زوجي زعلان مني وش اسوي؟؟؟؟؟؟؟؟؟

قطرات من السحب

قطرات من السحب

New member
إنضم
2008/08/25
المشاركات
53
السلام عليكم

كيفك يا اعضاء بلقيس الكرااام


انا متملكه لي 3 شهور واليوم قابلت زوجي ع المسنجر

وقلتله كلمه عادي (((((( اخـــــس)))))))):busted_red:

هذي الكلمه عندنا عاديه جداااا
بس هو فهمها شي ثااني انه نوع من انواع الاستحقار:sad_1:

طبعا هو زعل مني :icon1366:
وارسلتله ع الجوال ان مو قصدي الكلمه وان هو فهمها شي مو كويس

بس هو باقي زعلان :crazy:

وانا متعوده اني انا اصحيه ع الدوام وصحيته بس مادق علي:no:

قالي شكرا على اهتمامك :detective2:
بس

والله اني مره متضاايقه احس اني مو قادره اناام
ابي اعرف وش الحل

وكيف اخلييه يرضى

وعلى فكره زوووجي من النوع الي يززززززعل بسرررررعه
وانا ماعرف اتعامل معاه ياليت الي عندها خبره تعلمنني:no::icon1366:

والله يرزق اي وحده تعطيني حل والي ماعندها حل بليز ادعولي
:blushing::blushing:​
 
حبيبتي قطرات من السحب(شكلك تقربي لي ) كلانا نتبع السحب انا البرد وانتي قطرات المطر
المهم
حبيبتي اللي صار شي عادي جدا ومش من حقه يزعل لانك فهمتيه انه مو قصدك اساءه وهي كلمه متداوله كثير
وشكله يتغلى يبي يشوف غلاته عندك

انتي كمان سوي انك زعلانه بس مع شوية دلع وفهميه انو مو قصدك اساءة وقولي معقوله تزعل من حبك وحياتك على شي تافه وهو بيرجع من حاله
الثقل زين
شكلي بخربها هههههههه
الله يصلح الحال ويجمع بينكم على خير وتعود المياه لمجاريها
ولا تنسي طمنينا عليك
دمتي بحفظ الله
​
 
خليه شويه حتى يهدى بالاحرى طنشيه فترة من الوقت حتى تهدا الامور ويفكر صح
نصيحه لك عزيزتي خليها في اذنك ولحياتك الجايه الركادة والصبر لا تتخلي عنهم
 
يقول المثل من كثر زعله قل أرضاه
انتي وضحتي له وتأسفتي وماقصرتي الثقل زين علشان ما يتعود على الزعل بسرعة أصبري كم يوم لحد ماييأس من اتصالك خليه على نار بعدين اتصالي ولا تأسفين لأنك سبق وتاسفتي وعتابيه على سرعه الزعل وهذا تصرف انه يجي من غيرك مشى من زوجي حبيبي وانا ماقلت الكلمة لأني أمون
 
خليه الين يهدا مثل ماقالوا الاخوات
وعلى فكرة ترى الرجال بشكل عام
يزعلون من هالكلمة هذي انا
لاحظت هالشي بزوجي وإخواني
لأنها مثل ماقلتي نوع من الاستحقار
وطبعا في كلمات ثانية راح
تزعله مثل انقلع
ويامجنون و يانذل ياماقس
(تبيني أكتب لج قائمة*):harhar1:
خخخخخخخخخخخ
لا عن جد نوعيه
زوجك يبي لها الوحدة
تحاسب على كلامها:icon1366:
لان الواضح ان
مجتمعكم عادي عنده
الشي هذا على عكس
مجتمع زوجك
الله يسخره لك​
 
مشكله اختلاف الناس في الكلمات وتعابيرها

اذا زوجك حساس انتبهي من كلماتك وتصرفاتك..
 
خلاص انسي الموضوع ولا عاد تتأسفين اذا كنتي وضحتي له معنى كلمتك طنشي موضوع زعله حتى مايتعود على الدلع والتزعل ...
 
الظاهر زوجك من النوع الشرقي المثالي

بس حبيبتي لا تزعلين .... هذي الكلمة فيها نوع خشونة ، ما يصلح تتكلمين مع الريال كأنك

واحد من ربعه ، خلي كلامك كله حب و دلع ، آسفة اذا كانت ملاحظتي قاسية

بس انا مجربة , و ملاحظة من زوجي إن ما يتقبل مني أي كلمة و حساس معاي

بينما أخته تقط عليه من كل الكلام و ما يقولها شي لأنها تظل وحدة من محارمه

أما أنا لازم أسوي روحي دلوعة و أميرة.

الحين الحل إنك تبسطين الموضوع و تعتذرين مرة وحدة و لاتبالغين معاه وايد عشان ما يمسك عليك كل خطأ

و صدقيني هو ما زعل إلا لأن يحبك
 
غاليتي انتي اعتذرتي له واستسمحتي منه خلاص لاتكرري هالشي ..
وعلى قولتهم هو براسه حب مانطحن متى مانطحن بيطخ ويرجع لك وهو يمكن يعتذر لانه كبرها شوي
وبعدين خوذيها نصيحه عامليه زي الطفل اذا زعل لاتكثرين الاعتذار منه لانك كذا تدلعينه عقب مايرضيه شي ..
انتي قولي ممكن الكلمه معنها غلط وقلتها لك بالغلط واعذرني بس لاتقولي اسفه ..
ومبين على شخصيه زوجك انه زعول وعنادي ونصيحتي لك لاتزنين عليه عشان ترضيه يكفي اعتذرتي له بس عادي عامليه وكان ماصار شي مو كل شوي تقولي مادريت ولا انا غلطانه
واللهيسهل امرك وينولني اللي ببالي قولي امين
 
شيخة المعاااااااااازيم انتي تزيدييين الطيييين بله هههههههههههه رااااااااااااضيه بكلااااااااام حلوودلع وقوليله ماااكاان قصدك
 
مرة قلت لزوجي هذي الكلمة طير عيونه علي قال خير قلت ليش قال معناها مو حلو قلت والله ماكنت أدري معليش أعذرني وأنتهى الموضوع
لكن خطيبك يتغلى عليك لانك بعيدة عنه لو إنك عنده كان ماستمر هذا الزعل يعني إن شاء الله لا تخافين من المستقبل
الرجل بضمة , بقبلة ينسى شئ تافه زي هذا
خلاص دام إنك أعتذرتي خلاص إنسي بس قبل تنسين ارسلي رسالة حلوة له حب أو شوق وبس عشان لما يقول انت طنشتيني تردين عليه كيف طنشتك وأنا أعتذرت منك وأرسلت لك رسالة حب وشوق
وبعدين معليش حاسبي على كلامك ولا تصيرين خشنه كذا وتجيبي كلمات خاصة بالذكور
زوجك أتوقع جنوبي شرقي وأنت غربية
فتأكدي حبيبتي من الانماط الشخصية وأعرفي شخصيته عشان تقدرين تعرفين تتعاملين معه وتتنافين المشاكل بإذن الله
وإذا مو عارفة تعالي هنا نساعدك وحنا بخدمتك
والله يوفقكم يارب
 
اثقلي عليه وطنشيه ما دام انك اعتذرتي له خلاص لا تعودينه انه يزعل وانتي تراضينه زوجك على ماتعودينه انتبهي مادام انكم ببداية الزواج اذا حس انك طنشتيه يبي يبطل زعل ودلع اسالي مجرب خبره عشرين سنه زواج
 
لا تعوديه على كل كلمة يزعل و تركضي وراه تراضيه صح انا معاج اذا كان الامر صح يزعل راضيه بس مرة انا اسفة و بس اما تقعدي تقوليها ستين مرة و مسجات و اتصالات و هو مطنش بعدين مصيبة يصير يسويها عنوة عشان تركضين وراه انتي فهمتي موقفج خلاص يكفي
الله يصبرج انتي بعد في اول المشوار ومسوية بعمرج جذي عيل اشلون اذا صرتي في بيت واحد شنو بتسوين تذبحين عمرج ترى و الله الرياييل ما يستاهلون كل الي نسوي معاهم اسالي المجرب
 
انا بعد من رايي تراضينه بكلام حلووو ودلع ذوبيه اذا يحبج وهو بيعذرج

موفقه حبيبتي
 
الله يعينك تكفين حاولي تفهمينه قبل لاتتزوجون لانها والله معاناة الرجال الزعول الحساس اسالي مجرب انا عانيت وما زلت اعاني من14سنة انا ماخوفك بس اقول لك لازم تعرفين كيف تتعاملين معه على اساس معرفي عن طريق القرآءة والأطلاع كيفية الحلول لأني احبك و ابغاك تتوفقين معه الله يسعدكم
 
هلا اختي بصراااحه الله يهداهم بعض الرجال تحسين انه يزعل من بعض الكلام العادي حتى لو ماكان قصدنا فيه شي
المهم اختي ماعليج انتي راضيه بس باسلوب دلعيه سمعيه كلام حلو وانشاء الله بيرضى
وعاد لاتعودين كل مره انج تراضينه
الله يوفقكم انشاء الله....
 
الله يحفظكم يارب

وابشركم الحمدلله

تراضينا بس هو قعد يقولي لو انتي واحد من الربع كان صكيتك كف

بس انا عاد قلتله ان مو قصدي ومن ها الكلام اليين رضى

والله يخلي لي يارب
 
الحمد لله عودا حميدا ان شاء الله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل