زوجــي وربعـــــــــه

ب

بنت النوور

New member
إنضم
2008/04/16
المشاركات
61
السلام عليكم ورحمة الله وبركاتــــــــــــــه


اخواتي عندي مشكله ومالي بعد الله عزوجل الا انتو


اخذ برايكم

انا زوجي احبه بدرجه خياليه وهو ولله الحمد مومقصر ابد معانا بشي


واي شي ابيه يصير


الا شي واحد ان كل عطلة اعياد او ويكند لازم مع ربعه بالصيف بالبحر وبالشتا بالبر

ينام معاهم وانا بروحي بالبيت مع عيالي


والله ماانام الا لما يطلع الصبح مو الفجر

وفيني خوف غير طبيعي لدرجه الله يعزكم

اخاف افتح باب غرفة النوم واروح الحمام

انا خوافه ووسواسيه بدرجه كبيره..........وخاصة صارت لي سالفه من سنتين تقريبا


كان عندي خدامه بس غرفتها برا البيت وفي وقت زوجي موجود وكنا انا وياه قاعدين

بالصاله

مااهتم لوجودنا ودخلت رفيقها غرفتها

كان على الساعه 4 الفجر تقريبا فتحت الشباك

الا اشوف باب غرفتها مفتوح شوي قلت لزوجي

تم يراقب الوضع حس ان فيه شي وانا رحت اصلي الفجر

الا مااسمع الا صراخ الرجال ياااااااااااااااااااايمه انصعقت خاصة انها كانت مصليه وطيبه

وبعد هذا الموقف زاد الخوف لان اذا زوجي موجود دخل الرجال

وشعاد البيت مافيه رجال

خواتي انا كثير خايفه وماادري شلون اقنعه او هو اصلا رافضة فكرة ان يخلي ربعه

ويجي ينام عندي

قلت اسهر ان شالله الى الفجر بس تعال ونام ابي احس بالامان

مافي فايده

ارجوكم شوروا علي ..وانا مخليه البيت وجايبه عيالي عندي وقافله علي الباب

والله تعبت نفسيا وصرت مااطيق اي شي ومرهقه لاني ماانام عدل

لاتخلوني حتى لو بدعوه منكم خواااااااااااااااااتي:sad_1:
 
لا تخافي ياحبيبتي أنا كنت مثلك لدرجة كنت اتوضأ لصلاة الفجر من الليل وأسكر باب الغرفة بالمفتاح و ألهي نفسي للفجر وأصلي و أنام بعد ماأخذ الخوف مني مأخذه لكن الحمد لله مع الأذكار صباح و مساء وحصني نفسك و عيالك لكن بالنسبة لزوجك ماأتوقع يهد ربعه الا بعد مالله يهديه.
 
خلي الريال براحته,,,,,,,دامه مب مقصر معاج ومع عياله خليه ينبسط.....
انا ريلي ما يرجع الا الساعة سبع الصبح وعاااااااااااااااااادي عندي.....بالعكس وناسة أخذ راحتي عالأخر.....
 
اي والله شكله مافي امل

والامل بالله

ان شالله

اسعدني تواجدج ياقلبي
 
الله يعينج الغاليه

عادي الغاليه الريايل كلهم نفس شي


يحبون السهر ويا ربعهم


الغاليه حصني بيتج بسورة البقره



خليها شغاله دووووووووم بتحسين بالامان


وما بتحسين بخوف حتى

 
صراحة ما ينفع

كيف اسبوع ينام برا ؟؟؟ وين ينام بالضبط ؟؟ في البر يعني والا استراحة والا وين ؟؟

لازم تتكلمين معاه بجدية في الموضوع ما ينفع تسكتين

بس اهم شي اختاري وقت مناسب للكلام فهميه انك تنبسطين انه هو ينبسط ويغير جو بس في نفس الوقت فهميه ان عنده بيت وعيال مسؤولين منه ,,, قوليله انت اخترت تتزوج والمفروض حاط في بالك ان في اشياء ما تنفع يسويها الرجال بعد الزواج لان عنده بيت واولاد مو حر زي ماكان قبل الزواج ,,, حاولي تقنعيه بالمنطق وبهدوء ,,, قوليله في العيد والمناسابات اهلك اولى فيك من اصحابك والرسول عليه الصلاة والسلام قال خيركم خيركم لاهله وانت ما تقصر معانا وتوفر لنا كل شي بس احنا محتاجينك انت ومحتاجين وجودك معانا ,,, انت الامان بالنسبة لنا ومالنا غيرك ,, انت ابونا وانت اساس البيت والبيت من دونك ناقص شي مهم ,, ومن الكلام هذا

الله يعينك ويفرج همك
 
تسلمين حبيبة قلبي


المشكله ان ربعه متزوجين اللي معاه


وبالشتا ينامون بخيام وعلى البحر عندهم غرف خاصه فيهم
 
شوفي اختي اتفق معاج ان الوضع مو حلو وصعب خاصه ان الوحده تحب تتطلع مع زوجها واعيالها في العطلات .. بس لو شفتيها من ناحيه ثانيه دامه مو مقصر والي تبينه يجيك لا تصيرين انانيه وتحرمينه من هالمتعه .. هو مو مقصر عليج أبدا .. جات على هالشي وتبين تحرمينه منها ؟ ليش ؟ ترى بيحس انج ثقيله وماتفكرين الا بنفسج وبس .. وهو الظاهر يرتاح لمن يروح ويطلع كل تعبه هناك .. مو احسن ما يطلعه عليكم ؟؟
وبعدين حبيبتي مو احسن انه يروح البر والبحر من الي يقعد مع مرته ويخونها ولا صايع ولا ولا ولا !
احمدي الله على ريلج .. واذا كلش متعبج هالموضوع قعدي معاه واطلبي منه عالاقل يوم في الويكند كل شهر يخليه لكم ..
 
والله ماابي اطلع لا بالعطلات ولاغيره ابي بعد مايستانس ويخلص


يرجع وينام في بيته


لان هو الامان والله :(


وتسلمين ياقطريه يابنت بلادي
 
ياقلبي تذكريني بنفس وضعي
مو سفر زوجي تونا عرسان بعدنا
اقصد وضع الخوف واللله اني مثلك واكثر
 
أولا أخبرك بشيء هو أن لا يتعلق قلبك إلا بالله ، حبي زوجك محبة عادية ، ليست المحبة التي يشغلك طول اليوم لأن حب الله المحبة الشديدة راحة وحب غيره هذه النوع من المحبة هو عذاب
ألم تري أن الله يقول في سورة التوبة ( قل إن كان آباؤكم وأبناؤكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكم من الله ورسوله فتربصوا حتى يأتي الله بأمره )
وقال عن الانشغال بالأموال والأولاد ( ياأيها الذين آمنوا لا تلهكم أموالكم ولا أولادكم عن ذكر الله ومن يفعل ذلك فأولئك هم الخاسرون)وانظري في أي سورة ذكرت في سورة المنافقين
وأنت تقولين لا إله إلا الله ، ماذا تعني قلبك ؟الله: أصلها أله وقيل أن أصلها وله وهو شدة المحبة وشدة التعظيم يولد منك ذلا وانكسارا وتعلقا ، فعندما تقولين لا إله إلا الله يعني لا معبود بحق إلا الله فلا أحد يستحق المحبة التعلق به إلا الله .
طيب ماذا يحصل لو تعلق قلبك بغيره ، يقول الله تعالى (شهد الله أنه لا إله إلا هو والملائكة وأولو العلم قائما بالقسط )سورة آل عمران ، فالله يشهدك بالمواقف بأته لا أحد يستحق المحبة والتعلقق والتعظيم إلا هو
فترين هذا الزوج الذي تعلقت به يصرف نظره عنك وقد يكرهك وبدون سبب أو يتزوج عليك أو يطلقك وبأتفه الأسباب
وهذا الولد الذي تعلقت به صار عندما تزوج يفضل زوجته عليك أو ذلك الولد الذي تعلقت به يموت وهكذا أو هذا البيت الذي تعلقت به يحترق أو يصير شيء أو ذلك الثوب الذي متعلقة به تجدينه يتقطع وهكذا ...
وبعد أن يحصل لك كل هذا تعيشين في هم من فقد المتعلقات وقد تعيشين في صدمة في حياتك ..
فمن الأول افهمي الله وافهمي كيف يعاملنا الله وانزعي من قلبك التعلق بأي شيء وزيدي تعلقا بالله وحده فيزول الوحشة من قلبك وستشعرين بألأنس ، وقد تقولين كيف أتعلق بالله ؟؟؟ أقول لك حاولي معرفة أسماء الله ومعناه وكيف يعاملنا الله بأسمائه وهناك كتاب جميل اسمه الأسماء والصفات العلى للوهيبي أو كتاب فقه الأسماء والصفات لعبد الرزاق البدر أو كتاب النهج الأسمى للنجدي . وكل هذه الكتب تعلمك عن فهم كيف يعاملنا الله
وثم اقضي وقتك بقراءة الكتب النافعة وقراءة تفسير اقرآن مثل تفسير السعدي وهو رائع
وحافظي على الأذكار للصباح والمساء وشغلي لسانك بالاستغفار والتسبيح فالذي باله مشغول بالله ، يكون لسانه وقلبه كذلك ، أما الذي يشغل عقله ولسانه بغيره يرى المتاعب
وأخيرا أقول لك ، بعد أن تتعلقي بالله فقط سترين أن زوجك هو الذي يأتي خلفك من غير أن تطلبيه وهو يحبك لان المحبة هو من الله ومالك القلوب هو الله ، فهو الذي إذا أحببتيه أنزل محبته لأهل الأرض.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل