زوجي خذلني

[ضحيه]

انا يابنات في تبوك والدنيا برد ودايم اشغل المكيف على الحار لان ولدي الصغير معاي وزوجي راضي لي شهرين كذا واذا حسينا بحر فتحنا الباب وله اسبوع يطلع ينام برا الغرفه ويقول انكتمت وانا مااقدر استغني عن المكيف علشان ابني واول مره شغالتي تقول يامدام كيف بابه ينام برا انا زوج ينام برا انا هاوش مافيه خلي زوج نوم برا انا انحرجت ورحت وقلت ليه تبي الشغاله تطلع فضايحنا قال انتي ماعندك ثقه بنفسك وما زال مستمر على وضعه ايش موقفك لوكنتي مكاني عادي ولا كذا يتعود دايم يخذلني مادري ليه:schmoll:

 

[حلا ماركه]

طيب اشتري دفايه زيتيه مرره حلوه تدفي بس المكيف تراه مهوب زين يكتم مالومه ياختي المكيف يقطع النفس وماشاء الله عليك وبعد صاكه الباب انتبهي تري مهوب زين وخاصه للاطفال الصغار

 

[استراليا]

حبيبتي لبسي ولدك اكثر من لبسه ونامي عند رجلك وذا قال وشفيك قولي اشتقت لك بتلاقينه يقول قومي نروح للغرفه ونام فيها وتنحل المشكله ولا تشغلين المكيف واحتسبي البرد عند ربك

 

[طهر الغيم]

دفاية الزيت رووووووووعه وتسحب البرد من الغرفه
واذا ما قدرتي ولعي المكيف واذا دفت الغرفه طفيه وسكري الباب
عشان تحتفظ بالدفا ولبسي ولدك والشغاله ليه تعطينها فرصه تتكلم من الاصل وتتدخل
والمفروض يوم طلع ما قلتي كذا كان جيتي وقومتيه بهدوء
وقلتي ابشر ابطفي المكيف ممكن اللي مزعله اهتمامك بالولد على حسابه
وزين اللي طلع غيره يهاوش وينكد ويمشي كلامه ويقول اطلعي انتي وبزرك
روحي راضيه وقولي انا اخاف اذا ما نمت معي الله يسخر لك

 

[المتغيرة للأفضل]

معاه حق المكيف مزعج انت طفي المكيف وجيبي دفايه كهربا مرة حلوة واحسها رومانسيه روحي عنده وطفشيه عشان يرجع ينام عندك

 

[ورده 55]

اهلين وسهلين اخيرا حصلت وحده من تبوك مثلي ياحبيبتي مشكلتك بسيطه زي ماقالو البنات دفاية زيت وانتهى الموضوع وبعدين انامن تبوك بس والله مافي برد يستاهل المكيف الشتا هلسنه روعه

 

[يروووري]

انتبهي لا تخليييييييييييييييه ينام برا لاوبعد فييييييييييييييه شغاااااااله اول مره اشوف وحده تفتح المجال لزوجها انه يفتح عيونه على الشغاله......
اشتري دفايه زيت 150 ريال واحفظي زوجك لايطير منك ....
وحتى لو تعذر بأي شئ عشان ينام برا لا تسمحين له.....

 

[ana salma]

حبيبتي اعتقد الاطفال مايحتاجون زياده دفى ترا مو كويس عليهم
درجه حرارتهم طبيعيه مثلنا
بس دفي الغرفه بالمكيف بعدين سكريه
قبل ماتدخلون تنامون طبعا
اذا عودتيه طفلك على الدفا بزيااده بيمرض من اقل برد يجيه
الله يحفظ لك زوجك وولدك يارب​

 

[الجواااان]

لو انه صقيـــــــــــــــــــــــــــع مستحيل اشغل المكيف كان على طول انكتم وماالوم زوجك لبسي ولدك وشغلي المكيف قبل لاتنامون بساعتين الين تدفا الغرفه همن سكريه وانتهينا لاتخلينها مشكله من لاشي او اشتري دفايه الزيت وارتاحي

 

[القنوت]

بصراحه جد كتمه انا بعدبمنطقه بارده جدا بس الحل تجيبي دفايه وتشغليها من قبل النوم بساعتين اوساع حتى تدفا الغرفه راح تدخلي تحسيها داااااااااااااافيه مره

لان المكيف مره يكتم بصراحه
اوعالاقل شغلي المكيف لما ماتكونو بالغرفه وسكري الباب وخليها نص ساعه اوساعه قبل النوم واول ماتجون تنامونة طفي المكيف وخلي الدفايه شغاله طول ماانتو نايمين

 

[ام جوجو وسوسو]

وانا كمان عزيزتي في منطقة باردة في الشتاء

حاولي زي ما قالوا لك الاخوات انك تلبسي ولدك كم لبسه وطويل وخليه زيك لما تبردي لبسيه كوت ولما تدفي فصخيله

لانك فعلا لو ما عودتيه انه يتحمل شوية برد راح يتعب كثير لما يكبر وممكن من صفقة هواء بس يمرض

الله يعينك ويعيينا على البرد ويوفقك في حياتك مع زوجك