ريحوني الله يريحكم ياحوامل !!

[أميرة عبادي]

صباح الخير /مساء الخير ..
الله يخليكم اللي تقدر تفيديني تجاوبني لان التفكير ذبحني :frown:..
أنا في الشهر الخامس وسويت تصوير وقالتلي الدكتورة انو موية البيبي قليلة بس ماقالتلي كم!! وصرفتلي اسبرين وقالتلي اراجعها بعد اسبوعين ..
المهم سويت بحث بقوقل عن الموية وليتني ماسويت:tears:..
عرفت اهمية المويه للجنين وعرفت ايش الاسباب اللي تخلي المويه تنقص !!
خلاصة بحثي انو اللي جاتهم هذي الحالة بدري زي حالتي البيبي ماعاش او تسبب بنقصان النمو عنده او تشوه في اطرافه لان حركته حتكون قليلة ..
وانا مرررررررره خايفه وابغى وحده تكون مرت بنفس حالتي وتكون جابت بيبي سليم عشان تطمني ..
او جربت شي وفادها ..
الله يرزقكم باولاد سلمين ويسهل ولادة كل حامل يااارب ..
طمنوني الله يخليكم..

 

[ام جومانا]

سمعت ان الي يزيد مويةالجنين شرب ماءزمزم بس يكون اصلي لانهم صارو يغشون فيةوكثري ون ادعاوالصدقةوالاستغفاروانشاالله تولدين وتقومين بالسلامةويرزقك بمولودمعافى وبصحةجيدة:11:

 

[مـــلاكـ]

اللي اعرفه نقص المويه اذاكانت من بدري اشربي موية زمزم واقري ع نفسك واشربي عصير عنب
وان شاءالله ربي بيطمنك
طيب سؤال اهم من اول حملك قايلينلك والا بس شي صار بهالشهر ؟
يعني كان كل شي سليم؟

 

[أميرة عبادي]

أم جومانا ,ملاك ..
الله يسعدكم ويريحكم اميييييين ..

طيب سؤال اهم من اول حملك قايلينلك والا بس شي صار بهالشهر ؟

لا الحمد الله كل شي كان تمام اخر مراجعة لي قالتلي..
طمنيني الله يطمنك..

 

[مضيعة بسطتي]

الله يطمن قلبك علة البيبي وتشوفينه على خير وتبشرينا فيه

 

[مناووووووي]

انا ماازيد ع كلام البنات لأني سمعت ان الزمزم يزيد موية الجنين
والله يطمنك ووتولدين بالسلامه

 

[السنيوره المرحه]

لا انشاء الله خير انا بحملي الثاني قالو لي مثلكي المويه قليله حول الجنين والله الحمدلله انجبت طفله سليمه ومعافاه والحمدلله وانتي لاتخافين انشاء الله خير تولدين بسلامه

 

[مـــلاكـ]

لا ان شاءالله تطمني اعرف وحده كذا المويه قليله وولدوها اول التاسع لأنهم خافو ع الجنين وجابت ماشاءالله ولد يجنن ماشاءالله مافيه الا العافيه
الله يفرحك بشوفته ويفرحني بشوفت اللي فبطني سليم يارب
وعليك بموية زمزم نصييييييييييييحه

 

[شذى العبير2]

الله يسهل عليكي يالغلا وما قدامك الا العافيه


ما حبيت ادخل واطلع بدون ما ارد عليكي


وطمنينا الله يطمن بالك حبيبتي

 

[الجواااان]

الله يطمن قلبك ويرزقني وكل محرومه

 

[مذوبه الورد]

لاتخاااااااافي ياااحيااتي وتوكلي على الله ومثل ماقالو لك البنات
الدعااء ومويه زمزم وربي يقويك وتشوفي البيبي قدامك يااارب سليم و معاافى

 

[البارونا]

هالشئ حصل لي وكنت وقتها حامل ببنتي في الشه ر الثامن وقال الدكتور ان الولاده مبكره في اول التاسع بسبب قل الماء ونصحني بالاكثار من السوائل وولدت في وقتي المحدد بنوته شقيه الله يحفظها

وفي حملي الثاني كان الماء قليل بس في الشهر الثاني وطبعا صار لي اجهاض وربي عوضني ولله الحمد
اكثري من شرب السوائل والراحه التامه وباذن الله يتم حملك وتفرحي بشوفه البيبي في احضانك دعواتك لي

 

[أميرة عبادي]

مضيعة بسطتي,مناووووي,السنيوره المرحه,ملاك,شذى العبير2,الجوااان,مذوبه الورد ,البارونا..
الله يسعدكم يارب طمنتوني وان شاء الله المويه زمزم ماراح تفارق يدي بس ادعولي..
أنا اللي خوفني انو لسا بدري وفي ناس قالولي انو اذا قلت المويه اكثر يمكن البيبي مايعيش ..
بس ان شاء من هنا لين المراجعة راح أكثر مويه زمزم ..