زواج زوجي
خاص بسولي:
?قصة المساء?
??زواج زوجي??
?بقلم / رنا البارودي
اول شي انا مالي ضد التعدد او معومنة اصلا لا انا ولاغيري بيتطلعنا نعطي رأينا بتشريع الله شرعه
أكيد ربنا أعرف بخلقه وربنا ماشرع شي غير لرقي المجتمع وحمايته
بس انا هون عم ناقش حالة
حالة وحدة مابتتعم على كل الحالات بس يلي بقصدوا هون
عن الزوجات يلي تاركة الواقع وعايشه بعالم تاني وبدل ماتشتغل لتحسن حياتها قاعدة عم تندب حظها وتطلع غضبها بكل يلي حوليها لانها تخيلاتها عن الحياة واحلامها ماعم تتحقق
?نبدا بقصتنا
كان يوم خميس وقت دقت علي جارتي امل
كيفك نور شو عم تعملي
نور :اخ شو بدي اعمل يعني ؟
امل :شوفي شبك
نور :لك مبارح مهند بالمسلسل بيهدي مرته نور سيارة زهر ملفوفة بشريطه وعليها عقدة وبتنط عليه وبتقلوا حبيبي هي قلي
وانا المنظوم تبعي بيجي لعندي وين قميصي الاسود كويتلي الطقم شغلتي الحمام
ااخ ااخ بس بدي افهم شو جاب مهند تبع المسلسل لمهند تبعي ااخ بس
امل :لك روحي حاجة جدبة بقا
اذا انتي وجوزك اسمكن نور ومهند يعني لازم تكونوا متل تبعات المسلسل
نور : لك مو ضروري متلهن بس يبللي قلبي بشي مفاجأة بشي وردة حمرا على مخدتي
لك ياستي يصبلي فنجان قهوة ومايصب لالوا ويطنشي
امل : ااااخ خواصري والله فرطتيني ضحك
نور : اضحكي اضحكي بس بدي افهم حماتي وقت سمتو مهند شو كان جاية ببالها كان لازم تسميه قاعود ،،،،معتز ....مو مهند
امل :ههههه لك حاجتك بقا ووينو هلاء جوزك
نور :ضب شنتايتو قال مسافر رحلة على البحر مع رفقاته بيرجع السبت ان شاء الله
امل :طيب منيح تعي روحي معي اليوم عندي عرس رفيقتي وجوزي مارضي روح لحالي تعي بنروح سوا وبنحط الولاد عند بنتي لبين مانرجع كلها ساعتين زمن
نور :ايه والله خليني غير جو ماشي على انو ساعة
امل :الساعة تمانة كوني جاهزة
نور :اوكيه
بكل الاحوال مو حاسي فيني ولا سأل عني
رحنا على العرس وكنا مبسوطيين كتير والعرس كان مبين فخم ومتعوب عليه وقت فاتت العروس ضحكت امل وقالتلي شفتي هي رفيقتي الاء
نور :ماشاء الله حلوة بس مبنية كبيرة مو هيك
امل :ايه هي قدي من وقت كنا صغار تقول مابتاخد غير واحد غني والهيئة صبرت ونالت
نور :ليش مين اتجوزت
امل :والله مابعرف علمي علمك انا دريت من رفقاتي انها انخطبت ومالقيتها غير من اسبوع جاية لعندي وجايبتلي كرت عرسها بس ماقالتلي شي عن العريس حتى مو حاطة اسمو على الكرت من خوفها عليه ?
نور :ههههه ياستي الله يهنيها بتعرفي حتى مو مبين حدا من أهل العريس بالصالة كمان
امل :عن جد هيك ملاحظة
بس المفاجئة وقت فات العريس
امل تتطلع فيني وانا جمدت بأرضي شفتو ماسك ايدها وباسها من راسها شدها لعندو وماشي معها وقت وصلوا عل البيست امل صارت تشدني وتقلي قومي خلينا نمشي نترتلها ايدها وقلتلها عدي بدنا نكمل العرس
حطيت نضارتي على عيوني حتى ماتفضحني بكوتي وصرت اتطلع عليه كيف عامل عريس ومبسوط وعم يخفف دم
وهي عم تتمايل عليه وتتغنجلوا وهو دايب ومو مصدق حاله
كان كلام العالم عم يرن باداني رن يالله مااحلاهن
وامل كل شوي تتطلع علي واتلبكت ياحرام وتترجاني نروح
وانا مااقبل بدي شوف كل شي بعيني لك
?هادا جوزي
جوزي العريس
خلص العرس وامشيت بعد ماشفت كل شي بعيني وهو من كتر مو مبسوط مو شايف قدامو غيرها
كل الطريق وانا ساكته وامل مو عرفانة شو تعمل وملبكة اكتر مني وقت وصلنا على بنةايتنا مسكت ايد امل وحلفتها بكل شي غالي على قلبها انو يلي صار الليلة ماحدا بيدرى فيه ولا حدا بيدرى انك بتعرفي العريس ولا اني عرفت
قالتلي متل مابدك بس شو بدك تساوي
قلتلها مابعرف
فتت على بيتي يلي حسيتو انهد فوق راسي
نيمت ولادي بتخوتهن
وانا حاسة الدنيا فتلت فيني
كيف هيك صار قعدت مع حالي
طيب ليش ماخبرني شو خايف مني ماهو من طول عمرو مابيعمل غير يلي براسه يعني اذا بدو يتجوز انا مارح اقدر وقف بوشه بس ليش خبى
هلاء انا بعرف انو هو مابيحبني من ست سنين ماسمعت منه كلمة حلوة مابتذكر دقلي تليفون غير ليسألني عن الطبخة او شو بدي غراض
هلاء هي الصراحة انا شو كنت متوقعة كنت قول كل الرجال هيك وعادي ورجالنا مابتعرف تحكي كلام حلو ومالها بالرومانسيه بنوب
بس يلي بشوفه اليوم بفكروا فلانتينو زمانو
بدي اعرف شو يلي بباله بدو يطلقني بس الولاد
هو بيحب الولاد كتير ومابظن يخليهن معي
قضيت يومين وانا بحالة هستيرية شوي ببكي وشوي بحكي وشوي بهدد وشوي اندب
نهار السبت بكير دقت علي امل واول مافتحتلها الباب عانقتني
امل :ياحبيبتي والله قلبي عليكي متل النار
مااسترجيت اجي مبارح مشان جوزي ما يشك
طمنيني نور كيفك شو ناوية تعملي
نور مابعرف عن جد مابعرف
هو المسا لازم يجي
بس بدي اعرف شي وانتي بدك تساعديني فيه
امل :ايه قليلي
نور بدي اعرف شو قايل عني لبيت حماه يعني معقول مو قايلهن انو متجوز وعندو ولدين بدي اعرف على انو اساس رضيوا يعطوه
امل هلاء يلي انا بعرفوا ا
نوا الاء من زمان رفضت شباب كتير لانو بدها شب كامل مكمل غني ودارس وحلو
واتأخرت بسن الزواج لهل السبب
نور :ايوه هي اجاها واحد متجوز وعندو ولاد المهم غني
ماشي بدي اعرف بدك تسأليلي حدا
امل: ولا يهمك هلاء بحاكي امها وبعمل حالي عم باركلها
وبستفسر منها امها كتير حبابة وماكانت ترضى عن فصول الاء مع العرسان
وبالفعل بعد شي ساعتين دقت امل لام الاء وصارت تباركلها و تاخد وتعطي معها
ام الاء :الله يبارك فيكي حبيبتي وعقبال ولادك يارب
امل :الله يسلمك يارب بس من جد الاء صبرت ونالت هيئتو الرجال غني واحواله منيحة
ام الاء: ايه الله يهدي بالها بس
امل خالة بس مبارح المعازيم صاروا يقولوا انو متجوز وعندو ولدين
ام الاء :تلبكت ايه بس
قال بدو يطلقها لمرتو مو متفاهم معها
امل :ايوه يعني مرتو مابتعرف
ام الاء هو قال فترة وبيقلها ليزبط اموره واذا طلبت الطلاق بدو ياخد الولاد ويطلقها
انا معت قدرت اسمع هيك مخطط يعني مظبوط هو مابحبني ومو سائل عني ومفكر ياخد ولادي
هيك يامهند هيك بدك تعمل فيني يعني انت مارح تخسر شي بتتجوز وبتاخد الولاد وبتتركني او بتلحشني انا من حياتك بس والله لفرجيك
امل اجت لعندي خلص انتي اهدي ولا تتسرعي بقرارك مشان ولادك مايربوا عند خالة مرت اب
تركتني امل وراحت وانا عم فكر وابكي كيف بدي انتقم منه لازم خليه يدفع التمن غالي غالي كتير
ماشي يامهند انت مابتحبني بس رح فرجيك شلون تركض وراي وبس تتعلق فيني انا يلي رح اتركك انا يلي رح خليك تندم
وحطيت ببالي خطة وصار لازم يرجع لبلش فيها
اول مااجى ماقدرت قابلوا على انو شي عادي اعصابي ماتحملتني عملت حالي عادي لااهلت فيه ولا كشيت فيه
بس انا عم افرد تيابه من الشنتة شفتهن ناقصين وهون اعرفت اني بواقع مر هو صار الو بيت تاني وصار ياخد غراضوا عليه
فلتت اعصابي مني وصرت ابكي واشهق فتح علي باب الغرفة لقى دموعي على خدي وصوتي واصل لاخر البيت
مهند لك شبك لك ليش هيك صوتك طالع شو في
انا اتلبكت ببالي خطة مالازم حسسوا بشي
نور :لا مافي شي بس انهرست اصبعتي بباب الخزانة
مهند: عن جد وبدها كل هل القد قومي غسليها بمي باردة
ضل تلت ايام يتأخر بالرجعة على البيت على أساس عندو شغل
وانا عاملة حالي غشيمة ومو دريانة وماسكة اعصابي علي الاخر
باليوم الرابع قلي لاتستنيي رح اتاخر اليوم طالع مع الشباب على القهوة
نور :يعني اديش بدك تتأخر ماكل القهاوي بالدنيا بتسكر على 12 بالليل وانت لايمتى سهرتك
مهند: وهو متلبك بدنا نكمل السهرة عند واحد من الشباب بدنا نحضر مباراة
نور:ايوه بس انا عم خاف وقت عم تتأخر
مهند :ههههه ضحكتيني ايه والله بتخوفي بلد
وتركني ومشي
هون اتأكدت انو شايفني ضبعة او غولة حتى بخوف بلد ومو حاسس اني انثى رقيقققققة
وهون صار لازم يلي ببالي
على الساعة وحدة دقيتلوا مارد
رجعت دقيت رد علي ايه شو بدك ماقلتلك نامي ولاتستنيني
نور :مهند مشان الله مو انت يلي على الباب
مهند :لا انا عند رفيقي ليش شوفي
وهون بقا انا على اساس عم ارجف وابكي
مهند مشان الله في خرخشة على الباب وكأنو في حدا عم يحاول يفتحه
مهند بين اتأثر بحكي طيب انتي فوتي على غرفة الولاد واقفلي الباب عليكي وانا عشر دقايق وبصير عندك
انا ومصدقة المشهد وعم ابكي بصوت واطي الله يوفقك لاتطول ايه
رحت على غرفة الولاد وقفلت الباب وكنت متفقة مع امل بس رنلها
بتقول قدام جوزها انها سامعة صوت خرخشة برات البيت
هو قلها مالي سمعان شي ورجع نام
وانا كنت مجرحة شوي ناحية القفل من برا حتى يصدق وقت يرجع
المهم ماطبقوا العشر دقايق وغير اسمعت باب البيت انفتح اسمعت صوت مهند عم يناديلي اجى على غرفة النوم دق الباب صرت قلوا انت مهند يقلي افتحي
فتحت الباب ونطيت بحضنو واتمسكت بقميصو وقلوا كتير كنت خايفة وهو حضني وصار يهديني على فكرة هي اول مرة بحس انو حضنو كل هل القد دافي
قلي يلا تعي نامي وبكرا بنشوف شو القصة مسكتوا ومارضيت فلتوا وطول الليل مدحوشة فيه وعاملة حالي اني عم اغفل وانأز على اساس من خوفي وهو يعانقني ويهديني وشوي يلحمسلي على شعري وشوي يسمي علي
المشكلة بالضحكة يلي جواتي كيف بدي خبيها
تاني نهار سأل جارنا اذا حس على شي
جوز امل قلوا والله مرتي قالتلي انها سمعانة صوت بس ماصدقتها
هون مهند فاتت ببالوا القصة وصدقو
وصار يجي على البيت بكير وانا هون صار دور الخطة (باء )
صرت حسسوا انو هو الفارس يلي اجى واتقذني واول مايفوت على البيت احضنوا وبوسه وطول مالنا قاعدين طلع عليه بنظرات حب وامتنان
هو يضحك وكأنو يخجل مني ويقلي ليش هيك عم تتطلعي فيني
ابتسملوا وقلوا بحبك
يبتسم وتضل الابتسامة مرسومة على وجه كأنو عم يفكر بكلامي
قلتلوا بدي انزل جيب بجامات للولاد واخدت منو مصاري
وبالفعل رحت جبت لابني بجامة حلوة وجبت الي ولبنتي افرول متل شكل بعض
والبسناهن تاني يوم وانا ربطت شعري دنبين وحطيت عدسات
وجبت منطفلة عل شكل قطة ناعمة وهيك كان الل
وك بيرفكت
وقت اجى المسا ركضنا عليه وسلمنا عليه وانا عم ابتسملوا رحت لحط العشا واخدت معي بنتي وبماانو مطبخي امريكي فهو قاعد بالصالون وشايفنا شو عم نعمل حطيت غنية يلي ماخلفش بنات وصرت اترقوص انا وبنتي على الغنية وشوي نبوس بعض وشوي نتغمى لبعض وهو عين عل الاخبار وعين علينا هههههه
المهم بس خلصنا العشا قعدنا كلنا
غمزني قلي قومي نيمي الولاد حاجتهن سهر .
قلتلوا بس هنن مبسوطين معك صرلك زمان ماقعدت معنا
مهند :لا هلاء حصير اسهر معكن
قومي نيمهن هلاء
اخدت الولاد على تختهن ورجعت لعندو مسكتو من ايدوا قلتلوا اوم عود معنا واسماع الحكاية وبالفعل قعد جنب الولاد على التخت وانا بلشت بالحكاية يلي عم تحكي عن الاميرة يلي انقذها الفارس على الحصان الابيض من التنين الشرير وقت سألتني بنتي عن الفارس مين بيشبه اتطلعت بجوزي وقلتلها بيشبه بابا
يالله شو حسيتو انبسط يمكن مو بس نحنا بندور على الكلام الحلو وهنن كمان بيحبو الكلمة الحلوة
وقت خلصت الحكاية صار مهند يسأل الولاد ميرا نمتي محمد نمت شو بابا مابدكن حكاية تانية
اتطلع فيني هههه نامو وقام حملني وقلي صار دور حكايتك ياقطة ?
انا كنت متفقة مع امل تجبلي طاولة زهر تتعلم من جوزها وتعلمني لأني بعرف مهند بيحب يلعب فيها وبالفعل هيك صار
جبتلوا الطاولة بالسهرة وقلتلوا تعا لعبني
اتضحك وقلي روحي من هون مالي خلق
نور :ايه قول خايف تخسر قدامي
مهند :ليش من ايمتى بتعرفي تلعبي
قلتلوا من اليوم
وعن جد لعبتوا وغلبني
وكتير انبسطنا واتسلينا
وانا بهل الفترة كنت كابة كل قمصان النوم الستاتية يلي كنت البسها لاني عاطية لحالي حجة ولادي توم وصغار كل عمرهن 5 سنين بس يكبروا بصير بلبس وهاد الشي الغلط
صرت البس فساتين قصيرة مع كيلونات وجزمات وسشور شعري
كأني رايحة مشوار
ووقت يدقلي بالنهار ويقلي شو عم تساوي بطلت صرخ كأنو الي تار معو وقلوا عم ساوي البيت واركض بولادك ولحقلك طلباتك
لا صار يدقلي ويسألني شو عم تعملي
مرة قلوا مجهزة البانيو وحاطة فيه رغوة وفايتة اتحمم بنومة الولاد وشو يعجبه هل الحكي
ومرة قلوا عم سشور شعري
يقلي ليش مين جاية لعندك
اضحك وقلوا جوزي حبيبي
صرت في شغلات كتير تغيرت بينا يالله اديش شغلات صغيرة بتعمل فرق كبير
الصبح صرت حط قراءن بالبيت واشتغل بالبيت وطلبت منو يركبلي باب صغير المخصص لغرفة الولاد وهيك الولاد معت طلعوا من غرفتهن مع العابهن ويبحتولي ياهن بكل البيت
صرلت فيق الصبح وفيقوا معي وقلوا سمعت انو خير الازواج يلي بفيقوا بعض على الصلاة وعن جد انك تتعبدي ربك مع جوزك وحبيبك شعور مابينوصف
جوزي ضل كل خميس يروح ينام برات البيت بحجة السهر مع رفقاته ولأنو صار يخاف علينا كان يوديني لعند اهلوا نام عندهن والصبح نفطر سوا ونرجع عل بيتن
#RanaBaroudi
انا حسيتو صار يحبني هل الفترة يلي انا اتغيرت فبها اكتشفت رجال جديد رجال حنون وبيحب هو صعي ماجبلي معو ولامرة وردة حمرا بس صار يجبلي الشغلات يلي انا بحبها يلي كنت اطلبها منو اربع خمس مرات
صار يجيبها لحالو وصار يتذكر تفاصيل كنت مفكرتوا مابيعرفها عني
كان يجبلي شوكلاتات خصوصي غير اكلات ولادي ويقلي هدول قلك مع فنجان الكابتشينو تبعك حتى تضلي رايقة
انا ابتسملوا
ووقت يجي ويلاقيني نايمة صار يفيقني ويقلي قومي اسهري معي بدي شوفك
نور: لا نعسانة بدي نام
مهند :اومي حبيبتي حاحط القهوة عل نار مشان تصحصحي اومي بدك تعدي معي
مابتتخيلوا سغادتي بهل اللحظات
وصار يدقلي بقلب النهار اكتر من مرة ليتطمن علي ويحكي معي
بس المشكلة هو صار متجوز هو متجوز غيري ياريتني اكتشفت هل الشغلات من قبل
يوم الخميس قلي الشباب بدهن يطلعوا رحلة تانية جهزي كم غرض الك وللولاد ححطك عند اهلي لنهار السبت المسا بجي باخدك
عرفت انو بدو يقضي هل الوقت معها وانو هي مزعوجة من غيابه لأنو من فترة صرت شوفوا يحكي بالغرفة لحاله ويطلع معصب
واحيانا كتير يطفي جواله وقت يفوت على البيت
بس انا مارضيت روح عند بيت حماي وقلتلوا خلص بستناك بالبيت وبعد اصراري رضي
راح وراحت روحي معو
صرت ابكي يمكن انا يلي عملت بحالي هيك لو كنت دايرة بالي منيح على بيتي ماكنت وصلت لهون
صرت ابكي انا لوين بدي اوصل معقول نكمل هيك وكيف بدنا نكمل
انا مافيني قلوا طلقها ماهو تجوزها بشرع الله والبنت مالها ذنب هو يلي راح لعندها وهو يلي طلبها
مافيني اتعدى بخطيتها وخليها تتطلق بسببي
صرت ابكي والدنيا مسكرة بوجهي قلبي مو متحمل
مالي قدرانة كل مااتذكر كيف شفته معها وكيف هلاء هو معها بجي لجن
وكتر مابكيت قمت وقفت على سجادتي وصرت صلي واستفغر ربي انا يلي وصلت حالي
انا يلي كنت هاملة حياتي انا يلي كنت عم تابع المسلسلات وعيش احداثها بدل ماعيش حياتي
انا لو هل الساعات يلي كنت اتفرج فيهن خصصتهن لحياتي ولتحسينها كنت هلاء ملكة زماني
استغفر ربي وقلوا ياربي ارضيت بقضاءك انا رضيت ياربي اتقويني اقدر اتقبل واقعي الجديد
وانا عم ابكي وادعي ربي بيرن جوالي
بقطع صلاتي وبركض على الجوال بفكر انو مهند
بفتح المكالمة بنتبه انها رقم غريب
نور:الو مين ؟
الرقم :عفوا مو هدى
نور :لاء اخي غلطان وبسكر
كنت مفكرتو مهند عم يفكر فيني
رجع الرقم رن
فتحت المكالمة الو
الرقم عفوا لاني ازعجتك بهل الليل
نور :لا مو مشكلة بس هاد مو رقم هدى
الرقم : ايه انتبهت اني مخربط بس لفتني صوتك كأنك عم تبكي
حسيتك انسانة حساسة ومعذبة
صوتك قطعلي قلبي
نور : سكرت بوجه وفكرتو حدا عم يتسلى بهل الليل
رجع يدق ماردت عليه بس من كتر مارن طفت جوالها ونامت
يوم الجمعة بتجي امل لعند نور وبتقلها في شغلة بدي قلك عليها
نور شوفي ؟
امل :من فترة انا مراقبة حالات الواتس تبع الاء
بالاول كانت عن الحب والعطاء وغزل وجوزي حبيبى
بس من فترة متغيرة وصايرة كلها عن قلة الاهتمام وحزن وانها انغشيت بهل الناس ومن هل الحكي
قلت يمكن بهمك تعرفي
نور :لا بيهمني ولا شي
خلص انا رضيت بالواقع تبعي
انا رميت حملي على الله وانا من جوا منهارة
امل :عانقتني الله يصبر قلبك يارب
قضيت النهار مع ولادي واجت امي واختي لعندي يلي كل الفترة الماضية مالي محسستهن بشي
وقضينا النهار مع بعض واتأخرنا بالسهرة لدرجة وقت راحوا دغري نمت
فقت بكير ولقيت مهند قاعد على التخت قدامي وهو ماسك جوالي وعم يقلب فيه
نور :مهند شو اجيت بكير
مهند :ليش طافيه جوالك
ومين هاد يلي باعتلك كل هل الرسائل
نور :انو رسائل
فتحت الجوال لقيتها رسايل على الواتس من نفس الرقم يلي رنلي هديك الليلة
وكل كلام اكل هوا شي غزل وشي حب وشي اني حن عليه وحاجتي عذبوا يخرب بيتوا كان حيوقف قلبي وقت اتطلعت بعيون مهند يلي طالع منهن شرار
قلتلوا القصة انو الخميس بالليل رن هاد الرقم وبدو هدى وطلع مخربط
وبعدها دبقني على حب صوتي وبدو يتعرف علي مشان هيك طفيت الجوال ومبارح التهيت ونسيت شغلوا وهي انت هلاء فتحتوا وشغت شلون الرسايل ماكانت مقروءة وانت يلي قرأتها
مهند :هدي وطلع قلي قومي حطيلي فطور وتعي نفطر سوا
بالفعل قمت غسلت وجهي وظبطت حالي فطرنا سوا
رجع رن الرقم شافوا مهند عم يرن
قلي ردي قلتلوا انت حاكيه وبهدلوا
مهند فتح المكالمة بس مارد عليه
مهند قلي حأخد الموبايل معي بدي شوف مين هل قليل الادب
قلتلوا خدوا مالي شغل فيه اليوم
بالليل مهند جاية معصب
غير تيابه وراح من غير مايحكي ولا كلمة
رجع بعد نص ساعة قلي خدي الولاد عند الجارة وتعي
نور :ليش في شي
مهند: خلص ساوي يلي عم قلك عليه
حطيت الولاد عند امل وانا راجعة اتطلعت من شباك البناية مالقيت سيارة مهند غريب هو طلع بالسيارة وين حطها ياترى
وقت ارجعت
مهند انا متأكد انو صاحب الرقم رح يدق هلاء
بتفتحي اسبيكر وبتحكي معه عادي وشو ماقلك سايريه بدي افهم مين هاد
نور :ليش انت شاكك فيني
مهند :وهو معصب
لو شاكك فيكي مابخليكي عندي ولا لحظة فهمتي انا بدي افهم مين هاد يلي عم يرمي بلى بينا ومين يلي عم يلعب هي اللعبة الوسخة
ونحنا عم نحكي بيرن الموبايل قلي خدي هاد هو خليكي عادي واذا سألك عني انا مالي هون
ماشي اخدت الموبايل وانا مو فهمانة شي
نور :الو
الرقم : اهلا وسهلا جوزك رجعلك الجوال
نور: ايه انت مين
الرقم :هههه هلاء قليلي شو ساولك جوزك
نور :شوبدو يساويلي ليش
الرقم هههه عن جد معناها جوزك اجدب
نور :ليش هيك عم تحكي مابسمحلك انت مين وشو بدك مني
الرقم : انا اليوم حاكيت جوزك وقلتلوا اني عم اجي لعندك كل ماهو بغيب
والغبي بدل مايصدقني اجى على البيت عطاكي الجوال وراح
نور :شو عرفك انو رجع راح
الرقم شفتو وقت نزل بسيارتو
ليش مفكرتيني انا مابعرفك انا مراقبك من زمان انتي احلى انسانة شافتها عيني كلك رقة
وسحر
مابعرف شو بدك بجوزك الغبي يلي مو مقدر قيمتك
نور لك بس بقا انت واحد نوري وقليل ادب انا بحب جوزي وجوزي بيحبني ومابسمحلك تحكي هاد الحكي
الرقم لك حاجة بقا ماانتي متلوا غبية مفكرتيه عم يروح مع رفقاته وجوزك يامدام ....
هون كان مهند اخد الجوال وفاصل المكالمة
نور :ليش ماخليتو يكمل ؟
مهند :مارد حمل حاله وراح واخد الجوال معه ويوميتها مااجى على البيت لل 2 بالليل
ماحاولت احكي معو ابدا
وضل بعدها اسبوع وهو يطلع بكير ويرجع متأخر
كنت حاسستو مهموم وكأنو حامل جبال على كتافه
بعد اسبوع عطاني الجوال وقلي غيرتلك الرقم ومشي
فاتت لعندي امل عم تضحك ومبسوطة
امل لك تعي لقلك على خبر رح يوصلك للسما
نور :شوفي احكي
امل :جوزك طلق مرته
نور :عن جد شو عرفك
امل :والله هلاء شفتها كاتبه بهادل على الواتس
اتصلت برفيقتنا التانية وقالتلي انها تطلقت من يومين
وماحدا بيعرف ليش
نور :شلون هيك
وليش وشو دخل قصة الجوال بطلاقها انا لازم افهم بدك تعرفيلي شو السبب ببوس ايدك ياامل
امل والله اليوم لضل ورا القصة لأعرفلك شو السبب
امل حاولت تفهم شو الموضوع ماقدرت
قالتلي انا حروح لعندها وافهم منها باسلوبي
وبالفعل راحت لعندها ورجعتلي بالجواب الشافي
هي طمنت الاء انها ممكن تساعدها لتخلي جو
زها يرجعها لهيك حكتلها القصة وقالتلها انو اتغير عليها وصار يحب مرته القديمة ولغى فكرة طلاقها ومعت رضي يعلن زواجهن
لهيك هي اتفقت مع ابن خالتها يلي كان ساكن قريب علينا وعطتوا رقمي واتفقت معه تعطيه مصاري اذا بيخليني اتطلق بفضيحة
هي ماكانت بتعرف اني كنت ضل عند بيت حماي بغيابه مفكرة اني بضل بالبيت لهيك حبوا يشعلوا النار بيني وبين جوزي واني خاينة وانا مالي سائلة عن روحاته مشان افضى لعشيقي
يالله اديش ربنا كبير انا كنت خايفه الله فيها وهي بدها ترميني بشرفي قدام جوزي ولأنو جوزي كان واثق فيني ومافي اي سبب ليشك فيني ضل ورا الموضوع لعرف انو هاد الشب قرايبها وخلاها تعترف بالحقيقة طلقها وباع البيت
صار يجي على البيت مهموم ومايرضى يحكي مع حدا ويقعد بغرفته ماكنت عرفانة اذا هو زعلان عليها ولا خجلان من حاله ومن الموقف يلي كان حيحطني فيه
انا بالنسبة الو مابعرف شي
وبهل الفترة انا ماحاولت اتقرب منو ابدا لان في شي جواتي حسيتو انكسر من ناحه
ليوم اجت امل لعندي وسألتني كيف حياتنا انا وجوزي بعد مارجعلي
امل :عن جد عم تحكي
لك جوزك رجعلك رح تردي تضيعي من ايدك
نور خلص انا قلبي انكسر من ناحو وانا بدي اتطلق
امل اسمعوا عل حكي المجانين يلي عم تحكيه
جوزك رجعلك والله عطاكي فرصة جديدة معه لا تضيعيها
يمكن كلام امل مظبوط انا مالازم اخسروا مرة تانية
المسا فتح الباب لقى الاضاءة خفيفة وشمع وبوالين بالارض ركضت بنتي لعند ابوها لا بسة فستان وعطتوا كرت مكتوب عليه لاحق السهم يلي وصلوا لغرفتنا يلي كنت عم استناه فيها مع محمد وكنت مجهزة طاولة وتختنا مرسوم عليه بالورد اسمي واسمو
قرب علي وعيونو عم تلمع
مهند هادا كلو لالي
نور :والله اذا بدي استناك تعملي مفاجأت مارح تنعمل بالمرة لهيك قلت ببادر هل المرة
مهند صار يضحك من قلبو وضمني لصدروا وهو عم يقول الله يخليلي ياكي ومايحرمني منك
العبرة من القصة
لا تستني بيتك لينخرب لتركضي ترجعيه
حافظي على جوزك قبل مايطلع على غيرك ولا تنسي انو الرجال هو انسان بحاجة كلمة حلوة ومعاملة طيبة
نور بهي القصة كانت هاملة جوزها بعكس هبة بالقصة الماضية يلي كانت محاصرته بالاهتمام الزايد
والتنتين غلط
دينا دين الوسطيه واتذكري انو جوزك مو حياتك هو شريك حياتك
حياتك مع الله يلي بترضيه برضى جوزك وترباية ولادك
بدي اسأل سؤال بس وياريت الكل يفكر فيه
المسلسللت التركيه من وقت مافاتت على مجتمعاتنا شوقدمتلنا ؟؟؟؟؟؟
واديش مجتمعنا اتأذى منها ومن أفكارها !!!!!!!
وسؤال تاني يلي بتابع مسلسل تركي خمس اجزاء كل جزء 150 حلقة هدول كم ساعة من عمرك ولو خصصتي هل الساعات لشي مفيد اديش كانت تغيرت حياتك ؟؟؟؟؟؟
تمت...
???
بقلم #رنا بارودي.
❀❥━•━━━❥❀(«?») ❀❥━━━•
⊙? *خدمة مملكة
الانوثة للارشاد
الاسري ?⊙
*للأشتراك*? 00201126700285
__________________
? *نحلل النقل بشرط عدم ازالة توقيع الخدمة أو رقم الخدمة*?
? *يمنع الكتابة بالجروب نهائيا الجروب للقراءة فقططططططط*?
•━━━❥❀(«?») ❀❥━━━•
منقول للفائده
?قصة المساء?
??زواج زوجي??
?بقلم / رنا البارودي اول شي انا مالي ضد التعدد او معومنة اصلا لا انا ولاغيري بيتطلعنا نعطي رأينا بتشريع الله شرعه
أكيد ربنا أعرف بخلقه وربنا ماشرع شي غير لرقي المجتمع وحمايته
بس انا هون عم ناقش حالة
حالة وحدة مابتتعم على كل الحالات بس يلي بقصدوا هون
عن الزوجات يلي تاركة الواقع وعايشه بعالم تاني وبدل ماتشتغل لتحسن حياتها قاعدة عم تندب حظها وتطلع غضبها بكل يلي حوليها لانها تخيلاتها عن الحياة واحلامها ماعم تتحقق
?نبدا بقصتنا
كان يوم خميس وقت دقت علي جارتي امل
كيفك نور شو عم تعملي
نور :اخ شو بدي اعمل يعني ؟
امل :شوفي شبك
نور :لك مبارح مهند بالمسلسل بيهدي مرته نور سيارة زهر ملفوفة بشريطه وعليها عقدة وبتنط عليه وبتقلوا حبيبي هي قلي
وانا المنظوم تبعي بيجي لعندي وين قميصي الاسود كويتلي الطقم شغلتي الحمام
ااخ ااخ بس بدي افهم شو جاب مهند تبع المسلسل لمهند تبعي ااخ بس
امل :لك روحي حاجة جدبة بقا
اذا انتي وجوزك اسمكن نور ومهند يعني لازم تكونوا متل تبعات المسلسل
نور : لك مو ضروري متلهن بس يبللي قلبي بشي مفاجأة بشي وردة حمرا على مخدتي
لك ياستي يصبلي فنجان قهوة ومايصب لالوا ويطنشي
امل : ااااخ خواصري والله فرطتيني ضحك
نور : اضحكي اضحكي بس بدي افهم حماتي وقت سمتو مهند شو كان جاية ببالها كان لازم تسميه قاعود ،،،،معتز ....مو مهند
امل :ههههه لك حاجتك بقا ووينو هلاء جوزك
نور :ضب شنتايتو قال مسافر رحلة على البحر مع رفقاته بيرجع السبت ان شاء الله
امل :طيب منيح تعي روحي معي اليوم عندي عرس رفيقتي وجوزي مارضي روح لحالي تعي بنروح سوا وبنحط الولاد عند بنتي لبين مانرجع كلها ساعتين زمن
نور :ايه والله خليني غير جو ماشي على انو ساعة
امل :الساعة تمانة كوني جاهزة
نور :اوكيه
بكل الاحوال مو حاسي فيني ولا سأل عني
رحنا على العرس وكنا مبسوطيين كتير والعرس كان مبين فخم ومتعوب عليه وقت فاتت العروس ضحكت امل وقالتلي شفتي هي رفيقتي الاء
نور :ماشاء الله حلوة بس مبنية كبيرة مو هيك
امل :ايه هي قدي من وقت كنا صغار تقول مابتاخد غير واحد غني والهيئة صبرت ونالت
نور :ليش مين اتجوزت
امل :والله مابعرف علمي علمك انا دريت من رفقاتي انها انخطبت ومالقيتها غير من اسبوع جاية لعندي وجايبتلي كرت عرسها بس ماقالتلي شي عن العريس حتى مو حاطة اسمو على الكرت من خوفها عليه ?
نور :ههههه ياستي الله يهنيها بتعرفي حتى مو مبين حدا من أهل العريس بالصالة كمان
امل :عن جد هيك ملاحظة
بس المفاجئة وقت فات العريس
امل تتطلع فيني وانا جمدت بأرضي شفتو ماسك ايدها وباسها من راسها شدها لعندو وماشي معها وقت وصلوا عل البيست امل صارت تشدني وتقلي قومي خلينا نمشي نترتلها ايدها وقلتلها عدي بدنا نكمل العرس
حطيت نضارتي على عيوني حتى ماتفضحني بكوتي وصرت اتطلع عليه كيف عامل عريس ومبسوط وعم يخفف دم
وهي عم تتمايل عليه وتتغنجلوا وهو دايب ومو مصدق حاله
كان كلام العالم عم يرن باداني رن يالله مااحلاهن
وامل كل شوي تتطلع علي واتلبكت ياحرام وتترجاني نروح
وانا مااقبل بدي شوف كل شي بعيني لك
?هادا جوزي
جوزي العريس
خلص العرس وامشيت بعد ماشفت كل شي بعيني وهو من كتر مو مبسوط مو شايف قدامو غيرها
كل الطريق وانا ساكته وامل مو عرفانة شو تعمل وملبكة اكتر مني وقت وصلنا على بنةايتنا مسكت ايد امل وحلفتها بكل شي غالي على قلبها انو يلي صار الليلة ماحدا بيدرى فيه ولا حدا بيدرى انك بتعرفي العريس ولا اني عرفت
قالتلي متل مابدك بس شو بدك تساوي
قلتلها مابعرف
فتت على بيتي يلي حسيتو انهد فوق راسي
نيمت ولادي بتخوتهن
وانا حاسة الدنيا فتلت فيني
كيف هيك صار قعدت مع حالي
طيب ليش ماخبرني شو خايف مني ماهو من طول عمرو مابيعمل غير يلي براسه يعني اذا بدو يتجوز انا مارح اقدر وقف بوشه بس ليش خبى
هلاء انا بعرف انو هو مابيحبني من ست سنين ماسمعت منه كلمة حلوة مابتذكر دقلي تليفون غير ليسألني عن الطبخة او شو بدي غراض
هلاء هي الصراحة انا شو كنت متوقعة كنت قول كل الرجال هيك وعادي ورجالنا مابتعرف تحكي كلام حلو ومالها بالرومانسيه بنوب
بس يلي بشوفه اليوم بفكروا فلانتينو زمانو
بدي اعرف شو يلي بباله بدو يطلقني بس الولاد
هو بيحب الولاد كتير ومابظن يخليهن معي
قضيت يومين وانا بحالة هستيرية شوي ببكي وشوي بحكي وشوي بهدد وشوي اندب
نهار السبت بكير دقت علي امل واول مافتحتلها الباب عانقتني
امل :ياحبيبتي والله قلبي عليكي متل النار
مااسترجيت اجي مبارح مشان جوزي ما يشك
طمنيني نور كيفك شو ناوية تعملي
نور مابعرف عن جد مابعرف
هو المسا لازم يجي
بس بدي اعرف شي وانتي بدك تساعديني فيه
امل :ايه قليلي
نور بدي اعرف شو قايل عني لبيت حماه يعني معقول مو قايلهن انو متجوز وعندو ولدين بدي اعرف على انو اساس رضيوا يعطوه
امل هلاء يلي انا بعرفوا ا
نوا الاء من زمان رفضت شباب كتير لانو بدها شب كامل مكمل غني ودارس وحلو
واتأخرت بسن الزواج لهل السبب
نور :ايوه هي اجاها واحد متجوز وعندو ولاد المهم غني
ماشي بدي اعرف بدك تسأليلي حدا
امل: ولا يهمك هلاء بحاكي امها وبعمل حالي عم باركلها
وبستفسر منها امها كتير حبابة وماكانت ترضى عن فصول الاء مع العرسان
وبالفعل بعد شي ساعتين دقت امل لام الاء وصارت تباركلها و تاخد وتعطي معها
ام الاء :الله يبارك فيكي حبيبتي وعقبال ولادك يارب
امل :الله يسلمك يارب بس من جد الاء صبرت ونالت هيئتو الرجال غني واحواله منيحة
ام الاء: ايه الله يهدي بالها بس
امل خالة بس مبارح المعازيم صاروا يقولوا انو متجوز وعندو ولدين
ام الاء :تلبكت ايه بس
قال بدو يطلقها لمرتو مو متفاهم معها
امل :ايوه يعني مرتو مابتعرف
ام الاء هو قال فترة وبيقلها ليزبط اموره واذا طلبت الطلاق بدو ياخد الولاد ويطلقها
انا معت قدرت اسمع هيك مخطط يعني مظبوط هو مابحبني ومو سائل عني ومفكر ياخد ولادي
هيك يامهند هيك بدك تعمل فيني يعني انت مارح تخسر شي بتتجوز وبتاخد الولاد وبتتركني او بتلحشني انا من حياتك بس والله لفرجيك
امل اجت لعندي خلص انتي اهدي ولا تتسرعي بقرارك مشان ولادك مايربوا عند خالة مرت اب
تركتني امل وراحت وانا عم فكر وابكي كيف بدي انتقم منه لازم خليه يدفع التمن غالي غالي كتير
ماشي يامهند انت مابتحبني بس رح فرجيك شلون تركض وراي وبس تتعلق فيني انا يلي رح اتركك انا يلي رح خليك تندم
وحطيت ببالي خطة وصار لازم يرجع لبلش فيها
اول مااجى ماقدرت قابلوا على انو شي عادي اعصابي ماتحملتني عملت حالي عادي لااهلت فيه ولا كشيت فيه
بس انا عم افرد تيابه من الشنتة شفتهن ناقصين وهون اعرفت اني بواقع مر هو صار الو بيت تاني وصار ياخد غراضوا عليه
فلتت اعصابي مني وصرت ابكي واشهق فتح علي باب الغرفة لقى دموعي على خدي وصوتي واصل لاخر البيت
مهند لك شبك لك ليش هيك صوتك طالع شو في
انا اتلبكت ببالي خطة مالازم حسسوا بشي
نور :لا مافي شي بس انهرست اصبعتي بباب الخزانة
مهند: عن جد وبدها كل هل القد قومي غسليها بمي باردة
ضل تلت ايام يتأخر بالرجعة على البيت على أساس عندو شغل
وانا عاملة حالي غشيمة ومو دريانة وماسكة اعصابي علي الاخر
باليوم الرابع قلي لاتستنيي رح اتاخر اليوم طالع مع الشباب على القهوة
نور :يعني اديش بدك تتأخر ماكل القهاوي بالدنيا بتسكر على 12 بالليل وانت لايمتى سهرتك
مهند: وهو متلبك بدنا نكمل السهرة عند واحد من الشباب بدنا نحضر مباراة
نور:ايوه بس انا عم خاف وقت عم تتأخر
مهند :ههههه ضحكتيني ايه والله بتخوفي بلد
وتركني ومشي
هون اتأكدت انو شايفني ضبعة او غولة حتى بخوف بلد ومو حاسس اني انثى رقيقققققة
وهون صار لازم يلي ببالي
على الساعة وحدة دقيتلوا مارد
رجعت دقيت رد علي ايه شو بدك ماقلتلك نامي ولاتستنيني
نور :مهند مشان الله مو انت يلي على الباب
مهند :لا انا عند رفيقي ليش شوفي
وهون بقا انا على اساس عم ارجف وابكي
مهند مشان الله في خرخشة على الباب وكأنو في حدا عم يحاول يفتحه
مهند بين اتأثر بحكي طيب انتي فوتي على غرفة الولاد واقفلي الباب عليكي وانا عشر دقايق وبصير عندك
انا ومصدقة المشهد وعم ابكي بصوت واطي الله يوفقك لاتطول ايه
رحت على غرفة الولاد وقفلت الباب وكنت متفقة مع امل بس رنلها
بتقول قدام جوزها انها سامعة صوت خرخشة برات البيت
هو قلها مالي سمعان شي ورجع نام
وانا كنت مجرحة شوي ناحية القفل من برا حتى يصدق وقت يرجع
المهم ماطبقوا العشر دقايق وغير اسمعت باب البيت انفتح اسمعت صوت مهند عم يناديلي اجى على غرفة النوم دق الباب صرت قلوا انت مهند يقلي افتحي
فتحت الباب ونطيت بحضنو واتمسكت بقميصو وقلوا كتير كنت خايفة وهو حضني وصار يهديني على فكرة هي اول مرة بحس انو حضنو كل هل القد دافي
قلي يلا تعي نامي وبكرا بنشوف شو القصة مسكتوا ومارضيت فلتوا وطول الليل مدحوشة فيه وعاملة حالي اني عم اغفل وانأز على اساس من خوفي وهو يعانقني ويهديني وشوي يلحمسلي على شعري وشوي يسمي علي
المشكلة بالضحكة يلي جواتي كيف بدي خبيها
تاني نهار سأل جارنا اذا حس على شي
جوز امل قلوا والله مرتي قالتلي انها سمعانة صوت بس ماصدقتها
هون مهند فاتت ببالوا القصة وصدقو
وصار يجي على البيت بكير وانا هون صار دور الخطة (باء )
صرت حسسوا انو هو الفارس يلي اجى واتقذني واول مايفوت على البيت احضنوا وبوسه وطول مالنا قاعدين طلع عليه بنظرات حب وامتنان
هو يضحك وكأنو يخجل مني ويقلي ليش هيك عم تتطلعي فيني
ابتسملوا وقلوا بحبك
يبتسم وتضل الابتسامة مرسومة على وجه كأنو عم يفكر بكلامي
قلتلوا بدي انزل جيب بجامات للولاد واخدت منو مصاري
وبالفعل رحت جبت لابني بجامة حلوة وجبت الي ولبنتي افرول متل شكل بعض
والبسناهن تاني يوم وانا ربطت شعري دنبين وحطيت عدسات
وجبت منطفلة عل شكل قطة ناعمة وهيك كان الل
وك بيرفكت
وقت اجى المسا ركضنا عليه وسلمنا عليه وانا عم ابتسملوا رحت لحط العشا واخدت معي بنتي وبماانو مطبخي امريكي فهو قاعد بالصالون وشايفنا شو عم نعمل حطيت غنية يلي ماخلفش بنات وصرت اترقوص انا وبنتي على الغنية وشوي نبوس بعض وشوي نتغمى لبعض وهو عين عل الاخبار وعين علينا هههههه
المهم بس خلصنا العشا قعدنا كلنا
غمزني قلي قومي نيمي الولاد حاجتهن سهر .
قلتلوا بس هنن مبسوطين معك صرلك زمان ماقعدت معنا
مهند :لا هلاء حصير اسهر معكن
قومي نيمهن هلاء
اخدت الولاد على تختهن ورجعت لعندو مسكتو من ايدوا قلتلوا اوم عود معنا واسماع الحكاية وبالفعل قعد جنب الولاد على التخت وانا بلشت بالحكاية يلي عم تحكي عن الاميرة يلي انقذها الفارس على الحصان الابيض من التنين الشرير وقت سألتني بنتي عن الفارس مين بيشبه اتطلعت بجوزي وقلتلها بيشبه بابا
يالله شو حسيتو انبسط يمكن مو بس نحنا بندور على الكلام الحلو وهنن كمان بيحبو الكلمة الحلوة
وقت خلصت الحكاية صار مهند يسأل الولاد ميرا نمتي محمد نمت شو بابا مابدكن حكاية تانية
اتطلع فيني هههه نامو وقام حملني وقلي صار دور حكايتك ياقطة ?
انا كنت متفقة مع امل تجبلي طاولة زهر تتعلم من جوزها وتعلمني لأني بعرف مهند بيحب يلعب فيها وبالفعل هيك صار
جبتلوا الطاولة بالسهرة وقلتلوا تعا لعبني
اتضحك وقلي روحي من هون مالي خلق
نور :ايه قول خايف تخسر قدامي
مهند :ليش من ايمتى بتعرفي تلعبي
قلتلوا من اليوم
وعن جد لعبتوا وغلبني
وكتير انبسطنا واتسلينا
وانا بهل الفترة كنت كابة كل قمصان النوم الستاتية يلي كنت البسها لاني عاطية لحالي حجة ولادي توم وصغار كل عمرهن 5 سنين بس يكبروا بصير بلبس وهاد الشي الغلط
صرت البس فساتين قصيرة مع كيلونات وجزمات وسشور شعري
كأني رايحة مشوار
ووقت يدقلي بالنهار ويقلي شو عم تساوي بطلت صرخ كأنو الي تار معو وقلوا عم ساوي البيت واركض بولادك ولحقلك طلباتك
لا صار يدقلي ويسألني شو عم تعملي
مرة قلوا مجهزة البانيو وحاطة فيه رغوة وفايتة اتحمم بنومة الولاد وشو يعجبه هل الحكي
ومرة قلوا عم سشور شعري
يقلي ليش مين جاية لعندك
اضحك وقلوا جوزي حبيبي
صرت في شغلات كتير تغيرت بينا يالله اديش شغلات صغيرة بتعمل فرق كبير
الصبح صرت حط قراءن بالبيت واشتغل بالبيت وطلبت منو يركبلي باب صغير المخصص لغرفة الولاد وهيك الولاد معت طلعوا من غرفتهن مع العابهن ويبحتولي ياهن بكل البيت
صرلت فيق الصبح وفيقوا معي وقلوا سمعت انو خير الازواج يلي بفيقوا بعض على الصلاة وعن جد انك تتعبدي ربك مع جوزك وحبيبك شعور مابينوصف
جوزي ضل كل خميس يروح ينام برات البيت بحجة السهر مع رفقاته ولأنو صار يخاف علينا كان يوديني لعند اهلوا نام عندهن والصبح نفطر سوا ونرجع عل بيتن
#RanaBaroudi
انا حسيتو صار يحبني هل الفترة يلي انا اتغيرت فبها اكتشفت رجال جديد رجال حنون وبيحب هو صعي ماجبلي معو ولامرة وردة حمرا بس صار يجبلي الشغلات يلي انا بحبها يلي كنت اطلبها منو اربع خمس مرات
صار يجيبها لحالو وصار يتذكر تفاصيل كنت مفكرتوا مابيعرفها عني
كان يجبلي شوكلاتات خصوصي غير اكلات ولادي ويقلي هدول قلك مع فنجان الكابتشينو تبعك حتى تضلي رايقة
انا ابتسملوا
ووقت يجي ويلاقيني نايمة صار يفيقني ويقلي قومي اسهري معي بدي شوفك
نور: لا نعسانة بدي نام
مهند :اومي حبيبتي حاحط القهوة عل نار مشان تصحصحي اومي بدك تعدي معي
مابتتخيلوا سغادتي بهل اللحظات
وصار يدقلي بقلب النهار اكتر من مرة ليتطمن علي ويحكي معي
بس المشكلة هو صار متجوز هو متجوز غيري ياريتني اكتشفت هل الشغلات من قبل
يوم الخميس قلي الشباب بدهن يطلعوا رحلة تانية جهزي كم غرض الك وللولاد ححطك عند اهلي لنهار السبت المسا بجي باخدك
عرفت انو بدو يقضي هل الوقت معها وانو هي مزعوجة من غيابه لأنو من فترة صرت شوفوا يحكي بالغرفة لحاله ويطلع معصب
واحيانا كتير يطفي جواله وقت يفوت على البيت
بس انا مارضيت روح عند بيت حماي وقلتلوا خلص بستناك بالبيت وبعد اصراري رضي
راح وراحت روحي معو
صرت ابكي يمكن انا يلي عملت بحالي هيك لو كنت دايرة بالي منيح على بيتي ماكنت وصلت لهون
صرت ابكي انا لوين بدي اوصل معقول نكمل هيك وكيف بدنا نكمل
انا مافيني قلوا طلقها ماهو تجوزها بشرع الله والبنت مالها ذنب هو يلي راح لعندها وهو يلي طلبها
مافيني اتعدى بخطيتها وخليها تتطلق بسببي
صرت ابكي والدنيا مسكرة بوجهي قلبي مو متحمل
مالي قدرانة كل مااتذكر كيف شفته معها وكيف هلاء هو معها بجي لجن
وكتر مابكيت قمت وقفت على سجادتي وصرت صلي واستفغر ربي انا يلي وصلت حالي
انا يلي كنت هاملة حياتي انا يلي كنت عم تابع المسلسلات وعيش احداثها بدل ماعيش حياتي
انا لو هل الساعات يلي كنت اتفرج فيهن خصصتهن لحياتي ولتحسينها كنت هلاء ملكة زماني
استغفر ربي وقلوا ياربي ارضيت بقضاءك انا رضيت ياربي اتقويني اقدر اتقبل واقعي الجديد
وانا عم ابكي وادعي ربي بيرن جوالي
بقطع صلاتي وبركض على الجوال بفكر انو مهند
بفتح المكالمة بنتبه انها رقم غريب
نور:الو مين ؟
الرقم :عفوا مو هدى
نور :لاء اخي غلطان وبسكر
كنت مفكرتو مهند عم يفكر فيني
رجع الرقم رن
فتحت المكالمة الو
الرقم عفوا لاني ازعجتك بهل الليل
نور :لا مو مشكلة بس هاد مو رقم هدى
الرقم : ايه انتبهت اني مخربط بس لفتني صوتك كأنك عم تبكي
حسيتك انسانة حساسة ومعذبة
صوتك قطعلي قلبي
نور : سكرت بوجه وفكرتو حدا عم يتسلى بهل الليل
رجع يدق ماردت عليه بس من كتر مارن طفت جوالها ونامت
يوم الجمعة بتجي امل لعند نور وبتقلها في شغلة بدي قلك عليها
نور شوفي ؟
امل :من فترة انا مراقبة حالات الواتس تبع الاء
بالاول كانت عن الحب والعطاء وغزل وجوزي حبيبى
بس من فترة متغيرة وصايرة كلها عن قلة الاهتمام وحزن وانها انغشيت بهل الناس ومن هل الحكي
قلت يمكن بهمك تعرفي
نور :لا بيهمني ولا شي
خلص انا رضيت بالواقع تبعي
انا رميت حملي على الله وانا من جوا منهارة
امل :عانقتني الله يصبر قلبك يارب
قضيت النهار مع ولادي واجت امي واختي لعندي يلي كل الفترة الماضية مالي محسستهن بشي
وقضينا النهار مع بعض واتأخرنا بالسهرة لدرجة وقت راحوا دغري نمت
فقت بكير ولقيت مهند قاعد على التخت قدامي وهو ماسك جوالي وعم يقلب فيه
نور :مهند شو اجيت بكير
مهند :ليش طافيه جوالك
ومين هاد يلي باعتلك كل هل الرسائل
نور :انو رسائل
فتحت الجوال لقيتها رسايل على الواتس من نفس الرقم يلي رنلي هديك الليلة
وكل كلام اكل هوا شي غزل وشي حب وشي اني حن عليه وحاجتي عذبوا يخرب بيتوا كان حيوقف قلبي وقت اتطلعت بعيون مهند يلي طالع منهن شرار
قلتلوا القصة انو الخميس بالليل رن هاد الرقم وبدو هدى وطلع مخربط
وبعدها دبقني على حب صوتي وبدو يتعرف علي مشان هيك طفيت الجوال ومبارح التهيت ونسيت شغلوا وهي انت هلاء فتحتوا وشغت شلون الرسايل ماكانت مقروءة وانت يلي قرأتها
مهند :هدي وطلع قلي قومي حطيلي فطور وتعي نفطر سوا
بالفعل قمت غسلت وجهي وظبطت حالي فطرنا سوا
رجع رن الرقم شافوا مهند عم يرن
قلي ردي قلتلوا انت حاكيه وبهدلوا
مهند فتح المكالمة بس مارد عليه
مهند قلي حأخد الموبايل معي بدي شوف مين هل قليل الادب
قلتلوا خدوا مالي شغل فيه اليوم
بالليل مهند جاية معصب
غير تيابه وراح من غير مايحكي ولا كلمة
رجع بعد نص ساعة قلي خدي الولاد عند الجارة وتعي
نور :ليش في شي
مهند: خلص ساوي يلي عم قلك عليه
حطيت الولاد عند امل وانا راجعة اتطلعت من شباك البناية مالقيت سيارة مهند غريب هو طلع بالسيارة وين حطها ياترى
وقت ارجعت
مهند انا متأكد انو صاحب الرقم رح يدق هلاء
بتفتحي اسبيكر وبتحكي معه عادي وشو ماقلك سايريه بدي افهم مين هاد
نور :ليش انت شاكك فيني
مهند :وهو معصب
لو شاكك فيكي مابخليكي عندي ولا لحظة فهمتي انا بدي افهم مين هاد يلي عم يرمي بلى بينا ومين يلي عم يلعب هي اللعبة الوسخة
ونحنا عم نحكي بيرن الموبايل قلي خدي هاد هو خليكي عادي واذا سألك عني انا مالي هون
ماشي اخدت الموبايل وانا مو فهمانة شي
نور :الو
الرقم : اهلا وسهلا جوزك رجعلك الجوال
نور: ايه انت مين
الرقم :هههه هلاء قليلي شو ساولك جوزك
نور :شوبدو يساويلي ليش
الرقم هههه عن جد معناها جوزك اجدب
نور :ليش هيك عم تحكي مابسمحلك انت مين وشو بدك مني
الرقم : انا اليوم حاكيت جوزك وقلتلوا اني عم اجي لعندك كل ماهو بغيب
والغبي بدل مايصدقني اجى على البيت عطاكي الجوال وراح
نور :شو عرفك انو رجع راح
الرقم شفتو وقت نزل بسيارتو
ليش مفكرتيني انا مابعرفك انا مراقبك من زمان انتي احلى انسانة شافتها عيني كلك رقة
وسحر
مابعرف شو بدك بجوزك الغبي يلي مو مقدر قيمتك
نور لك بس بقا انت واحد نوري وقليل ادب انا بحب جوزي وجوزي بيحبني ومابسمحلك تحكي هاد الحكي
الرقم لك حاجة بقا ماانتي متلوا غبية مفكرتيه عم يروح مع رفقاته وجوزك يامدام ....
هون كان مهند اخد الجوال وفاصل المكالمة
نور :ليش ماخليتو يكمل ؟
مهند :مارد حمل حاله وراح واخد الجوال معه ويوميتها مااجى على البيت لل 2 بالليل
ماحاولت احكي معو ابدا
وضل بعدها اسبوع وهو يطلع بكير ويرجع متأخر
كنت حاسستو مهموم وكأنو حامل جبال على كتافه
بعد اسبوع عطاني الجوال وقلي غيرتلك الرقم ومشي
فاتت لعندي امل عم تضحك ومبسوطة
امل لك تعي لقلك على خبر رح يوصلك للسما
نور :شوفي احكي
امل :جوزك طلق مرته
نور :عن جد شو عرفك
امل :والله هلاء شفتها كاتبه بهادل على الواتس
اتصلت برفيقتنا التانية وقالتلي انها تطلقت من يومين
وماحدا بيعرف ليش
نور :شلون هيك
وليش وشو دخل قصة الجوال بطلاقها انا لازم افهم بدك تعرفيلي شو السبب ببوس ايدك ياامل
امل والله اليوم لضل ورا القصة لأعرفلك شو السبب
امل حاولت تفهم شو الموضوع ماقدرت
قالتلي انا حروح لعندها وافهم منها باسلوبي
وبالفعل راحت لعندها ورجعتلي بالجواب الشافي
هي طمنت الاء انها ممكن تساعدها لتخلي جو
زها يرجعها لهيك حكتلها القصة وقالتلها انو اتغير عليها وصار يحب مرته القديمة ولغى فكرة طلاقها ومعت رضي يعلن زواجهن
لهيك هي اتفقت مع ابن خالتها يلي كان ساكن قريب علينا وعطتوا رقمي واتفقت معه تعطيه مصاري اذا بيخليني اتطلق بفضيحة
هي ماكانت بتعرف اني كنت ضل عند بيت حماي بغيابه مفكرة اني بضل بالبيت لهيك حبوا يشعلوا النار بيني وبين جوزي واني خاينة وانا مالي سائلة عن روحاته مشان افضى لعشيقي
يالله اديش ربنا كبير انا كنت خايفه الله فيها وهي بدها ترميني بشرفي قدام جوزي ولأنو جوزي كان واثق فيني ومافي اي سبب ليشك فيني ضل ورا الموضوع لعرف انو هاد الشب قرايبها وخلاها تعترف بالحقيقة طلقها وباع البيت
صار يجي على البيت مهموم ومايرضى يحكي مع حدا ويقعد بغرفته ماكنت عرفانة اذا هو زعلان عليها ولا خجلان من حاله ومن الموقف يلي كان حيحطني فيه
انا بالنسبة الو مابعرف شي
وبهل الفترة انا ماحاولت اتقرب منو ابدا لان في شي جواتي حسيتو انكسر من ناحه
ليوم اجت امل لعندي وسألتني كيف حياتنا انا وجوزي بعد مارجعلي
امل :عن جد عم تحكي
لك جوزك رجعلك رح تردي تضيعي من ايدك
نور خلص انا قلبي انكسر من ناحو وانا بدي اتطلق
امل اسمعوا عل حكي المجانين يلي عم تحكيه
جوزك رجعلك والله عطاكي فرصة جديدة معه لا تضيعيها
يمكن كلام امل مظبوط انا مالازم اخسروا مرة تانية
المسا فتح الباب لقى الاضاءة خفيفة وشمع وبوالين بالارض ركضت بنتي لعند ابوها لا بسة فستان وعطتوا كرت مكتوب عليه لاحق السهم يلي وصلوا لغرفتنا يلي كنت عم استناه فيها مع محمد وكنت مجهزة طاولة وتختنا مرسوم عليه بالورد اسمي واسمو
قرب علي وعيونو عم تلمع
مهند هادا كلو لالي
نور :والله اذا بدي استناك تعملي مفاجأت مارح تنعمل بالمرة لهيك قلت ببادر هل المرة
مهند صار يضحك من قلبو وضمني لصدروا وهو عم يقول الله يخليلي ياكي ومايحرمني منك
العبرة من القصة
لا تستني بيتك لينخرب لتركضي ترجعيه
حافظي على جوزك قبل مايطلع على غيرك ولا تنسي انو الرجال هو انسان بحاجة كلمة حلوة ومعاملة طيبة
نور بهي القصة كانت هاملة جوزها بعكس هبة بالقصة الماضية يلي كانت محاصرته بالاهتمام الزايد
والتنتين غلط
دينا دين الوسطيه واتذكري انو جوزك مو حياتك هو شريك حياتك
حياتك مع الله يلي بترضيه برضى جوزك وترباية ولادك
بدي اسأل سؤال بس وياريت الكل يفكر فيه
المسلسللت التركيه من وقت مافاتت على مجتمعاتنا شوقدمتلنا ؟؟؟؟؟؟
واديش مجتمعنا اتأذى منها ومن أفكارها !!!!!!!
وسؤال تاني يلي بتابع مسلسل تركي خمس اجزاء كل جزء 150 حلقة هدول كم ساعة من عمرك ولو خصصتي هل الساعات لشي مفيد اديش كانت تغيرت حياتك ؟؟؟؟؟؟
تمت...
???
بقلم #رنا بارودي.
❀❥━•━━━❥❀(«?») ❀❥━━━•
⊙? *خدمة مملكة
الانوثة للارشاد
الاسري ?⊙
*للأشتراك*? 00201126700285
__________________
? *نحلل النقل بشرط عدم ازالة توقيع الخدمة أو رقم الخدمة*?
? *يمنع الكتابة بالجروب نهائيا الجروب للقراءة فقططططططط*?
•━━━❥❀(«?») ❀❥━━━•
منقول للفائده
اسم الموضوع : زواج زوجي
|
المصدر : الزوج والزواج
