زوجة أخوي ؟؟؟؟؟

ا

احلا البشر

New member
إنضم
2009/12/05
المشاركات
380
السلام عليكم ورحمة الله وبركاته
انا مشكلتي مشكلة
وبدون مقدمات المشكلة زوجة اخوي
ببدأمن الأول تزوجها قبل سنتين
كان عادي مايحبها ونوى يطلقها بعد زواجة بسنة
والسبب مشاكلها تبي نعزله عن أهله واخوانه وحمولته كل يوم مسويه له مششششكلة
وهي تعرف انه يحب امي وخواتي موووت
ودايم يمدح فينا قدامها التربية والدين والعلم والجمال والطبخ
وااله ثم والله انا ماحنا راعيات مشاكل نبي الصلاح لاخوانا
ولا نبي بيوتهم تخرب
لدرجة ان امي الله يمد في عمرها مخليتنا ناخذ كلنا قروض عشانه
كل وحدة ورى الثانية
المشكلة مهو هنا
بعدسنتين من المشاكل في رمضان قبل اللي فات تمشكل معاها وقال شيلي عفشك ورمى شناطها عشان تعبيها ويوديها لاهلها بلا رجعة
ووداها اهلها في منطقة ثانيه
الحاصل بات عندها وجا بعد يومين سمن علا عسل وداها جدة وتقضت ورجعها لاهلها
وجابها تقضى للعيد مرة ثانية لين ليلة العيد خلاها عند اهلها
ومن هنا صار التغيير
كل يوم يزن على امي على واحد من عيالها فلان سوا حرمته سوت
واحد ورى الثاني وحنا غافلييين
ثم قدرت تخليه يستاجر بيت
وعادي المهم سعادتهم مع انها كانت في شقتها تجلس اسابيع ماتشوف اهلي
الا اذا طلعت مشوار تمر مرور الكرام

وقالت امي عادي نزورها ماعندنا مشكلة بس اهم شي كان شاغل امي اجار البيت عاطفه عليه
وقالت يالله ندق نبارك لهم ودقت اختي وانفلتت عليها لاتجوني بيتي يتعذركم انتم قلتو وقلتو وقلتو
مع العلم ان واحد من اخوانها كان متزوج اختي وطلبت الطلا ق قبل يطلعون برا عشان قضايا غزل ومعاكسات حريم
الحاصل قالت اخوي وش سوا
انتم اللي تغازلون انت وخواتكم وتسوون وتقولون
ومن هالكلام
وفي النهاية سكرت ا لسماعة ومن الصبح اخوي جاي ليش قلتو وقلتو
قلبت السالفة حاولت امي تفهمه ماقدررت ومن عقبها كل شهر يجي يسوي مشكله وهواش وصياح علينا ويروح الين
جا مرة وضرب وحدة من خواتي يقول تغازلين مدري وش هي موسوسه له
لدرجة ان كل خواني يااادوووب فكوه منها
واجمعو انه اكييد مسحور
لا ن اختها نفس اسلوبها مع زوجها
والحين هجر اهلي لا اتصال ولا زيارة ولااااشي
وكل شهر يجي يتها وش لنت تقولون وتقولون كذبة جديدة طبعا
وذا حاولو يقولون تكذب عليك قام يصيح كذابين ماقالت شي
والليله دقت علا واحد منخواني تقول انه مريض ويوم جاه اخوي الصغير لقاه متشنج ويصيح من بطنه ويقول كل منكم لي سنتسن ماخليتوني في حال كله منكم
وهي واقفة عنده تقول ليش تعلم الناس
وراحله ابوي لقاه في حاله لايعلم بها لا الله
يشق هدومه ومريض
والطامة الكبرى ابوي يقول كله منكم وش قلتوله
انتم اللي خليتوه يطلع من البيت
وامي تدعي وتحسب عليها
المشكلة هو ذحييين مريض لا حنا قادريين نوصل له منها هي واهلها لا ن اخوها عنده يروح عند قرايبنا ويكذب ويقول قالن وفعلن وسون ولا هو راضي يروح لشيوخ او نوديه
ماندري كيف نحل امره
ارجومن يستطيع النصح ان يرد
ورجاءا اللي بتقول يمكن مأذينها والله العلي العظييم ماصدر منا شي لها بس
ان الله سريع الحساب
وعفا على الاطالة
 
دايم اذا الاخ تغير وصار بصف الزوجة ينقال عنه مسحور ومربوط
عزيزتي
اتركوا اخوكم بالمره واقطعوه نهائي والحق لكم هو اللي يجيكم ويسأل عنكم وأنسوا رقمهم وعنوانهم هذا شيئ جدا عادي وطبيعي
الزوجه تقدر تقنع زوجها بشكل الاهل وهم اهله ولهمسنيين معها مايقدرون يقنعونه
سبحان الله
طنشوهم وانشاءالله راح تتلاشى جميع المشاكل
وان كنتوا عملتوا الخير له فإنتوا عملتوه لوجه الله مو عشانه وانشاءالله لكم الأجر من عنده لاتنتظرون مقابل من اخوكم ولا شكر
بارك الله فيك​
 
الاخت مناكير وردي
اشكرك على اسلوبك
واقول لك المشكلة مهي بسيطة زي منت متصورة
اخوي بالعربي يكره امي كره
تدرين انه يزور زوجة ابوي كل جمعة ويوديها لكل مكان
مع انه قبل سنه كان ناقد عليها لانها منكككدة على ابوي ودايم يقوم بصف امي اذا تهاوشت امع ابوي بسبب زوجته
يعني على العكيس تماما
كان يحب امي وكرهها
وكان يكره حرمة ابوي صار يحبها
الان له شهرين متصل على امي ولا كلمها
وامي ياعين تقول الله يرحمه
عدته مات
الله يرده الها يارب
 
الله يعينكم والله يفرج همكم ويرد اخووكي لكم........
 
اخوك اخطأ لما يمدحكم قدام زوجته حطي نفسك مكانها مو قهر
حتى ممكن يكون يقارن فيكم فيمدحكم ويسبها غبينه والله!!
اتركوهم وادعو الله يرد ولدكم لكم بدون مشاكل وخلي امك تدعي له
دعاء الوالدين مستجاب بإذن الله
اخوك ان كان مسحور الله يشفيه بس مااظن لانها لو بتفكر بالسحر فكرت فيه من زمان مو بعد سنتين!!!
لكن ربما عرفت المدخل الحقيقي لقلبه
خلي امك تتصل عليه تسأل عنه مصيره يحن لها
بس انتم خلاص لا عاد تتواصلون معاه ولا مع زوجته ان رجع لكم بكيفه الله يحييه ولا الشكوى لله..
 
انا لااحكم من طرف واحد
ودوركم الدعاء له وتحاولون تتقربوا لكم وماتخلونها تشيل عليه الام غير الاخوات والاخوان
طيب لو سحر وش دخله يحب زوجة ابوك ويكره امك هي قريبتها ولا خلته يحبها عند في امك لابد من محاسبة النفس
ووضع الاسباب
ليس تكذيب بما قلت لكن الدنيا مصائب ولعل احد يحطئ دون قصد
هدى الله الجميع
 
الله يفرج لكم ويفك كربتكم ويرده اليكم ردا جميلا
 
الله يلم شملكم الغلا ولا تحاتين كل شي بدايته غلط بتكون نهايته غلط وهي لو في يوم ظلمتكم وإغتابتكم الله بياخذ حقكم بالنسبة لأخوج إدعوله بالهداية وخلو أبوكم يزوره علشان تعرفون أخباره والله يرده لأمه لأني حاسه فيهاا
 
الله يعينكمم من جد اللي يسوي خير في هالدنيا يحصل شر..
 
لا حول ولا قوة الا بالله

الان طرف واحد تكلم انا ما اتهمكم ولا اتهمها
لكن ليش لما كان يخانقها وبيطلقها كان الامر عادي عندكم وبالعكس قلتي (وهنا بدأ التغيير) لما صار معها سمن على عسل
والله ثم والله ثم والله ما يطاوعني قلبي اقول ان اخوي تغير لما صار حليو مع زوجتة

النقطة الثانية اتركيهم في حالهم هم ناس كبار وفاهمين وبيقدرون يحلون مشاكلهم واكيد بيعالج نفسة يعني مثلا بيجلس يموت من الالم

النقطة الثااااااااااااااااااااااالثة أعظمها وأكبرها وأجلها قولكم مسحور
من اللي سحرة الاتهام هنا عظيم جدا اجارنا الله من الظلم والبهتان

قلت هذة الكلمات حتى تكون شاهدة لي اني نصحتك

فقد كثرت المشكلات والسبب واحد نسأل الله صلاح الدين والدنيا
 
اللي يسالون ليش نقول مسحور
لان خالها اصلا كان في البادية يعرفر للسحر
ويدع علاجه بالقران
 
خالها يدعي العلاج بالقران
وتم استدعائه والتحقيق معه قبل سنوات
ايضا نفس الظروف اللي مرينا فيها كل خواتها مرو فيه مع ازواجهم اول شي هواش معهم ثم يروضونهم ويمشون وراهم
نحن لا نتكلم من فراغ
هو كان شجاع وكريم وذو اخلاق
ومن فترة تغير للعكس
صار مايعزم احد ابدا
مايكلم اصحابه
يداوم ويتعب ويجي يشتغل في البيت يكنس ويرمي الزبالة ويفتح الباب ويعطيها راتبه اخر الشهر
هذا كله مهو تغيير؟؟؟؟؟
وبعد قبل يخرج للدوام يجهز الصينية والفناجيل عشان يكمل شغل بعد الدوام
زاذا جا قالت انا مانمت قعد مسك العيال عنها وهي اللي تنام مهو هو؟؟؟
حنا مانتكلم من فراغ
وغيره وغيره
والتغيير صار للعكس تماما؟؟؟؟
الله يعوضنا في اخونا
 
الله يعينكم ويرده لامك ويجبر قلبها ومااظن بيت يخلو من هالمشاكل والله ان زوجة اخوي الطيب قهرت امي حسبي الله عليها ومنعت اخوي يجيب عياله لامي مدة خمس سنوات وهو ساكن في الشارع اللي وراهم ورفضت تستقبل امي الين ماجابت لاخوي السكر وعمره خمس وثلاثين وصارت امي تتحسب عليها وتدعي انه ماعاد يجيها عيال وفعلا لها سبع سنوات تعالج الله يشفيها... والحمد لله اهم شي امي تشوف ولدها ويزورها كل يوم وامي خايفه على صحته وتقول خلها على راحتها اهم شي ان عيالك بخير وتشوف صورهم في جواله ..وارتحنا من المشاكل والقهر انتم لا تدققون وطنشوا وخلوا امك تدعي له بالشفاء وهي بتلقاها في عيالها والدنيا دواره الله يهديها
 
الرجال تصرفاته غريبة
مايخلي احد يناقشه ابدا
يصيح ويدافع عنها
وبعد ماكان يقول لامي انتي بليتيني فيها تغير
ويشوف الغلط بعينهويسكت ويدافع عنها ويحلف وهوسامعه انها ماقالت شي
ويقول انا سمعت باذني حتى لو كان موموجود
ياحسرة امي عليه والله انه مسوي لنا ازززمه كل شهر نتعب منه ونقعد شهر نتحسب وندعي عليها الين الشهر اللي بعده تجيب مشكله جديدة الله ينصرنا عليها نصر عزيز مقتدر اللهم رد كيدها الى نحرها
 
اخوكم غلطان هو سبب كره زوجته لكم من مدحه لكن وحبه والزوجة تغار ولاتحب المقارنه واتوقع ذلك سبب لها مرض نفس فصارت تبغاه لها وبس
 
الحمد اللذي عافانا مما ابتلاهم


والله بعض الحريم شاطره ومشتغله بالكيد اللي الله حطه بالانثى واستغلته بالافساد بين الزوج واهله باعتقادها انها بكذا


تملك الزوج لها وحدها واذا خربت علاقتها انها خلاااااااااااص بترتاح ويصير لها وحده ونست ان الله يمهل ولايهمل وان الله لايصلح عمل المفسدين

قصتكم مع زوجه ولدكم مرت علي بختلاف التفاصيل بس الشي المشترك ان زوجها انعزل عن الاسره واصبح وحيد الله يصلح حالهم ويعافيهم ولايبتلينا


يازوجات الابناء ويااخوات الزوج ترى الدنيا قصيره وكما تدين تدان ومن زرع حصد ان خير فخير وان شر فشر
 
الله يكون في عونكم
حاولي فاخوانك او ابوك يغصبونه يروح لشيخ يقرأ عليه
الله يرده لكم مثل اول وافضل ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل