زوجي شكله حلف كذب .. وش اسوي يا بنات

[المركونه]

السلام عليكم

انا صار لي فتره شاكه ان زوجي يمارس علاقات محرمه لما يسافر وخصوصا انه يسافر مع شخص عربي واطي جدا جدا استغفرالله العظيم

المهم كل مره اشك فيه واكتشف انه يكذب .. امس تهاوشنا وجمعت كل اغراضي وقلت له يا أنك تحلف لي على المصحف انك ما سويت علاقات محرمه من يوم ما تزوجتني او انك تطلقني الحين

خلاص ما قدرت اتحملللللللللل

راح وجاب المصحف وحلف عليه وبعد ما حلف قال لي انتي الغاليه ومحد يملى عيني غيرك وانتي وانتي ....... الخ

انا ارتحت نفسيا وصار ضميري يؤنبني قلت يمكن انا كنت ظالمته ... ورحت عنده وبست راسه واعتذرت منه

اليوم الصباح كان جالس على النت ما عنده دوام وانا طالعه للدوام يوم ركبت السياره اكتشفت اني ناسيه الفلاش حقي وفيه اشياء مهمه للعمل .. رجعت للغرفه وكان زوجي بالحمام ويوم جيت اخذ الفلاش من جنب اللاب توب لقيت زوجي فاتح على قوقل ومسوي بحث ( ماهي كفارة من حلف على المصحف كذبا )

انا ضااااااااااااااااااااااااق صدري مره وبغيت ادوخ خصوصا كنت صايمه ... بغيت انفجر فيه بس قلت اللهم اني صائم وطلعت وكلي افكار تودي وتجيب ... معقوله مسوي شي من وراي وحلف لي كذب ؟؟؟؟؟؟؟ معقوله يزني ويبي كفارة الحلف بالكذب ..... يعني مو خاشه مخي ... مهتم بكفارة الحلف وهو زاني ... اااااااااه ياربي الله لا يحط وحده فيكم بمكاني من ضيقة صدري رحت بيت امي يوم طلعت من العمل مو قادره اشوف وجهه

 

[يالوردي]

الله يفرج همك بس انتي مسكتي عليه اشياء يو م تشكين ان له علاقات محرمه هناك يعني مثلا لقيت واقي ذكري معه بشنطة اسفر مثلتلك عشان تفهمين وش قصدي والا بس شك

 

[رازيا]

قالوا للكذاب احلف قالهم اجاني الفرج ههههه
مرة ثانية لا تحلفيه على المصحف ما دامك عارفة
انه كذب ويكذب عليك
عزيزتي ما يجوز نتهم العالم بدون ادلة لازم تكوني
شوفتيه بعيونك الثنتين انه يزني ويمارس الزنى
هل عندك ادله انه يزني هل هناك شهود والله
كلامك جدا خطير ولازم يكون موثق بالادلة علشان نساعدك
عموما اذا كنتي متاكدة انه يزني وعندك ادله قوية
انصحك لا تخليه يقرب منك ولا يجامعك الا لما يعمل
تحليل انه سليم من الامراض
وخذي موقف جاد وقوي منه واستخيري في امر بقائك معاه او لا
وخلي حد يراقبه ويراقب تصرفاته من اهلك اذا كانوا قريببن منك
الشرع لا يسوغ لك اتهام ذلك الزوج بالزنى الصريح حتى لو كنت قد رأيته على تلك الحال لأن الشرع يلزم بأربعة شهود يشهدون على مثل شهادتك وإلا فإن الأمر في نظر الشرع الحنيف يعد قذفا يعاقب عليه صاحبه . هذا إذا أردت الانفصال عنه والطلاق منه على أنه وفي أكثر المجتمعات يعتبر قول الزوجة في طلب الطلاق إذا كان الزوج يخونها ووجد الشهود عليه مثل هذه الأعمال

 

[ممنوع من الصرف]

ممكن انت حلفك له كان شامل يعني حلفتيه انه ماحب وماكلم وممارس وكذا وعشان كذا يبي الكفاره مو عشانه زنى وحلف كبري عقلك ممكن حب كلم مره يعني كذا بس ماوصلت للزنى والا شلون يدور الكفاره وهو مرتكب كبيره روقي بس

 

[احتياجي لك حياة]

الله يفرج همك ، حبيبتي الزمي الاستغفار وربي يفرجها
واكثي من قول لاحول ولاقوة الابالله

 

[مطرية]

مثل ماتفضلت الاخت ممنوع من الصرف

الحلف كان شامل وممكن هو فى قلبه حب واحده أو نظر لواحده او حجى معاها

ألى يرنى مراح يهتمـ بحلف الكذب

 

[حور الأثرية]

انا لي وجهة نظر اخرى دامه يشوف كفاارة يعني ان في قلبه خير ولي يفتش على كفارة اليمين اكيد انه ما يقرب المحرم الي هو الزنى ربما كلم بنات ماسنجر وكام وبس اما الزنا فمستبعد..

 

[المركونه]

اشياء كثيييييييييييييييييييره خلتني اشك انه يمارس علاقات محرمه
اولا ما يبيني المس شنطته اذا رجع من السفر ولو بس اقرب منها يرتبك ولازم هو اللي يطلع الاغراض وهو اللي يشيل الغسيل من شنطته بنفسه

مره اكتشفت انه ماخذ عطور نسائيه معاه في الشنطه انا اكتشفتها وسكت ما قلت شي لكن هو يوم درا اني داريه جا وقال لي هذي العطورات اعطيها لعاملات النظافه اللي بالاوتيل عشان يجتهدون بتنظيف الغرفه فقارى والواحد يطيب خاطرهم

ومره لقيت في شنطته كرت لمحل مرسوم عليه جسم حرمه واسمه ( pleasure ) ومكتوب عليه كلام بالتايلندي ولما ترجمة الكلام لقيته محل مساج جنسي يعني حرمه تسوي مساج لعضو الرجل وتعرفون عاد تايلند والخمام اللي فيها
ولما واجهته قال هذي الكروت تلاقينها مرميه بكل مكان عادي قلت طيب ليش جايبه معك قال بس عشان اوريه الشباب ولما فتشت جواله لقيته متصل على هذا المحل 4 مرات ويومها زعلت وصارت سالفه


ومره اكتشفت صور بنتين عاريات على السرير في اللابتوب حاول انه يقول ماخذها من النت لكن انا حجرت عليه لان الصور من تحت فيها تاريخ الصوره والوقت نفس التاريخ والوقت اللي كان مسافر فيه ونفس طريقة الكمره حقته التاريخ بالاصفر والوقت بالابيض قلت له باين انها كمرتك ووقتها كان مرتبك مررررره وصار عصبي وينافخ وقال لي انا كذا عاجبك اهلا وسهلا مو عاجبك اقضبي الباب ... بعدين جا بالليل واعتذر وقال هذا واحد من الربع استعار كمرتي وكان جايب بنات وصورهم وانا ما كان ودي افضحه والستر زين والله يهديه .... الخ الخ
قلت وش جاب الصور في لاب توبك طيب ؟؟ قال طبيعي اذا نزلت اي صور من كمرتي غي اللاب توب تنزل كل الصور قلت وليش محتفظ فيها ؟؟؟ قال بس نسيت امسحها وتبين امسحها يله امسحها الحين والا امسحيها انتي بعد لو تبين ... قلت له انكانك صادق الحين تتصل على صديقك قدامي وهو ما يدري اني اسمع وتقول له عن الصور عشان اسمع بأذوني .. طبعا رفض

ومواقف كثيييييييييييييييره غير كلامه عن الجنس 24 ساعه وبصبصته للحريم ... خلوني ساكته بس

 

[قمر بعيونه]

ان بعض الظن اثم لاتتهميه الا بشيء متاكده منه الله يفرج همك ويسخر لك زوجك ويرده لك

 

[fl0o0ry]

صدقيني اللي مايخاااااااااااااف الله مايخاف من النااااااااااااااااس ودامه حلف كذب عقابه عند رب العالمين
يزنوا ويرتكبوا الحرام ويتهاونوا بشرع الله بدل مايتوبوا يرجعوا للذنوب مره تانيه والله الا مايجي يوم ويندم الخااائن اشد النوم والله موجود بياخدلك حقك وكلي امرك لربك والله يكشفه ع حقيقته ويفضح كل خائن وزاني

 

[المركونه]

الحلف ما كان شامل .. انا قلت له يحلف انه ما لمس حرمه غيري بشهوه من يوم ما ملك علي .. وهذا اللي سواه

الحين راسي بينفجر من كثر التفكيييييييييير ...معقوله يزني ويبي كفارة الحلف

تتوقعون متزوج علي ... يعني لامس وحده بالحلال

 

[حلم متناثر]

اقسم با الله ان جسمي كش من حلفانه ع القران


ومن قلبي عوورني عليك يابعد عيني انتي


يارب العالمين بحق هذا الشهرررر الفضيل

ان الله يرد لك في زوجك وجعله مايشوووف غيررك

يارب ....


والله ذكرتيني بسالفه كانت دوووم تبكيني ليلي مع نهاري


لكن الله يصبر قلبك ويهدي زوجك اللهم امييين

 

[ارج ـوان]

خلاص مادام حلف خلاص ويمكن يتغير سبحان ومادام يفكر في كفارة اليمين اذن فيه خير وموشرط انه زنى يمكن تعرف على احد فقط وترك هذا الشيء لاتقعدي تدوي في اذنه وتخربي بيتك بيدك

 

[أسماء زكي الدين]

يا أختي كفي عن ملاحقة زوجك ... حتى لا تتعبي نفسك ...

وواضح أنه حلف كذب كي لا يخسرك وبحثه عن كفارة يعني أنه ندمان ...

وأحسنت بعدم كشف معرفتك ببحثه له ​

 

[دلوعه ابوهاا]

واااااااااي يابعد قلبي الله يصبرك

اسمعي مني اي شخص يسافر بدون زوجته اكيد بيطالع ببنات

انا الحمدلله زوجي مايسافر الا ورجلي على رجله

وانتي عودتيه يسافر لحاله وهذا اللى يخليه ع كيفه

بس ماقول الا الله يهديه
​

 

[المركونه]

دلوعة ابوها

انا ما كنت اتخيل اني بيوم من الايام ممكن اسمح لزوجي انه يسافر لوحده ..حتى من قبل لا اتزوج كنت اكره هالفكره

لكن الظروف تجبر الانسان .. يقول لك انا مسافر شغل .. تقولين له ابروح معاك يقول لك انا معي رجال من العمل ما يصلح تروحين واحيانا يكون صدق رايح شغل بس على جنب يلعب بذيله

مرات يسافر وانا حامل ومرات وانا عندي امتحانات ومرات وولدي تعبان ومرات وانا بفترة النفاس ومرات وعندي بيبي رضيع والحين عندي دوام وهو مبسوط على هالشي لانه ما تصير لي اجازات كثيره

اااااااااااه بس والله اني ندمانه يوم اخذته

اختي اسماء زكي الدين

انا كنت اخر وحده تشك واخر وحده تلاحق زوجها لكن سواياه جننتني ... مستحيل اقدر اطنش الحين .. كيف اعيش مع انسان ما اثق فيه ولا ذره ... وين الاستقرار ؟؟؟ من يوم يجي ؟؟ اصير زي الاطرش في الزفه ؟

 

[ام الجوديه]

الله وليه دامه حلف كذب بيشوف عقوبة كذبه
الله المستعان
حسبي الله ونعم الوكيل
احترق دمي

 

[noodi]

مدامك متأكدة إنه سوى الحرام من كل الأدلة اللي قلتيها من الصور والمساج ليش حلفتيه؟

شو استفدتي؟ وجايه تسألينا
يعني كيف نساعدك؟ كيف نعرف صادق ولا كاذب؟ إذا إنتي اللي عايشة معاه مش عارفه