زوجي الجنوبي الغربي يخونني مع ابنه عمته المتزوجة !

[ريانة المشاعر]

بأدخل في الموضوع على طول
مرا زوجي راح مشوار وترك جواله عاد أنا عندي فضول رحت أفتحه وأكتشفت أنو مسوي إضافة لبنت عمته ( متزوجة وعندها بنات أكبرهم في 13 سنة )
وفوق هذا مسميها في جواله بدلع أسمها أنا أنجنيت وواجهته ( تسرعت بس خلاص راحت ) وحلفت أني أكلمها وأتهاوش معها وأوقفها عند حدها بس
جلس يهديني وأنو ممكن تكبر المشكلة وتوصل لأبوه وممكن تصير فضيحة ووعدني بسفرة المهم سكت أنا من كثر المساومات والهدايا ( خبلة )

قبل يومين تعلقت في جهاز شاريه وقلت أبيه قال خلاص بأعطيك طبعاً هذه هدية لأيش ؟ عشان يحفزني أخلص الكورس حق المعهد لأني كنت بأتركه
طبعا أنا أخذ الكورس عند أهلي ومعي ولدي وهو في منطقة ثانية أشوفه عاد يحذف وووو
سبحان الله دايم أدعي ربي يا رب إنك تفضحه قدام عيوني أن كان يسوي شيء من وراي
المهم عطاني الجهاز وأخذ الشريحة ( هذه الشريحة رقم ثاني غير الأول ) طبعاً أكتشفت أنه ما حذف الصور وحصلت نفس الصور اللي ترسلها لي
طبعا بنت عمته انا مسوية لها إضافة عندي وترسل للقائمة كلها عشان كذا توصلني وتوصل زوجي
صاير ضايفها على رقم ثاني أو ما أدري وش السالفة

وزيادة حصلت عنده إيميل ما سوا له ديليت
وش أسوي فكرت أسوي إيميل واضيفه وأشوف أخلاقه وأحيانا أتردد
بعدين وش أسوي بخصوص بنت عمته وهو الموضوع المهم لأنه حلف لي ما راح يضيفها ورجع ثاني ترى أنا ما تأكدت أنها هي مره لكن نفس الصور اللي ترسلها لي ترسلها له !!!
عطوني تصرف سليم في هالموقف
علماً باني متزوجة من سنة وثلاث شهور وعندي ولد ومتغربة عن زوجي لظروف إجبارية

 

[قطـــــريه]

طيب وين الخيانة ؟ انه ضايفها !!! اختي كل ما دورتي وراه محد بيتعب الا انتي والزوج كل مره بيتعلم اكثر شلون يخبي عنج هالامور اكثر .. طنشيه ولا تدورين وراه وريحي نفسج

**

 

[لمسه دفا 8282]

​مع قطريه وترى اذادورتي وراه مابيتعب الاانتي تعلمي فن التطنيش معاه وبيني انك واثقه فيه وشويه شويه بيسيب هذي ا لاشياء والله يعيننا على هالرجال

 

[استغفرالله2011]

حبيبتي نقطة ضعف زوجك هو انه خايف من الفضيحه وسمعته عند اهله....
انت احذفيها من عنده لاتستنيه هو يحذها ...ومايقدر يتجرأ يسأل ليه حذفتيها...وهدديه انك تفكري تعلمي زوجها وترسلي له الصور اللي هي ترسلها..
وهي لمحي من بعيد انك شاكه في زوجك وانك راح تعرفي من هي وادعي عليها ان ربي يفضحها خليها تخاف وقولي والله لو عرفت مين هي راح افضحها عند اهلها ارمي كلام...وشوفي ردت فعلها

 

[ريانة المشاعر]

قطرية / لمسة دفا

اي حبايبي عشان ضايفها عنده هو قال لي المره الاولى إحنا ما نسولف بس ترسل لي ( بي سي " برودكاست )
بس المشكلة أنها ترسل صور عيالها !!
علماً بأنها ما تتغطى عن زوجي لأنها من جنسية مش مهم الحجاب عندهم

لأني المره الاولى حلفت لو بأشوفك تكلمها ثانية راح أتصل عليها ولا راح أراعي سمعتك عند أحد


أطنش : (
ودي أذبحه : (

 

[ريانة المشاعر]

ما أتوقع أن زوجها ما يدري :/
أنا أضمن أنه يدري ونص بس نو بروبلم !!
أنا طاحت من عيني وهو بعد ما يراعي العشرة
هذا دين قبل يكون عادات : (

 

[ريانة المشاعر]

تكفوووووووووووووون أعطوني حل ترى ما عرفت أذاكر بكره عندي إكزام ورأسي منشغل بالسالفة

 

[الجرح نازف]

بما انها ما تغطى وبنت عمته وزوجها دارى اتوق انه الموضوع عندهم عادى ومو قصدهم حب وغيرة فى عوايل يعتبرو بنات الخالات والعمام مثل خواتهم

انتى ايش يناسبك سويه وانسى وروحى ذاكى احسن لا تشغلى نفسك فيهم وتضيعى دراستك
وشكلها اكبر منه صح ولا لا

 

[ريانة المشاعر]

نازف أي أكبر منه بـ 8 سنوات



يعني أطنش وإلا أمسح الصور عشان أعلمه أني عارفه بالموضوع أو ألمح له أقول غريبة الصور اللي عندك نفس اللي عندي من بنت عمتك
وإلا أسكت وبس أمشي حياتي < بس ما أبي أصير مغفلة

 

[ريانة المشاعر]

وين البلقيسيات ؟!!

وين أهل الخبرة في الجنوبي الغربي ؟!!

وين الحكيمات ؟!

 

[بـكـرا أحلــى]

حبيبتي نقطة ضعف زوجك هو انه خايف من الفضيحه وسمعته عند اهله....
انت احذفيها من عنده لاتستنيه هو يحذها ...ومايقدر يتجرأ يسأل ليه حذفتيها...وهدديه انك تفكري تعلمي زوجها وترسلي له الصور اللي هي ترسلها..
وهي لمحي من بعيد انك شاكه في زوجك وانك راح تعرفي من هي وادعي عليها ان ربي يفضحها خليها تخاف وقولي والله لو عرفت مين هي راح افضحها عند اهلها ارمي كلام...وشوفي ردت فعلها

معاااااااااها وبقوه
وهالاشكال مايخوفها الا هالشي

 

[أخت في الله]

وترسل للقائمة كلها عشان كذا توصلني وتوصل زوجي

بس المشكلة أنها ترسل صور عيالها !!

(

علماً بأنها ما تتغطى عن زوجي لأنها من جنسية مش مهم الحجاب عندهم

ما أتوقع أن زوجها ما يدري :/
أنا أضمن أنه يدري ونص بس نو بروبلم !!
: (

بسم الله الرحمن الرحيم

حياك الله أختي وفرج همك ونجحك

من كل ماذكرتي أختي يتبين أن الموضوع ليس كما توسوسه لك نفسك على الأقل من جهتها ... فهي ماترسل لزوجك ترسله لجميع القائمة كما أنها ترسل صور أبنائها وهي من جنسية قد يكونوا ممن يسمون بالمنفتحين وأن الأمر هو عادي عندهم لدرجة أن زوجها لا مشكلة لديه .....

أنتي أين يكمن دورك هنا؟؟؟؟

لا يكمن في فضحها على شىء هو بالنسبة لها عادي جدا وقد تثيرين ضحكها حتى ....
ولا يكمن في فضح زوجك .. الذي شككته في نفسه حتى صار يطلب منك عدم فضحه كأنه أذنب .. ولم يصل لتلك المرحلة بعد


زوجك لعلى الخطأ الوحيد الذي قام به هو تدليع اسمها بجواله وربما يكون من حسن نية.... لكن ولأن النفس أمارة بالسوء ولأن الإختلاط لا يحمد عقباه ... فدورك يكمن في احتواء زوجك وتبيان خطئه من الناحية الشرعية ومن دافع تبيان المعروف من المنكر لا من دافع غيرتك حبيبتي

ولأن زوجك صار يعرف أنك مثل الشرطي المراقب له فلن تمنعه نفسه من إعطائك رشاوة والتلاعب على قوانين أنوثتك .... لكن إن كنتي له المعين على حسن الطاعة بالهداوة واللين وجعلتي الرقابة للرقيب الحسيب ..فستنعمين بحياتك غاليتي وتكسبين راحة بالك وزوجك ..... من هنا ابدئي والله الموفق
أسأله تعالى أن ينجحك في دروسك وأن يسخر لك زوجك ويعينكما على حسن الطاعة والعبادة ويرزقكما سعادة الدنيا والآخرة..

 

[رازيا]

مع اخت في الله

 

[ريانة المشاعر]

ولأن زوجك صار يعرف أنك مثل الشرطي المراقب له فلن تمنعه نفسه من إعطائك رشاوة والتلاعب على قوانين أنوثتك .... لكن إن كنتي له المعين على حسن الطاعة بالهداوة واللين وجعلتي الرقابة للرقيب الحسيب ..فستنعمين بحياتك غاليتي وتكسبين راحة بالك وزوجك ..... من هنا ابدئي والله الموفق
أسأله تعالى أن ينجحك في دروسك وأن يسخر لك زوجك ويعينكما على حسن الطاعة والعبادة ويرزقكما سعادة الدنيا والآخرة..

داااااااايم يقولي يا جمارك لأني أفتش أحيانا قدامه
طبعا أفتش سيارته لو أحصل سيديهات أغاني مثلاً أقوله لا تسمع اغاني ويأخذها ويرميها
أزعل منه لو أحصل البلاك بيري حقه مغلق ويجي ويراويني وأنا أقول أفتح هذا الملف راويني بروفايل هالشخص
بس أول كان آيفون وباع وأخذ لك آيباد طبعاً كانت الاضافة ع الواتس آب فباع الايفون وأخذ الايباد وشرى له بلاك


طيب ألحين أسكت ؟
واحاول أغيره كذا قصدكم ؟

 

[رازيا]

تعوذي من الشيطان الرجيم وروحي توضي وصلي ركعتين وابدئي ادرسي امتحانك

 

[أحلى عروسة]

حبيتي عليك بالدعاء ادعي ربك ان يهدي زوجك ومايرى غيرك وان يريه الحق حقا ويرزقه اتباعه ويريه الباطل باطلا ويرزقه اجتنابه