زوجي طقني ورحت لهلي

[صابرة الحمدلله]

السلام عليكم حبايبي انا زوجي عصبي لدرجه ماتتصورونها وانا دايم اتحاشى اكلمه

اذا عصب عشان مايمد ايدة على ودايم يعصب على اسباب تافهه ماعنده شغل الا انا

والحمدلله انا قايمه بكل حقوقي مخافه من رب العالمين وابي الجنه

في يوم الخميس قام من نومه الساعه5 ونص وسالني وانا نايمه اذا وديت له ملابس للمصبغه او لا

وصراحه ماوديت نسيت وكان معصب وقال انتي مو مهتمه ببيتج بس تبين الروحات والمساير

وانا ساكته مارديت عليه ماخلا كلمه ماقالها وانا على فراشي

مادريت الا هو على راسي وطقني طق بعقاله لين طفى الحقد اللي فيه تخيلو اني من الصدمه

خبيت نفسي وشال الفراش وطقني بعد لين خلص

وقام وقال شيلي قشج انا مابيج ورديت عليه وقلت انا اللي مابيك ولا اقعد عندك

وقمت فتحت باب الشقه وطرته بس ماطلع وسكر الباب وكلمت ابوي كان بدوامه وهو يشوفني وانا الم اغراضي

وخذى تلفوني وكلم ابوي وقال انا اراضيها لاتاخذها ياعمي

بس رفضت وقلت له انا ماقعد عندك انت مارحمتني وانا ماسويت شي

لاكفرت ولاسويت شي كبير عشان تعاملني جذي انا ماقصرت معاك وهذا جزاي

هل جزاء الاحسان الا الاحسان

والله اني رحت بحالت هسيريا وقمت اصارخ واهاوش

وحتى قلت له انا لاني ابيك صبرت على انك ماتجيب اعيال الا بعلاج انابيب (ولدي عمرة4 شهور)

وصراحه ندمت على هالكلمه الوحيدة لاني ماحب اتكلم على المرض

وبعدها طلع وماجى الا الساعه 9 وانا اجمع اغراضي وتخيلو يكلمني عادي

وطلب اسويله ريوق ولا بعد غدا وسويت وانا ماكلمه

ويسالني بتسافرين يوم شاف اغراضي قلت بروح لهلي ويقول تروحين وتخلين زوجج وبيتج

قلت زوجي باعني وطلبته يوديني بس قال اوديج وماخذ اغراضج واذا رحتي لاتاخذين خدامتج

وبعد ماتغدا مشى وبعد ساعه جاى اخوي ورحت وخليت الخدامه وسكرت جهازي

والحين صار لي من رحت اسبوعين ولا شفنا شي

شسوي الحين؟

ولدي يبي حليب ملابس حفاظات شلون اطلب ؟

وانا اطلب مصروف ولا لا انا مو موظفه؟​

 

[حنونه4]

الله يعينك كله ولا الطق لاترجعين الا لما يوعدك انه ما يمد يده عليك وكان ما خليتي شغالتك عنده استغفر الله

 

[كامبوره]

الله يفرج همك يارب
بس المفروض ماخليتي الشغاله بالبيت لوحدها حتى شو ماصار
دي امانه عندك امام الله وانتي محاسبه عليها
بس ليش تودي الملابس المسبغه انتي المفروض هو اللي يوديها
سؤال اول مره يمد يده عليكي ولا سبق ومد يدهل
الله يفرج همك عاجلا غير اجل

​

 

[دانة الشام]

معك حق في اللجوء لأهلك لاسبب يبيح لها ضربك !! .. اتركيه الآن سيتصل عاجلا غير آجل بك بإذن الله.. لابأس إن طلبتي من أهلك إحضار مايلزم ولدك.. لاتفكري في الاتصال به من أجل ذلك سيقول أهلها يستثقلون جلوسها عندهم !!!!!! اكثري من الاستغفار والدعاء وبإذن الله ربك لن يضيمك.

 

[حنونه4]

نسيت اقولك لاتضعفي وترجعي من نفسك تراه بيذلك ولا تطلبي منه فلوس لولدك ابوك ما راح يقصر هالفتره على الاقل كلها حليب وحفائظ بس لاكن دامك رحتي لاهلك اثقلي شوي لين يجي ويحس بخطئه

 

[صابرة الحمدلله]

هلا خواتي ومشكورين على ردكم

وبالنسبه لشغاله هو كل ماتزاعلنا ذلني عليها وقال ماتخذينها معاك اذا رحتي لهلج

وعلى فكرة انا ما اروح لهلي الا اذا هو طردني

وشغالتي عند اهله مو بشقتنا وانا خليتها عشان اثبت له انها مو مهمه هو بس يبي يحرني

وهاذي مو اول مرة يمد ايده اخر منه من سنتين بس انا وقفته عند حدة وقلت اذا مدينها ماراح

اقعد عندك وراح اروح لهلي وعدني انه ماراح يمدها بس مدري شنو جاه هاليوم

وان ابد مو مفكرة اتصل عليه كلش ابيه هو يتصل​

 

[واثقة]

أعانك ربي


اعطيه وقت حتى يحضر ويعتذر


لعل ما حصل خير لكما

وصلاح لأحوالكم


لا تنسي الدعاء والإستغفار

 

[وجه الخير 2010]

مع واثقة
​

 

[خاله سوسو]

أختي موقفك رااائع .. وفقك الله وانار طريقك ..

لكن وان حدث وعدتي لا تعودي إلا بشرروط تكسر كاهله اطلبي طقم ذهب ومصرووف ورضوه لكي يحرم ان يمد يده مره آخرى .. وتكون هذه الشروط بمرأى ومسمع والدك ووالده واخوانك و هو وانتي ليعلم ان الحق حق .. ​

 

[رازيا]

اوف والله كلمتك اللي قلتيها لزوجك هزتني انا وهذا انا وغريبة شلون زوجك كلمتك قوية وما فيه رجل يستحملها ابدا وراح ابشرك مظطرة انك راح تقعدي عمرك كله عند اهلك اسمعي مني يا بنت الحلال
روحي ارسلي له مسج حلو وهنئيه بمناسبة رمضان وقولي له حقك علي وانا اعترف انني اغلطت عليك وانت بعد م قصرت ضربتني يعني الغلط مشترك من الاثنين وانا حابة ارجع بيتي معززة مكرمة وافتح صفحة جديدة معك انت رجال محترم وكريم وطيب انتبهي هنا لازم تمدحيه علشان تخليه يحن عليك
اكتبي الرسالة هذي اللي كتبتها لك وارسليها على موبايله الليلة وتوكلي على الله وباذن الله انه يجي ياخذك احسني الظن بالله وصدقيني زوجك يحبك وشاريكي والدليل انه ما كان حابب انك تتركي البيت
لكنك استفزته بكلمتك القوية اللي ما اعتقد انه فيه رجال يرضاها على نفسه
توكلي على الله وارسلي الرسالة الليلة وتعالي بكرة طمنينا عليك راح انتظرك

 

[الجده الصغيره]

معك حق في اللجوء لأهلك لاسبب يبيح لها ضربك !! .. اتركيه الآن سيتصل عاجلا غير آجل بك بإذن الله.. لابأس إن طلبتي من أهلك إحضار مايلزم ولدك.. لاتفكري في الاتصال به من أجل ذلك سيقول أهلها يستثقلون جلوسها عندهم !!!!!! اكثري من الاستغفار والدعاء وبإذن الله ربك لن يضيمك.

لا يالغلا الشمالي لا يعامل بهذه الطريقه...بعيد عن العين بعييد عن القلب.........

 

[الجده الصغيره]

اوف والله كلمتك اللي قلتيها لزوجك هزتني انا وهذا انا وغريبة شلون زوجك كلمتك قوية وما فيه رجل يستحملها ابدا وراح ابشرك مظطرة انك راح تقعدي عمرك كله عند اهلك اسمعي مني يا بنت الحلال
روحي ارسلي له مسج حلو وهنئيه بمناسبة رمضان وقولي له حقك علي وانا اعترف انني اغلطت عليك وانت بعد م قصرت ضربتني يعني الغلط مشترك من الاثنين وانا حابة ارجع بيتي معززة مكرمة وافتح صفحة جديدة معك انت رجال محترم وكريم وطيب انتبهي هنا لازم تمدحيه علشان تخليه يحن عليك
اكتبي الرسالة هذي اللي كتبتها لك وارسليها على موبايله الليلة وتوكلي على الله وباذن الله انه يجي ياخذك احسني الظن بالله وصدقيني زوجك يحبك وشاريكي والدليل انه ما كان حابب انك تتركي البيت
لكنك استفزته بكلمتك القوية اللي ما اعتقد انه فيه رجال يرضاها على نفسه
توكلي على الله وارسلي الرسالة الليلة وتعالي بكرة طمنينا عليك راح انتظرك

كلامها عين العقل.........

 

[الجده الصغيره]

يالغلا الشمالي مااينفع فيه البعد...ياخذها عناااااااااد وانت الخسرانه..........لاابد لك من المباادره ولو برساله.......والا صدقيني بتخيسين عند اهلك......

 

[أسماء زكي الدين]

بصراحة أنا رأيي مع دانة كيف مادد أيده عليها وضاربها لما قطعها والعقال أنا شفته شكله ثقيل كأنه كرباج ... وليه علشان ما ودة ملابسه للمصبغة ومعاها بيبي 4 شهور ؟!

وفوق هذا وذاك البنت كانت نايمة صحيت على جنانه !!!


لو حد يكلمه يبقى ابوها


وخلي من الشروط ملابسه والأمور برى البيت يهتم هو بيها


وخيرا صنعت بتركك الشغالة

والجملة اللي قالتها بالنسبة لواحدة في موقفها قليلة عليه بصراحة ...

 

[غربة احساس]

مع اسماء زكي الدين
صدق ياربي منكم يالحريم قاعدين يحاسبونك على كلمه قلتيها بعععععععععععععععععد ماظربك مو قبل
وهو يضرب عادي ليييييييييييييييه
يارب يجبر بخاطرك ويردك لبيتك معززة مكرمه