زوجات الجنوبي الغربي تكفوون ادخلو ربي يسعدكم

  • بادئ الموضوع بادئ الموضوع متحرية
  • تاريخ البدء تاريخ البدء
م

متحرية

New member
إنضم
2009/06/11
المشاركات
50
يابنات
انا زوجي جنوبي غربي

ولاحظت انه اذا رحت عند اهلي زيارة مايدق ولا يسأل عني ولا برساله

لو اقعد شهر إلا اذا انا دقيت وسألت عنه!!!

مع ان لي 4 شهور متزوجه وعمري 21

واللحين بيننا مشكله كبيرة وانا عند اهلي ولا دق علي ولا سأل عني !!!

ومشكلتي هي
احسست من الشهر الثاني بان زوجي يكلم فتاة اخرى خاصة بعد وجود رسائل في ايميله.. وواجهته بذلك وقد حذرته مرار من الخيانه واني لن اسامحه

وانه بامكانه ان يعيدني لاهلي اذا كان لا يريدني!!

لكنه انكر ..ودائما يكرر انه يحبني ولا يمكن ان يستغني عني

وانه لا علاقه له بمثل هذة الامور


هو حنون وطيب معي ويلبي طلباتي .. لكن لاحظت انه لا يكلمني او يرسل علي عندما اكون عند اهلي اي بعيدة عنه !!

الا اذا ارسلت عليه يتصل علي .. ويتكلم معي عااادي ويسولف!!


طبعا انا في هالحاله كل بعد فترة ابادر بالاتصال


المهم.. تعبت في الفترة الاخيرة بسبب الوحام وذهبت لاهلي ولاحظت انه ابتعد عني وجواله مشغول


صارحت اخي الاكبر بمشاعري وشكوكي .. وقال ولا يهمك انا اكشفه لك


وهنا كانت المصيبه!!!

استطاع اخي عن طريق فواتيرة ان يكتشف انه يكلم فتاه بالساعات وانا ما يسال عني !!!!

(حسبي الله عليه )


وعلى مايبدو انها صديقه له قبل الزواج يكلمها ويخرج معها للحرام..

والظاهر هي من حاولت الاتصال به ليعود اليها وطبعا هو ماصدق على الله



انا ما اعتقد زوجي يحبني وإلا ليش سوى كذا وانا عروسه وحاااااااامل ؟؟؟

مع اني بشهادته يقول ماناقصك شي ؟؟


لا .. والقهر دايم يسب الخونه قدامي والبنات الوسخات ويحذرني منهم


انا ارسلت له رساله اعلمه اني كشفته فيها .. ومن يومها يدق علي في اليوم مرة وحدة بس

وانا ما ارد

بناء على اوامر امي واخوي


بالله عليكم دلوني هو يحبني ولا يستغفلني ويتلاعب بمشاعري مع اني طيبه وحنونه معه ويدري اني احبه ومتاكد بعد !!!



بعدها بأسبوع(اللي هو امس)


زارنا .. وطلب امي

وواجهته امي لكنه انكر كل شي واعتذر بأعذار غير مقبوله

وقال انه سيتفاهم معي

لكنه من خرج من بيتنا لم يتصل علي ولا سأل عني

مع ان لي اسبوعين عنه !!!!


واخيرا

ارسلت له رساله اليوم العصر اطلب منه الطلاق

لانه واضح جدا انه لايريدني !!!


وطنشني ولا رد علي؟؟؟؟


تكفووووووون

وش رايكم


يستاهل ازعل عليه او لا ؟؟؟


(حسبي الله ونعم الوكيل )
 
يابنات اجبروا بخاطري

وربي اني بهم ما يعلمه غير ربي

افيدوني
 
حبيبتي.... الجنوبي الغربي ما تفيد معاه المواجهة والشدة ابدا ابدا....

تقربي منه حتى لو كنت مجروحه.... دلليه وعطيه كلام حلو واهتمام..... صدقيني بتنسينه الثانية...

هذه هي الطريقة الوحيدة مع الجنوبي....

لا تنسين اللبس والحركات حتى لو كنت حامل.............

الله يسعدك
 
هدوء هدوء يا قمر
ادري مصابك جلل
ادري انك مقهورة
ولا احد يلومك

لكن فكري بنفسك
والي في بطنك
واهم نقطة لا زم تعرفينها ........... زوجك ما خانك لنقص فيك
زي ما قلتي على علاقه من قبل الزواج
واكبر خطأ انتي سويتيه .......... جلستك في بيت اهلك

والخطأ الثاني ........ انك دخلتي اهلك بالسالفة ........ وخليتي امك تواجهه في موضوع حساس زي هذا

والخطأ الثالث......... انك استسلمتي بهالسهوووووووووولة وطلبتي الطلاق ....... اربع شهورمن معرفتك لهالشخص مو كفيلة انك تصفينه بانه سيئ

انتي ايش سويتي غير انك فضحتي الرجال
ادري الي سواها خطأ
لكنك زدتي الخطأ بخطأ اكبر منه

ردة فعلك في الاتجاه المعاااااااااكس لمصلحتك وبقوووة

استعيذي بالله من الشيطان الرجيم
ردي علي وتفاهمي معاه بكل هدوء
اسمعي منه
انتي ما سمتعتي منه شي
احتويه ........ صح غلطان ......... لكن احتويه شوفي ايش بقول


سامحيه وعطيه فرصة ثانية ........ وخليه يوعدك
واطلبي من اهلك ماعاد يتدخلون في هالموضوع مرة ثانية

انتي قادرة بتدبير امورك ........ حتى لو سنك صغير

ولمن ترجعيله بحول الله
ابدأي معاه رحلة التغيير ........ اقرأي عن الجنوبي الغربي
اقرأي ملف الجنوبي الغربي لزمان الوصل
واميرة الجنوبي للعضوة شغف
اقرأي وافهمي وطبقي
اما
 
غلطك انك زعلتي ورحتي عند اهلك ودخلتي اهلك بالسالفه انتي بكره بتنسين اللي سواه لكن اهلك مراح ينسون
ارسلي له رساله وقولي فيها انك محتاجه تشوفينه وباسرع وقت عشان البيبي اللي ببطنك واذا اتصل كلميه عادي وسوي نفسك تعبانه مره من نفسيتك وانك محتاجته يوقف معك
واذا جاء خليك مرتبه والبسي لبس حلو واجلسي معاه لوحدك وقولي له انك تعبتي ورحتي للمستوصف وصار عندك انخفاض في الضغط من كثر التفكير وقولي ان الدكتوره هاوشتك وقالت لك لازم تهتمين في نفسك وتاكلين وما تفكرين كثير عشان البيبي ما يطلع تعبان ومريض
وبعدين اجلسي ابكي وقولي له انك تحبينه وما تستغنين عنه وانك فرحانه عشانك حامل منه وقولي انك ما تبين احد ياخذه منك وقولي انت زوجي وانت ابو اللي ببطني ابيك لي لحالي ارحمني خلني اعيش بسلام وبهدوء واوعديه انك راح تسعدينه وتسوين كل شي يريحه بس يترك البنت هذي وغيرها وقولي انك مستعده تنسين اللي سواه عشان حبك له وعشان البيبي وقولي له انك ماكان عندك نيه تقولين لاهلك بس هم شافوك وانتي تبيكين وعرفوا
وقولي يله خلنا نفتح صفحه جديده واترك البنت وقولي اذا ما يقدر يقول لها تبتعد عنه قولي له انك مستعده تكلمينها وتطلبين منها ان تترك زوجك واذا وافق كلميها بهدوء ووضحي لها انو عيب عليها تكلم زوجك وتاخذه منك وقولي لها انك راح تدعين عليها اذا ما تركته واذا رفض انك تكلمينها خليه يغير رقم جواله ويتركها وانتي ارجعي لزوجك ودلعيه وعطيه من الكلام والبسي واكشخي ولا تصيرين شكاكه ونسيه هالبنت بالمره واتوقع انه مايحبها بس تعود على انو يكلمها وصدقيني تقدرين تسحبينه بطريقتك ولا تسالينه بعد كذا عنها مثلا تقولين هاه عساك تركتها او شي لا انتي دلعيه وجذبيه لك بدلعك وكامك وهو مع الايام بيتركها
وبكره البيبي بينسيه الدنيا كلها
 
ليش قلتي لاهلك؟؟؟؟؟؟؟؟؟؟؟كان حليتي مشكلتك بنفسك حبيبتي الجنوبي الغربي ياثر فيله الكلام الحلو والدلع هذا غير الي في بطنك كذا طحيتيه من عين اهلك؟انتي تدلعينه وتعودينه ع اسلوبك وحنا نساعدك بس كذا خربتي كل شي
 
اللهم فرج كربي
ولا حول ولا قوة إلا بالله

اسألكم بالله ادعو لي
 
اللهم في هذا الساعة ان يفرج همك وينور قبلك ويهدى زوجك صلى ا خر لليل ودعاء هو خير سلاح كلنا كذا الرجال خاينين والله اتذكر مقالة قالتها جدتي الله يرحمها الرجل غدار زي البحر الغدار و الزوجة الفاهمه اللي تحفظ زوجها
 
صح كلام البنات ارجعي وحاول تنسينه البنت واذا انتي بعد نسيتي الموضوع بتقدرين تسيطرين على نفسك وتنسينه والبنت اذا ما تركت زوجك حاولي توصلين لأهلها وافضحيها عندهم خليهم هم بعد يمنعون بنتهم وبكذا يساعدونك وحاولي تلمين الموضوع ولا تفضحين زوجك اكثر من كذا وبالنسبه لأهلك فضفضي لهم وخوذي شورهم وخليهم يساعدونك بس لا تدخلينهم بينك وبين زوجك ولا تخلينهم يكلمونه علشان ما يكرهون بعض...
والله يوفقك ويكون في عونك يااااااااااارب
 
ونسيت اقولك ترا البعيد عن العين بعين عن القلب.... خليك قدام عين زوجك واشغليه معاك في حملك المستشفى والسوق واغراض البيبي خوذي كل وقته لك علشان ما يلقى وقت يفكر فيها وانشاء الله اذا جا البيبي بيتغير كل شي صدقيني زوجك جديد على الزواج والمسؤوليه بس شوي شوي يتعود
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل