زوجي الشمالي كنت ملكة متوجه عنده قبل ما أخته تقلب راسه..محاجة أبغى الحل

[إمرأة]

فصيلة دمي ودم زوجي +O هل يعني أننا ثنينتنا شماليين؟

المهم..

زوجي من أول ما إتزوجنا وهو مقدرني وحاطني فوق راسه..وزاد تقديره لي مع الأيام..كان يتضايق من زعليوكان يصبر على تصرفاتي المجنونة ويصبر على أعصابي وتحكمي فيه وصراخي عليه..أعترف وقتها كنت غلطانة لكن كنت أمر بحالة إكتئاب من الحمل وبعد الولادة وماإتعالجت وإستمر معايا الإ:تئاب خاصة مع المشاكل مع أهله وتدخلهم في حياتي الخاصة لأنه كان بيت حمولة وتعرفون مشاكل الحمولة خاصة إنه فيه مطبخ واحد للبيت كله..

المهم

أخته لاحظت معاملة أخوها لي ..إستفردت فيه وقالت له إنت كنت تتكم على عمي وإنه يمشي ورى رأي زوجته وكنت تضحك عليه ..وإنت دحين صرت زيه..ليش تخاف من زوجتك..إركب فوق راسها ولا تصير وراها..عاد زوجي على طول قال خلاص أنا ما أبغاها حطلقها.. ( لاحظوا..على طول بكل سهولة باعني لمجرد إنه أخته عبت راسه..ونسي العشرة وحبه لي بإعترافه..وكمان بعد سنين كمان كل ما أحد عبى راسه ومسكه من نقطة إنه مو رجال ويسمع كلام حرمته على طول يبيعني)

المهم.. أنا كنت ملكة متوجة عند زوجي..لما أكون أبغى فوس مني يعطيني بغير حساب..لما أقوله رأي يقتنع فيه على طول..كنت أطلب منه الطلاق كم مراااااااااات ومرااااااااااااات وكان هو يترجاني إني أتعوذ من الشيطان..


بعد ماكلمته أخته..إنقلبت الآية..صار شرس..وشرير..ومايرضى على نفسه إني أغلط عليه..وكم مرات طردني من البيت..ومرة طلقني ..وكم مرات غضب عليا..

أخته معروفة بأسلوبها..فصفصت شخصيتي عنده وقالت له إحنا نشوفها وحدة عادية ليش إنت كدا مكبرها مرة..فعلا أنا كنت مررررررررة عادية مع أهله وشخصيتي ضعيفة معاهم..

آآآآآآآآآآآآآآآآآآآآآه


أنقهر لما أتذكر كيف كانت معاملته معايا زمان..قبل ما تكلمه أخته بالضبط..حسيت إني تزوجت واحد ثاني..

على فكرة أدري حتقولولي كيف عرفتي إن أخته قالت لك..

أنا كنت في بيت أهلي جلست عندهم يومين..ولما رجعت لقيت زوجي معاملته وطريقة كلامه متغيرة مررررررررررررة..ولما إستدرجته بالكلام إعترف..وإتصلت على أخته وإعترفت..وجات بعدها وحكتلي إيش قالت لأخوها وطلبت مني السماح وسامحتها الله يسامحها ويعفوا عني وعنها ويغفر لنا..

لكن زوجي ..ما رجع الأولاني أبداااااااااااااااااااااااا

إيش رايكم..كيف أحاول أرجعه زي أول زي قبل ما تنزل أخته من صورتي ومن مكانتي عنده..كيف أرجع ملكة متوجه ويعمل لزعلي حساب زي أول؟

دحين صار هو يعل وأنا اللي أراضيه أما أنا مالي حق أزعل وإذا زعلت زيه هو يزعل وبيطلق من جد مو مزح لأنه قد طلق..خلاص صار مو متمسك فيني وبيعي سهل

أخته كلمته وهو له مقلوب قبل 8 سنوات..يعني انا لي أعاني معاه من 8 سنوات


وأحس كمان إنه ماله رأي..وأي أحد عنده أسلوب يقدر يقلبه عليا أو يغير رأيه في أي شيئ..ماعنده مبدأ معين..أحس بسبب هذي النقطة رغم ثقته الزائدة في نفسه أنه شخصيته ضعيفة وفي أي وقت يقدر يتغير بدون مايعترف إنه هو السبب في التغيرمع الخيل ياشقرا..إلا الصلاة فقط مايفرط فيها ربي يبارك فيه ويسخره لي

 

[ماجدة العلي]

حبيبتي الله يسخر زوجك لكي وترجعو اسعد اثنين بالدنيا
انتي ليش ما تناقشيه زي اول وتفرضي شخصيتك وتكوني واثقة بحالك وانو ما ضعفتي
وبينيلو انك مهما صار وكان انتي ذي ما انتي بعزة نفسك وثقتك بحالك
قولي له اذا كلمة من اختك خلتك تتغير معي شو خليت للعشرة الطويلة شو خليت للمواقف الصعبه يلي رح نمر فيها انا وانت
ربي يوفقك يا عمري

 

[أنثى بعطر الورد]

اولا ما تركزي على كلام أخته وايش قالت له عنك إبداااا لان كل ما رميتي تصرفات زوجك معاك الى انه من كلام أخته وتغيير قلبه عليك كل ما يثبت الكلام عنده اكثر اكثر يعني هذا السبب انت جعلتي له قوة دفع ان يتمركز ويثبت ..وكلما فكرتي اكثر في الكلام كلما شعرت بالضعف اكثر وتنازلتي اكثر ..اذا اردت ان توقفي كل هذا ..انسي هذا كله ..حتى تغيير زوجك ...وقفي مع نفسك انك تسترجعينها بكل قوتك ترجعينها قويه وتتحمل وما تضعف ولا تتأثري باي كلام الغير عنك فل يقيمون انفسهم قبل ان يقيموني افكارهم هم مسؤلون عنها أنا أيضاً استطيع ان اقيمهم وعندي أفكار عنهم ممكن تحطمهم لكن أنا أثق في نفسي لأني اعرف قدر نفسي الحمد لله اعرف اصلي اعرف مكانتي العاليه عند نفسي وعند زوجي ..اقنعي نفسك بهذا ...اقنعي نفسك انك تستحقين تستحقين كل شيء كل شيء ...ابني ثقتك بنفسك ثقتك المتزعزعه لا تعطي قيمه لهم حتى لا يعطيهم زوجك قيمه لكلامهم ...كلما أعطيتهم قيمه كلما ركز زوجك على انهم الأحسن قولي لهم انتم أيضاً عاديون بالنسبة لي لستم انتم من تقيموني ..عفوا سأرجع لأني انشغلت أوك