زعل بيني وبين خطيبي على اتفه الاسباب :(

[فتاه بريئه]

السلام عليكم ورحمة الله وبركاته .....

انا مشتركه جديدهـ في المنتدى كنت ادخل قبل واشوف المواضيع وردودكم عليها

وقررت اشترك علشان تساعدوني في حل مشكلتي ...

انا مملكه لي 6 شهور وعلاقتي في خطيبي الحمدلله كويسه وباقي على زواجنا

شهر ونص تقريبا .. انا في الشرقيه وهوا في الرياض ويروح الاسبوع كله


ومايجي الا يوم الخميس والجمعه .. وبما انه الزواج قرب اخذ شقه


ويبي يأثثها وطبعا انا ماقدر اروح معاه علشان نختار الاثاث مع

بعض على حسب العادات والتقاليد وجاب كتلوج كله اثاث غرف

نووم وصور بالجوال

بس ماعجبني شي لاني انا اميل للالوان الفاتحه واهوا يميل

للالوان الداكنه واحس في اختلاف في الذووق وهو متضايق

من هالشغله من كثر ماهو متضايق من هالسالفه سولف مع خطيب اختي وقاله وجت قالت لي وانحرجت

.. ماعلينا نجي للمشكله بالضبط

البارح كنت طالعه معاه نتمشى وانا متضايقه شوي واهو

يبي يسولف ويضحك وانا ساكته طول الوقت يكلمني

ارد على قد السؤال والله ماكان قصدي بس متضايقه

واهو مايحس فيني شاف معطيته وجه سكت وحسيته تضايق شوي

المهم .. مرينا على محل اثاث وقالي

يلا ننزل نتفرج عليهم انا كنت مصدعه ومالي خلق ورفضت

وقف قدام المحل وقال يلا انزلي انا مارضيت قال اوكي

انا بنزل لوحدي راح تفرج عليهم ورجع بعدها ضل ساكت

وانا نفس الشي وبعدها دخلنا مطعم علشان نتعشى

تجاهلنا الموضوع بس احس انه شايل على خاطره مني

يعني مر الوقت والوضع جدا طبيعي بس احس في زعل

طلعنا من المطعم عطاني علك فتحت العلكه وحطيت

الكيس حقته بمكان في باب السياره لانه مافي جنبي

زباله ولكم الكرامه قالي على شكل مزح الظاهر بعد الزواج

انا الي بنظف وراك عاد انا قلت عيب هالكلمه في حقي

قال اوكي اوكي اسفين كنت امزح مع اني قلت له من قبل

مااحب المزح الثقيل وبس بقى ساكت لما وصلني للبيت و

انا رسلت له رساله كتبت فيها نوم العوافي لانه بينام

ومارد وفي الصباح صبحت عليه برساله ومارد وهو متعود

يرد على رسايلي يعني زعلان واحس كله نزعل على بعض

بدون اسباب يعني على اتفه الاسباب والله تعبت

مايمر اسبوع الا بزعله ودي تعطوني حل اذا ماعليكم

امر وتساعدوني كيف اراضيه لاني قلت لآمي وخواتي عن المشكله

كلهم طلعوني انا الغلطانه انتظر ردودكم بفارغ الصبر .....

 

[قل قسم]

يعني واضح ان اسلوبك تنفير يعني وش المشكله في الاثاث اتفقي معه ان البيت يكون فيه الوان فاتحه والوان غامقه مثل ماتحبين وهو يحب وبعدين قالك انزلي نتفرج وشهوله مانزلتي <<<راسي صاكني
اجل الرجال جايك من الرياض يمشيك وانتي تزعلين



واذا على سالفة العلكه ماحس كلمته فيها شي ممكن تردين بمزح مثله او تقولين ايه الله يعينك علي تستفزينه بضحك او اي شي ثاني مو تقلبين السالفه جد وقلة احترام ومزح ثقيل ممكن حتى تقولين اي والله توقع الا متوقع واضحكي ولا قولي ماعليش ماانتبهت كنت ساهيه
بعدين مافيه زباله واصلن كنت بنزلهم معي لما انزل ياحبك التدقيق ويمر الموضوع بسهاله

ومالومه لو مارد عليك لانك تغلطين ولا توضحين وتخلين الامور تتكوم على بعض الحد ماخلاص مايقدر يستحملها واحسه عايش هالوضع

فاانتي دقي عليه وقولي له ماعليش ياعمري انا عارفه اني استفزيتك بس كانت نفسيتي تعبانه شوي
وانت مو مقصر معي وعرفت انك متضايق مني لما مارديت على رسايلي
وفهميه وجة نظرك بطريقه حلوه واذا على سالفة الاثاث حطي انتي الالوان الي تعجبك في مكان وهو الاالوان الي تعجبه في مكان ثاني واذا مثلا رفض مو لازم خليه يقلب البيت غابه كيفه يعني لاتوقفين عند هالامور

المهم لاتنسين تدقين وتتكلمين معه وتعتذرين على تصرفك

موفقه

 

[فتاه بريئه]

مشكوره ..خيتو على ردك >> عجبني كلامك

وانا عارفه اني غلطانه واني استفزيته بأسلوبي

بس ماسويت كذا الا لاني متضايقه

وانشاء الله بدق عليه واراضيه

يعطيك الف عافيه

 

[لين الهويملي]

قلبي لا تخربين على نفسك ايااااااااااااام الملكه اهم شي الملكه هي الي اياااااااامها حلوه بعدين بتذكرين كلها والله يهديك انتي الغلطانه لو كنتي مضااااااااايقه لا تبني له تعذري له ولا تكثرين الزعل الله يوفقك اختك لين

 

[فتاه بريئه]

يعطيك العافيه اختي ليونه

ويارب الجايات بيني وبينه

تكون احسن من كذا *_*

ومشكورهـ على ردك الحلو

 

[فتاه بريئه]

يعطيك العافيه اختي ليونه

ويارب الجايات بيني وبينه

تكون احسن من كذا *_*

ومشكورهـ على ردك الحلو


واتمنى تزيدوني بالردود :$

 

[أم البيان]

ياهلا ببنت الشرقيه اناساكنه الشرقيه بس ماني من اهلها
اسمعي ياحبيبتي انابنصحك كانك بنت من بناتي والله مايسوى انك تضيعي احلا
ايام عمرك حتى لو انك متضايقه هونيهاوتهون حرام يقطع مشوار عشان يشوفك
وينبسط معك وانت تقلبيها عليه نكد
انابقولك طريقه لشراء الاثاث روحي انت واهلك للمحلات اللي في الشرقيه واختاري
اللي يعجبك بعدين اعطي خطيبك رقم الموديل ويشتري من فرع الرياض
أولما يجي هوروحي معه وممكن تروحي مع اهلك اخر الاسبوع الرياض وتجهزي بيتك
خليك زوجه ودودعؤدالى زوجهااتصلي عليه واعتذري وعوضيه بخرجه حلوه وفرفشه
وانبسطي ترى الدنيا ماتسوى
والف مبروك الله يسعدكم ويرزقكم الذريه الصالحه ويجعله قرة عين لك ويجعلك قرة عين له

 

[فتاه بريئه]

مشكورهـ حبيبتي ام بيان

المشكله ماقدر اروح معه الرياض

حتى اهلي مايقدرون .. بس فكرة

نختار من هنا ونعطيه الرقم للرياض

يعطيك الف عافيه ويخليلك بيونه

وانشاء الله بسوي الي قلتي لي

 

[cuteSusu]

الاخوت ما قصروا في الردود
وانتي ان شاء الله بترضي زوجك
لكن ملا حظة بسيطة
شفتك كتبتي
حكيتي امي واخواتك عن المشكلة
الله يرشى عليكي انتبهي
بلاش تحكيهم الي بينك وبين خطيبك او زوجك
لا تسوي مثلي كنت احكيهم وننبسط
بس والله كرهوا زوجي وابدا
ماني قادرة احسن العلاقات
المرة هذي عدت على خير لانك انتي الغالطانة
بس لو كان هو الغلطان !!!!!!!!!
انتي رح تنسي وتتسامحي مع زوجك
والناس ماتنسى
اتذكري كلامي
ودراي على شمعتك تقيد

الله يوفقك​

 

[golden-eye]

الاخوات ماقصروا ماشاء الله

وياقلبي ايام الملكة احلى ايام .. لا تخليها زعل ونكد

ترا الرجال يملون بسهولة من الحرمة النكدية والزعولة

وانتِ باين عليك حساسة وزعولة... خليك فري يا قلبي ولا تسوي مشكلة من اي شئ او اي كلمة!

خذي الموضوع ببساطة..

وانتبهي ثم انتبهي تحكين اي شئ بينك وبين زوجك لامك او لاختك او لصديقتك

اللي بينك وبينه لازم يظل سر بينكم مهما كان.~!

الحياة الزوجية سواء بالملكة او وقت الزواج , يجب ان تكون حياة لها قدسيتها ومكانتها بينكم وتمنعوا انفسكم من التحدث عنها لاحد, لان ممكن الاشخاص ينصحونكم باشياء تسبب لكم مشاكل اكثر!

الله يسعدك ويتمم لك امورك على خير,​

 

[مطرية]

عزيزتى

مثل ماتفضلو الاخوات

انتى غلطانه حاولى تهدى الوضع بيناتكمـ

وتنتبهى لتصرفاتك معاه

 

[فتاه بريئه]

يعطيكم الف الف عافيه على ردودكم

والله اني انبسطت بعد ماشفتها

.... بس اذا على امي وخواتي قلت

لهم لاني كنت مقهوره ومتضايقه

سئلوني وشفيك في البدايه

ماحبيت اقول بس اصروو علي

..وو.شاكره لكم تفاعلكم معي