زوجه ثانيه مظلومه

[الدانه2000]

السلام عليكم
اتمنى القى عندكم الراي السديد كما عهدتكم

المشكله هاذي لاختي وحابه انكم تفيدونها
اختي صغيره عمرها23 سنه مخلصه جامعه
وجاها خطاب شباب لكن كانت تستخير وماترتاح ونرفضهم لكن هالمره جاها رجل متزوج وعنده عيال اكبرهم بالجامعه وبما انه ولد عم الوالد فهو موافق عليه ولا يمكن يفكر يرفضه
بس اختي ماتبغاه اولا فارق السن
ثانيا رجل متزوج
وثالثا والاهم زوجته بنت عمنا وحبيبتنا ومثل امنا ما اتخيل يوم اختي تصير ضرتها والله حرام
لكن ابوي وولد عمه مافكروا بهالامور على قولتهم سوالف حريم
والادهى والامر ان بنت عمنا عرفت بالسالفه عن طريق وحده الله يسامحها وتقول ان امي هي اللي خططت وجابت ولد عمي مع ان والله اني انا واختي واخوي الكبير عرفنا قبل امي لان امي كانت مسافره عند جدتي ولما عرفت الصراحه رفضت لكن ابوي ماهمه احد

المهم يابنات فيدوني هل اقدر اكلم زوجي مثلا يكلم ولد عمي او ابوي
او زوجي ماله داعي
اللي عندها حل تفيدني ارجوكم

 

[الدانه2000]

وينكم يابلقيسيات

 

[لمن يجرؤ]

حبيبتي اتمنى تكلمين رجل عاقل عنده اسلوب من عايلتكم يروح يكلم ولد عم امك اللي جاي يخطب اختك ويخبره ان البنت ما تبي وان الوضع راح يكون مش ولا بد ترا بالفعل صعبه وراح يصير كره وتفرق ما انصح ان هالزواج يتم

المهم انتي حاولي وخلي الباقي على رب العباد هو اعلم بالقدر والنصيب

 

[أمـيره]

خلي اختك تقول رايها لابوك وترفضه بشكل رسمي

اما بالنسبه لزوجته مصيرها بتدري بالحقيقه

 

[ღ اُمـ رامي ღ]

اوف الله يعينها مسكينه لسه صغيرة من حقها تتزوج رجال تكون هيا اول فرحته زي ماهيا حيكون هو اول فرحتها
يعني ابوكي راح يظلمها فارق السن ومتزوج وعنده عيال
ايش الي جابره بس
برااي خلي اختك تكلم ابوج وتقنعه انها رافضة الفكرة نهائيا
و اذا مانفع كلمي زوجك بلكت يجيب نتيجه ​

 

[الدانه2000]

الاخت لمن يجرؤ ان من المعجبين بردودك

ثانيا عزيزتي كلمنا اعمامي وكلمنا ام ولد عمنا ومافي احد حاول يقنع ابوي لانه يحب العناد الله يهديه وثانيا هذا ولد عمه المفضل والعزيز امي كانت تقول لنا انه ايام شبابهم انه تمنى لو ولد عمه ياخذ اخته اللي هي عمتي ويصيرون انساب وعيال عم من زود معزته له
لكن ولد عمه تزوج بنت اخوه

 

[الدانه2000]

الاخت اميره
اختي قالت رايها لابوي لكن ابوي ماعليه من احد

 

[الدانه2000]

الاخت ام رامي
هذا اللي انا اسال عنه هل يصلح اخلي زوجي يكلم ابوي
والا ماله داعي
وياليت اللي عندها افكار لاتبخل علي والله اختي مسكينه ضايقه بها الدنيا من هالزواج اللي مامن وراه خير الا قطاعه
تدرون ان جماعتنا واهلنا قاطعونا الان وهو ماصار شي تضامن مع بنت عمي
حتى بنت عمي ودنا نكلمها ونقولها الحقيقه بس ماهي رااضيه لا تكلم ولا تستقبلنا

 

[watyn]

من جد الله يعين اختك خليها تلح بالدعاء الى الله تعالى .
لاتسكت حاولي توصلون الكلام لنفس الشخص اللي بيتزوجها وخبروه انها رافضته وماتبغاه يمكن مايدري انها مغصوبه عليه .
خلي اي احد يكلمه من اخوانك او زوجك اهم شي لازم يدري انها رافضته
واذا وصلت وماعليه منها خليها يوم الملكه تقول للشيخ ماابغاه لما يسالها.

 

[الدانه2000]

الاخت watyn
هو داري عن موقف اختي ويقول لاخوي هذي بنت صغيره ماتعرف مصلحه نفسها وانه هو اللي بيسعدها
وثانيا حبيبتي اعجبتني فكره انها تقول للشيخ بس ياترى الشيخ ياخذ راي البكر

 

[روحي واو]

الله يعينـهأ إن شاء الله .,

حبيبتي ., قبل أتكامي زوجك ., وتورطيه شلون علاقة زوجك ويـآ أبو ك .,,؟

ثأنيأ عند أخ كبير وعأقل ., ويسمع له أبوك ., خليه يضغط عليه شووي ,.

والبنت كمأن تضغط على ابوك تسوي اضرب عن الاكل ومأتتمـ بغرفتهأ طول اليوم ., عششان يحس فيهأ

وحأولوأ أحد يوصل لرجأل ان البنت مريضأ من همـ انهى تاخذه .,

والله يعينكم وبشرينأ عنهآآآآ .,

 

[الدانه2000]

الاخت روحي واو
علاقه زوجي مع ابوي طيبه صحيح زوجي عصبي مع الناس بس والله معي طيب وماعمري شفت منه الا كل خير
اما اخوي كلم ابوي وقاله ابوي اذا صار عندك بنات زوجهم على كيفهم اما انا لا
اما سالفه اختي تضرب عن الطعام اخاف ابوي يضربها لاننا نجتمع على الوجبه واللي مايجي ياويله وياسواد ليله حتى لو مالك نفس اشرب شوربه اوعصير
اما زوج المستقبل المصون فوالله احس كانه مايفهم كل ماقلنا البنت ماتبغاك زاد اصراره فيها

 

[غدا نلقى الآحبة]

بما انها انقطعت عنها الحيل والسبل في اقناع والدك مالها غير اللجوء الى الله هو وحده القادر على منع هذا النصيب ..

وذلك اولا بالاستخاارة ,, ان كان خيرا قدمه الله لها ,, وان شرا صرفه عنها ..

وان تلح بالدعااء في كل وقت وباوقات الاستجابة ..فانه لايرد القضاء الا الدعااء ..

وان لم يكن لها نصيب لم تاخذه ولو اجتمعوا على ذلك وان كان لها به نصيب اخذته وسكتت غصبا عنها وعن الجميع .. فلتوكل امرها لله ..

 

[احبك ياسوسو]

حبيبتي
اولا حكم الله ورسوله فوقك اقصد (ابوك)-----
البكر تستاذن غصب عنك ---
ويطلب شورها هذا حق ظمنه الاسلام لها او ان العقد حيكون بااااااااااااااااطل ----
وخليها تقول لبوك مااحللك انت تبي تظلم حياتي الدعوه مهب عناد هذي حياة ----
اعرف حريم كثير بس في الزمن السابق اخذوا نفس كذا جوار وسموم حارررررر
الان تقول وحده اعجز الدعي لبوي لاانه ظلمني ومااحلله واللحين هو بقبره---------
وتخيلي تقول-----لمل قالوا الناس له ضحي لبوك قالت (اضحي لعنه تلعنه )تخيلي وهو بالقبر مارحمته تقول ظالمني والله مااحلله وهي الان كبيره وام عيال صايره جده من زمان بس مانسيت هالجرح ترااا مو سهل على اختك انتبهواااا
كلموا الرجال بدون مايعرف ابوك خلي اخوك يكلمه يقول هي رافظه وابوي عنيد افهمه من نفسك يامن الغنيمه الدنيا مليانه مطلقات وارامل وعوانس دوراحد يناسب عمرك وافكلرك لاتفكر بشهوك كل شهوك شهر وانت مال _قطيعه يالرجال-

 

[الدانه2000]

الاخت غدا نلقى الاحبه
والله اختي ماقصرت وهذانا اليوم عنهم نايمه وجالسه انا وهي بغرفتها انا استشيركم وهي جالسه على سجادتها تسال الله وربي ان شاء الله يكتب لها الخير

 

[الدانه2000]

الاخت احبك ياسوسو
يازين تفاعلك صراحه تشكرين
وزين انك جبتي سالفه هالمره اللي ماسامحت ابوها راح نوريها ابوي بكره
يمكن تفيد

 

[جلي الوان]

الله يعينكم والله بعض الرجال لا قال قال بس انتم وصلو رفضكم الى زوجته من باب الذوق وصدقيني كل شي نصيب اذا الله كتب زواج او لا الانسان مسيرررررررررررررر

 

[الدانه2000]

والله انك صادقه
بس والله احنا حاطين نفسنا بمكان زوجته والله صعبه عليها يعني الحين تقول بنفسها ضاقت الدنيا عليه الا ياخذ بنت عمي اللي كانت تنام وتلعب مع بناتي وكنت اسال عنهم واحبهم
ولا والادهى والامر انها ماتبغاه وهو يبغاها يعني بايع الناس كلها وشاريها
والله لما حطينا نفسنا بمحلها ضاقت صدورنا اكثر
وتدرين الظاهر حتى لو ماصار نصيب الظاهر العلاقه مع العائله ماراح تكون مثل اول

 

[cuteSusu]

والله أنا أقول أولا الدعاء الدعاء الدعاء
لا تنسي انتي واختك ان الله سبحانه وتعالى بيده كل شيء
لعل الله يستجيب لكم ويصرف الخاطب عنكم
أو يصرف قلب أبوكم عن الموضوع
ثانيا يمكن صح زوجك ماله داعي يتكلم
بس برضوا اختي انتو خذوا بالاسباب والله يسهل
يعني خلي زوجك يكلمو لعل وعسى ينفع
او حاولوا تلاقوا رجال عاقل من العيلة يكلمو
وترى الشيخ يأخذ رأي البكر
طبعا يناديها ويخليها توقع على عقد الزواج
وتقدر أختك تقول للشيخ انها مهي موافقة
بس الله يعينها على زعل ابوكي لو فشلتو قدام الشيخ
وترى في شيوخ ما ياخدوا رأي البنت
لو كان الشيخ معرفة او صديق للعريس او اهل العروس
الله يعين اختك من حقها تفرح بشبابها
وتاخذ واحد يكون لها لوحدها
مو مشاركتها فيه ضرة واولاد
الله يوفقكم​

 

[monmonmon]

لاتدخلون غريب بمشكلتكم صدقيني ماينفع اذا ابوك اقتنع الحمد لله وإلا مالها غير الدعاء وماتدرون وين الخير فيه ياماشباب نكدوا على زوجاتهم وبالاخير طلقوهم وتزوجوا معددين ماتدرين وين الخير فيه .