زوجي البارد

[وضوحي]

السلام عليكم
اتمنى من الاستاذه القديره مساعدتي في المشكله اللي تعاني منها الاكثريه من النساء
وهي الزوج البارد
انسان بارد بعواطفه ومشاعره وفي الفراش
انا متزوجه ولدي اطفال ومرات استغرب اقول كيف جبت هذولا الاطفال ابوهم انسان بارد تخيلو في حياته ماقالي كلمه احبك او حبيبتي او اي كلمه من شبيهاتها انا بالنسبه اله صفر ع الشمال ليس لدي قيمه في حياته غير مهتم ولا مبالي
وتخيلو يا خواتي في حياتي مالبست قميص نوم ابدا ابدا الا ليله زفافي فقققققققققققط لانه زوجي غير مهتم بالقمصان عمره ماقالي البسي او تعدلي او حلو عليكي هاللون او التسريحه او الصبغه ابدا ابدا
فعشان كذا انا ماتعب عمري البس واكشخ لانه مش مهتم حتى لو اشك عمري بذهب من راسي لين رجولي ماعاد يناظرني عادي عنده كنه العيد
حاولت اعدل فيه سلوكه ومشاعره ارسله مسجات واتودد له لكن دائما مطنشني
لكن اذا خرج وشاهد النساء في اي مكان فانه يجلس يناظر فيهم حتى زوجه اخوه يجلس يناظر فيها وكذا مره قلتله عيب بس هو كالعاده مطنشني
في الفراش احس انه انسان بارد يعني احس كانه عبأ ثقيل عليه او واجب يؤديه وخلاص ومرات يتأخر كثيرا في القذف او يقذف كميه بسيطه جدا ومرات يجي من العمل وخلاص يبي يمارس واتكون عنده رغبه شديده ....... بس يمسك عمره وينام
مرات اقول يمكن العيب مني لانه يحسسني بالنقص لانه مره لما تهاوشت معاه قالي انتي مافيك شي يغري وانتي كلك علل
لدرجه انه ابدا مافيه غيره ابدا مايغار علي حتى لو اني قدامه اتكلم مع رجال مايسوي شي بالعكس بيجلس يناظرني وهو يضحك
اشك بعمري لاني وحده ضعيفه مره ومافيني صدر وهو يموت على الصدر
هالشي دفعني اني افكر اسوي عمليات تكبير بس خايفه منها وبنفس الوقت مابغاه يعرف اني سويتها بس ماقدر لانه لازم اتنوم بالمستشفى على الاقل يوم كامل
انا بزور ابوظبي قريبا عندي معارف هناك وفكرت اني اسويها هناك
ابغا حل لمشكلتي مع زوجي اللا مبالي ارجوكي يا استاذه ناعمه ساعديني كيف اخليه يحبني ويتقبلني
واتمنى من خواتي المساعده
جزاكم الله خير

 

[وردة الحنون]

حبيبتي غيري من نفسك البسي تكشخي حتى لو مايبدي رايه الزين لك قبل مايكوون له
ابد حتى لو ماعبرك فتأكدي 100 % انو اذا لبستي وتزينتي راح تغير من نفسيك ونفسيته
تداركي نفسك قبل ان تقعي في مستنقع
ابداً لاتسوي عمليات ولا غبرها
ما أحسن من خلقت ربي ربي سواك وأحسن صورتك غيري من لبسك وتفنني مر ضيق ومره قصير ومره قميص طويل ومره بناطلين ومره بجايم حلوه
كيف تقولين بارد ؟؟ وانتي مالبستي له قميص غير يوم الدخله
؟؟؟!!!
وسولي له حركات اغراء ادخلي قسم الثقافه الجنسيه وراح تستفيدي كثير فيها حركات للاغراء وغيره​

 

[وضوحي]

هلا اختي لمى
انا قالج ليش مالبس قمصان نوم
لانه مش مبالي ابدا مرات اجرب اقول بلبس بس بعدين اتخيل انه يطنشني ومايعبرني انا كذا انقهر واحس بالنقص اكثر واكثر فافضل اني مالبس واتعب عمري
شكرا على ردك الجميل

 

[مؤمنه بربي]

انا تقريبامثلك مع بعض الاختلافات
لاكن اتفق معك في البرود الجنسي والعاطفي ولا يسويها معي الامره بالشهر او مرتين اذا كثرت
والله طفشت منه استغرالله صرت اكرهه لاني عندي طاقه قويه وهو بااااااااااارد ويقولي عيب استحي على وجهك اشي اذا زاد عن حده موزين وهو مايسويها الا مثل ماقلتلكم وانا نفسي مرتين الا ثلاث مرات اسبوعيا وهو مطنش وعلى فكره هو متزوج قبلي وانا الثانيه والصغيره
ياليت تفيدونا بخلطه تخليهم ناااااااار مثلنا
اشكركن

 

[الـ غ ـلا كلـه]

وسويتي عملية وخاطرتي بنفسك وبعد ما انتبه لك ولا همه
وش بتكون ردة فعلك؟؟؟؟؟؟؟؟؟
اختي اهتمي بنفسك بدون عمليات وخرابيط
واكشخي والبسي قمصان نوم حتى ادا هو ما انتبه اول او عاشر مرة
اهم شي نفسك اولا واخير

 

[ريماس الجنوب]

يابنت الحلال انا زوجي اللبس له واكشخ له ومدامه على اللبس والكشخه والتزين وعمرة ما قالي حلووو او ابدئ رآيه في اللي مسويته هذا مو مشكلـــــــــــــــــــــــــــــــــــــــــــه ............................
انتي نحيفه ومالك صدر وتقولي يحب الصدر واكيد يحب الوحدة مليانه شوي (( وينظر لك ان ما فيه شيء يغري فيك )))) هذة مشكلــــــــــــــــــــــــــــــــــــــــــــــــــــــــــــــــــــة الله يعينك ياختي كولي اكل وكثري من الموز والحليب تراه يسمن اذا رحتي لاهلك كولي حلبة ..................

 

[ياااني فديته]

حبيبتي وانا اتصفح المنتدى لقيت موضوع عن ماء الورد فتذكرت مشكلتج عن صغر الصدر عندج فسويت له كوبي ان شاء الله يفيدج..

مساء الخير بنوتات
انا صدري حجمه وسط يعني مو صغير ولاكبير ..
مره قريت بالمنتدى عن فوائد شرب ماء الورد مع الماء العادي في تعطير الجسم
المهم إتبعت هالطريقة فترة بسيطة ...
صرت أفتح قارورة الماء وأصب فيها مقدار ملعقة شاي صغير ماء ورد
وأشرب منها طول اليوم ... وكل ماافتح قارورة لازم أصب فيها شوي ماء ورد (( مقدار بسيييييييط مره ))
اول شي لاحظته أن رائحة إفرازات جسمي صاااارت حلوه وبشرتي صارت حلوه وصافيه ..<< وهذا المطلوب .

ثاني شي لاحظته إن حجم صدري زاااد لدرجة إن سنتياناتي صارت ماتسكر علي .. ويوم عن يوم يزيد حجمه طالما انا مستمره على شرب ماء الورد مع الماء العادي
مع العلم إن النتيجة هذه شفتها بفترة بسييييطة تقريبا بظرف اسبوعين أو أقل !
فقلت معقوووله ماء الورد يكبر الصدر ..؟؟ جيت سويت بحث بالمنتدى وفعلاً لقيت أكثر من عضوه كاتبه ان شرب ماء الورد يكبر .​

فحبيت أفيدكم واكتب تجربتي ​

وماء الورد بعد معروووف له فوائد لاتعد ولاتحصى..



((الموضوع منقول))​

 

[نايس هواوي]

سوي العمليه عشان زوجك بس لازم يعرف انك رايحه ابوظبي عشان العلاج موب شرط يعرف العمليه وشي
وابدي اكشخي والبسي واتزيني حتى لو مامدحك عبي عينه عن الي برا

 

[نايس هواوي]

الله يجزاك خير ياني فديته بسوي هالطريقه

 

[وضوحي]

موفقات خواتي ماقصرتو الله يجعله في ميزان حسناتكم
بس للاسف كلامه لي ومعايره هز ثقتي بنفسي وصرت ماتعناله ولا ابغا اتعب عمري ع الفاضي
وترا عادي عنده كنه العيد

 

[ahzan gulb]

بالنسبة لموضوع تكبير الصدر بماء الورد انا بعد سمعت عنه
وثانيا في منتدى عروس للكاتبة بنت عذاري لها موضوع تكبير الصدر وفي خوات جربوه وصدرهم كبر


اكشخي لنفسج اول شي وبعدين له
طنشيه شوي وخليه اهتمامج بنفسج وعيالج واهلج او حتى صديقاتج او شاركي باي شي
نوعي بملامسج وايد وانسي فكرة انج تنتظرينه يمدحج او يقولج كلام حلو عسب ما تضايقين اذا طنشج
الجاي لربج واستغفري واقري قران

وربي يسخره لج يارب

 

[وضوحي]

اختي احزان انا من عضوات المنتدى اللي ذكرتيه وكنت من اوائل اللي شافو مواضيع بنت عذاري وماتتخيلين اختي كثر الخلطات والرياضات اللي جربتها لكن لا فائده مع اني سمعت انه بعد الحمل والولاده يكبرون بس زاد الطين بله صارو كذا اصغار ومترهلين مدري كيف اشرحلك

 

[&الماس&]

بارد انتي شعليليه و اغريه لاتنتظرين منه شي لانك انتظرتي وما فاد..... البسي وغيري من شكلك واهتمي بنفسك حتى لو ما مدحك استمري صدقيني راح يشوف الفرق حتى لو مابين ولو شفتي ردة فعل ما اعجبتك طنشي وتقربي له وابدئي وداعبيه صدقيني راح يتغير (عن تجربه) خليه يحس بتغيرك وثقتك بنفسك ......جربي وش راح تخسرين ......هذا حلالك لازم تتهنين فيه ويتهنا فيك.....تقربي منه قبل تتقرب منه وحده ثانيه.

 

[ياربي انصرني]

لاتسوين عمليات انصحك لان مخاطرها اكبر من ايجابياته وصديقة زوجة اخوي سوت عملية وصار يندي بصديد وله ريحه مع العلم انها مسويتها في لبنان

 

[وعد76]

أختي ماراح ازيد على كلام الاخوات
بس ااكد عليج لاتسوين عملية ولاشئ
اسم عملية يخرع وعلى قولة وحده من الاخوات
واذا ماعجبتيه""شوفي البسي واكشخي حق نفسج
وعودي عمرج ماترقدين الا بقميص النوم حتى لو هو
مب راقد معاج بالغرفه
وحبيبتي ترى الزوج مو كل الحياة عندج عيالج هلج ربعج
الله يخليهم لج يعني خلي نفسج عاااادي اضحكي وسولفي
ولو هو موب معطيج اهمية انتي عزي نفسج وعطيها أهمية
وحسسيه ان انتي محبوبه عند هلج وربعج ومشغوله معاهم
يمكن يغار شوي ""ولاتعاتبينه ليش ماتقولي"" ماتسوي لي""
لان في نوع اذا عاتبتيه يزيد..

""وسعي صدرك والحياة حلو""

 

[دمي عسل]

حيبيبتي اول شي لازم تكون عندك ثقه بنفسك وثاني شي تكشخي مو لازم يقولك حتى لو طنش اهم شي لنفسك وحاولي تاكلين اشياء تسمن من دون ماتخاطرين بنفسك بعمليات وعلشان تسمنين لازم تريحين اعصابك وبعدين تاكلين زين
وادعيلي ان الله يثبت حملي

 

[وضوحي]

والله انكم بردتو على قلبي واسعدني مروركم وربي يسعدكم ويخليلكم احبابكم ويادمي عسل ربي يثبت حملج واتشوفين البيبي في حضنج
يزاكم الله خييييييييييييير

 

[دروب الحب]

أســـــــــــــــــــــال ان يسخرة لك.........بس لاتخاطرين بنفسك ....تسوين العملية.......اذا حبــــــــــــــك حبك بعيوبك.........ضحي في الحد المعقوووووووول.....ادعي الله في الثلث الأخيـــــــــر من الليل ......لك كل الحب والتقدير

 

[سمراوية حلوة]

حبيبت يمب لازم اسوين عمليه يمكن يوم يعرف انتي سويتي عمليه يمكن يعصب عليج وصير مشاكل بينكم

بس انتي اهتمي بنفسج وتكشخي ولبسي قمصان نوم وخلي ريحتج وايد حلوه

حتى لو ما قالج كلام حلو بس انتي سوي الللي عليج والله يهدي زوجك وكل الرياييل ان شاء الله

الله يساعدج ان شاء الله

 

[وضوحي]

:icon30::c017: