زوجي راميني عند اهلي بدون سبب

[بنت واو]

السلام عليكم ورحمة الله وبركاته

شلونكم بنات ؟؟؟؟؟؟؟؟؟؟؟؟


حابه اطرح مشكلتي وابي اعرف ردوودكم والحلول

لي سنتين متزوجه وصارت لي مشكله من 10ايام لقيت زوجي يكلم بنت بالجوال وانا وقتها كنت مسخنه وتعبانه المهم تضاربت انا وياه ومارضي يعطيني الجوال وطلع برا البيت قبل الفجر ودقيت على ابوه ووانا مره منهاره واول مره ادخل عمي بالموضوع وجا وجلست اعلمه وش الي صار طبعا بعدها بساعه دخل زوجي وكان باين عليه الخوف وجلس يكذبني ويقول لابوه اني شكاكه وغيوره وقلتله عطني الجوال وخليني ادق قدام ابوك مارضي طبعا قام عمي يصلح الموضوع المهم طلع عمي من بيتي وقال ابغاكم توعدوني تسكرون على المووضوع ولاعاد تفتحونه نهائيا طبعا انقفل الموضوع وانا متاكده انه كان يكلم بنت وهو على كلام ابو سكر على الموضوع وجلست مااتكلم معاه مقهوره منه المهم جا يوم الثلاثاء الي فات ملكت اختي طبعا وداني الملكه وبرضوا مافي كلام بيننا وولين اليوم ماكلمني ولا رفع السماعه ولارساله ولاحاجه ومر مقهوره لانو وقت ماتضاربنا قلت لابوه انا ماعاد ابغاه ودوني عند اهلي
قاعد عمي يقنعني اجلس وجلست وقتها والحين مرميه عند اهلي مسوي شكله زعلان عشان ناديت ابوه الفجر
وبس ماني عارفه كيف اتصرف امي جالسه تسالني اشفي زوجك مادق وهي ماتعرف بالي صار جالسه ااقولها الدوره عندي وتعبانه لما تخلص برووح والدوره خلاص بكره بتخلص اخاف يطول مايدق اويقولي تعالي واخاف اعلم ابويه تكبر المشكله طبعا انا مرررره مادقيت من يوم ماحطني عند اهلي
ولا عندي اطفال مايخلف عيال اي سوال انا حاضرره بس قولولي اش اسوي لو طول اكثرمن كذا​

 

[لاتغرك الضحكه]

يا قلبي المفروض ماتبلغي عمك ابو زوجك على زوجك انه يكلم بنات اول شئ منحرج منك وراح ينحرج من ابوه صعبه وهو يبغى يادبك عشان كذا جلسك عند اهلك لا تبلغي اهلك على المشكله لانهم ماراح يخلوك ترجعيله وزوجك راح يندم وراح تثبتلك الايام بس انتي حاولي تتنازلي واذا اعتذر اقبلي اعتذاره



تقبلي احترامي

 

[الوفاء عنواني]

وعليكم السلام والرحمة ..
انا تمااام بنوته وانتي ان شاء الله بخير وصحة
بصراااحه انا بعطيك نصيحتي بأنك تكلمينه وتحاولين تفهمين منه ايش الموضوع و إذا فعلاً هو كان يكلم بنت اسأليه ليش يسوي كذا معك ومن وراك واكيد راح يكون فيه سبب ، أو يكون تفكيره انه يسلي نفسه الله يهديه.
الله يوفقك بنوته وانصحك بالدعااااااااااااااااااااء كثري من الدعاء والاستغفار والله يفرج همك وكل مهموم .


تحياااااااتي

 

[سيدة عالمها]

اسال الله العظيم ياعمري ان يسخره لك
انا بتكلم معاك كلام الاخت وكلام المجتمع الذكوري للاسف الي احنا فيه
حبيبتي انتي غلطانه اكيد انك كنت تعبانه ومنهاره واكيد ان احساس المرأه مايخيب بس انتي ايش داك انه يكلم وحده سمعتيه ولا ايش؟؟؟
يارب تكوني موجوده ونحلها سوا حاسه قهرك وربي حسبي الله عليهم

 

[حنانوو]

انتي غلطتي وهومرررررررره ماخذ منك موقف انتي طلبتي بيت اهلك والحين تقولين بدون سبب
الوحده لويصير ايش تفكر قبل اي خطوه تسويها ولاتروح تكلم اهله ولا اهله اذا سويتي كلشي اوك دخلي احد بس موع طول جد مدري شنو اقولك الله يهديه وجعله مايجي بكره الا وهو متصل ومراضيك

 

[دلع قلبه]

الله يصلح حالكم
غلطتي اكبر غلطة في حياتك لما علمتي ابوه بالسالفه
لان كذا هزيتي صورته عند ابوه !!
شي صعب يسامحك عليه كرجل بسهوله
احس مو عارفة كيف تتعاملين معاه ادخلي مقالات الاستذة ناعمه واعرفي نمط زوجك عشان تتعاملين
معاه صح
حاولي انتي تكلميه وتسكري على السالفة نهائيا
وثقفي نفسك اكثر واكثر كيف تتعاملين معاه وكيف تكسبيه وتدعمين رجولته اللي كسرتيها بااخبارك
لابوه!!
الله يصلحك ويارب انه يسامحك ويرجعك...

 

[سيدة عالمها]

انك تكلميه يالغاليه وتسالينه انت من جد كنت تكلم بنت بالعقل كذا بيقولك ايوه بالعكس بيزعل اكثر اصلا هذا الموضوع جرح بالنسبه له وانتي ياقلبي دوبك فبداية حياتك
ابدا لاتفكرين تسالينه انك كلمت او ماكلمت انتي لومكانه بتنكرين اكيد صح ولا لا بس انتي كيف عرفتي انه يكلم بنت

 

[ياربي انصرني]

بماان عمك عنده فكره عن الموضوع والمشكله خرجت من بيتك مامامك الا ان تكلمين عمك وتقولين له ان ولدك راميني عند اهلي وانا ماحبيت ان اكبر المشكله واهلي مايدرون لانك طلبت مني ان اسكر على الموضوعوالى الان ما قلت لاهلي اي شيئ وشوفي رده 00

 

[بنت واو]

انا مادخلت عمي بالموضوع الا من القهر لان زوجي مدمن شات وتعرف على هالبنت من الشات لانو قبلها كنت عند اهلي ودخلت على الشات ابشوف ايش يسوي وشبكت معاه وقام اعطاني رقمه واديته رنه من جوال اختية وطلبته شحن شحنلي و صار يدق علي يبغى يكلمني بس مارديت عليه وماعلمته انو انا زوجته وسكت على الموضوع لين بعده بيومين لقيته يكلم البنت بالجووال وقبل كذا كان يكلم بنات بالنت لوق والماسن وتفاهمنا على هالسالفه وحلفلي بالمصحف دخل يده وحلف انو ماعاد يكلم بنات لا بالماسنجرولا بالشات يدخل خاص مع البنات وشفو ايش صار صار يكلم بالجوال مو بالنت

 

[ليتني احتويك]

الله يعييييييييييينك والله

 

[الموفقه للخير]

الله يعينك
شوفي حبيبتي
كان من اخبار السلف الصالح انو النساء يخرج زوجها غاضب وعاااازم على الايعود فتستمر الزوجه بالاستغفار فتجده عاد اليها وكان شئ لم يكن
الاستغفار سبب في الرحمة و دفع البلاء

( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا)

و لكن يحصل من البعض أنهم يستغفرون كثيرا ولكن لا يقلعون عن كثير من ذنوبهم

لذلك ينبغي تذكيرهم بقوله تعالى:

(وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُون)

تفسير " وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ " :

أَيْ تَابُوا مِنْ ذُنُوبهمْ وَرَجَعُوا إِلَى اللَّه مِنْ قَرِيب وَلَمْ يَسْتَمِرُّوا عَلَى الْمَعْصِيَة وَيُصِرُّوا عَلَيْهَا غَيْر مُقْلِعِينَ عَنْهَا وَلَوْ تَكَرَّرَ مِنْهُمْ الذَّنْب تَابُوا مِنْهُ
اما النقطه الثانيه قوي علاقتك بربك وادعي له بالهدايه في صلاتك وخصوصا في الثلث الاخير من الليل لان الهدايه سبب في دفع الفتن المحيطه بنا من كل جانب

 

[زوجةاسير]

الله يربط على قلبك ويعينك

 

[الجواااان]

الله يسخركم لبعض يااارب

 

[حبك بعثر الدنيا]

كلام الاخت( ياربي انصرني )عين العقل ...
ترى مالك غير ابوة اهو يدري بالسالفة واهولازم يطلعج منها ,,وايد تسرعتي لو كتمتي على الموضوع وحليتية بينج وبينة ...
ربي يهدي سرج ويسترها معاج ويحنن قلبة عليج وكثري من الاستغفار ..
تقبلي مروري يالغالية ....

 

[عفريه]

اهلين خيتووووووووو
اتمنى وانا اكتب الرد ان المشكله انتهت وانك في بيتك
واذا ماانتهت
تـــــــــــــــــرى مشكلتك مو اخر الدنيا
انسي موضوع زوجك لو ليله
ارتاحي بحضن امك
وادعي ربك بالخيره ولا تتصلين لا عليه ولا على ابوه اتوقع كرامتك اغلى من انك تستجدينه
اعتبريه
مسافر
رايح
مداوم
مشغول
اهم شي لا تحرقين نفسك وهو مرتاااااااااااااااح حبيبتي اكثري الدعا بخير الامور




وشكــــــــــــــــــــــــــــــــــــــرا

 

[تحملتك وصابر]

انتي تسرعتي يوم خبرتي عمج المفروض ببينج وبينه....
شوفي صلي او ادعي دعاء الاستخاره وكلميه واذا في خير بيتيسر الموضوع واذا ماشي فايدة لاتيأسين استغفري وانشاءالله خير...

 

[المتغيرة للأفضل]

اعجبتيني جدا بتصرفك يجب ان يكون هناك احدا يوقفه عن تصرفاته الطائشه ومن احن على الولد من والده ليريه خطأه ويصلح بينكم وانت لم تخطئي ابدا لاتتسرعي بالاتصال به او باحد اتركي الامور تسير على طبيعتها يمكن هو خجل من تصرفه محتاج وقت ليتصالح مع نفسه وثقي تماما ان والده سيتدخل ويوفق بينكم .مع تمنياتي بالتوفيق

 

[مدري شسوي]

الله يصلح حالكم
غلطتي اكبر غلطة في حياتك لما علمتي ابوه بالسالفه
لان كذا هزيتي صورته عند ابوه !!
شي صعب يسامحك عليه كرجل بسهوله
احس مو عارفة كيف تتعاملين معاه ادخلي مقالات الاستذة ناعمه واعرفي نمط زوجك عشان تتعاملين
معاه صح
حاولي انتي تكلميه وتسكري على السالفة نهائيا
وثقفي نفسك اكثر واكثر كيف تتعاملين معاه وكيف تكسبيه وتدعمين رجولته اللي كسرتيها بااخبارك
لابوه!!
الله يصلحك ويارب انه يسامحك ويرجعك...

:icon30:

 

[صادقه المشاعر]

اتصلي عليه واعتذري له ...

لاتخربين بيتك..

 

[بنت واو]

ما اقدر اتصل ابد لو اتصلت ماكاني استفدت حاجه هو الي جابني بنفسه وهو الي راميني وانا مو غلطانه مستحيل ابد ادق عليه لو تكون نهايتي انا ماغلطت المشكله محد فاهمني انا ماسويت شي هو الحين ليش راميني ريحتي فاحت علمت لاهلي ان زوجي بيسافر ويوم الجمعه راجع على الاقل ابعدهم عن الشك اذا جا الجمعه باقي مااتصل لازم اتصرف بس اش التصرف الصحيح ؟؟؟؟؟