وأبدي كل اهتمامك به أمامهم ,, اجلسي بصمت إن تكلموا معك اختصري ,, وابتسمي مهما سمعت منهم,, وحتى وأنت بينهم لاتنسي الاستغفار سرا بقلبك حتى يرد الله عنك أذاهم,, أحيانا تضطرنا الظروف أن نعاشر من تكون عشرتهم سيئة ومرهقة للأعصاب ولكن ماباليد حيلة !!! كرمى لزوجك زوريهم وادعيهم لبيتك وحتما ستتغير معاملة زوجك للأفضل.. ربي يختار لك الخير.

 

[سراب الوله]

خافووووووووو ربكم بأمهات أزواجكم والله حرام

بلوز ما تزعلووو من صراحتي