زوجي بهدد بزواجه علي..؟

[om-rashid]

السلام عليكم؟؟ ​

خواتي العزيزات وخصوصا الزوجات الأوليات.. هل فعلاا الزوج اذا هدد بزواجه على زوجته يتزوج؟ والله ان زوجي ذبحني على اقل شي يهدد أنه بيتزوج علي وأصلاا على اي سبب تافه قالي انا بتزوج .. ,آخر خلاف بينا قام واتصل لأخته وقالها بالحرف أنا قررت أتزوج؟؟ وهي طبعا تعرف أخلاق اخوها وتعرف بلاويه وقالتله ان حصلت حد يقربك!! بمعنى محد يبغيك ومحد بيتحملك يفلان كثر زوجتك..الحين كملت يومين ماأكلمه وهو ما سأل عنا .. كيف اتصرف معاه... والله كرهته قلت لأخته قوليله يتزوج يمكن نرتاح من بلاويه ومشاكله.. والله من القهر......
في نقاط أحب اوضحها .. والله يمكن ماتصدقونها .. هو شخص يمووت من الغيره علي والله والله من أهلي وأهله ..يحبني ويحب عياله بجنون وهذا الكل يشهد به..لكنه مقصر واااااايد في حقي وحق عياله ..حبه لنا حب تملك مو أكثر ..يمكن تستغربون من تناقض عواطفه ومشاعره الغريبه لكن هالشي انا اتحملته اكثر من عشر اسنين...؟
كنت قبل ما اتخيل انه ينطق بهالكلام وانه بيتزوج..صارت بينا قبل خلافات ويهدد بس كنت اعرف انها تهديد مو أكثر .. ولكن هالحين كل شي تغير واختلف ..قام يخطط والفلس مايهون عليه ودخل جمعية بيستلم امية الف والي هو عمره ماحب الجمعيات وكان يقوول مستحيل ادشهن..؟ طبعا الحين هو معتمد علي في كل شي لاني اشتغلت وطبعا هو الي اصر علي اني اشتغل وانا مومرتاحه للشغل لكن رافض اني اترك شغلي ..؟ ويقوولي كدي على عمرج وعيالج؟ !! وانت شوشغلتك مع ان راتبه اضعاف راتبي ..دلوني حد يقولي شوو اسوي وارجوكن لاحد يقولي اتصلي واعتذري منه .. مو انا الي هددته بتزوج عليه عشان اعتذر والخلاف هو الي اوجده وهو الي غلط علي فيه.. انسان مايسوي حساب للعشرة ماعندي استعداد اسامحه بكل سهوله..​

 

[غدير الكويت]

هذي غلطتج عزيزتي ليش وافقتي تصرفين عليه وعلى عيالج أول خطوه خليه اهو اللي يصرف على البيت والثانيه اهتمي بنفسج ودلعي روحج وقومي بواجبات بيتج على أكمل وجه والله يعينج ويفرج همج ​

 

[طيف الروح]

مشكلتك عويصه على قوووووووووووووووولتهم


انتبهي لاتتاخذي اي اقرار قبل متالجي الى ربي

استغفري ادعي تصدقي

طيب يمكن بينكم حسد والله الناس هالايام مو مخلين احد بحاله

العالم كله مشاكل والسبه عيووون الخلق الى مترحم

اتمنى الاخوات كمان يفيدونك​

 

[ضحـــى]

هذي غلطتج عزيزتي ليش وافقتي تصرفين عليه وعلى عيالج أول خطوه خليه اهو اللي يصرف على البيت والثانيه اهتمي بنفسج ودلعي روحج وقومي بواجبات بيتج على أكمل وجه والله يعينج ويفرج همج ​

كلام صحيح مية بالمية:icon30:قلبي معاج :icon26:الله يفرجها عليج وعلى كل مهموم:icon26:

 

[ح ـزن]

هذي غلطتج عزيزتي ليش وافقتي تصرفين عليه وعلى عيالج أول خطوه خليه اهو اللي يصرف على البيت والثانيه اهتمي بنفسج ودلعي روحج وقومي بواجبات بيتج على أكمل وجه والله يعينج ويفرج همج ​

صح كلام غدير
الله يفرج همج ويسعدج

 

[فراشة طائرة]

وانا رايي من راي الاخت غدير الكويت

 

[ترياق القلوب]

اول شي تسويه اتروكي الوضيفه وخليه يصرف عليك انت وعيالك

وبكذا راح يحس بالمساوليه وراح يفكر الف مره قبل يقرر يتزوج

لانو اذا ماصرف عليك راح ايجيب وحده ثانيه يصرف عليها

الا الصرف غريزه عند الرجل0

 

[أم الأقمـــــار]

ناعمه قالت اذا جنوبي ويهدد فهو بيتزوج يعني تمهيد

واذاشمالي لا فهو بس تهديد

.
.


ريحي دماغك وعيشي حياتك مع اولادك ولاتخلينه اكبر همك

ومصروفك اخذيه منه

وحاولي تتودين له وتتبسمين عشان مايتزوج ويطيح الفاس بالراس​

 

[om-rashid]

ناعمه قالت اذا جنوبي ويهدد فهو بيتزوج يعني تمهيد​

واذاشمالي لا فهو بس تهديد​

.
.​

ريحي دماغك وعيشي حياتك مع اولادك ولاتخلينه اكبر همك​

ومصروفك اخذيه منه​

وحاولي تتودين له وتتبسمين عشان مايتزوج ويطيح الفاس بالراس​

ريلي جنووووووبي ..... يااربي ساعدني


أخر شي أخته ادخلت واايد في الموضوووع واتقوولي انه واااايد تعبان وهو في المستشفى ..واني لاازم اي على كرامتي واتصله واعتذر منه..؟!!!! المره الي طافت صارت مشكله بيني وبينه وفعلاا دخل المستشفى .. الحين والله احس اني بمووت من صوب اني مشتاااقه له وخاطري اسمع صوته واطمن عليه ومن صوب ان كراامتي ماتسمح لي ادوسها واكلمه وهو الغلطان سااعدووني ابغي حل في الوقت الحالي واتركووو سالفة المصرووف وهالشي آآخر همي..؟!!