زعل عليه..بلغلط

[full moon]

السلام عليكم ورحمة الله وبركاته..
ريلي زعل عليه وااايد شوه اسوي انا الغلطانه البارحه شفت فلم وفيه الزميره يوم تبى ريلها ماكان يعطيها ويه وشفت حركه شدت انتباهي يوم هيه حطت يدها على يده هوه على طول كبت عيدها وقال انا تعبان .... اذكرت موقف يوم حطيت يديه على يد زوجي كبت عيديه وقال انا تعبان... ماكان قصدي شي قبل مارقد خبرت ريلي والله انه ماكان عبالي شي بيستوييييي:surrender: بعدين سكت هوه ورد مغتاظ وقالي انتي تشبهيني بواحد بارد !!!!
ولين احين معصب عليه قالي بارتاح يوم باشوف وحده اشبهها عليج... تميت مغتصه لأنه فهمني غلط
قلتله انه ماكان قصدي اغايظه او اني انغزه بكلامي والله انه مش عبالي اسوي مغايظ معاه انا احبه وهوه يعني عادي معايه :blushing:
بس ماعرف كيف اكسب رضاه مره ثانيه احس انه بيسوي شي باندم عليه ....:tears:
ساعدوني..

 

[*ام دودي*]

قوي شخصيتك ولا تهتمي لانه موضوع مايستحق الزعل بس شكلك مدلعته شويتين وخذي الموضوع ببرود وهو حيرضى نفسه والله اعلم

 

[تحيه للعلم]

غلطانه يامون الله يهداج شوفي حياتي بقول لج شي عشان تعيشين حياتج صح مع ريلج لا تذكرين

له مواقف حساسه مثل هذي سواءا شفتي مشهد مشابه او مجرد تذكرتي خلاص انسي انتي

وشطارتج عاد تغيرين من حياتكم بالحركاات والدلع واللبس والاغراءات اذا بنظل بس نذكر مساويء

الازواج ماراح نخلص ولا راح تصفى النفووس الشي اللي مايعجبج اسفهيه هذا سلوك منه ولا يهمج

لكن بالمقابل لو شفتي سلوك حلو منه شجعيه عليه عشان تقل عنده السلوكيات الغير مرغوبه منه

حاليا حاولي تتقربين له بلبس او بحركه ملفته او بعشا حلو وحبيه على راسه لو فتح الموضوع

قولي حقك علي مالي غناتن عنك.......

عليج بالدعااء والزمي الاستغفااااااااااار كثري منه وتصدقي يوميا لو بالقليل

تقبلي مروري

 

[ZOOOm2008]

السياسه حلوه بكل المعاني وأجمل معنى لها أن تكوني الدبلوماسيه الأولى في وزارة زوجك ولا يوجد بسياسة المرأه كلمة مستحيل الحلول كثيره والإعتذار الرقيق أولها وأخرها

 

[ملكة ببلقيس]

الله يهديه

 

[مرت ريلها]

لا تعليق بصراحه

 

[full moon]

مشكوره خواتي على المرور بس نسيت اقول قطعت نفسي على الإعتذار بس هوه يريد يزعل مايصدق شي يصير ويجلبه فوقي ماكفاه انه زعلان وبس خبر خواته.... شوه اسوي لاحظت يدخل خواته وامه في مشاكلنا .. ويجلب السالفه عليه وييب سوالف مال اول يوم كنت اسوي غلط وطبعن اصححه بس مايذكره بس الأشياء السلبيه