زوجي زعلان مني حيل ويفكر بالانفصال كيف اراضيه

[انا والجرح]

بنات ماعرف من وين ابدا بس اللي عندها حل تقولي عليه انا وزوجي بيننا مشاكل كثير ومع الايام تراكمت وحصل امس الانفجار بسبب الجوال وغيره بس السبب الحقيقي انه ماعد يتحمل عصبيتي ونرفزتي على اتفه الامور بس يتحمل جزء كبير من المسؤليه يابنات كني غريبه عنه اخباره اسمعها من اهله وطول الوقت جالس معاهم وانا طول اليوم لحالي ودايما يحسسني ان اهله احسن مني لين كرهني فيهم وانا ماشفت منهم شي لللامانه بس كله بسببه ومره قعداته معي مره قليل يتحجج بازعاج الاولاد له وانا ماعد اتحمل هذا الوضع الحين امس سارت المشكله واحنا رايحين للسوق وسبني لين قال بس وقال انه ندمان على زواجه مني وما سكت لين رجعنا حتى في السوق قعد يخاصم وانا انهرت ماوصلت البيت الا والدنيا تدور فيني حاسه كرامتي انهانت والحين انا مسافره وافكر اقفل جوالي وما اكلمه عارفه انه بيندم بس بعد ايش الحين ايش اسوي عالاقل يخف التوتر لين اروح لهلي وما ابغى احد يدخل في الموضوع قولولي حل وادعو ان الله يسخره لي ويصلح ما بيني وبينه على فكره زوجي شمالي شرقي وانا جنوبيه وما عرف كيف اتعامل معاه وترون ماني مسافره زعل بس صيفيه:24:

 

[الجده الصغيره]

بنات ماعرف من وين ابدا بس اللي عندها حل تقولي عليه انا وزوجي بيننا مشاكل كثير ومع الايام تراكمت وحصل امس الانفجار بسبب الجوال وغيره بس السبب الحقيقي انه ماعد يتحمل عصبيتي ونرفزتي على اتفه الامور بس يتحمل جزء كبير من المسؤليه يابنات كني غريبه عنه اخباره اسمعها من اهله وطول الوقت جالس معاهم وانا طول اليوم لحالي ودايما يحسسني ان اهله احسن مني لين كرهني فيهم وانا ماشفت منهم شي لللامانه بس كله بسببه ومره قعداته معي مره قليل يتحجج بازعاج الاولاد له وانا ماعد اتحمل هذا الوضع الحين امس سارت المشكله واحنا رايحين للسوق وسبني لين قال بس وقال انه ندمان على زواجه مني وما سكت لين رجعنا حتى في السوق قعد يخاصم وانا انهرت ماوصلت البيت الا والدنيا تدور فيني حاسه كرامتي انهانت والحين انا مسافره وافكر اقفل جوالي وما اكلمه عارفه انه بيندم بس بعد ايش الحين ايش اسوي عالاقل يخف التوتر لين اروح لهلي وما ابغى احد يدخل في الموضوع قولولي حل وادعو ان الله يسخره لي ويصلح ما بيني وبينه على فكره زوجي شمالي شرقي وانا جنوبيه وما عرف كيف اتعامل معاه وترون ماني مسافره زعل بس صيفيه:24:

 

[الجده الصغيره]

الشمالي الشرقي له تعااااااااامل خااص لانه صعب التعامل...

وغريبه جنوبيه وعصبيه؟...

يالغلا..راجعي نفسك قبل ماتهدمين بيتك بايدك وتتندميين...

 

[انا والجرح]

انصدمت فيكم يابنات بلقيس وانا اللي نازله فيكم مدح اللي يطلعون وقت الزنقات عالعموم مشكورين رد واحد بس

 

[I Will Be]

الله يسر لك

بس انتي حاولي تشوفي اش الي يحبه ويسويه
ويمكن زعلان ومتنرفز عشانك بتروحين لاهلك
أنا زوجي كذا الله يهديه
عندنا وعندك خير بس حاولي تسكتي منه وخليه يقول الي يقوله
وأدعي اللهم ان نجعلك في نحورهم ونعوذ بك من شرورهم
والله يفرجها عليك وعليه وعلى كل مسلمه يارب

 

[دلوعةزوجي]

تأخذين موانع حمل ممكن هي اللي تخليك عصبيه
نسيم االربيع هنا ان شاء الله تفيدك

 

[عروبه هانم]

حبيبتي الله يصلح زوجك

بس سامحيني مااقدر انصحك بشي احس القصه ناقصه ؟؟؟!!



بس بدعي لك الله يفرج همك ويصلح مابينكم

 

[نسيم الربيع]

بداية ما أمداك تحطي المشكلة عشان نرد عليك !!
صبرا حبيبتي واضح أنه ما عندك صبر !!!

الشمالي الشرقي يحتاج للحكمة والهدوووء
يحتاج لحوارات هادئة صادقة من غير مشكلة
يحتاج لجلسات مساااج كثيرة مع كلمات مدح برجولته
يحتاج انك تحسسيه انك تطيعيه واذا غلطتي مايكون عندا فيه.. لا يكون غلط عادي مثل أي إنسان يغلطه !!
لازم توضحي له هذي النقطة حتى مايعاملك على أساس أنك تعانديه ويبدأ بإهانتك !!
الشمالي الشرقي مستحيل يتخلى عنك بسهولة ولكن إذا مل منك أكيد رح يفكر يتركك
ركزي على تصرفاتك معه وردات فعلك خليها ألطف من قبل
خففي العصبية كثير واجعلي أنوثتك هي الطاغية
استقبليه بابتسامة وودعيه بابتسامة
حل الشمالي الشرقي جدا سهل ولكن يحتاج للمدااااومة دااائما

ربي يعينك ويفرج همك ​

 

[خيــآل]

لاتفكرينه بيندم بالعكس بيظل حاقد عليك وبيفقد الاولاد بس انتي لا

الشمالي الشرقي يموووت في الرايقه والي تمسك نفسها وقت الغضب وخمس دقايق بس ويجي يراضيك

لو سكتي بس لو عصبتي راح تتحول لمشاكل وسب وتجريح وصعب القلوب تصفى بعدها


حبييه وتحمليه بيكون زي الطفل بين يدك

 

[أم محمد]

أخري سفرك حتى تصلحي ما بينك وبين زوجك

قد يتطور الأمر وأنت بعيدة عنه!!!!!!!!!!!!!!!

وقد تسافرين وغالبا لن ترتاحي وأنت في خصام معه

أرضي زوجك أولا ثم سافري والله يختار لك ولنا الخير

 

[hadifa]

التمسي العذر لأخواتك العضوات وكوني صبورة لكل مشكلة ولها حل

بالنسبة لمشكلتك اعلمي أن الرجال بصفة عامة لا يطيقون المرأة العصبية

لا تسافري وأنت زعلانة مع زوجك لغاية ما ترجع المياه لمجاريها

الله يصلح الأحوال​

 

[Miss Baskoota]

امممممممممممممممممممممممممممم
مااعرف بشو انصحج
بس الله يهديه
و يوفقكم يارب

 

[ايمومي]

حبيبتي الاخوات ماقصروا
ليه اذا شد تشدين بالعكس المفروض اذا عصب تكونين هااااااااااااااااااااديه
تمسكين نفسك وتصبرين على الاقل لحد متتهدون وتتطور المساله زي كذا

انتي بايــــــــــــــــــــــن عليك شماااااااااااااااااااااااااااااااليه اصليه
وربيييسر لك حبيبتي

 

[ربانة بحر]

الشمالي يقول كلام ما يعنيه مثل ندمان اني خذتج .. اللي بيني ونينج انتهى ... ياليتني ما تزوجت وتميت عزابي احسن من هذي العيشه يوووه وياما تقرين في النت ...
اللي لاحظته سوري لكن انتي ما فيج صبر (
انصدمت فيكم يابنات بلقيس وانا اللي نازله فيكم مدح اللي يطلعون وقت الزنقات عالعموم مشكورين رد واحد بس) الشمالي ما يحب اللي ترادد ولا عمره راح يجي يعتذر حتى لو حس بالغلط ...
تعرفين احيانا انا لما اتهاوش مع زوجي ويكون هو الغلطان يطلع ولما يجي يقولي يله سامحتج حبي ايدي ...انا من اسلوبه هذيه اعرف انه يقولي اسف لكن بطريقه اللي تنرفز .... لكن صرت انظرله بنظره وجني اقوله لا والله احلف ويتم لين يضحكني ويقولي ايه متكبره عزت نفسج ما تسمح لج تبوسين ايدي...

ولما تكبر السالفه واروح بيت هلي اخليه كم يوم وعقبها ادز مسج الاقيه ع طووووووول رد علي وهنيه انتي وشطارتج لكن نصيحه لا تصكرين الجوال واذا بداء هو وتصل لا تسوين نفسج ثقيله زياده عن الازم عشان ما يتذكر السالفه وترجعون مره ثانيه...

والله اني ماكنت اشوف زوجي الا ف الليل ولازم اسهر عشان الاقيه والحين هو اللي يركض وراي واذا غبت يومين مالاقي الا الاتصالات يسئل وينج اشتقتلج ...

الله لا يحرمني منه ولا يحرمج من زوجج...

انتي تغيري بيستوي خاتم فصبعج

 

[مدري وش اسمي]

انا جنوبيه مثلك وزوجي شمالي شرقي

وباقولك من خبرتي معاه

اذا كان معصب ويهاوش اسكتي ولا كانك تسمعين ولاتردين عليه بيعصب

اكثر خليه بعد مايروق قولي له وباسلوب مو بزعل قولي له انك جرحتني

بكلامك واللي صار ماكان يستاهل كل هذا الزعل واذا كنتي غلطانه اعتذري

وقولي له انا باسافر ومايهون علي اروح وانت زعلان مني

وباشتاق لك ووووو ومن هالكلام عاد لاووصيك في التعبير الزين

وبعدها روحي وخليه يجلس مع نفسه صدقيني بيفكر ويندم

وبعدين الشمالي مايطيق الزوجه العصبيه حاولي انك تهدي

والله يفرج همك ويسعدك ويعييننا ع الشمالي

 

[انا والجرح]

مشكورين على ردودكم الحلوه خففتم عني شوي جعله في موازين اعمالكم

 

[همس الفيافي]

الله يفرج لك والاخوات ماقصرووووووووووووو باقي التنفيذ

 

[تميميه وافتخر]

اختي انا رأيي ماتسافرين اللى لمن يرضي زوجك وخلى عنك العصبيه تراها ماتجي بخير وحاولى كل ماصارتي منرفزه تستغفري ولا تردين عليه وكل مايقول شى قولى ان شاء الله وانت تامر

 

[اه يادنيا]

تكلمي معاه وطلعي كل في نفسك وأشرحيله إلي في خاطرك وأنتي مسافره فكري. في إلي سويتيه و أيش إلي يعصبك منه وخلي إجازتك فتره راحه تعرفي انتي تحبيه ولا.

أهم شيء الصراحه

 

[الشتاء الدافئ]

شكل زوجك عنده تراكمات وشايل في خاطره عليك والمفروض عليك تغيرين نظرته لك فهو يراكي الزوجه النكديه المتطفله على الاخرين التي لاتحترم زوجها ولاتهتم بمشاعره ..استغلي هذه الاجازه لدراسة الشمالي الشرقي ولتغيري من شخصيتك وتصبحي اكثر حكمة وهدوءا وتتعاملي معه بكيد النساء ..اكثر اسلوب يكرهه الشمالي وينفره من زوجته اسلوب اللوم والمحاسبه خاصة اذا كان مصحوبا بالصراخ والبكاء ..غيري من نفسك ودللي زوجك واظهري له الحب والاهتمام واخضعي له بذكاااء ..بحيث ماتقدمينه له باليمين تاخذين اضعافه بالشمال ..تواصلي معه برسائل الحب والاشتياق والتقدير والمديح ثم عودي له من الاجازه امرأه اخرى ..ولاتطولين في الاجازه..موفقه