زوجي ذهب لـ عشيقته وأولآدي لآيعترفون بي أما ! انظروا كيف استرجعتهم

[روحي الضائعه]

سُلآم حبيبآتي ..

علومكم إن شآء الله بـ ألف خييير ..

طبعـآ آلله يسلمكم انا صارت لي ظروف بالحياه وهي آللي عطتني

دروس وعلمتني حبه حبه .. ~

وصارت لي مواقف الله لآيعيدها خلتني أحذر من آللي يصير قدآمي

وأمسك اي مشكله من البـدآيه وانهيها عشان ماتتحول بعدين لـ كآرثه :8:,

أانا أستأذنت من صآحبآت هالمعرف لأني مو مشتركه معاهم

بس أستأذنت عشآن أكتب لكم قصتي وكيف صارت حيآتي

عشان تاخذون عظه وعبره ع آللي يصير

ويمكن بالمره تستفيدون ...

آللي أبيه الحين ,, تشجيع منكم ..

يعني مآرآح أكتب قصــتي الحين على طول ..

لآ بصرآحه ودي أشوف بالأول ردود تشجيع يعني أكتب

ولآ اشيل عفشي من الحين ؟

انتظركم ... :5:
​

 

[روحي الضائعه]

حبآيب قلبي ربي يسلمكمِ ع الردود والتشجيع ,

هالحين عرفت ان احد متآبعني ,

بعد قلبي آللي قآلت لي كتبي القصه كللها ونزليه مره وحده

حبيبآتــي انا كتبت الموضوع خلاص وما اقدر اتركه معلق كذاا وعلى ما اكتب الموضوع

واخلصه واخلص اشغالي معاه ما ادري كم يبغآلي بصرآحه ,,

فـ أنا ع الأقل لو أكتب لكم كم جزء وانا بحط ورااه أسئله وأستشارات

عشان كل وحده تراجع نفسها تعمل هالشيء مع زوجها او ولدها ولالا ؟؟

وبعدين انا ودي أناقش الأسئله آللي تجيني من الأعضآء وارد عليهم من الخبره

آللي اكتسبتها من اللي صار لي وعشان اعطي كل صفه وكل شيء وكل جزء حقه

وإذآ قصدك عشان مايضيعون البنات بين الردود وهم يدورون الموضوع

خلآصُ أفتح صفحه للردود عشان آللي ودهـآ تنآقشني وهاذا الموضوع

اكتب فيه بس القصـه عشان الكل يرتآح

- آللي يبغى يناقش له موضوعه وآللي مايبغى غير يقرأ له موضوعه

هاااه وشـ رآيكم بـ هالأقترآح حلو ؟؟

أتمنى موافقتكم وانا رآح أكتب اول جزء وعلى ما اكتبه اتمنى اشوف وجهه رآيكم

واعيد كلامي ما تهمني الردود

بس ودي أشوف آرآئكم واحس ان حد متابعني

هالحين احط صفحه للردود بــ رآيكم ؟؟

بالتوفيق حبيبااتي :5:


​

 

[روحي الضائعه]

هنـــآ الردود ..
http://www.niswh.com/vb/showthread.php?p=7551435#post7551435

رجعت لكم حبيباتي ..

اول شيء آلسموحه ع التأخير والله يسآمح كم بنت

اللي تقول هاذا الردود وحصلتي اللي تبين والله يآقلبـُي انا قلت لكم بفتح موضوع أسآسي للردود وآللي يقولون النت عندنآ بطيء ويالله نلحق على

قصتك , واناا نفس الحآله آليوم الصبآح الحمآس أخذني وفتحته وحاولت فيه وربي يشهد علي انه ماصار إلآ الحين بالليلُ والله فوقي , وربي يشهد إني أجلت كم عمل

عشان أدخل وأفيدكم .. فـ أقولكم من الحين الله يخليكم إذآ تأخرت أعذروني واحتسبوآ لي الظروفِ ..
ببدآيه بنبهكم على شيء وهو إني بكتب الموضوع على اجزاء يعني لاتتوقعون إني على طول اروح للمشكله واطير على موضوع العشيقه وكيف صارت حالتي ..
لاااااااااااااااا

انا مو قآعده اكتب لكم قصه تقرونها وتتسلون انا قآعده ابين لكم اخطائي ..

يعني رآح أبدا بـ الأيام العآديه وبالأشيآء العآديه بالـ تدريج آللي وصلتني لهالحاله اووكي ؟؟

وثآني شيء الأسمآء آللي بكتبها لعيآلي ولزوجي وآللي بـ أفرآد القصه كلها مستعااره ,

وثآلث شيء رآح أعرفكم على صفه كل واحد وكل نمطه إن شآء الله قبل ما ابداا عشان تعرفون طبيعه عيشتي

وراابع شيء راح اطلب منكم بعد كل جزء تبينون لي الخطأ آللي وقعت فيه وانا بموضوع الردود راح ارد على البنات واقولهم وبالنهايه اجمعه واحط سلسله الأخطاء ..

وخامس شيء <= والله احس بيجيني طراق خخ:20:

لالا خلاص نبدأ ببركه الله ..
..


انا الأكبر بين امي وابوي وهاذا له دور كبير في تعليمي الجد

وتحمل المسؤوليه والبعد عن اي شيء اسمه حب وخراابيط .. :25:

وبحكم ان ابوي معارفه كثير لما كنت بـ خامس إبتدآئي

جااء خاطب ورده ابوي على أسآس إني صغيره ..

بس لما ابوي شاف بنت صديقه تزوجت وهي اكبر مني

بـ سنه بس , قال إني خلاص كبرت ..:31:

تدرون عآد اكبر وحده حتى لو كاان عمرها 9 سنوات لازم

تصير بعين امها وابوها كبيرهُ لانها هي اللي عليها المسؤوليات

واحياناا امسكُ اخواني الصغار وامي وابوي براا البييت ..

وانا من كنت بالإبتدآئي ماكنت أتكلم إلآ بالجد وماكنت ألعب مع

آللي معآي بحجه إني كبيرره خلااااص :30:

ومعلمتي يوم سمعتي طالعتني بـ نص عين

وامي وابوي ملو راسي انتي كبيره واحنا نعتمد عليك وانتي المسؤوله ..

وكنت بدرآستي لما اشوف بنت تلـعـب كنت استهزأ فيها :4:

المهم وش فيني رحت عن سالفه الخطاب :31:

بعده جا خاطب وانا رآيحه على اولى متوسُط وانا وافقت واهلي وافقوا

اللي هو زوجـــي آلحين .. ,,

وجبت اول بنت مهاا وما اكذب عليكم كانت أمي ترعااها بـ أول 4 سنين

بحكم إني صغيره وما اعرف للأطفآل

وامي الله يسآمحها بدل ماتعلمنـي كأنها تربي عني :4:

وبعـد هالـ 4 سنين رجعتها امي علي وانا ما اكذب عليكم ذااك الوقت

ضقت الويل والويلااااه وكنت اتركها برآحتهااا انا زين آلحق على ابوها وبعدين اشوفها هي ..

لما رآحت بنتي ع الإبتدآئي كاانت هاديه جداا ومطيعه ولاتتكلم

تخيلوا حتى وهي في بيتها ماتتكلم وإذآ جلست بيني وبين ابوهاا

إذآ بتطلب مني طلب او بتقول لنا شيء تكلمنا كأنها غريبه عناا

دخلت متوسط وهناا جااات الطااامه الكبــرى :25:

صارت تطب بالنت من خلطه لـ خلطه ومن زين لـ زينه

ومن تسريحه لـ تسريحه ,, وصااارت ألفااظهاا وسخه جداا مدري من وين تعلمتها ..

هاذا غير اسطوانه السب اللي اسمعهآ منها صباح وليل

وغير كذا إذآ جلست مع بنات او اي احد نظرات الأستحقآر

والتكبر والإستهزآء ماتفآرقها وتتكلم مع الناس من طرف خشمها

وكلل شيء تتمرد عليه واحيانا تجيني معصبه من غير سبب

وفي مره قلت لها .. يامها صآرحيني انا عآجبتك كـ أم ؟

قالت وبكل بجاااحه :- لااااا

لما قلت لها ليش .. ضحكت وقالت كلل شيء بوقته حلوو

قلت لها مهااا احنا مو قآعدين نلعب , هاذي مو حيااه اصبح وامسي

عليك بصرآخ ..

تخيلوا وش سوت :4:

طالعتني بنظره استحقار من فوق لـ تحت وانا خانقتني العبره

تقولي انتي شوفي نفسُك بالأول وتعرفين ليش

انتي ماقدرتي تاخذين حقك عشان تدافعين عن غيرك

قلت لها اي حق واي خرآبيط وين احناا :4:..

وبـ نص السآلفه دخل ابووها , زوجي وقال لي بكل عصبيه وين العشا ؟؟

قلت له ثوااني واجيبه لك ورحت اركــضً واحط الغدااا

ورجعت ألصق جنبه كـ عآدتي وارجع أساله وش فيك تعبااان

تبي تااكل شيء تبي تناام .. اجي انام معااااك ؟؟

قالي زوجي بصرآخ .. خلاااص فكي عني , :8:


.
.
.

فـــــــــآصل يآبنـــــــآت بروح أصلي ...

​

 

[روحي الضائعه]

صُلآاااه مقبوله للجميع يااارب :5:..

المهمـِ نكمل ,

هـ المهااا ترفع الضغطَ تطلع الشيب ولو ان فارق العمر بيني وبينها مو كبير بس هي الله يهداهااا ..

لمآ صارت عمرها 14 سنه بدت ألاحظ عليها النصب

والتخطيط إذآ رادت شيء وماتقدر تحصله ماتلجئ إلآ بالخطط ..
زي مره اتفقنا نعطي العيال كل شهر 100 ريآل يشتري كل

واحد آللي يبغى يتدلع على كيييفه ..
أما مها لما عطيناها الـ 100 طلبت أكثر بحجه انها بنت وتحتآج

لـ أكثر من هالمبلغ وآللي معاها بالمدرسهُ لو تقولهم انها تستلم هالـ 100 بيآخذونها نكته بالمدرسه ..

انا قلت لها مااعليك من الناااس وطنشتها , عطتني نظره تهد

الجبل وهو شآمخ :4:.. وراحت عني بكل عصبيه ..
باليـوم الثآني جات لي وقالت اووفِ شوفي عيآلك غصب أوديهم

بيت خالتــُي والله انا مالي شغل فيهم انتي تجيبين عيآل وانا آللي أبتلش فيهم .. انتي اللي جبتيهم تحمليهم ..


رحت لـ لعيآلي وانا أحاول اهدي فيهم على نيااتي وهم إلآ مصرين يروحون وعااد الصغآر لآبدو يحنون وش يفكك منهم ؟؟


واكيد الأمهات اللي عندهم صغار هم اللي بيحسون بموقفي ذاك الوقت :30:..
قلت لها وش فيها إذآ وديتيهم انتي تدرين إني مشغوله بالبيت

وما اقدر اطلع ..
قالت بشرط < = هاذا النآقص يالله ترحمنا ..

قلت الأم وبنتها المفروض مابينهم شروط
قالت انا قلت لك بشرط لآتطولينها ولا بكيفك خليك مع عيالك


< بالله عليكم فيه بنت تكلم امها كذا ؟؟ انا وانا عند امي كنت أحتسب أي كلمه كنت أقولها لها :4:,,
قلت لها طيب اللي تبين بس خذي اخوانك معاااك ..


وبعد سآعتــين رجعت معاااهم وهم على دخله الباب إلآ هي ماسكه أخوهااا وشوي بتقوم تذبح فيه ..
وانا هنا مافيني إلآ أفك بينهم وانا مستغربه اسألها وش فييك


قالت مها بعصبيه :. أسألي ولدك ضيع فلووسي ضيـع الـ 100 حقتي
قلت لها وانا احاول اتغاضى شرها خلاااص اعطيك بدالها بس

فكي اخوك ذبحتييه عشاان كم ريآل !!!
وهي فكته وعلى محياهاا إبتسامهُ أنتصار وانا مستغربه ما امداها تحولت هالعصبيه لـ فرح ..



تدرون عاااد ؟؟!



ماكنت أتصور إني غبيييييييه لهالدرجه :4:..

تدرون وش كانت فكرتها ؟؟

رآحت لـ أخوانها الصغآر وصارت تلعب بعقلهم وتغريهم بآللي

موجود ببيت خالتهم والحلويات والبسكويتات وغيره وقالت لهم

كل واحد ياخذ فلوسه معااهً عشان اذا بيشتري ..
عااد اطفال ماصدقوا على الله .. تلآقينهم بس يبغون إشآره ويجون لك طيراااان ..


المهمِ لما جوني العيآل يبغون بيت خالتهم هي عملت حالها مو مهتمه وكأنه عاادي عندهـآإآ ولما راحوا بيت خالتهم عطت اخوها


الصغير الـ 100 حقتها وعلى انهم بيلعبون لعبه يخبون الفلوس وهي تحـآول تحصلهم .. وكانت تراقب اخوهج7ا وين خبى الـ 100 حقتها وعلى طول طوالي لماا رآحوا يلعبون سحبت

الـ 100 حقتها من المكاان وعملت حالها ماتدري عنهم .. ولما سألت اخوهاا المسكين ماحصل الفلوس وطبعآ الأخت سوت فيها

المعصبه وجابته لـ عندي بعصبيه على انه ضيع فلوسها وانتوا زي ماتدرون انا عطيتها 100 ثانيه على بالي صدق ضآعوا


الحين الأخت صار عندهـآ بدل الـ 100 صار 200 :30:

هاذا غير شرطها آللي تلعب بحسبتي وهي تتشرط ..

واكيد بتتسآءلون شلون عرفت خطتها واكتشفتها بعدين , ترا اقولكم انا ماني بـ هالذكآء هي بنفسها قالت لي بعد فترهـِ ..


بس بعد ايش !!!!!​

 

[روحي الضائعه]

أففففففففففف والله كتبت أكثر من كذآ مدري وين رااااح

الله يآخذه :8:

انتظرووني بكمل على الجزء وبعدله .. :4:
​

 

[روحي الضائعه]

هاذا التكمله


طبعآ هي لما تكون مروقه تقول لي عن سوالفها وخططها لي .. وانا عارفه قصدها , تبي توصل لي انهاا وحده تقدر تحصل على اي شيء تبغااه ومافي من يوقف بطريقها ..

وانا مالي غير اني استمع يمكن لاسمعت لهاا نتقرب من بعض .. بس الله ماكتب :4:,

وفي مره اتصلوا علي مدرستهاا طالبيني وانا كنت متعوده على ذاا الشيء كل شيء يطلع منهاا هالبنت ..

مسويه لي رعب وانا اقول اذا بتكبر وشلون بتصير !!

رحت مدرستها واستلمتني المدرسه الطلابيييه وصارت تقط كلامها فوق راسي

بنتي ماتسمع لمعلمااتها ودائما تراددهم وتطلع نكت عليهم وتفشلهم

بنتي ماخذه كلامهم مسخرره وتسمعه من اذن وتطلعه من الثثااانييه

بنتي ماتروح المدرسه الا والمناكير واكسسوارات الشعر والتسريحه كانها رايحه عرس او عزيمه

واستمرت المرشده بنتك وبنتك

وانا بدااخلي اقول لها رحميني .. يعني صرت انا الحين ما اعرف عن سوالف بنتي !!! :4:

وفي يوم قرروا المدرسه اجتماع امهات ومها مااقالت لي ..

طبعااا انا بما إني امها فـ طبيعي بطلع لها مليوون عذر , قلت في قلبي يمكن هي نست تقولي او ماكانت تدري ..

ولما رحت المدرسه واخذتها معاي وسألت عنها ورجعنا البيت شفتها معصبه ..
<= يالله هالبنت مزاجيه بعد الله يستر منها ,

قالت ليش جيتي

قلت لها وليش ماتبيني اجي ؟

قالت انتي تفشليني ..

.
.
.

شفتوا شلون ؟؟

ماراح اتكلم التعليق لكم يمكن تعيشون شوي من معاانااتي معاها ..

المهم الله يسلمكم انا بوقف لحـد هنا وياليت اشوفكم بموضوع الردود

وكل وااحد تكتشف الاخطاء اللي ارتكبتها وانا زي ماقلت بجمعها وبحطها

لان احنا قلنا ان غرضنا بالنهايه الإفااده صح ؟

والحين ياليت لو تدخلون على موضوع الردود هناا ..

http://www.niswh.com/vb/showthread.php?p=7552168&posted=1#post7552168

وابيكم تقولون لي وش نمط بنتي ؟؟

يلا مين اللي بتكتشفه ؟

وبلييز الله يخليكم لاحد يرد هناا

فيه موضوع خاص للردود رجااء ..

وسلامتكم ..

 

[روحي الضائعه]

ياعضواات الله يخليكم الردود هنــــااا ..

^

http://www.niswh.com/vb/showthread.php?p=7552168&posted=1#post7552168
​

 

[روحي الضائعه]

هاذا آخر جــــُزءِ رآح اكتبه عن بنتي مهـــآ ..

انا ذكرت لكم مجرد صفاات سلبيه بس ماتكلمت عن بقيه صفااتهاا ..
مها تعششُشق شيء اسممه قراءه وتحب تقرأ اي كتاب يطب بإيدهااا
وكاانت تحمل من النت كتب وتقعد بالساعات تقرأهم وسبحان الله مااتممل



ومع انها زي ماقلت لكم مهتمه بالجمال وبالخلطاات إلآ ان شكلها وش اقول !!
شعرهاا ماتفكر تمشطه إلآ اياام المدرسه واناا اكرره هالشيء بشده
احب اشوفها مرتبه وكل شيء من حولي مرتب



وصحيح انها تضع خلطات على جسمهُآ إلآ انها

ماتستمر عليها على طول تمل

تحط 3 اياام وبعدها تمل وتتركه اسبوع وترجع

مره ثانيه وبعدهاا تمل
عشان كذا انا رااحمتها لانها تتعب وعلى طول تمل وماتلقى نتيجه :31:




مهاا هالبنت كنت اظنها غربيه بس بعدها اكتشفت انها عااديه زي أي بنت بس فييه سوء تفااهم فقط لآااغـــير .. بس شوفوا لـ وين وصلني سوء هالتفاااهم !!



مره كاانتِ حااطه جوالها بـ غرفتها وانا انظف غرفتها شدني فـضوول إني أفتشه واعرف شو فيييه .. طبعاا لاتتخيلون موقفي ذااك اليووم .. وش شفت بجوالهاا !!!


ارقاام شباب كثاار .. لا وبعد مدلعتهم بالأسآآمي .. وبعدهـآ أكتشفت انها قالت لهم ان عمرها فوق الـ 20 لأنهم ماراح يكلموونها إذآ عرفوا بعمرها الحقيقي ..



عاااد انا كنت شوي واستجن , تعاندي تبهدلني اي شيء إلااا هاذااا ..
ومن بعد ماشفت جواالهاا شدني فضول اشوف كل شيء يخصها واشوف هي ايش مخبيه .. وفتشت غرفتها طوول وعرض ماشفت


فيهاا شيء لماا طااح عيني ع اللاب توب حقهااا ..
فتحته وكرهت السااعه آللي فتحته فييهااا ..


آآه يآقلبي الله يصبرني تدرون وش لقييت بـ سجل المحادثاات !!
كللُهِ مكالماات لـ شبآآآب ولمما طااحت عيني على افلاااام
بنـــتي تششوف أفــــُــلآم (جــ ــنــســـ .........) .. :8:,,



اناا ذااك الوقت الشيااطين حولي تجمعت وهي ماكانت موجوده بالبيت ..
كاانت بـ بيت خالتهاا وانا على طوول اتصُلتِ بـ أختي وطلبت إني اكلم بنتي




لما استلمت بنتي التيلفون وقالت هلاا بتذمر صصرخت عليها صرخه ماقد صرخت مثلها في حيااتي ..
قلت لهاا يـــــآحيواانه تعاالي البيت الحين لاا ذبحك بيكون على يدي ..




<= انا مو متعوده اقول هالألفآظِ هالألفاظ كانت تجي من بنتي مو مني بس تدرون انتوا شلون

الإنسان يكون لحظه الغضب .. وهـ الشيء مووو هييين ,,




وطبعآ كلمتها وهددتها وسبيتها وغسلت فيها الأرضً لما رجعت غصب عنها وهي تنتفض

واول ماسكرت من عندهـآ على طول وقفت عند الباب أنتظررهااا لأني ممكن بـ أي لحظه اقووم لهاا وأذبحهـآ خلاااص مااني قادره ,



أول مافتحت الباااب مسكتهااا وشديتها لـ عندي وسكرت البـآب وجريتها للغرفه
وسكرت البااب ووريتها اللي في اللاب توب وعطييتها كـــــــف قووي ماشافت مثله



مع العلم إنيِ مآكنت أضربها ..

وقلت لهاا اناا فعـلآ ماعرفت اربيييك ولا كان ماوصلت فيك المواصيل لـ هالحد
لاكن رااح تشوفين بعدين شلون بـ أتعااامل معاااك ..




ومدييت إيدي عليها وضربتهاا غصب عني ماقدرت اتحممل , اجل بنتي تشوف زي هالأفلااام وش تتوقعون إني بسًوي يعني؟؟ !!!




وبـ ذآك آليوم بعد ماطلعت منهاا ارتميت على سريري وانا ابكي من القهرر وقلت بـ نفسي انا فعلااا ماعرفت اربي , انااا وحده ما اقدر اتحمل المسؤولييه .. الدنيااا صاايره ضدي ,,\



وطبعآ ذاك الوقت ماكان ابوها موجود ..

ومن يوممهاا استلمت منها اللاب توب والجوواال وانا كنت أدريِ انهاا تكلم من عند صديقااتهاا وتستخدم النت اللي عندهم.. او تستغفلنــي وتاخذه بدون ماا ادري ..



ومن ذااك اليوم علاقتي فيهاا ضعييييييييييفه جدااا وهالممرهِ بدل ماتناظرني هي بـ نظرات الأستحقآر صرت انا اللي اناظرها وهي تتحاشاني وتطنشني ..



وتمر الأياام ولاشيء جدييييد الحآل زي مااهـــــــو بالنسبه لـ مهااا ..



^
^

وإلى هنـآ خلصنا الكلام والتعريف عن مهااا ..
ادري طولتهاا بس انا قلت لكم لااازم اعرف بـ شخصيه كل فرد عشان تفهمون الوضع


والحاله اللي انا كنت اعيشها وتتفهمون كل شيء صااار ..
الجزء آللي بعده راح اتكلم عن ولدي احمد ..


​

 

[روحي الضائعه]

طبعــآ بمآ إني كتبت لكم هالـ كم جزء زي ما اتفقنا رآح أضع لكم سلسله الأخطآء آللي وقعت فيهاا .. طبعا الأغلب يظن انه خطأ

زواجي وانا صغيرهِ وهاذا الشيء بالعكس ماكان خطأ وبالعكس فااادنــي .. تدروون لييييييييييييه ؟؟!



لأن زوجي جنــــــوووبي والبنت الصغيره تناسبه وراح يفتكر إني لسه صغيره ع الحياه وراح يراعيني كثييير ويعتبر إني لسه

ورده متفتحه ع الدنيا ومو فاهمه شيء وإني اكييد محتاااجه له .. وحتى اغلبِ افعالي طفووليه لآ إرااديـــــآ ..


وطبعاا كلنا نعرف ان هالشيء حلو مع الجنوبي , عشان كذا زواجي المبكر من الجنوبي ماكان خطأ ..


طيب رآح تقولون لي ان الصغيره ماتتحمل المسؤوليه ومو مهيئه للزواج وللتربيه ..


ترااااااا فيييه بنات فوق الـ 20 بزواجهم ماقد تحملووا مسؤوليه ولا يعرفون شيء ,

وفييه بناات صغار ماشاء الله اهلهم معلمينهم كيف المسؤوليه وكيف تكون ..



صدقووني الزواج إذآ كان من ناحيه المسؤوليه والتربيه والتهيئه ,

ماله دخل بالعمممر ..

هاذا يعتمد ع الأمِ اذا قدرت تربي بنتها التربيه الصحيحه وعلمتها المسؤوليه والتهيئه الصحيحه



ياما صغار شالوا بيت وربوا واولادهم ماشاء الله فخر وعز

المهم بسكر ع الموضوع احس اني مصختها :25:




اييه نسيت اقول نقطـه :31:

كثييير يعتقد إني جنوبيه على قولتهم لأني صبرت على بنتي كثييير ..

هاذا مو معنااه إني جنوبيه لآ انا شمآليه وسبب صبري على بنتي

لأني مآ أقدر اسوي اكثر من كذا وهي من قلبـــي ..



وانا شمآليه صحيح زي بنتي بس للأسف ماعرفت شلون استفيد من هالنقطـه ,,

المهمِ رآح أختصر الكلااام واقول لكم ع النقااطِ ..


يعنــي اول إستفآده :-

1- الزواج المبكر من الجنوبي شيء إيجـــــــآبي .. :5:

2- البعضً لو اوصف له زوجي بيعتقد انه شمالي لأنه رآح يكون

عنييفِ وجآرح ومتسلط نوعا ماا .. فـ أنبهكم يآ اخوات اللي

زوجها كذاا لاتقول عنه شمالي وتحكم عنه على طول .. ترا حتى

الجنوبي يجررح مع انه حساس ومعروفِ ان الجنوبي إذآ عشق

وحدهـ من ساابع المستحيلات يجاامل غيرهاا حتى لو

كانت زوجته ..

أنسب طريقه عشان تصنفين زوجك جنوبي او شمآلي هو انك تشوفين تعامله مع الناس مو معاااك انتي ..


3- بعض من الزوجات تقوول ان الزوج إذآ انتقد يعني توقف عن الإعجآب بك ..

وهاذا صحيح 100% ..

بس آللي زوجها جنـــوبي .. أنتبهي لنفسسك !!!

لأن الجنوبي حتى لو ماعجبه مارااح يتكلم ..

يعني مو تقولين هو ماتكلم ولا انتقد

يعني لسسه معجب فيني .. انتبهي زوجك جنووووبي !!!
^

هاذا للي زوجها جنوبي تنتبه على هالـ كم نقطه هاااذي :20:,,

...

المهمـِ نجي للأهمـِ ..

تحليلي لـ شخصيه بنتي والأخطآء آللي وقعت فيهااا ..

اللي عندهآ بناات و اولاد عاامه ولو كانوا شماليين خااصه ..

ترآ الأخطآء آللي بكتبها ماشاء الله كثيره فـ ياليت ماتملون مني :38:

1- أول خـــطأ وطبعآ أظن الأغلب يعرفه إني تركت بنتي بـ

أحضاان امي وانا الأولى فيهــــآ ..

وتركت رضااعتها وأمي كانت تعطيها حليب صنآعي وهالشيء

سبحان الله ثبت علميااا

ان حليب الأم يسسآهم بدرجه كبيره بتقريبها لبنتها بدرجه كبيره

وإشباع عآطفتهااا .. ولصحتها النفسيه ايضااا ..

وغير حليب الأم الطفل بـ أول سنينه بالذااتِ يحتآإج لـ لأمه

الأسآسيه اللي تربيه لأنه يحس ويشعر ويتترجم هالشيء بعقله

البــآطن ..

يعني مو وحده تحط طفلها بأول سنينه عند اي وحده وبعدهآ

تستلمه وتكمل تربيته وتقوول عاادي هو صغير ماراح يتذكر او يحس !!

لا حبيبتي انا سبق وقلت هالشيء يتخزن بعقله الباطن ويؤثر عليه لآ إراديااا


وخلصنا من الخطأ الأول

خخ أحسكم مليتوا من الحين , بس يلا نكمل :16:

2- ثآني خطأ إني من صغري وانا اعتبر نفسي كبيره وحاصره

نفسي ع المسؤوليات ونسيت اتمع نفسي واسترخي .. وهاذا

انطبع على بنتي صرت أبغاهاا تكون مثلي تأمن حيااتها ومستقبلهآ

وهي غربيه يعنيي الحياه بالنسبه لها مغامره وتحدي ,, مو

مسؤولياات وخراابيط .. طبعا هالشيء خرابيط بالنسبه لهاا ..

وانا ماخليتها تتحرر وهي غربيه ومحتااجه حريه وانطلآق ..

ولأني ماعشت طفولتي زي مالمفروض اعيش ماعرفت كيف

اخلي اولادي يعيشون طفولتهم .. صرت ابغااهم يصيرون كبار

وحطيت آمآل وهم لسه طالعين ع الدنيا


فـ أنتبهوا يآ امهااات , خلوا أطفآلكم يعيشون طفولتهم ولا تثقلون عليهم

والمسؤوليات وغيرهـ لها وقتها وماراح تطير وكل شيء بوقته حلو ..

3- وثآلث خطأ إني أول ماجبت بنتي كنت صاابه اغلب إهتمامي

على زوجي عشان مايضيع مني .. وكنت اخاف يروح من إيدي

وتركت بنتي .. وسبحان الله انقلب الوضع فيني وصرت اهتم

ببنتي وبمشاكلها اكثر غصب عنــي ..

لأني بالبدآيه ماوزعت الأهتمام لها ولـ أبوهاا ..

4- تذكرون يوم أقولكم راحت على متوسط وصارت كل

أهتماماتها بالموضه والتسريحاات ؟؟! غلطـتي إني ماجاريتها في

اهتماماتها ولا حاولت اتقرب منها من خلال آلشيء آللي تحبه

ولا تثقفت فييه ,, وللأسف لو اني من البدآيه عملت هالشيء كان

صرنا قريبات من بعض ويمكن تجي تستشيرني في شيء هي

تحبه وبكذا اكون عارفه باللي تعمله ..

5- ولمما قلتِ لكم صاررت الفاظها وسخه مدري من وين تعلمتها

!!! بعد مادققت مالقييت غير المحييط الخآرجي ومدرستهـآ !!

وهااذي غلطه إني ما انتبهت لها وماراقبت من تصآحب وسكت

عن ألفااظها حتى تمماادت ..

6- وهاذي النقطه اتوقع الكل بيعرفها ,, أنه لمما جاء زوجي

وصارخ علي قداام بنتي وهي شماليه وماراح ترضى بـ هالشيء

, واذا شافت هالمواقفِ راح يزيد عناادها وعصبيتها علي


وراح تعتبرني وحده ماتعرف تاخذ بحقهاا , ومستحيل بـ هالحاله

تتخذني قدوه لهاا او حتى ترمقني بنظرات إعجآآب ..

7- بمآ أنها غـربيه فهي إحتراافيه بالخطط والتخطيط , بس طبعاا

خططها غالبا تكون متهوره ومو مرسومه بـ دقه , غلطتي انها لما

بدأت تلعب بخططها ماوقفتها عن حدها او خليتها تستغل هالخطط

في شيء مفييد .. ولو تمردت اوقفها عند حدهآ وانا عارفه إني

أقدر على هالشيء لأني شرقيه واكيد فيه خلل ولو صغير في

خطتهاا وانا لدقتي راح اعرف هالشيء ,

8- لممًآ تصير رآيقه وتقولي عن خططها زي ماقلت لكم كنت انا

السامعه لهاا بدون حتى ان انبهها على خطوره هالشيء ,

, يعني كـ أني كنت اشجعهااا !!

9 - زي ماقلت لكم قصدها من انها تقول لي خططها انها توضح

لي انها تقدر على كل شيء تبيييه !! يعني هي قااعده تلمح لي

وانا ماكنت مستوعبه !! تلمح لي يعني انتي قداامك ابووي تقدرين

تحصلين علييه ,, وطبعـآ الشمآلي يفهم للتلميح وللأشارات فـ غآلبآ

مايستخدم هالشيء مع اللي حوله ..



وإلى هنــُآ خلصت سلسله الأخطآء ويآليت تنآقشوني فيها اذا كان عند اي وحده

إعترراض عن الأخطآء آللي قلتها فـ أنا اتقبلها بكل صدر ررحب ..
هنـــآ
http://www.niswh.com/vb/showthread.php?t=319125
​

 

[start change]

ننتظرررررررررررررررك

 

[ياربي رحمتك]

والله القصه جميله واسلوبك اجمل وفيها من العبر الشي الكثير ومن يوم نزلتي اخر جزء وانا كل يوم ادخل لعل وعسى نزلتي الجزء الباقي


بس شكلك خرجتي بدون رجعه مو مشكله اختي اهم شي تكوني بصحه وعافيه تمنياتي لك بالتوفيق في حياتك ​

 

[سكاكا-الجوف]

الله يكون بعونك وعوننا وخصوصا مع المراهقين

 

[غاية الروح]

فــــــــــــــي انتظارك

 

[شامخه غصب عليك]

وووووووين صاحبة القصه ؟؟؟؟؟؟..

 

[غاية الروح]

صباح الخير

في انتظارك يا صاحبة الموضوع

 

[الحب ذوقي]

كملي قصتك ياقلبي خلينا نستفيد وبانتظارك

 

[نورأسيا]

وينك

طولتي علينا

 

[rmsh]

في انتظارك

 

[حبيبي دودي]

ننتطرك حبيبتي

 

[عاشقة اللحظة]

نتظرك موضووعج وآايد حلووو