زوجي المحشش ...

[مآ هقيت..!]

السلام عليكم و رحمة الله و بركاته

بداية .. أحب اشكر كل اللي ردوا علي في موضوع (ترا زوجك مدمن مخدرات) و احب اقولهم جزاكم الله كل خير على مشاعركم الطيبة ... أسأل الله العظيم في هذه الساعة ان لا يريكم ما أراني يآآ رحمان ...

هذا رابط الموضوع و كانت فيه تجربتي http://www.niswh.com/vb/showthread.php?p=7008700#post7008700

أحب ان اشكر كاتبة الموضوع الأخت (دواليلي) جزاها الله خير
وضحت فيه كل شيء عن المتعاطين ...

.
.
.
.
.
سأكمل اليوم ان شاء الله تتمة معاناتي مع زوجي ( سامحه الله) .. و لا أخفيكن سراً انه انتابني شعور بتأنيب الضمير كوني تكلمت عن قصتي .. و لكن يشهد الله اني تحمست للتكملة من صدى دعائكم لي جزاكن الله الجنة ..

أختي ( سادنة القمر ) أشكرك على سؤالك عني و الموضوع هذا عشان خاطر عيونك ,,


.
.
الحمد لله الذي لايحمد على مكروه سواه

اقتباس معاناتي في موضوع ( ترا زوجك مدمن مخدرات )

انا عروس مالي 6 شهور ... و قبل 3 شهور اكتشفت انه يتعاطى الحشيش
الانسان اللي كنت معاه افترى فيني حسبي الله و نعم الوكيل
كان يداوم من الصباح و يسهر مع اصحابه الى الساعة 2 الفجر <<< تخيلوا من الصباح يطلع و لا يرجع الا فجر اليوم الثاني .. ينام ساعتين او ثلاث و يبدأ موال اليوم الثاني نفس الحكاية
و انا اصلا ادرس في الجامعة .... انهبلللللت من اللي شفته
يرجع البيت على الفجر و انا زي الكنبة اللي في البيت
ما يتكلم و لا يسأل شخبارك ... يحط راسه و ينام <<< و كهذا الحال
تخيلوا .. و الله العظيم ان البيت فاااااااااااااضي ماني عايشة الا على المويه بسسسسس << كأني ضب

استغل وقت ما اكون في الجامعة عشان اتغدى لأني عارفة اني بقعد على لحم بطني الى اليوم الثاني

عشت معاه حياة ذليييييييلة <<< كنت استحي اقوله جيب لي معاك اكل انا ميته جوع
والبيت ما فيه الا مويه ...

صار عندي اكتئااااااب .. البيت فاضي و انا لوحدي بعد ما كان بيت اهلي ماشاء الله تبارك الله مليان ناس و سوالف و وناسة .. فجأة اكون لوحدي بالأيام و الأسابيع
تعبت من الوحدة ... كنت افكر اني احمل و ألهى بالبيبي يمكن يخفف عني ... بس الحمد لله انه ما كتب لي حمل ....
كنت اذا خلصت مذاكرتي و خلصت تنظيف البيت آخذ حبوب منومة << و للأسف كنت اتناولها كل يوم لأني جيعانه و اتهرب من الجوع بالنوم ...... بمجرد اني اخذها بعد نصف ساعة بالتمام ادووووووووخ و انام نووووم مو طبيعي

..
..
في يوم من الأيام .... بالضبط كان يوم العيد ..
انا في منطقة بعيييدة عن اهلي حوالي 1200 كيلو ... و أنا بكر امي و ابوي و هم خايفين علي و دايم يسألوني عن اخباري <<< و الله اني اكذب عليهم ما ابغاهم يحملون همي ( يا بعد عمري ) اقولهم الحمد الله انا بخييير و مسانسين و اليوم كنت في السوق و رحنا تعشينا في مطعم جديد فاتحينه <<< كل هذا كذذذذذب ... يمررر الخميس و الجمعة و انا بين الصالة و المطبخ و غرفة النوم ... بس ما ابغاهم يقلقون علي .. قلت ان هذه سحابة صيف و تعدي ان شاء الله و تصلح احوالنا ...

في يوم العيد الليل .. ابوي يا (مال الجنة ان شاء الله )
اتصل فيني كالعادة يسأل عن اخبارنا و يسأل متى نجيهم ...
انا انفجررررررررت صيااح و بكاء << ما قدرت اتحمل الهم اللي انا فيه
و قلت له : يا ابوي انا جيعانه ... لي يومين ما طب في بطني غير المويه ... << حززززن على حالي و ما يدري بعد عمري وش يسوي لي ... طووووول الليل ذاك اليوم و هو يكلمني و يواسيني
.

تعرفون طبعا شعور الاب او الام لما واحد من عيالهم ينام بردان او جوعان .. ما يغمض له طرف عينه حتى يتطمن على فلذة كبده .. فما بالكم اذا كان بعيد عنكم <<< هذي انا .. كان عززز البرد و لا عندي حتى دفاية اللهم بطانية .. حتى ملابسي كلها نص كم و بدون اكمام ..


البيت صاير فندق .. << تعرفون هالشعور اكيد .. فما بالك و انتي عروس
طبعا مثل ما قلت لكم .. الحبوب المنومة كانت تساعدني كثيييير .. يعني اذا خلصت شغلي على طووووول اخذ حبتين منها حتى يصير مفعولها مضاعف و اروووح في سابع نومه << كل هذا هروب من الوحدة و الطفش

بعد اليوم اللي كلمت فيه أبوي (الله يجزاه الجنة)
كان يوم الخميس اجازة ... فكلمته شرايك نروح لأهلي و الله من زمان ما شفتهم << و اخذه من هالكلام و اللسان الحلو حتى وافق

كان سفرنا بالسيارة بحكم انه ما عنده قيمة الطيارة
اول ما ركبنا و انطلقنا بعون الله << صاير وجهه كذا :30:

وانا اقول في نفسي .. ما علي منه .. اهم شي اوصل لأهلي و بالطقاق
تخيلوا الطريق 12 سااااعة بالسيارة و هدووووووووووء
حبيت انا ألطف الجو و جيت اتكلم .. قالي << اسكتي ما ابغى اسمع صوتك

قلت في نفسي : بركة يا جامع

و طوووووول الطريق وهو مشغل هالأغاني و انا ما اقدر اقوله انه يسكرها :8: << ما احب اسمع للأغاني

و نمشي


نمشي

نمشي

نمشي

نمشي


حتى بقي لنا 200 كيلو << قلت في نفسي الحمدلله هااااانت :39:

في هذه الاثناء بسم الله الرحمن الرحيم ... زي اللي ركبه جني
قام يرمي علي من هالكلام و يسب فيني << سكت انا من اللي قاعدة اسمعه شييييء يرووع ... و صرت اطالع فيه بنظرة استغراب من اللي يقوله

قام و عطاني كففففف محترم على وجهي ... يا قليلة الأدب تخزين زوجك بعينك :30:؟؟

و كف من هنا و ضربه من هناك و تفاااال و كلاااام وسسسسسسخ زي وجهه
و قام يتكلم على شرفي و انتي و انتي ..... الخ




تخيلوا انتوا .... ساااااعتين من الضرب و السب و الشتم المتواصل و كلام في غاااية القذارة عني انا اللي صاينته و صاينه بيته عن الحرام ... لا حول و لا قوة الا بالله

و كاااان في اشددد غضبه و صوته عاااااااااااااااااااااااااااالي و يصرررخ <<< مجنووون رسمي

و كل هالشيء يصير و هو يمشي على 220-240 و رب العكبة << كنت قاعدة اتشهد لأني حسيت ان السيارة بتنقلب فينا ..

وصلنا بحمد لله << وهو ما زال مستمر في اللي قاعد يسوية .. و انا قاعدة استغفر ربي من اللي يقوله

دخلنا الحي اللي ساكنين اهلي فيه ... فتح الابواب و قدام الناس قام يصرررخ علي و يرمي الأغراض في وجهي <<< يعني الجيران شااافوه :8:

دخلنا عمارة أهلي خلاني أنا اللي أشيل شنطي و هو ينفرج و يقولي : يلاا يا حماره شيلي

و احنا قاعدين ندق الباب مسكني و جرني من شعري .. و قال: و الله لو اهلك عرفوا باللي صار لا أجلدك انتي و اياهم <<< شفتوا الحقارة وين واصلة
اذا سألولك عن اخبارك قولي : بخير و ان شاء الله
لو اشوفك تبكين يا الحيوانة قدامهم لا اسوي و افعل فيك << كل هذا و هو ماسكني من شعري و رقبتي قدام بيت اهلي

دخلنا البيت <<< و سبحان اللي ربط على قلبي

قاعدة اسولف مع اهلي و اضحك و انكت .... بس في داخلي همممم ما يعلم فيه الا الله
امي اخذتني على جنب .. و سألتني : وش فيك وجهك مخطوف <<< و الله من الروعة و الخوف اللي شفته

قلت لها : ابد و الله يمه انكم وحشتوووني .. و ضميتها ...آآآآآه يمه الله لا يحرمك الجنة

و امي و ابوي و اخواني << يا حليلهم قاعدين معه بالمجلس يسولفون و يحلفون عليه الا ينام الليلة عندنا في البيت .. ما يدرون باللي صار

و انا في نفسي قاعدة اقول : روووح الله لا يردك :30:

.
.
.
عدت الليلة على خير الحمد لله ... هو اول ماطلع من البيت .. امي ما كانت متطمنة .. سألتني : وش فيك يا بنت ...
انا هنا انهبللللللت صياح و حكيت لها هي و ابوي القصة من طقطق للسلام عليكم

ابوي بعد عمري اول مرة اشوف دموووعه تنزل .. و امي تبكي من القهر اللي شافته بنتها
.
.
.
.
.
و مرررت الايام

و اكتشفت بعد هذا كلله ان الحبيب يحشش مع شلة فااسدة من حثالة المجتمع بعد ما يرجع من الدوام الى آخر الليل
و فلووووسه كلها في هالبلا
و أنا و الله العظيم حتى الخبز اذا عفن ابعد عنه العفن و آكله من الجوع

و الآن هو يتعالج

طبعا اللي لا حظته خلال ذيك الفتره انه قطع الصلاة نهائيا ...
حتى الغسل بعد الجنابة ما يغتسل
سبحان الله كنت اشم فيه ريحة دخان .. بس عمري ما شميت ريحه غير مألوفة حتى أقول انه حشيش


.
.
.


السؤال هنا لأخواتي زوجات المحششين <<<:31: شر البلية ما يضحك و الله

هل لو تعالج احتمال انه يرجع مرة ثانية ؟؟
يعني تنصحوني ارجع له و الا اشتري عمري و اتطلق ؟؟


لا تنسوني من دعواتكم جزاكم الله كل خير
.
.
.

 

[قل قسم]

والله انا اعرف وحده نفس حكايتك وكل شوي تزعل لاهلها وتبي الطلاق والخسيس مايطلقها

واهله يقولون تعالج وترجع له بعد 3 شهور او 6 شهور من الزعله وترجع حليمه لعادتها القديمه

زوجك مررررررره حقير ونصيحتي لك قبل تتورطين وتجبين عيال اطلبي الطلاق وربي بيعوضك

يعني لااخلاق ولااحترام ولاعيشه مثل الاودام وشهوله ترجعين له

استخيري واطلبي ربك واطلبي الطلاق لان الطلاق في مثل ظروفك رحمه

وربي بيعوضك على صبرك خير ان شاء الله

 

[رازيا]

أختي الكريمة ... وضعك الحالي هو أفضل الحلول ... خليكي في بيتك و اتركي فكرت الطلاق ... و عيشي حياتك معه و تحملي ما تعانيه و اصبري إن الله مع الصابرين و عليك بالدعاء بأن يشرح الله صدرك و يذهب همك و غمك و اكثري من ذكر الله ...
يا أختي أينا بلا مصيبة أو مشاكل؟
و الله لولا الله و الدعاء و الذكر لكان الإنسان في خبر كان
احمدي الله و اشكريه و شوفي الأشياء الحلوة في زوجك ...
إن كان زوجك يحشش فهناك اخواتك هنا ازواجهم بعضهم يزنون و بعضهم في السجون و بعضهم يسهرون خارج البيت و بالأيام الطوال فاحمدي الله و شوفي عيوب الناس و مصائبهم حتى تهون عليكي مصيبتك ...
وحاولي أن تكوني أنت صاحبته ورفيقته يشكو لك وتشكي له والتودد والاهتمام به قد يشغله فربما بعدها يفكر بالعلاج أما بنفسه وهو غير مستحيل لأنني أعرف أشخاص شفو دون مصحة أوطبيب خاصةان كان ليس بمدمن لفترة طويلة والا سيتجه مباشرة للعلاج بالمصحات ان عجز عن ذلك نسأل الله أن يشفيه ويحفظه.
واعلمي بأنك تملكين (كأنثى ) انجع وأفضل أنواع العلاج بحبك وسكينتك وهمساتك و شجعيه على الصلاه والتقرب الشديد الى الله عز وجل لأن هذا هو الحل الوحيد لهذه المشكله ولا تفكري إن هو لوحده معظم الرجال والشباب يعانون من هذا البلاء اللهم ارفعه عنا برحمتك يا كريم اللهم يامن لايعجزك شي في الارض ولا في السماء ياقااادر على كل شي اسالك بقدرتك العظيمة التي قدرت بها على جميع خلقك وبقوتك التي قهرت كل شي ان تشفي زوجها من إدمان الحشيش وتتوب على كل مدمن وتهدي جميع شباب المسلمين يارب بحولك وقوتك يارحيم اختي واللة مانملك الا الدعاء فهو سحر مباااح الاسلوب اللين الهين اول مراحل العلاج والاستجابة اذا قدرتي تاثري علية ليخضع لعلاج نفسي افضل بس الرجل بطبعة يكابر بس في داخلة مكسور وضعيف لكن قفي بجانبة ولاتتخلي عنة المدمن في النهاية انسان احتوية بالحب والحنان والكلمة الطيبة والزمي الاستغفار فهو علاج فعال لجميع الكروب والهموم
يتبع

 

[رازيا]

و لا شك أن المسكرات سبب لارتكاب كثير من الخبائث، وجالبة لأنواع من الشر في الحال والمآل، وقد أخرج ابن حبان عن عثمان عن النبي صلى الله عليه وسلم قال: "اجتنبوا أم الخبائث"، وروى النسائي ذلك عن عثمان رضي الله عنه من قوله. وأخرج أحمد عن عَبْدِ اللَّهِ بْنِ عُمَرَ رضي الله عنهما أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: "لَعَنَ اللَّهُ الْخَمْرَ وَلَعَنَ شَارِبَهَا وَسَاقِيَهَا وَعَاصِرَهَا وَمُعْتَصِرَهَا وَبَائِعَهَا وَمُبْتَاعَهَا وَحَامِلَهَا وَالْمَحْمُولَةَ إِلَيْهِ وَآكِلَ ثَمَنِهَا".
.
وأرى أن أولى الناس بمساعدته، وأقدر الناس على معونته على تجاوز هذه الأزمة هو أنت يا عزيزتي بالتذكير اللين واللطيف بالله، وبانتهاز ساعات صفائه الذهني والروحي للحديث الدافئ معه حول هذه المشكلة، وأعلميه أنك تتفهمينه، وأنك على استعداد لمساعدته، ولا تجعلي اللوم والعتاب والتوبيخ هو كل ما تفعلين، فهذا ربما يزيده إحباطا، ولكن ذكريه بأن الله تعالى يعين طالبي الهداية ومن يجاهدون أنفسهم ليتحسنوا "والذين جاهدوا فينا لنهدينهم سبلنا وإن الله لمع المحسنين" وأنك على استعداد للصبر معه حتى يتخلص من هذه العادة السيئة، وحاولي بلطف التعرف إلى ما يحب وما يرغب، واجتهدي أن تفعلي ما ترين أنه يحبه ويرضيه، بشرط ألا يكون في ذلك ما يغضب الله تعالى. ثم اجتهدي في الدعاء له بظهر الغيب، وفي السجود، وبخاصة في صلاة الليل. واستعيني بمن ترين أنه يرتاح له، ويستجيب لنصائحه من المخلصين من أصحابه أو أقاربه أو معارفه، بحيث يجد أعوانا على الخير.
أما الطلاق فيجب أن يكون آخر الدواء، حين لا ينفع شيء من العلاج، وحين تفشل كل المحاولات لإصلاحه وتقويمه، خصوصا وأنكما قد رزقتما بطفل او طفلة على ما اعتقد لا شك أنها ستكون أكبر الخاسرين من الطلاق.
والذي أتوقعه أن اللطف به، والترفق في نصيحته والدعاء له سوف يؤتي كل ذلك ثماره، وتبقى الأسرة مستقرة مستقيمة إن شاء الله
استخيري الله قبل طلب الطلاق

 

[رازيا]

عزيزتي هذا رد كتبته لوحده نفس وضعك بالظبط بس الفرق عندها طفل منه
اقرئيه وان شاء الله تستفيدي

 

[قل قسم]

رزايا ممكن سؤال

الصبر على انسان ماهو طبيعي مايخاف الله وش الي جابرها على الجوع وعلى الذل وعلى الضرب

وعلى الاهانه مهما كان هي بشر لها احساس ومشاعر وباقي صغيره والمحششين توقعي منهم الا متوقع

يعني حتى حياتها معه فيها خطر عليها ممكن يقتلها لانه مو طبيعي واهلها موجودين الله يخليهم لها وربي بيعوضها خير

احس الكلام سهل والصبر زين بس مو في هالحاله

 

[ام معمر]

لو لو بدالك بعد هالطق اول مادخل بيت اهلي اضربه بالجزمه وانتم بكرامه ع وجه ليش وين عايشين شوفي اطلبي الطلاق ابركلك ويش تبين فيه لاومحشش بعد ويش تنتضرين منها ام واحده تقولك اصبري تصبرين علىشنو اهانه وجوع وضرب تلحقي ع نفسك وتطلقي والطامه الكبرى اذا جالك عيال راح يمتون من الجوع وراح تتندمين طول عمرك
حسبي الله ونعم الوكيل قهرني

 

[رازيا]

كل مشاكل الزوج ممكن تنحل بالصبر والدعاء والاستغفار بس احنا من وين نجيب صبر يعني المشكلة فينا احنا الله المستعان
الطلاق مو سهل لازم تستخيري قبل طلب الطلاق واذا ارتحتي اتوكلي على الله

 

[محبه الدين]

بصراحه الله يعينك لو انا مااقدر اتحمل المشكله ان اهلك بعاد عنك
اختي شوفي الحل الافضل لك وسويه

 

[مزايا انسانه]

ياعممممممري
والله تاثرت بقصتك
وان دلت تدل على انسانه صبوره ومحافظه نادرة الوجود
لكن ياغاليه زوجك هذا لايستحقك بالكليه
يااختي محشش بمعنى لادين له وبالتالي لااخلاق لاقيم لامبادئ
مااااااااااااااااااااااااااااااااااااذا تنتظرين من هذا الشخص
كيف تحملتي كل ذلك
اسالك بالذي خلق السموات والارض ومابينهما كيف ؟؟؟؟؟؟؟؟؟؟؟؟؟؟؟
الجووووووووووووع والقهررررررررررررررررررررررر
والصممممممممممممممممت والوحده القاتله
والضرب والشتم
اسمحي لي انتي انسانه ضعيفة الشخصيه بمعنى الكلمه
الاتحبين نفسك
اليست نفسك غاليه عليك
((وان لبدنك عليك حق))
ياعمممممممممممممممممممري اهربي منه اهربي منه
اهربي بدينك واخلاقك
هذا زوج حقيييييييييييييييييير بمعنى الكلمه
وهل صدقتي انه يتعالج واذا تشافى هل تصدقينه باانه لن يعود مع اصحاب السوء
لاتكوني سااااااااااااااااااذجه واحبي نفسك واعزيها
اهربي بدينك
اطلبي الطلاق قبل ان تكبر مشكلتك بوجود ضحايا يكفي ضحيه واحده ولا عدة ضحايا
تطلقي منه وسوف يعوضك ربي
واحمدي الله ان لديك اهل يحبونك احمدي الله
ارجوووووووووووووووووك طمنينا عليك
ولاحول ولاقوة الا بالله

 

[Hno0odah]

الله يهديه يارب
بصراحه انت عندج قوة قلب
انا اول ما اوصل وادخل بيت اهلي
اقوله طلقني وعليك السلام
ليش اعيش مع واحد يعذبني ليش

اشتري راحة نفسي

 

[أم ميسوـوـو]

حسبي الله ونعم الوكيل

الله يفررررررررررج همك حبيبتي

أستخيري وربي يختارلك الخيره تستمري معه او تنفصلين

الله يكون بعونك حبيبتي

 

[مزايا انسانه]

ياحبيبتي طمنينا ايش الي حصلك

 

[doonat]

مادري انا من رايي الصبر على الحشاش بحاله وحده بس بعض المحششين يكون حبوب مع زوجته مثل قصه وحده من الاخوات بس نسيت اسمه كان حبوب وكان مايخلي عليه اصر هذي ممكن الصبر عليه0000بس حالتك انا اقول000بيت غذاك ماباعك0000

 

[doonat]

اسفه 000بيت غذاك ماعافك0000يعني بيت رباك ماكرهك 00

 

[السندرله]

اسال الله ان يكتب لك الخير اينما كنتي

 

[ام تالين والين]

والله انك انسانه صابره وعاقله وسوي الي تشوفي مصلحتك

 

[سادنة القمر]

حبيبتي اشكرك على الرد عليه الله يجزاك خير

الله يكون بعونك والله قصتك يشيب لها الراس حبيبتي انت صبوره والله لو وحده غيرك كان شردت من البيت من الحال الي عشتي فيه
سوال واحد بس

وش الي يجبرك تعيشين معاها بعد الي سواه فيك ؟؟ والله الي سواه مايسويه كاافر الله المستعان انا ماقولك تطلقي منه بس انت فكري بعقلك انت عايشه عند اهلك معززه مكرمه ليه ترجعين بيت زوجك
وتعيشين نفس الحال الي عشتي فيه وحده جوع فقر قهر من جد اول قصه اقراها اتاثر فيها وافكر فيك
انت ماعندك اطفال وانتبهي لو رجعتي تجيبين اطفال حتى تتاكدين منه هل صح تعالج وتاب ولالا
بس اي وحده مكانك تتركه وتدورلها واحد يحبها ويصونها الزواج سكن وطمائنينه مو عذاب

والله سبحانه وتعالى قال {وَلاَ تُلْقُواْ بِأَيْدِيكُمْ إِلَى التَّهْلُكَةِ}

فكري حبيبتي بنفسك فكري بمستقبلك فكري باطفالك مستقبلين كيف حيكون حالهم زي حالك

ان شاء الله ادعيلك والله يكتبلك الي فيه الخير

طيب بداية زواجك كان يحبك ولا نفس المعامله؟؟

 

[نهر الإبتسامه]

محشش؟؟



اهربي بجلدك منه

لا وكمان يسب ويضرب


وكماااااااااااااااااااان حيضرب أهلك لو تكلمتي؟؟؟؟


عجييييييييييييييييييييييييييب والله؟؟


شين وقوي عين



مادام ماعندك عيال انجي بنفسك

ترى محششين الزمن هذا اغسلي يدك منهم والله ليقعدوا زملاؤه وراه وراه ألين ينكسوه


حبيبتي قرارك في يدك لكن لو أنا مكانك ورب الكعبه ما أرجع وأضربه كمان مثل ما قالت واحده من الأخوات



وين الميثاق الغليظ؟؟؟؟؟؟؟؟؟؟ظ


أعوووووووووووووووووووووووذ بالله الله لا يبلانا ولا يخزينا


إيش المصايب هذي؟؟؟؟


الله يجبرك ويجبر قلبك
ويكتب لك الخير حيث كاااااااااااااااااااااااااااااااااااااااااااان

اختك :نهر الإبتسامة

 

[باتشي وقهوه]

لاحول ولا قوة الا بالله العلي العظيم
يقول جيتك يا عبد المعين تعين لقيتك تنعان
الوحده فينا تتزوج تبغا اللي يحميها ويصرف عليها ويسندها في دا الزمن الاقشر تطيح في واحد خربان لايخاف الله ولا يتقيه يبغا من يصبر عليه وعلى بلاويه
انا انصحك بصلاات الحاجه اطلبي الله فيها عزوجل يخلصك من بلا الانسان دا ولا يهديه لك ولا يهده
ويريح قلبك
الله يكتب لك اللي فيه خير ويصبر قلب اهلك وقلبك