زوجي الملتزم بيسافر ماليزيا مع اصحابه !!!

ل

لماااااار

New member
إنضم
2009/10/08
المشاركات
35
السلام عليكم اخواتي العزيزات عندي مشكله ماتخليني انام الليل من الهم انا زوجي ملتزم وامام مسجد واخلاقه عاليه وعلاقتي به ممتازه والحمد لله لكن صدمني قبل يومين وقال انه بيسافر هو واصحابه ماليزيا انا بصراحه انقهرت حيلللل وانصدمت انا الحمد لله واثقه من زوجي انه ماراح يقرب للحرام لكن ماني قادره استوعب انه بيسافر خارج البلاد ماني متعوده على كذا واخاف انه بيدمن على السفر طبعا انا زعلت عليه وبكيت وووو لكن هو قال مالك حق انك تمنعيني وكل اصحابي ملتزمين وانا بروح معهم شرايكم هل تصرفي صحيح ؟ اخليه يروح واسكت ؟ او ايش اسوي اللي عندها حلول او اراء لا تبخل علي ولكم الف شكر
 
الله يعينك يارب ويساعدك


البنات بيفيدونك ان شاء الله
 
ايش الغرض من السفرة؟؟
سياحه ؟؟
لو سياحه انتي اولى بالروحه معاه !!!

ولو أصر قولي له الله معك وانت اخبر مني بالحلال والحرام
وان هناك مافي مجال لغض البصر ابدا ،،
ف الافضل انك تروح ومعك زوجتك ،،
 
طبعا رايحه سياحه وهو سفرني قبل كذا تركيا وقال المره اللي فاتت لك والمره هذه لاصحابي كانهم ضرتي انا هذا اللي قاهرني انا ودي اسافر معاه لكن حسبي الله ونعم الوكيل
 
يا حبيبتي هدي نفسك وهدي اعصابك ..
ويعني الحمدلله زوجك ملتزم ومو راعي خرابيط ودام اصحابه كمان ملتزمين فخليك مرتاحه ..
والله اللي تخاف مو من صالحها .. وكليه ربي يحفظه
وترى معاه حق ياقلبي ما تقدرين تمنعينه .. ودامه حط السفره براسه بيروح بيروح رضيتي او ما رضيتي ..
فخليك عادي قدامه ولا تبينين زعلك لانه بيحطها عناد .. قولي له روح يا عمري وانبسط انا ما امنعك بس اخاف واغار عليك ..وانا عارفه انه المره الجايه بتسفرني .. صدقيني بيحسب لك حساب كل الوقت ..
قولي له جيب لي رضوه من هناك وابغاها على ذوقك .. لانك ما سفرتني معاك ..
وادعي طول الوقت والله ان زوجي 3 مرات يبي يسافر برا مره نواها على بيروت ومره استراليا ومره نيوزلندا ..
بس الحمدلله ربي ما خيب دعائي ..
ربي يسخر زوجك ويغنيه عن السفرات فيك ..
 
خليه يسافر بس قولي له المره الجايه معايا واذا كان انسان يعرف الله مابيسوي شي غلط ان شاء الله
 
الله يجزاكم خير وخصوصا اختي الم الرووح ردك ريحني مره وان شاء الله مااترك الدعاء وانها ماتتيسير له السفره والله يابنات انا الغيره اكلتني ماني متخيله انهابيسافر برا من غيري وماني عارفه اتصرف يعني ازعل بيت اهلي او اخاصمه او اطنشه ماني عااارفه التصرف الصحيح هو من النوع اللي يحسب حساب لزعلي بس اخاف يعاند هالمره الله يكتب الخير ياااارب
 
أول شي سؤالك جدا غرييييييييييييب
وين المشكله ؟؟؟؟؟؟؟؟؟؟ فهميني والله قريت سؤالك أنا وأختي مرتين بس مالقيت مشكله
الرجال ماقصر سفرك لتركيا والحين أعطيه حريته
خليه يتنفس ويشم هوااااااا
وين المشكله لما يطلع مع أصحابه ؟؟؟؟؟؟؟ ترا طلعة الشباب غير عن الزوجه

ليش حارقه أعصابك !!!!! وجايه تسألين وشايله هموم الدنيا فوق راسك
ليش تبين تقيدينه عندك وتحت عيونك ؟؟ ترا أنتي الخسرانه بيمل منك لأنك طول العمر قدام عيونه خليه يشتاقلك ويبعد شوي عشان يجدد حياته معاك
عااااااااااااااااااااااااادي أرحميه وأرحمي نفسك

واللي تقول الله يعينك ليش وش سوا زوجها ؟؟؟؟؟

متى نحرر الرجال من قيودنا ؟؟؟؟؟؟ ومتى نرتاح ونريح رجالنا المساكين معانا ؟؟؟؟
 
في شي نسيته
زوجك ماراح يسافر لوحده معاه أصحابه وملتزمين بعد طيب ليش تخااافين عليه وتغارين؟؟؟؟؟؟
 
فعلا لو كان راعي خرابيط وش بتسوين؟؟
ادعيله ان كان في نية سفرتهم خير ان ربي ييسر امورهم وينبسطون
وان كان في نيتهم شي ثاني الله يخرب عليهم
 
غاليتي دامهم ملتزمين ارتاحي

ولا تعاندينه بيركب راسه

واا ماودك يسافر عليك بالدعاء والاستغفار

والله يريح قلبك ودائما استودعيه الله​

​
 
دام انج واثقة فيــه خليه يسااافر عليه بالعافيـــه يغير جوو و يتنفس بعدين هو ما قصر ويااج سفرج قبل

حرام عليج لا تضغطين عليه وااايد عشان لا تخسرينه ....

خليه يستانس مع ربعه و انتي ريحي نفسج و لا تشيلين هم ,, ما عليج الا تدعين له يحفظه من كل شر و يرد لج سالم غانم و يبعده عن الحرااام

موفقة ياااارب
 
دامــــــــــج واثقه من زوجك ليه تزعجين نفسك توكلي على الله وخليه يروح
 
يا اختي سيده الكون احترم رايك وانا معك فعلا ان الوحده ماتقيد زوجها وعلى قولتك تخليه يشم هواء شوي بس مو خارج المملكه لو كان يروح ابها الطايف والله عادي جدا ولا راح ازعل بس ماليزيا ما ادري صراحه اغااار عليه انا لما رحت لتركيا والله متت من القهر من البنات وانا معاه كيف الحين لوحده وبعدين ليش مافيه اي ضروره لسفره خصوصا انه ملتزم ايش بيقولوا الناس ملتزم وامام ورايح يصيف لماليزيا لوحده احس الناس بتتغير نظرتهم له عموما انا ماهموني الناس لكن انا اغااار عليه وبس زاسال الله الكريم انه يصرفه عن هالسفره
بس بصراحه كلامك ريحني شوي !!!!
 
اشكر جميع الاخوات اللي ردو علي ونصحوني انا صحيح واثقه من زوجي الحمدلله تماما بس اخاف يدمن على السفر لوحده ومهما كان راح يطيح بالمعاصي اقلها النظره .....لكن اسال الله ان يسخر لنا ازواجنا جميعا ويجعلهم قرررره عين ياااارب ويصرف عنهم الحرام
 
سيدة هالكون قال:
أول شي سؤالك جدا غرييييييييييييب
وين المشكله ؟؟؟؟؟؟؟؟؟؟ فهميني والله قريت سؤالك أنا وأختي مرتين بس مالقيت مشكله
الرجال ماقصر سفرك لتركيا والحين أعطيه حريته
خليه يتنفس ويشم هوااااااا
وين المشكله لما يطلع مع أصحابه ؟؟؟؟؟؟؟ ترا طلعة الشباب غير عن الزوجه

ليش حارقه أعصابك !!!!! وجايه تسألين وشايله هموم الدنيا فوق راسك
ليش تبين تقيدينه عندك وتحت عيونك ؟؟ ترا أنتي الخسرانه بيمل منك لأنك طول العمر قدام عيونه خليه يشتاقلك ويبعد شوي عشان يجدد حياته معاك
عااااااااااااااااااااااااادي أرحميه وأرحمي نفسك

واللي تقول الله يعينك ليش وش سوا زوجها ؟؟؟؟؟

متى نحرر الرجال من قيودنا ؟؟؟؟؟؟ ومتى نرتاح ونريح رجالنا المساكين معانا ؟؟؟؟
أنقر للتوسيع...



كلامك انتي اللي غريب بصراحه مالو داعي السفر للسياحه وخاصة انو رايح ماليزيا

مو ابها والا الطائف خاصة انو راح يشوف مناظر هناك يعني بيغمض وهو ماشي

والا كيف ؟انا اشوف مالو داعي خاصة انو ملتزم والسفر مو ضروري فليش يسافر

واذا نفسه بالسفر ياخذ زوجته معاه غير ان هذي انانيه منه هو ينبسط وهي

جالسه هنا مهمومه وطفشانه


الله يعينك اختي وادعي ربك واستغفري واسألي عن اصحابه وتأكدي

هو رايح مع مين ؟


وربي يكتب لك مافيه الخير
 
ياختي روحي سوي جنطته وانتي مستانسه لا تنكدين على الرجال والله الي يخاف الله ما تجره بنات ابليس الناس تروح ماليزيا عشان المناظر والطبيعه استودعيه في ودائع الله ولاتخافين والرجال ما قصر معاج لاتصيربن انانيه لا تحكرينه صيري ذكيه وحكيمه لا تخربين على نفسج واكيد سفرته مو طويله الله يسخره لج ويحفظه من فتن الشيطان
 
حبيبتي تعوذي من ابليس وخليه يروح عشان شوي يصير اشتياق بينكم وماليزيا دوله مو ماله خرابيط يعني بس طبيعه وانتي تقولين ريلج مو من هالنوع ولا تفتحين عينه على شي اهو مو شايفه ولا تنقهرين والله عادي حبويه
 
عندي سؤال لسيده الكون يعني لو زوجك بيسافر خارجيا ما بتغارين ولا تتنكدين ابدا ؟؟ بصراحه ؟
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل