!.روح.!
New member
- إنضم
- 2009/09/16
- المشاركات
- 144
*
..
أحلى سلام لـ أحلى بلقيسيات ..
بصراحة مالقيت أحسن منكم أني أقولكم على اللي مضايقني ..
بقولكم وأنتو لا تبخلوا علي بنصيحة او تجاربكم ..
من كم شهر اتملكت على قريب لي .. وعلى مضض وخوف من زواجي منه
وقبلها كنت رافضة الزواج منه نهائي .. لكن أمي جلست على راسي لين وافقت ..
وبصراحة هو الظاهر منه يدل على انه صالح وطيب وكل المواصفات اللي تتمناها البنت..
بتسألوا ليه رافضة والحين متضايقه ؟؟
لآنه أصغر مني بسنتين تقريباً ..
أخاف يكون مجبور يتزوجني .. وقلت لأمي هذا الكلام
قالت الرجال ما حد يجبرة على شيء ..
واللي عرفته أنه خطب قبلي ومالقى قبول .. يعني يمكن كنت خيار أخير بالنسبة له..:sad_1:
وأخاف بعدين يقول بتزوج وحدة أصغر مني و أعيش شبابي !!:schmoll:
والله يابنات المفروض أكون مبسوطة بس ما أقدر ..
كل ما اتذكرة أتذكر الولد اللي كان يجي يلعب مع اخوي اللي اصغر مني ..
أحاول اتخيله زوج وأتذكر أني أكبر منه كيف بتدلع عليه:icon26: وكيف وكيف وكيف ؟؟؟
أنا الحمد لله موناقصني شيء علم وثقافة وقدر من الجمال بشهادة الجميع بس أفكاري تروح وتجي ..
الغريب أن أهله عارفين أني رافضة لسبب السن .. و أصرو على اتمام الموضوع ..
أدري أن الحين خلاص تملكت .. ولكن مو قادرة أتأقلم و أخاف من بكرة
تتوقعون ممكن يكون في توافق بيناا .. وهل البنات اللي تزوجوا رجال اصغر منهم توفقوا .؟
أبغى شيء يشيل هالافكار من راسي
عشان ما اندم بعدين على كثرة تفكيري وهمي بها الموضوع
للمعلومية / أنا ما كلمته ولا قابلته بالملكة أبداً ولا هو طلب هالشيء رغم أني بحكم زوجته الان !!!:tears:
يمكن هذا بحكم عادات أسرته متشددين شوي .. لكن هو متعلم المفروض يعرف بها الاشياء ..!
ياربي احس شاب راسي من كثر التفكييير
أعذروني حبيباتي على الاطالة
أسأل الله أن يملاء حياتكم بالسعادة
..
