زميلي في الدوام.................حركاته ما مريحتني

سندريلا زوجي

سندريلا زوجي

New member
إنضم
2008/12/14
المشاركات
536
:sadwalk:مرحبا ​


ما عارفة كيف أطرح المشكلة ​

وهل هي مجرد تهيآت والا أكثر​

ولا عارفة كيف أوقفها!!​

المهم أنا اشتغل ولي زميل مو بنفس المكتب بس نظراته ما مريحة لي غير انه يتصل علي بسالفة وبدون وانا احاول كلمة ورد غطاها مثل ما يقولوا، غير انه لما يعرف اني بالمكتب لوحدي يجي لاي سبب ، وكنت اطنش لان حسيت ان يمكن بس كذا طبعه ، سافرت قبل شهر مهمة عمل الا توصلني رسالة من رقم يسألني فيها عن صحتي والجو وكاتب كان فيها اسمه رديت عليه من باب الاحترام الحمد لله كل شيء تمام...........الظاهر اني غلطت!​

قبل اسبوعين رسل لي رسالة مال يوم الجمعة وانا ما عرفت الرقم ورسلت من معي على بالي وحدة من ربيعاتي ومضيعة رقمها، الا هو يرد انه فلان وطنشته.............​

:surrender:
أمس جا أونه جايبلي موضوع وهو عارف اني وحدي لان زميلتي مستأذنة واصلا في مراسل هو شغلته يوصل المواضيع، جا واعطاني الموضوع وكان يريد يسولف بس انا كنت اطالع عالكمبيوتر وبينت له اني مو فاضية ومشغولة.....بعد ما طلع الا وتوصلني رسالة من هذا محتواها
ما أباح الورد سرا للفراشة كي تقابله صباحا ومساء
انما في الورد شيء يجذب الأرواح عمدا دون جهد أو عناء!!!!!
:sad_1:​

يا جماعة خبروووني شو اسوي..؟؟ يا جماعة انا متزوجة وعلاقتي بزوجي من أروع العلاقات الزوجية حب واحترام ما اريد واحد سخيف تافه يخرب علي حب حياتي واستقراري الاسري، يعني كل مرة بيتمادى زيادة !!​

هل اطنش؟
:schmoll:​

شو اسوي؟؟​

ما اريد اخبر زوجي لانه اعرفه بيتضايق !!!​

:thumbdown:
دلوني شو التصرف الصح؟​

المصيبة طريقته غير مباشرة ومدروسة يعني ما هي وجه بوجه عشان اشرشحه!!!​

هل احسن شيء اسوي نفسي صم بكم عمي!!!!​

لا تبخلوا علي​

وادعوا لي الله يبعد عني ولاد الحرام​

​
 
حبيبتي وقفيه عند حده
واذا اهو ماعنده شغل بمكتبكم قولي له لو سمحت انت ماله اي داعي دخولك بهالمكتب
ولو سمحت لا تطرش اي مسج لان انتي وحده متزوجه
واذا شفتيه مصخها
لازم تقولين حق زوجج عشان لا سمح الله في المستقبل لو صار شي يكون عنده خبر منج مو من احد ثاني
عشان لا يفقد الثقه فيج
يتضايق بالبدايه بس بعدين راح يقدر وتكبرين بعينه انج واثقه بنفسج وما عندج شي تخشينه عليه
 
روحي احسن لزوجك وقوليله انا ماقدر اخبي عنك شي وانت مسئول عني بعد الله سبحانه وخبريه انه لايتهور لواحد مايستاهل وقليل ادب وياخذ الامور بحكمه والله يوفقك ويسعدك بحياتك ^_^
 
بس ما عارفة كيف أخبره
يعني الموضوع كله مو بواضح

غير الرسالة

ايش اقول لزوجي زميلي رسلي هذي؟


كيف؟!!!!!
 
ياقلبي اذا زارك بالمكتب
مثل هالزيارات السخيفه
خليك زي الصنم :icon-mos:
لاتشوفين ولاتسمعين ولاتتكلمين
يعني ماكأنك اتأثرتي بااهتمامه ولا شي
واذا كلمك ردي عليه بقوووه خليه ينفر عنك :busted_red:
(خليه يحس انك رجل :santa_1:مو حرمه )
واذا ارسل سوي نفسك ماقريتي الرساله ولا شي :fish:
وانتبهي يحس انك حاسه يبي يزود
اهتمام زياده وحركاته الماصخه
:blow:
طبعا هاذا كله لأن الين الحين مو ماسكه عليه شي
اذا مسكتي عليه شي او صرح بحركاته خلاص هنا شرشحيه
وخليه يفشل من نفسه :sad_1:

اما من ناحية زوجك
انتي اخبر فيه يعني اذا تحسين
انه متفهم :detective2:ويبي ياخذ الموضوع
ويبي يساعدك مو يزيدها ظغط عليك قوليله ودخليه في الصوره :icon30:
اما اذا زوجك من الناس الي مجرد مايصير لزوجته
زي هالشي يبي يظغط عليكي :busted_red:
وكأنك انتي الي جايبه هالشي لنفسك
خليه بعيد احسن عن الموضوع
وحليها بطريقتك
:showoff:
والله يسخر لك زوجك ويصير مايشوف غيرك ان شاء الله
الله يوفقك ويسعدك
:icon26:
​
 
طبعا وأنا صافة صور أولادي عالمكتب يوقبل كمين شهر كنت حامل..................!!
 
سندريلا زوجي قال:
بس ما عارفة كيف أخبره
أنقر للتوسيع...
سندريلا زوجي قال:
يعني الموضوع كله مو بواضح

غير الرسالة

ايش اقول لزوجي زميلي رسلي هذي؟


كيف؟!!!!!
أنقر للتوسيع...


خلاص انتي تقولين موب واضح
لاتقولين لزوجك تخلينه يشك :sad_1:
ويفكر تفكيرات سلبيه :surrender:انتي بغنى عنها
انتي انسي الرساله الحين الين مايصير شي كايد ودليل
اكيد لاتقولين لزوجك بعدين تخلين الشيطان يلعب براسه :tears:


بس تصدقين احترت تمسحين الرساله ولا لا
انا لو بمكانك
مسحة الرساله ونسيت السالفه وبديت اعالجه
بنفسي
زي الطريقه الي قلتلك فوووق
بس خايفه تحتاجين الرساله بعدين كادليل :schmoll:
بس انت تقولين غلطة :thumbdown: ورجعت رديتي عليه بمسج
من باب الاحترام:sadwalk: !!!!


انا ارشح انك تمسحين الرساله
وانتظري وشوووفي ردود البنات
يمكن عندهم طرق افضل من طريقتي
:icon26:
والله يسهل امرك وينصرك ​
 
هو رسل ثلاث رسايل مسحت الثنتين الأولانيتين من قبل لانهم كانوا عاديات حتى اللي كان يسأل وانا مسافرة لاني في البداية افتكرتها عادية!


بس الأخيرة اللي واضحه ان فيها غزل مخلتنها وعلى فكرة انا ما مخزنة اسمه يعني رقم بس
 
بالعكس هاوشيه على المسج قولي خير ياطير ترسل هالمسج ؟؟

انا انسانه متزوجه ورجاءا احترم نفسك لان زوجي مايرضى بهالشي

.
.


وبيني وبينك لو انا مكانك اقول لزوجي لاني احب هالمواقف وهو يغير علي خخخخخخخخخخخخخخخخخخ

يمكن زوجك يلعب بذيله وتنبهينه انتي اذا علمتيه
 
حبيباتي نسيت أقولكم اني رسلت راسله له بعد ما رسل بس عشان اتأكد ان هو لاني ما كنت متأكد رسل بس كلمة (من؟)

رد على ( غلطان آسف) وكذا تأكدت انه هو


يا ربي أكره هالشعور....................................كروووووووووووووووووووووب
 
شوفي اختي

لا تلفي ولا تدوري في حل الموضوع

الموضوع هذا مو سهل

الحل الوحيد المواجهه

تكلمي مع هذا الشخص ...ولكن باحترام

قولي ليه ...رجاء ...انا ما احب احد (رجل) يدخل علي مكتبي اذا كانت زميلتي مو موجوده

ولا احب استقبل رسائل من احد مهما كانت هذه الرسالة

قولي له ...واتمنى اني استطعت ان ابين وجة نظري

واتمنى ان لا يتكرر هذا التصرف

واذا شفتي ما في فايدة

كلمي مثلا مديرك في العمل

لكن زوجك ...في هذه المرحلة ما انصحك تكلمية لانك راح تشوشي عليه وتخلية يقلق عليك
 
آسفة عالأخطاء الإملائية

حبيباتي نسيت أقولكم اني رسلت رساله له بعد ما رسل بس عشان اتأكد ان هو لاني ما كنت متأكدة رسلت بس كلمة (من؟)

رد على ( غلطان آسف) وكذا تأكدت انه هو


​
 
طبعا ياقمر خبري زوجك فورا..
والرساله وحدها تكفي ...
اصلا الرساله فيها ابيات غزل راقي ومعناها رقيق جدا...
مش من حق احد يرسلها لك غير زوجك بس
نصيحه خبري زوجك..
وبعدين ماهو محرم لك او من اهلك علشان يتصل عليكي وانت مسافره حتى لو للاطمئنان..
لاتجعليه يتمادى...
 
اهم شي يالغالية انتبهي تردين عليه باي مسج لأنه من الممكن يحتفظ بها ويهددك بعدين! واذا جاك رقم غريب لا تردين عليه~ وأهم شي حافظي على حجابك ولا تتزينين او تتعطرين ~ ولا تجاملينه ابد هذي النوعيات ما تنعطى وجه لنه صدقيني بيسعى لين يحصل مراده ~ الله يحفظك من هؤلاء الذئاب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل