زوجي العصبي

ع

على ضوء القمر

New member
إنضم
2011/07/01
المشاركات
30
بسم الله الرحمن الرحيم

حبيت اطرح موضوعي لكم وشوف ردودكم حوله
انا متزوجه من 8 سنين وزوجي عقيم بس مب هذه المشكلة المشكلة انه عصبي ويثور على اتفه الاسباب ويمد ايده ويسب مندون ادراك وكلها يقول اني انا مجنونه ومب عاقله ويبغالي دكتور نفسي تعرفوا ليش لانه يوم يضربني اصارخ وسب وامسك السكينة على رقبتي وقوله يطلقني
وهو كله يعايرني بالامور الي صارت من يوم ازوجنا ويهددني انه بيخبر علي اهلي وبيقولهم اني مب صاحيه
وابصراحه احسه مزاجي ومتقلب وكلها يقول انه وايد صبر علي وتحملني .....واي غلطه مني ولو بسيطه لازم يقلبها ضرابه
وانا بعد عصبية شوي ولا اتحمل واذا قالي شي ارد عليه واذا وعدني بشي يا ويله اذا ما سوه بحشره وهني هو يرد علي ويضربني واهو يبغني استوعبه انزين ليش مب هو يستوعبني لازم كله انا اتحمله واهو الطفل المدلل ؟؟؟
بس بعد ما انسى انه في حالته الطبيعية يكون طيب وكريم ولا يقصر في شي والكل يشهدله بذالك ..المشكلة اهو عصبي وانا عصبية والله اخاف في يوم نحرق البيت
ابغي اعرف من الي يحتاج دكتور نفسي انا ولا هو

رجاءاً ردوا من غير تجريح الله يجزيكم خير
 
شوفي يالغلا اي واحد عنده مشكله لازم يصير عصبي وهو عقيم يحس انه ناقص عن الناس وطبعا الحل مو بيده بيداللهوتخيلي انتي عندك مشكله وعجزتي تحلينها اكيد دايم معصبه وقلق طبعا هذا اللي ما يرضى بقضاء الله وقدر اما اللي العكس دايم صابر ويرضى واعرف لك واحد عقيم 17 سنه وما شاء الله يموت في زوجته والله يرزقكم الذريه الصالحه عاجلا لازم تهدين نفسك وكثري في الدعاء اللهم ارزقني الصبر والحلم والوضوء وقت الغضب حاولي اذا انتي واقفه تجلسين وااذا جالسه توقفين طبقي سنة النبي صلى الله عليه وسلم

ولا بعد تمسكين السكين وتحاولين تضرين نفسك ؟! طيب واذا سويتي هذه الحركه وش تستفيدين ؟! ووش رايك في هالحركه يسويها انسان مسلم عاقل ؟!
 
لا ياختي ان ما بغي اضرب نفسي بس اهدد لا اكثر لانه اقو مني ولا اقدر ارد عليه وما يكون بايدي غير كذا
والحمد الله على كل حال مشكورة على المرور
 
الموضوع مو محتاج طبيب نفسي الموضوع محتاج شوية هدوء وربط وتملكي نفسك انت انت بالذات وقت الغضب وبس يعصب زوجك لا تستفزيه وتخليه يضربك والامور تتطور بينكم خلاص اهدي
وتعوذي من الشيطان الرجيم وصلي على الرسول
وانصحك بس تشوفي زوجك عصب اسكتي على طول ولا تردي عليه لين يهداء
وروحي بسرعة توضي وصلي ركعتين واجلسي استغفري وبس يهدء زوجك ويكون رايق روحي
تناقشي معاه بهدوء
 
والله الواحد بس يعصب ويزعل يصير مجنون فعلاً انا ما ابري نفسي واعرف اني اتحمل جزء كبير من الغلط بس الي يقهرني انه كله يقول انتي غلطانه وكل الغلط منك وكانه هو الملاك الي ما يغلط

وانشاء الله اسوي بالنصيحه والله كريم
 
انا كنت اردعليه وهو عصبي لاني كنت بيت اهلي اخذ حقي ويمكن زياده
اول الزواج كان يقابل ردي بالزياده ويثور علي بشكل كبير ويتلفظ
بعدين وش استفت غير ضيقت الصدر
عندما يعصب اسكتي وحطي نفسك مسكينه وبعدين استغفري وراح تحسي بالراحه
طبعا رده انتي الي غلطانه اسكتي لا تقول ايه ولا لا
 
اختي الحل بيدك انتي , افهميـه تقربي منـه

اذا عصب انتي تهدينه حاضر وسم وطال عمرك وماحصل الا كل خير

واحذري ترآددينه لان الرجال مايحب زوجته تراددهـ يحب الزوجـه المطيـعه اللي

تنفذ اوامرهـ ..

واكيد هو يحس بنقص عن باقي الرجال عشان كذا لازم تخففين عنه وتحسسينه
ان هالشي عادي وانك تحبينه لشخصه مولشي ثاني ..

توددي له ..

اسال الله ان يسخرهـ لك ويسخرك له ويوفق بينكما لما يحب ويرضى
 
مشكورات خواتي على الردود الطيبة وكلمكم انشاء الله احول اعمل فيه بس المشكله اني مب قادرة اسيطر على نفسي واهو مثلي يعني اذا اغتضت منه ما اقدر اسكت ولازم ارد عليه
ان شاء الله اقدر اسيطر على اعصابي واسوي الشي الزين
 
ولاواحد فيكم محتاج دكتور نفسي ........
أنا رأيي انتي تقريبا سبب المشاكل والسبب الرئيسي عصبيتك المفروض عزيزتي لمه يعصب زوجك تكونين هاديه وتحاولين تبتعدين عنه لين يهدا يعني مايصير اذا عصب تراددينه وتعلين صوتك عليه ماعليه تحمليه واحتسبي الأجر لاتكبرين كل مشكله تصير بينكم تعلمي تضبطين نفسك لمه يعصب واتوقع زوجك شمالي شرقي دوري بالمنتدى كل شي يتعلق بالشمالي شرقي وتعلمي كيفية التعامل معاه والله يسخرلك زوجك ويصلحكم
 
طمنينا عليك
 
الحمد الله تقدرين تقولين ان المشكلة انحلت لغايت احين يعني ما مد ايده علي لغايت احين معنى صارت بعض الامور الي كانت تتحول لضرب في السابق

خلاص عرفت شو اسوي احين لما اشوف متنرفز اقوله اني انا احبك وليش انت اسوي كذا

وانا مستحيل اخليك

النتيجة صار مرة حلوه تغيرت نفسيه

بس بعده يحاول يقهرني مرات بس انا اطنش الموضوع على شان ما اخليه يمد ايده

والله يسهل الامور كلها


:6::39:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل