زوجي بخيل معي وكريم مع الكل

[النخلة الصغيرة]

بسم الله الرحمن الرحيم
السلام عليكم ورحمة الله وبركاته


انا مشكلتي ياعزيزاتي ان زوجي بخيل معي وكريم مع الكل زي مثلا لمن اطلبه فلوس عشان الكوفير ينشف ريقي ويحاول يطفشني ويسأل اش بتسوين وليه تسوين وبكم وعشان مين وليش انا اخر من يعلم وهشياء كثيره وكله عشان ابطل واقله ما ابي شي



واذا نزلت السوق اخذ شي يفضل يقلي غطي عيونك ليه رفعتي يدك يالله بسرعه ويستفزني طول ما أنا في السوق عشان ازعل ويرجعني البيت



لكن بالمقابل اذا نزلت السوق مع اخته يقل لأخته خذي اللي نفسك فيه وخذي اللي يعجبك ويكون يضحك ومبسوط عكس معي تمتاما يكون زعلان ومعصب ومستعجل



وكمان اذاطلبت هدايا لخواتي وامي يهاوش ويقول ماله داعي ويفشلني مع اهلي مع ان اهلي مافي اكرم منهم معي ومع عيالي يجيبون لهم هدايا ويعطوني فلوس مع انهم على قد حالهم الله لايحرمني منهم



وفق هذا كله مقدم قرض على البنك ب200 الف عشان يشتري لأبوه سياره وأخوه سياره وامه يصلح لها الأستراحه حقتها

وانا يقولي اقتصدي في اغراض البيت ويقول الدريم ويب والنستله مثلا واغراض الحلويات ماله داعي اهم شيء الأشياء الأساسيه



وبعد هذا كله ماأنكر انه مايشتريلي شي لا يشتري لكن بعد مايقهرني ويوتر اعصابي


​

 

[حرم عبودي]

الله يهديه ياارب

دايما ادعي في صلاتك

(( اللهم ذلل لي صعوبته ويسر لي مخزونه واجعل بيني وبينه مودة ورحمه ))

بأذن الله يتغير معك . . .

 

[دعائي سلاحي]

ياعمري يانخلة الله يحنن قلب زوجك
بس ليش ماتصرحينه وتقولين ليش تعمل معي كذاااااااااااااااااا
ولكن ابدي الحوار بجلسة حلوووووووووه وبعدين امتدحي الصفات الزينة معه وبعدين قولي اللي بخاطرك وقولي له هااالاشياء تضيقنيواتمنى لكي حياه سعيده يارب

 

[jojo11]

والله احس كثير رجال مع الناس عسل ومع عيالهم وزوجاتهم:blow:
لكن مع الدعاء وكثرة الاستغفار
وترويق الجو يصير كل شيء حلو يعني قبل لاتطلعين السوق عدي حاجاتك عليه وعطيه اسعاره تقريباً وخوذي منه المبلغ قبل لاتطلعين
وصارحيه عن اللي في بالك بدون مجاملة لكن بدون زعل ورفع صوت :bleh:
قولي له كثير اشياء حلوة فيك إلا سالفة الفلوس هذي ماادري ليش تسبب لك حساسية (( يعني مزحة برزحة ))):santa_1:
وذكريه بالسنه ان خير دينار ينفقه الرجل على اهله وحديث خيركم خيركم لأهله
ولاتركزين على هالسالفة بتعليقات وطيش خليك جدية في اغلب المرات واقلبي عليه الطاولة يعني قولي له عسى الله يخليك لنا ماتقصر من غيرك يعطينا وتدللي بمثل هالكلام وحسسيه انك حاطه له صورة حلوة عند اهلك ولا تبينها تهتز يوم تحتاجينهم
واستخدمي معه اسلوب الايحاء (( انت سخي علينا مرة واذا صار معك ماتقصر ، حنا ماراح نحتاج أحد
وانت عندنا، وغيرها من الشحط ..............
ولاتنسين اذا عطاك فلوس تشترين له هدية لو بسيطة حتى يحس ان الفلوس منه وله:icon-mos:
والله ينولك اللي في بالك
:icon26::icon26::icon26:​

 

[مصاصه بالفراوله]

الله يعينك
تعاني احد قريباتي من نفس المشكله بس على اقوى
يعني لمن تروح لاحد من اهله زيارة ولاده ولا زواج يعطيها الموجب او كما يسمونه الرفد (هديه المناسبه)500 ريال او 200 ريال و اذا طلبت لاحد من اهلها هديه ما يعطيها الا شيء بسيط جدا مثلا صحن معمول ولا فستان للمولوده

هدى النوعيه تريد ان يقال عنها كريمه و ما احد يدري عن الي يسويه مع اهله رغم ان رسول الله صلى الله عليه و سلم قال (خياركم خياركم لنسائكم )

الله يساعدك و ادعي ربك

 

[وسامي اسلامي]

اسمحي لي انا ارجع السبب لك انت اكيد اول زواجكم كان كريم معك بس انت كنت بخيله على نفسك يعني بنية مساعدته والحنيه عليه وشاف هو انك ادرى بنفسك وصار بخيل معك الحل يبيله وقت وصبر اولا دللي نفسك غصب عليه طنشي كلامه كليا وكل ماهذر زيدي مشتريات تباهي بذوقك وان الي يعجبك يطلع غالي وانه ماودك بس هذا ذوقك وانك مرت افلان لازم يصير استايلك مميز وان الحريم يمدحون ذوقك ويقولون ياحظ افلان بك وابتعدي عنه وهو يهذر ولا تردين عليه وبعد مايهدا ارجعي ولا كان فيه موضوع سابق وهكذا الى ان يتعود لان اصله كريم بس انت ماتعرفين تكسبينه الله الله بالصبر والتطنيش تمنياتي لك بحياة رغيده

 

[shamseyah]

وايد ريايل شرات ريلج اففف ماحب البخل

 

[النخلة الصغيرة]

يعني لمن تروح لاحد من اهله زيارة ولاده ولا زواج يعطيها الموجب او كما يسمونه الرفد (هديه المناسبه)500 ريال او 200 ريال و اذا طلبت لاحد من اهلها هديه ما يعطيها الا شيء بسيط جدا مثلا صحن معمول ولا فستان للمولوده

هدى النوعيه تريد ان يقال عنها كريمه




والله انك صادقه هذا اسلوبه معي في مواجيب اهله واصحابه هو اللي يعطيني من غير ما اطلب
لكن مواجيب اهلي وصديقاتي يقول مو لازم وهم وش جابولك واحنا ماعلينا من الناس ومن هالكلام اللي ماتلقين له رد



وسامي اسلامي

انتي صادقه بدايت الزواج كنت احن عليه واصرف من الفلوس اللي من ابوي وامي واشتري لنفسي بعض الأحيان واعزمه على حسابس
لكن انا ببدأمعه بالمصروف باطلبه بأدب مصروف شخصي بس كم تتقترحون اطلبه لان راتبه اكثر من 13 الف ريال
لو طلبته الف ريال تعتقدون وش يصير:santa_1::questionmark::questionmark::questionmark::questionmark::questionmark::busted_red::busted_red: ينتحر ولا ينحرني هههههه هههههههه هههههههه هههههههههه

 

[رجاي الله]

كلناا كذا ياقلبي بمواجيبهم لو تبين الف عطاك لكن بمواجيبنا لا ينشف ريقك ويبين كنك تطرين منه وهو يتصدق على ااهلك وياليت بالفلوس وبس حتى بالتعامل حتى لما اروح اسلم على احد من قرايبه يطير فيني بس احد من قرايبي يتثيقل ويقول ماله داعي وينكد علي حتى لو كان عزاء

الله يعينا عليهم بس مالازم نسكت رجلك على ماعودتيه وحاولي معه باللين

بالتوفيق يالغلا

 

[سمر الحلوه]

اختى عليج بالاستغفار

والدعاء قولى ((اللهم سهل لى مصاعبه وافتح لى خزانه وجعل بينى وبينه مودة ورحمه))

 

[نسرين الخالدي]

والله كانك تتكلمين عن جارتي بس راتب جارنا مو 13 الف
لا ملياردير والله تاجر وهي لبسها من ابو ريالين
والله انا ماعمري شريت ثوب ولبسته من ابو ريالين
والله انه مريض ويحب المدح
بس هذا مشكلته امه المخرفه
لو هي تحب امه كان كت افلوس كت عليها
بس ماتحبها متنزلها من زور