زوجي تصرفاته غريبه؟

الحالة
مغلق و غير مفتوح للمزيد من الردود.
ا

انا والشوق.

New member
إنضم
2011/06/03
المشاركات
68
انا سار لي سنه متزوجه وشهرين..وعندي ولد..حياتي مع زوجي ثلاثة ارباعها مشاكل.
اول ماتزوجنا سافرنا شهر العسل وكنت مبسوطه نوعا مافي البدايه يوم جات الدخله بعد كم يوم لان كانت علي الدوره وانتو بالكرامه..كنت خايفه وابكي بس زوجي في البدايه كان يصبر بس طولت خايفه الى15 يوم وانا لمايجيني اموت من الخوف واشد بعدها سار يهاوشني وماينام جنبي ويحسب لمشاعري حساب.
وقتها حسمت الموقف وصبرت وقلت له انا خلاص بصبر وشفت الموت عشانه كان عديم الرحمه.وعدت الايام وهو يعاملني مره حلو.

اكمل شوي
 
بعد مارجعنا بدأت المشاكل ..
في البداية كنت الاحظ عليه يحب ينفرد لوحده واخليه لحاله...بس سار ينام بنفس المكان اللي يروح فيه كان يضايقني وكم مره قلت له لاتخليني لوحدي اخاف...
وكم مره اقوم ما الاقيه جنبي واقوم مفزوعه والصدمه هالمره اني لقيته مقفل الباب اللي يفصل المجلس عن باقي البيت وماكنت ادري انه في المجلس وقلت يمكن راح يصلي الفجر وخايف علي مقفل وصلوا الناس وطلعوا وهو ماجاء شيكت عالسياره من الشباك وكانت موجوده وقعدت ابكي واطق الباب ولاحياة لمن تنادي..ونمت بجنب الباب من الخوف....


لي عوده
 
بعد مااصبح الصبح فتح الباب وقعدت ابكي وينك اخذني ووداني غرفتي وانا اقوله ليش سويت كذا قال لي امشي معي وانا اعلمك واخذني نومني ولاعلمني لاني كنت منهاره من الخوف.
ولا لقيت سبب للي قاعد يسير وكم مرة ناقشته بهالموضوع ولا لقيت سبب الا انه يقول ماابغى ازعجك بريحة الدخان.وانسى ولماادخن انسى وانام وانا كنت اصدق.
وبعد شهرين حملت........
تدرون شسوى لما عرف اني حامل تغيرت ملامح وجهه وانا الابتسامه اللي على وجهي تحولت لحسره بقلبي.وبعدها لاتعليق.
من بعدها زاد الهم بقلبي همين...
 
مع الوحام والتعب سااااااااااااااااااااااااار بعيد كل البعد عني ...مع اني كنت الاحظ فيه الحنان والعطف والرحمه علي..
كان يطلعني كل يوم مطعم والا مول والا اي مكان اهم شي تزين نفسيتي بس انتو عارفين مع الوحاااااااااااااااام مره صعب .
كان لمايسوي الحركه هذي بالليل ويروح ويخليني انتبه له والحقه الاقيه مسكر باب المجلس اجلس اطق الباب لو اموت مايفتح..كل جيراننا يسمعون واستحي واروح ابكي ..
بعدها قلت اروح بيت اهلي احسن ارتاح تعبت منه...
 
كان هالكلام برمضان قعدت بيت اهلي يومين ورجعت بالنهار وهو بالدوام خليت بابا يوصلني قلت بسوي له مفاجأه وسارت علي نقمة..رتبت البيت والمجلس ولقيت باكيت الدخان مرمي كالعاده افتحه اذا فيه شي اخليه واذا مافي شي ارميه لما مسكت الباكيت حسيته ثقيل..فتحته لقيت مقص وقطعه صغيره بنية اللون قعدت اقلبها واذوقها واحوس فيها ماعرفت وشو رميتها وكملت شغلي ونسيت الموضوع على نياتي والله ماادري وشو...
لمادخل تفاجأ بوجودي وحسيته تضايق سكتت وبكيت بقلبي قلت ليش يعاملني كذا وانا نفسيتي اصلا تعبانه من الحمل ..جاء باعلى صوت وين الباكت ويلوي يدي قلت رميته بالزباله مافيه شي الا مقص هذا هو قال والقطعه اللي فيه وينها قلت له ايه صح وشو هذي لوى يدي اكثر واعطاني كفففففففففففففففف ااااااااااااااه ياقلبي بكيت بكل مافيني قلت له حرام عليك رميتها وشو اصلا ذاك الشي قال ماتعرفين ها تستهبلين هذا حشيش انصدمت ..دخت ..حشيش لهالدرجه انا مغفله مااعرف هالاشياء.وهو لما قال لي على باله اني ادري بس استهبل...وطلع وقفل علي الباب كالعاده ودخل المجلس وقفل..
اذن المغرب وجاب لي فطور من بيتزاهت وحطه بالصاله ورجع قفل وانا ميته من البكاء غلطان وحشيش ويطقني.
بكيت حسره على نفسي وتحسبت رب العالمين عليه من قلب ...
بعده بكم يوم جاء يعتذر ويبكي ووعدني يتركه وانه كان يستخدمه اول بسبب حياته الفاشله لانه مطلق وتركه ولما حملت على طول وتعبت وتركته ورحت بيت اهل ومع المشاكل اللي قبل رجع له...
وخلاص راح يتركه ووعدني بسفره ثانيه يعوضني وسافرنا.
هنا انا بدأت مرحلة العذاب الثانيه..
طبعا كنت حامل بالشهر الثالث وكنت مابين كويسه وتعبانه لانه كان مصر عالسفر..
كان اتفه سبب يروح يشرب بيره فيها نسبة كحول عشان اخاف ولا ازعل منه.
في يوم كنت مسويه جو وكنا نسولف بعده قام جاب لي سيرة العادة السرية وان البنات يسوونها وقال انتي اكيد مسويتها انا زعلت من هالسؤال وقلت له هل تشك اني اسويها انا والله على رغم تعليمي وثقافتي الا اني اكره اتكلم بهالامور والا اعرف عنها قام قال لي نصابه انا علت وقتها ونمت قلت يمكن يراضيني ولا راضاني من بكره كان عندنا رحله بحريه ورحت وانا تعبانه حيل وزاد الغثيان ورجعنا ونمت على طول قمت الساعه 9 بالليل وهو عاللاب توب ولا سأل عني لبست وطلعت المول اللي امام الفندق قلت بجيب له هديه وانسى الموضوع..وطلعت ماستأذنت شافني ولحقني انا قلت بقهره بس بلطف الجو لانه ماراضني وحبيت اعدي اليوم على خير انا رجعت ولقيته برى ينتظرني ماتأخرت ربع ساعه ورجعت.لمادخلت الغرفه جاني كف وضرب مو صااااااااحي وانا حامل وكان يقومني ويقعدني عشان البيبي يطيح ويشوتني وانا ابكي لدرجة اني ركضت للشباك بطيح نفسي واموت ولا اتحمل ضربه الكفوف سارت جروح بوجهي............اااااااااااااااااااااااه من ذاك اليوم ابغى اتكلم مااعطاني فرصه.
ونمت او بالاحرى اغمى علي وقمت وانا اون من الالم وراح الرحله وتركني لحالي....
من بكره كانترحلتنا لمدينه ثانية انا كنت ابكي واقول وديني لهلي خلاص....هنا انهار وقام يبكي ادري تبيني اطلقك وبتروحين بيت اهلك وتتركيني بس اعرفي انو انتي اللي حديتيني على هالشي وووووو.
سافرنا المدينه الثانية وقمت اسلس نفسي واروح واجي وشوي الا هو جايب لي هدية الماس بفلوس الرحله الباقيه وقال من بكره بنمشي واتمنى تسامحيني وتقبلي هالهدية انا وقتها قلت له الله لايسامحك ومن بكره سافرنا على اساس اكلم اهلي يستقبلوني بس انا ماكلمت احد وتفاجأمن تصرفي ورجعت بيتي وكبرت بعينه.بالرغم من اني ماادري هل انا صح ام غلط..كلو عشان ماارجع بيت اهلي مطلقه وكنت التمس فيه الخير.
بكمل شوي
 
حشيش وضرب وساكته عليه ؟؟؟؟ انتي الفروض تعلمين اهلك
 
استمرت حياتنا بين مد وجزر بعدها رجعت لوضيفتي وابتعدت عنه شوي كنت اتركه على حاله طبعا رجع لوضعه..وانا لهيت عنه.لاني مليت.وكنت متأكده انه رجع للحشيش.وصبرت وادعي من قلبي عليه ماكنت ادعي له لاني اتذكر الاهانات.
بعدها بكم شهر سافرنا بالعيد البحرين وفي الجمارك مسكوه كان معه سيجارة .وهنا حسيته ضعييييييييييييييييييييف وندمااااااااااااااااااااان لكن ايش يفيد انا مااعرف ايش سار لي صابني تبلد وبنفس الوقت كنت خايفه عليييييييييه كثير كنت خايفه يموت من القهر لانه باين بوجهه..وقرروا يحولوه للسجن وانا هنا وين موقعي من الاعراب الشرطه قالوا تكلم اهلها يجون لها انا رفضت لهاللحظه ان احد من اهلي يدري ماابغى له الفضيحه ولا لولدي بعد هو اخذوه للسجن وهويبكي ويقول سامحيني عاللي سويته فيك هذا جزاي من رب العالمين وانا اتذكرت دعاي عليه وابكي ندم وحسره ورجعت سافرت لديرتي بنفسي ودخلت بيتي لحالي بهالديره واهلي واهله مسافرين مافي احد عندي غير رب العالمين وظلت امه تتصل علي ماارد لانها كانت تدق عليه جواله مقفل ورديت وهي تبكي ولدي وينه مايرد علي 3 ايام وانهرت وحكيت لها اللي سار وهي تبكي ..رحمتها وامنتها ماتعلم احد لاني بتصرف وكلفت محامي ومشت الامور وماقدرت ازوره لان ماعندي تصريح ومكث شهر بالسجن وبعدها رجع انسان ثاني وعشت احلى حياتي وقدرني وقال انتي جوهره ماتنباعين بكنوز العالم وانا والله العالم اني ماسويت كذا الا لاني ودي احافظ على بيتي وزوجي وراجيه فيه الخير.
بعدها قربت ولادتي ورحت بيت اهلي وولدت الحمد لله وجبت ولد...
بعدها قررت اروح اسكن بشقة بيت اهله عشان يختلط بالناس ومايحبس نفسه ويرجع زي اول..وجيت شقتي وكانت ناقصه من امور بسيطه وانا كنت تعبانه لاني كنت مسويه قيصري..واشتغل وكنت ملاحظه عليه انه يدخل غرفه ويسكر على عمره ويقول برتاح لاحد يطق علي الباب وهو مافي الا انا ..وكنت اتنرفز واقول مافي الا انا ليش تسكر..ويسفهني ويسكر وازعل واقعد بالاسبوع واتناقش معه ولا يهتم..واكتشفت انه رجع للسم وهنا قلت له تطلع انت من البيت ماتدخن عند ولدي وانت بستين داهيه تعبت منه..قال لي ابتعادك عني واهتمامك بولدك خلاني ارجع له عشان ارتاح...ويالله ومشكلتي للان مستمره معه ولما ازعل واسفهه يجي يراضيني ولما ماارضى لاني كارهه هالشي يقول انتي مشكلجيه ويروح يقفل على عمره ولما يطلع يقفل الغرفه وانا ماعندي الا هالغرفه وغرفة النوم وصاله صغيره وين اروح تضيق علي الدنيا والحين تركت له البيت وطلعت...............
انصحوني وش اسوي......................
دعواتكم لي
 
يا اختي الله يعينك انتي سترتي عليه ومقصرتي وفي النهاية ايش مافااااد ؟؟؟؟؟؟؟؟؟؟؟؟

عشان كذا لازززم تكلمين ابوه وامه وتقوليلهم خلاص انا ماقدرررر اتحمل

اذا ماجابوا اهله نتيجة دخلي اهلك وابوووك ....واستخيري واستغفري بنية انو زوجك يتغيررر وربي يوفقك وعدواتك لي وربي اني مهمومة نفس حالتك الله يعينا على هالازواج​
 
وقسم بالله يااختي وانا لسى ماكملت بس حسيت وعرفت نهايتها هههههههههههههههههه


لاني مثلك بس زوجي يحشش ممكن وصل باليوم 6 مرات ويتغير يفجعني يكون معصب يطلع مروق وينكت

بس خليني ارجع واكمل موضوعك وراجعه ارد تاني الموضوع مهم جدا بدايتها تدخين بعدين حشيش والله يستر من اللي جاي
 
ماشاء الله عليك مره بتصرفات رجال
حبيبتي خلاص انتي ماقصرتي سترتي عليه وداريتي الوضع عشان ماينكشف وماااااقصرتي بيض الله وجهك
الحين جاء الوقت اللي يعرف انك جاده بترك هالخرابيط عنه
علمي امه او ابوه وبيني لهم ان ماعندك استعداد تستمر حياتك مع انسان محشش
او روحي لبيت اهلك ولاترجعي الا لما يتعهد قدام اهلك انو مايرجع لخرابيطه
وبالتوفيييييييييييييييييييييييييق
 
اختي لاحول ضربك صراحه انا من كثر مااقرا ان المحشش ممكن يفقد عقله ويضرب صرت خايفة لانه ماقد مد يه علي


والله كمان الوحدة ماودها تفضح بزوجها والحل يعني


انا استشرت دكتور وقلي لازم حد يساعدك ماتقدرين لوحدك

وقال يودونه مركز تأهيلي لانه ادمان

بسوربي للان خايفة اخاف ابوه يدبحه لو علمته

وكمان لي مدمني احشيش ممكن يتطور بهم الحال الى الهروين
 
اشكركم كلكم على ردودكم ومواساتكم لي

الله يفرج همي وهمومكم امين.

انا حبيته وراجيه فيه الخير ..هو يقول انتي بيدك تخليني اتركه ولما نكون مبسوطين مايدخن من نزعلى لوزعل خفيف يرجع له..لان انا زعوووووووووووووله مررررررررررررره لدرجة ماعاد اكل و
لا اشرب ..لانه مايعرف يراضيني انا احب اذا راضاني بوقتها بس هو يخليني لاجاء الليل يجي يضمني ويعتذر انا انقهر اقول يبي شي واكمل ازعل وهويطفش مني وهكذا..

بخصوص امه وابوه امه تدري وبصفي واخوه الكبير والله انه بكى لما عرف اللي سار بالبحرين وتصرفي مع اخوه قال توقعت انها تطلب الطلاق..

حتى انه يقولي زوجي اهلي مفتخرين فيك لان لي مواقف معهم كثيره ترفع الراس..وكله عشان زوجي يحترم اهلي ويقدرهم..

بس هو قال لي انه كان ياخذه من 15 سنه وتركه ورجع له لما طلق زوجته وتركه والحين رجع له..وقاعد يقنعني انه مو ادمان..يقدر يتركه بس يبي يشوف ابتسامتي بكل وقت...وماازعل ابدا..كذا مايسير..لابد منه الزعل احيانا يقصر بالبيت ومايجيب طلباتي بسرعه ومعتمد عالسواق .
 
الحالة
مغلق و غير مفتوح للمزيد من الردود.
عودة
أعلى أسفل