زواج زوجي

ز

زهورالصحراء

New member
إنضم
2016/07/23
المشاركات
17
السلام عليكم ورحمة الله وبركاته
بدخل بالموضوع علي طول بعد صبر20سنه زوج تزوج وطبعا بعد معناه ربي يعلم بها رضيت بالأمر الواقع عشان عيالي وعدني بالعدل
والحين هو بفترة الملكه وقاعد يجهز لزواجه ونا نفسيتي تعبانه أفكر هل رراح بتغير علي بعد الزواج وايش نوع التغيير
وكيف اتعامل معه بهالفتر لحد مايتزوج
ياليت المجربات يفيدوني
 
قربي له اكثر وخليك دلوعه واهتمي بجسمك وانوثتك واهتمي فيه اكثر صدقيني راح يهتم فيك اكثر..
ولو عاندتيه وطنشتيه وهواش ومشاكل راح تحتويه الثانيه وتقعدي مقهوره
صدقيني عن تجربه الرجال حتى لو تزوج يعشق اللي تهتم فيه اكثر
 
انثى مغروره قال:
قربي له اكثر وخليك دلوعه واهتمي بجسمك وانوثتك واهتمي فيه اكثر صدقيني راح يهتم فيك اكثر..
ولو عاندتيه وطنشتيه وهواش ومشاكل راح تحتويه الثانيه وتقعدي مقهوره
صدقيني عن تجربه الرجال حتى لو تزوج يعشق اللي تهتم فيه اكثر
أنقر للتوسيع...


لا والله !!!


تدلع الحينه بعد ماقرر يتزوج ليكون تتحسبينه غبي ماراح يفهم عليها !!


اقلك ياصاحبة الموضوع اكتفي بنفسك وبعيالك وخليكي على طبيعتك


ان كنتي ست بيت شاطرة وحرمة سنعة وواثقة من نفسها


راح ينتهي جدر العسل وتقعدي جنب الحيطة وتسمعي الزيطة


ويرجعلك حبيب القلب شاكيا باكيا مشتاقا ?


أما ان كنتي فوضوية وغير مرتبة ومو واثقة من حالها


وحياتك ووقتك ملخبطين انصحج تعدلين وضعك ووتغيري عشان هو يتغير


بنساعدك اذا عطيتينا بعض من تفاصيل حياتك الزوجية
 
جزاكم الله فعلا كارولينا هم اذكياء و أنا هذي الفتره احاول اضبط انفعالاتي احاول أني مابين حزني والله قلبي يتقطع ماني عارفه إِيش بيصير
 
حياتي لاتخلو من الروتين كوني موظفه بس اهتم فيه احاول أعطيه من من وقتي .
بيتي دايم نظيف ومرتب
 
والي تزوجها يابنات جميله جدا وكل المواصفات الي يتمناه الزوج فيها شوفوا الحض بس
 
للأسف اصرف وأصرف ومعها علي الحلوه والمره وتحملت ديون عشانه بس ماينفع معاهم الطيب حسبي الله ونعم الوكيل
 
زهورالصحراء قال:
للأسف اصرف وأصرف ومعها علي الحلوه والمره وتحملت ديون عشانه بس ماينفع معاهم الطيب حسبي الله ونعم الوكيل
أنقر للتوسيع...



حبيبتي لاتلومين زوجك لما تزوج لومي نفسك



لاعنده ديون ولاشي عنده طل في ويهه


هو يجمع بيزات لليوم هذا


20 سنة زواج فاكيد انتي من جيل الطيبين

عليه العوض ومنه العوض


الله يصبر قلبك



كان عندي شك انه في حياتك كان فيه شي مش مضبوط


فتقبلي الواقع واصبري


واذا ميسوؤة شيلي عيالك وسافري وغيري جو

عشان تنسين همك


غيري البيت .. غيري الاثاث


ولاتركزي مع الواقع الي انفرض عليكي
 
زوجك ماسوى شي مخالف للشرع وماراح بالحرام


حلال محلل والشرع حلل أربعة


لاتقعدين تسوين مشاكل ترى بيكرههك ويهجر عياله



خليكي عاقلة
 
شكرًا علي نصايحكم بس ولا وحده جاوبتني علي سوالي هل يتغير الرجل بعد الزواج وش التغير ياليت الي جربو يردون تعبت من التفكير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل