زوجي عليه حركااااات غريبه

غلا الاحبه

غلا الاحبه

New member
إنضم
2009/09/06
المشاركات
1,127
بسم الله الرحمن الرحيم

السلام عليكم ورحمة الله وبركاته

كيفكم اخواتي انشاءالله بخير

انا بحط مشكلتي بكل اختصار واتمنى اسمع ارائكم

انا متزوجه من سنه ونص وزوجي ملتزم وشمالي

ويحبني واحبه والحمدالله مافي شي ماسويته مغطيه كل الجوانب وهو بعد

بس زوجي من يوم ماعرفته

ودايم جواله بيده حتى الحمام الله يكرمكم يدخله معاه

وانا لما ينام زوجي افتش الجوال ماألقى فيه شي

ولارسايل ولاصور ولاارقام بنات ولاشي

المهم قبل اسبوع دخلت الغرفه على زوجي وهو يتكلم ويبتسم

ولما شافني قام غير نبرة صوته وارتبك وصار يقول اليوم؟

اليوم ياأخي انت ماتفهم؟خلاص يالله مع السلامه0 وانا ضميته وحطيت اذني على قلبه والله يابنااات نبضات قلبه سرررررريعه هذا دليل على انه خايف

وقلت له مين تكلم؟وليش ارتبكت لما دخلت ؟

قلي اكلم صاحبي عمر

قلت احلف؟ قال لا مااحلف انقلعي جيبي العشاء

قمت انا بطريقه لا اردايه نتفت من يده الجوال ورحت اشوف المكالمات المستلمه لقيت رقم غريب مامداني احفظه قام سحب مني الجوال وقالي لاتعيدي هذه الحركه لأمد يدي عليكي0

قلت له هذا رقم غريب وانت صاحبك عمر مخزنه بأسمه
ليش هذا رقم غريب؟
قالي صاحبي طلع رقم جديد

المهم قفلت الموضوع بس بديت اراقبه
ولما ينام افتش جواله ماالقى شي

واليوم الصبح اشوفه يكتب رساله وشوي جاه الرد

قلت له من مين الرساله الى جاتك في هذا الوقت؟
ارتك وقلي من مسجد السديس هههههه
واصلا في منطقة جده كلها مافي مسجد اسمه السديس0

تأكدت انه على علاقه والدليل ارتباكه

والحين كشخ وتعطر وطلع

قلتله على وين؟قال مشوار

قلت مشوار ولا مقابله

عموما الله لايوفقك لادنيا ولا اخره

اذا كنت تخونني0

قام زعل مررره وقلي في حرمه تدعي على زوجها

لو سمحتي لاتدعي علي0

قلت ليش ماتبيني ادعي عليك لو انت واثق من نفسك

كان مازعلت بس انت مو واثق 0

قام قلي دعوه من دون حق ماتلحق وخرج0

وانا مرتين اختبرته بأرقام غريبه والله يابنات انه يرد عليها ويتكلم معي

مره كلمته من شريحه جديده بصوتي يابنااات تخيلوا

قلت له كيفك حبيبي

قلي بخير من معايا

قلت له وحده سحرها صوتك

قام يقولي طيب ارفع صوتك هلا بك من انت

يكلمني بصيغة رجل

المهم قمت قلت له انا زوجتك ياخاين ارفع صوتي هاااه

قام استحى وقفل في وجهي

ولما رجع البيت قلي اصلا انا عرفتك على طوووول

بس قلت خليني اطول معاها شوي00000 وهو والله يابنات لما عرف اني انا ارتبك0

بالله شورو علي ياجمااااعه

كيف اعررررف انه على علاقه؟؟:tears::tears::tears:

بالله مو تصرفاته غريبه

يالله انا انتظركم يااجمل اخواااات​
 
والله ما ادري وش اقول لك ربي يعينك ويسخره لك ويخليه لك يااارب وتكونين الوحيده بحياته
وش بتسوين بتفتشين ورااه بتغثين عمرك دايم استودعيه الله وادعي لنفسك وله
وان شاء الله البنات يفيدونك
 
مادري ويش أقولك الله يهديه حركاته غريبه
لكن أنت لا تكثري تعليقاتك على خيانته ترى بعدين يستسهيلها ومايهمه أنك تعرفي بعكس الحين شكله مهتم برأيك فيه فما بيتصرف براحته
إن شاء الله ما يكون يخونك لكن ما يحب أحد يتدخل في أموره الخاصة وأعتاد يشيل الجوال معاه في كل مكان خاصة أنه ما بيقفله يعني لو عنده خيانة كان أهتم بتقفيل جواله

لكن لو أتأكدت من أنه يكلم بنات
فكري بفكره تعطيه درس ما ينساه وتكرهه بالكلام مع البنات
مثل انك تطلعي شريحة جديده وتبدأي تراسليه أنك واحده تعاكس ومعجبه فيه وأجمعي أدله بعدين خلي هالمعجبه اللي هي أنت تهدده أنها راح تفضحه لو ما لبى طلباتها المهم راح يخاف من الفضيحة ويكره هالطريق
 
الله يهون عليك وعلي يارب ويسخر لك زوجك ويهدية هداية من عنده انه القادر على ذلك
 
تركي عنك مراقبته وتتبع عثراته هذا سبب دمار وخراب البيوت ودعي الخلق للخالق
اعتبريه وهو فعلا كذلك (مبتلى) يعني مفتون بهالشي وهو المعاكسات وهيك فبالتالي انتي ادعي له بصلاة الليل واجتهدي معه اكثر واجذبيه لك ولاتفتحين سيره لخياناته وخرابيطه لاتصير بعدين عالمكشوووف وعيني عينك

اتمنى تسمعين نصيحتي ولاتخربين بيتك بيدك ..نادر يكون فيه رجل يخون .. وان الله مع الصابرين
واكثري من قول لاحول ولاقوة الا بالله ولاتتغيرين عليه اظهري له الاحترام والتقدير خليه يستحي من نفسه ممكن يتراجع ويتوب
 
تصرفي معاه على انه شماااااااااااااااااالي يعني لاتكثرين معاه كلام خليك ع الصامت اكثر الوقت ابتسمي بس حافظي على مظهرك المغري امامه لاتمشين وراه وين ماراح وانت خاين وانت وانت ترى الشمالي عنيد شوي ومعاك حق تصرفاته غريبه بس سولفي مع خواتك وصحباتك واضحكي وانبسطي وخليك قدامه ولا هامك صدقيني بيحاول يتقرب منك ويكسب رضاك الله يسخره لك يارب
 
الله يهديه ويسخره لك..
الرجاااال الوقت هذاا اعوذبالله منهم ماخلو شي ماسووه..الله يصبرالحريم على بلاويهم..
 
مره كلمته من شريحه جديده بصوتي يابنااات تخيلوا

قلت له كيفك حبيبي

قلي بخير من معايا

قلت له وحده سحرها صوتك

قام يقولي طيب ارفع صوتك هلا بك من انت

يكلمني بصيغة رجل

المهم قمت قلت له انا زوجتك ياخاين ارفع صوتي هاااه

قام استحى وقفل في وجهي



ههههههههه ظحكتنيني حبيبتي
اختي لاتراقبينه صدقيني اذا يخونج الله بيفضحه لا تعورين قلبج ولاتدورين النكد عيشي حياتج والرجال مايحبون حد يحاسبهم على اللي يسوونه وشي طبيعي اذا ما عندج دليل بينكر وبياخذج على قد عقلج سوي والحين دام انه حس انج شاكه فيه بيكون حريص انج ما تلاقين شي بيمسح كل شي عشان جي سوي نفسج واثقه فيك وقوليله انج واثقه فيك وانه يحبج ومن هالكلام الله يهديه ويصلح حاله
 
ادعي ربك ولاا تفتشين وراااه وتعورين قلبك وتتعبين
بس استودعيه هو وقلبه وعيونه وسمعه ربي
ونامي وانتي مرتاااحه
 
الله يعينك ويفرج همك ويهدي زوجك
شوفي خدماتك ادخالي على السجل المكالمات والرسائل ما تنمسح
ارقام معينه تنمسح كل القامه مع بعض
وتاكدي منه
 
شوفي مصيرو يتفضح قدامك وفضيحه كبيره انتي وقتها حتعرفي كيف تتصرفي ع فكره حبل الكدب قصير وقولو ده الكلام
 
نصيحتي لك طنشيه وخلي نفسك غشيمه بعينه

ولا تعيدين وتكررين انك عارفه وكاشفته

الين ماتشوفينه على الجرم المشهود او تجيبين رقم البنت وبعدين نشوف حل ثاني
 
شوفي حبيبتي الحل الامثل برأيي:
اولا/صلي ليلا وادعي ربك بالحاح وتاكدي بان الله سينصرك عليه
ثانيا/حسسيه بانك كاشفته وعارفه هالحركات بس بالعيون طبعا كل هذا
ثالثا/تكلمي دائما عن قصص الخيانه وانها ستكون دين برقبة فاعلها والله سيبتليه باقرب قريب
رابعا/اكذبي كذبه بيضاء وقولي انك حلمتي فيه حلم شين والله يسترعشان يخاف
خامسا/اشغلي نفسك بشيء يلهيك عنه حتى لا تتعبي من التفكير (طبعا هذا صعب شوي)
والاهم اختي الدعاء اخر الليل لله والصلاة صدقيني هذا هو الشي الوحيد اللي راح يرده لك ردا جميلا
اختي كان زوجها كذا ويسافر على قولته يصيد غزلان؟؟؟؟؟؟؟؟؟؟؟؟؟؟؟؟؟

ماكان لها حيله الا الدعاء والصلاه .................وماتتخيلين ربي كيف رده لها وصارت له مشكله مجرد ماحط رجله بالمطار وتكفخ وتبهذل وسين وجيم وحتى الفلوس رشاهم عشان يفكونه بس بدون فايده
واربع ايام يسجن الدوله اللي هو رايح يصيد فيها غزلان وماعرف وش قضيته اخر شي قالوا اسفين تشابه اسامي بس لا تعوده لانه بيتكرر الموقف لك
ومن بعدها تاب عن صيد الغزلان
وربي يوفقك ويسخره لك
 
عزيزتي غلا
انتي غلطتي لما اعترتي انج زوجته ولو راقبتيه اسبووع كامل كان احسن
اذا تقدرين اتراقبين طلعاته وجياته وين يروح ومع من
ابدي من بكرا واعملي كذا
الله يوفقج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل